20:51 25.08.2022
Գյումրիի քաղաքապետարանում առաջիկայում կգործարկվի քաղաքացիների դիմումներին SMS հաղորդագրությամբ պատասխանելու ձևաչափը: Ծրագիրը մոտ մեկ ամիս է փորձարկման փուլում է։
«Տարվա կտրվածքով՝ մոտավոր, ուղարկում ենք 9-10 հազար նամակներ փոստային ծառայության միջոցով։ Էս ծրագիրը ներդնելուց հետո ինձ թվում է մի քանի միլիոն տնտեսում կունենանք, սա ավելի մատչելի տարբերակ է»,- նշում է Գյումրիի քաղաքապետարանի աշխատակազմի քարտուղարության բաժնի պետ Աննա Մեքինյանը։
Մատչելի տարբերակը SMS մոբայլ ծրագիրն է, որը փորձարկման փուլում է։ Նոր ծրագրի միջոցով քաղաքացիները ոչ միայն կստանան իրենց դիմումների պատասխանների մասին տեղեկատվություն, այլև քաղաքապետարանը բնակիչներին կիրազեկի ունեցած պարտքերի, չկատարած այլ պարտավորությունների և դրանց վերջնաժամկետների մասին:
Ծրագիրն ունի նաև հաղորդագրության ընթացքին հետևելու հնարավորություն, ինչը թույլ է տալիս վերահսկել՝ արդյո՞ք քաղաքացին ստացել է հաղորդագրությունը, թե՞ ոչ:
«Օրինակ՝ քարտուղարության բաժնից դիմում ենք ստացել քաղաքացուց տարածք տրամադրելու խնդրանքով։ Քաղաքապետարանը դրական պատասխան է տվել, հիմա SMS հաղորդագրության միջոցով քաղաքացուն կտրամադրենք տեղեկատվություն, որ իր խնդրանքը բավարարված է։ Ուղարկելուց հետո մեզ մոտ ցույց է տալիս՝ հաղորդագրությունը քաղաքացուն հասել է, թե՞ ոչ։ Եթե կանաչ գույնի նշան է հայտնվում, ուրեմն քաղաքացին ստացել է SMS-ը, իսկ եթե դաշտը կարմիր գույնի է, ուրեմն կա՛մ SMS-ը տեղ չի հասել, կա՛մ հեռախոսահամարը գտնվում է ռադիոծածկույթից դուրս»,- պարզաբանում է Գյումրիի քաղաքապետարանի աշխատակազմի քարտուղարության բաժնի աշխատակից Արմինե Շուխյանը։
SMS ծանուցման կամ դիմումների պատասխանը հաղորդագրության միջոցով ուղարկելու համակարգին անցում կկատարեն աստիճանաբար: Մոտ մեկ ամսից արդեն գույքահարկի վճարման ժամկետների, կուտակված պարտքերի մասին հաղորդագրություններ կստանան նաև բոլոր գյումրեցի վարորդները, ինչը կօգնի խուսափել նաև գույքահարկը չվճարելու դեպքում կիրառվող տուգանքներից:
Արդյունավետ աշխատանքի դեպքում համակարգը կներդրվի նաև քաղաքապետարանի մյուս բաժիններում: Ֆինանսական միջոցներ խնայելուց բացի, տեխնոլոգիական լուծումները կօգնեն խնայել քաղաքացիների ժամանակը, կրճատել թղթատարությունը, նամակների փոխանցման ձգձգումները, որոնք շատ հաճախ կորչում են ճանապարհին ու չեն հասնում հասցեատիրոջը։
21:26 03.04.2025
«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչԻտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...
21:10 03.04.2025
Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմՆովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...
20:51 03.04.2025
Էլեկտրաէներգիայի պլանային անջատումներ կլինեն«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...
20:19 03.04.2025
Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ըԱպրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...
19:54 03.04.2025
Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել էԱրագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...
