21:00 26.08.2022
Գյումրիի «Մտորումների թատրոնը» օգոստոսի 27-ին բացում է նոր թատերաշրջանը՝ նոր ներկայացումով։ Բեմադրությունը գյումրեցի ժամանակակից գրող Լիլիթ Մկրտչյանի «Մայլից մայլա» պատմվածքների ժողովածուի հիման վրա է։
Երեկոյան գյումրվա հայաթներում հարևաններով հավաքվելը, խոսք ու զրույցի բռնվելն ու օրվա կարևոր անցուդարձը քննարկելը հին ավանդույթներից մեկն էր։ Հիմա այս միջավայրն է վերականգնված «Մտորումների թատրոն»-ի նոր ներկայացման մեջ։ Գործողությունները ծավալվում են բակում։ Մի կտոր հաց կիսելու ընթացքում հարևաններով հիշում են քաղաքի հայտնի արհեստավորներին, պատմում ու խմում գյումրեցի բոլոր վարպետների կենացը։
Հայտնի է, որ գյումրեցիները մարդուն մականուն կնքելու յուրօրինակ տաղանդ ունեն։ Նայում են մարդու արտաքինին, շարժ ու ձևին, գործին ու այնպիսի մի մականուն են կնքում, որն ամբողջ կյանքի ընթացքում ուղեկցում է մարդուն և հենց դրանով դառնում ճանաչված։ «Մայլից մայլա» ներկայացման մեջ այդպիսի հայտնի արհեստավորների մասին են պատմությունները, հորինված ու բերնեբերան փոխանցված երգերը։
«Հիմնական կերպարներն ասեմ, որ բոլորը հորինված են, ես ոչ մեկին չգիտեմ, նրանց անձնական կյանքին տեղյակ չեմ։ Բայց շատ-շատ եմ լսում ընթերցողներից, որ ասում են, թե մենք էս մարդուն ճանաչել ենք, մենք էս պատմություններին ծանոթ ենք, նման բան մեր հարևանի հետ է կատարվել, բայց պատմվածքների բոլոր հերոսները հորինված կերպարներ են»,- ասում «Մայլից մայլա» պատմվածքների ժողովածուի հեղինակ Լիլիթ Մկրտչյանը։
Լիլիթի «Մայլից մայլա»-ի պատվածքները գրվել են Արցախում՝ Շուշի քաղաքում, այդ ժամանակ Լիլիթն այնտեղ էր ապրում, աշխատում էր Շուշիի պետական տիկնիկային թատրոնում։ Գյումրվա բարբառով, համ ու հոտով պատմվածքներում իր կարոտն է արտահայտել։
«Սա շատ պայծառ երևակայության արդյունք է, ես էդ երևակայության արդյունքը ցանկացա բեմական տարածքում տեսնել, որովհետև մենք հիմա խեղաթյուրել ենք գյումրվա բարբառը, ամեն ինչ խեղաթյուրված է, բայց Լիլիթի մոտ մաքուր է, լեզուն մաքուր է, Գյումրվա բարբառը մաքուր է, և ես ընդամենը ցանկացա վերադարձնել նաև Գյումրվա հումորը»,- ասում է Գյումրիի «Մտորումների թատրոնի» գեղարվեստական ղեկավար, ՀՀ վաստակավոր արտիստ Հովհաննես Հովհաննիսյանը։
Հայաստանի վաստակավոր արտիստ, ռեժիսոր Հովհաննես Հովհանիսյանը նշում է՝ այս ներկայացումով հասարակ արհեստավոր գյումրեցու կերպարներին ճանաչելու հնարավորություն պետք է տալ։ Վարպետների մասին պատմություններից բացի, գյումրեցուն բնորոշ հումորն ու կատակներն են, նաև սովորույթները, որոնցից շատերը պահպանվել են առ այսօր։
«Մայլից մայլա»-ն դառնալու է «Մտորումների թատրոն»-ի խաղացանկի մշտական ներկայացումը։ Այն կարևոր միջավայում հանդիսատեսի համար դերասանների հետ ինտերակտիվ շփման հնարավորություն կստեղծի։ Առաջիկայում իր ձևաչափով տարբերվող թատրոնը կբեմադրի նաև «Մայլից մայլա» պատմվածքների երկրորդ ներկայացումը։
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
