Գյումրիի մի շարք դպրոցներում առաջին դասարանցիների առցանց հայտագրումն ավարտված չէ․ Շիրակի մարզում առաջին դասարանցիների  կանխատեսվող թիվ է նշվում  – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
03 04 2025
  • $
    391.32
  • RUBLE
    4.67
  • 432.53
WEATHER
+13.09 oC

 Գյումրիի մի շարք դպրոցներում առաջին դասարանցիների առցանց հայտագրումն ավարտված չէ․ Շիրակի մարզում առաջին դասարանցիների  կանխատեսվող թիվ է նշվում 

19:08 24.08.2022

Ուսուցչական կազմի համար ամառային արձակուրդներն արդեն ավարտված են, նոր ուսումնական տարվա մեկնարկի տրամադրություն է։ Սկսել են դասասենյակների վերադասավորումներն ու վերանորոգման աշխատանքները։ Գյումրիի հիմնական դպրոցներից մեկում՝ թիվ 15-ում առաջին դասարանցիների համար 2 դասասենյակ են պատրաստել՝ նախորդ տարվա նման։ Այս ուսումնական տարում կունենան գրեթե նույն թվակազմով առաջն դասարանցի, ինչ նախորդին էր։ Արդյունքում առաջին դասարանցիների սահմանային թիվը դեռ չի լրացվել։

«Այս պահին դպրոցն ունի 63 սահմանային տեղ, 37 առաջին դասարանցի արդեն հայտագրվել է, 6-ն էլ ընթացքի մեջ է՝ փաստաթղթերն են կարգավորում, սպասում ենք, որ մոտակա օրերին կգան։ Նախորդ տարիների համեմատ աշակերտների թիվը նվազում է։ Պատճառն այն է, որ դպրոցը թաղամասային է ու մրցակից դպրոցներ տարածքում մի քանի հատ կան, դրա համար էլ թաղամասային դպրոցները մեծ մասամբ այդ խնդիրն ունենում են»,- ասում է Գյումրիի թիվ 15 հիմնական դպրոցի փոխտնօրեն Քնարիկ Ադամյանը։

Դպրոցի շենքային պայմանները թույլ են տալիս կազմավորել 3 առաջին դասարան, նաև լիցենզիայով սահմանած տեղերի թիվն է այդ հնարավորությունը տալիս, բայց վերջին տարիներին աշակերտների թիվ է նվազում։ Սեփական տներով շրջապատված դպրոց է, հիմնական կոնտինգենտը՝ կայուն։ Բայց նախկինում տնակներ էլ կային, որոնց բնակիչները տուն են ստացել ու տեղափոխվել են թաղամասից։ Արդյունքում, ընդհանուր աշակերտության թիվ է պակասել։

Դպրոցներում առաջին դասարանցիների հայտագրման օնլայն հարթակը, որը գործում է հունիսի 21-ից, դեռ բաց է և մինչև սեպտեմբերի 5-ը առաջին դասարանցիների ընդունելությունը կշարունակվի այն դպրոցներում , որոնք չեն լրացրել հայտագրված տեղերի քանակը։ Բայց կան դպրոցներ, որոնց համար առցանց ընդունելությունների հարթակն արդեն փակ է։

Կան դպրոցներ, որոնց համար առցանց ընդունելությունների հարթակն արդեն փակ է։ Թիվ 11 հիմնական դպրոցում այն դեռ 2 ամիս առաջ է փակ համարվել։ Դպրոցի սահմանային 160 տեղերը լրացել են հայտագրման առաջին փուլով։ Նոր ուսումնական տարում 6 առաջին դասարան կձևավորվի։

«Արդեն 3-րդ տարին է, որ մեր սահմանային 160 տեղերը շատ արագ լրացվում են հայտագրման առաջին օրերին։ Շատ ծնողներ են դիմում, որ տեղեր ավելացնեն, բայց դպրոցում հիմա արդեն դասասենյակների խնդիր ունենք։ Անցած տարի, օրինակ, 4 իններորդ դասարան ավարտեց դպրոցը, բայց փոխարենը 6 առաջին դասարան ենք բացում, արդյունքում՝ մեր դասասենյակների թիվը պակասում է»,- ասում է Գյումրիի թիվ 11 հիմնական դպրոցի տնօրեն Արմենուհի Գրիգորյանը։

Խիտ բնակեցված Անի թաղամասում գտնվող երեք հիմնական դպրոցները իրենց մեծությամբ և աշակերտության թվով չեն զիջում միմյանց։ Աշակերտ-թվի համալրումները միշտ արագ են ստացվում։ Թիվ 11-ը համարվելով Գյումրիի համեմատաբար մեծ դպրոցներից մեկը, նոր ուսումնական տարում կունենա ընդհանուր 1200 աշակերտ։ Նախկինում առաջին դասարանցիների սահմանային տեղերի քանակը 116 էր, այժմ 160-ն է։ Սահմանված տեղերի քանակից ավելի ընդունելություն դպրոցը չի կարող կատարել։

Հայտագրումն օնլայն է, բայց սովորույթի համաձայն նորից ծնողները երեխաների անձնական գործերը ներկայացնում են դպրոց, միաժամանակ փորձում դասվարի ընտրություն կատարել։ Նախկինում եթե այս երևույթն ընդունված էր դպրոցներում ու հաճախ անհավասար պայմաններ էին ստեղծվում դասվարների համար, հիմա խնդիրը, ըստ էության, պետք է կարգավորի առցանց հայտագրումը։

Այս տարի առաջին դասարան են գնում 2016 թվականին ծնված երեխաները։ Նախնական տվյալներով, մարզում առաջին դասարանցիների թիվը կկազմի մոտ  3015 , նախորդ տարի մարզն ունեցել է 3050 առաջին դասարանցի։ Ենթադրելի է, մարզում կլինեն գյուղական դպրոցներ, որտեղ առաջին դասարաններ չեն բացվի։

 

 

Բոլոր լուրերը

Կապակցված լուրեր

«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչ

21:26 03.04.2025

«Միլանն» ու «Ինտերը» ոչ–ոքի են խաղացել․ Իտալիայի գավաթ՝ 1/2 եզրափակիչ

Իտալիայի գավաթի խաղարկության կիսաեզրափակչի առաջին խաղում «Միլանն» ու «Ինտերը» ոչ-ոքի են գրանցել` 1-1։ 47-րդ րոպեին հաշիվը բացլ է Թեմի Աբրահամը, իսկ «Ինտերի» պատասխան գոլը 67-րդ րոպեին խփել է Հաքան Չալհանօղլուն։ «Ինտերից» հանդիպմանը մասնակցել է նաև Հենրիխ Մխիթարյանը, որը փոխարինման է դուրս եկել 59-րդ րոպեին։ Պատասխան հանդիպումը կկայանա ապրիլի 23-ին։ ...

Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմ

21:10 03.04.2025

Վատ եղանակի պատճառով Նովոռոսիյսկում սահմանվել է բարձր պատրաստվածության ռեժիմ

Նովոռոսիյսկի իշխանությունները եղանակային պայմանների վատթարացման պատճառով պատրաստվածության բարձր ռեժիմ են սահմանել, հաղորդում է քաղաքապետարանի մամուլի ծառայությունը։ «Նովոռոսիյսկում եղանակային պայմանների վատթարացման պատճառով ներդրվել է «պատրաստվածության բարձր» ռեժիմ: Սպասվում է հորդառատ անձրև և ամպրոպ, կարկուտ և քամի՝ 20 մ/վ արագությամբ»,- նշվում է հաղորդագրության մեջ։ Համապատասխան որոշումը հրապարակվել է վարչակազմի և քաղաքային խորհրդի կայքում։ Ավելի վաղ ՌԴ ԱԻՆ […] ...

Էլեկտրաէներգիայի պլանային անջատումներ կլինեն

20:51 03.04.2025

Էլեկտրաէներգիայի պլանային անջատումներ կլինեն

«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 4-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ 10։00-16։00 Նորագավիթ 1 փողոց մասնակի, Նորագավիթ 2, 3, 6 փողոցների առանձնատներ, Նորագավիթ 2 փողոց 1 նրբանցքի առանձնատներ, Նորագավիթ 6 փողոց 2 նրբանցք առանձնատներ և հարակից ոչ բնակիչ-բաժանորդներ, Նոր Նորք 1-ին զանգ.՝ Ֆ․Նանսենի, […] ...

Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ը

20:19 03.04.2025

Նոր Հաճնի կամրջի վրա բախվել են «Mercedes»-ը, «Mitsubishi»-ն և «Nissan»-ը

Ապրիլի 2-ին, ավտովթար է տեղի ունեցել Կոտայքի մարզում։ Ժամը 21։00-ի սահմաններում Նոր Հաճնի կամրջի վրա բախվել են Գեղարքունիքի մարզի բնակիչ 37-ամյա Հրաչիկ Գ․-ի վարած «Mercedes», Կոտայքի մարզի բնակիչներ 23-ամյա Նարեկ Ա․-ի վարած «Mitsubishi» և 41-ամյա Միհրան Ա․-ի վարած «Nissan» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների, տուժածներ չկան, իսկ երթևեկությունը ժամանակավորապես […] ...

SHANTNEWS

20:00 03.04.2025

SHANTNEWS

Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել է

19:54 03.04.2025

Մեքենայից նետված տոպրակում լիցքավորված փամփշտատուփ և հրազենի նմանվող իր կար. 22-ամյա երիտասարդը ձերբակալվել է

Արագածոտնի մարզի պարեկները ապրիլի 1-ին Աշտարակ քաղաքի Նարեկացու փողոցում ամրագոտին չկապելու համար կանգնեցրել են «Օպել» մակնիշի մի ավտոմեքենա: Այդ ընթացքում Տաշիրի բնակիչ 22-ամյա ուղևորը մեքենայից տոպրակ է նետել, ինչը պարեկները նկատել են։ Նետված տոպրակից ընկել է լիցքավորված փամփուշտատուփ, իսկ տոպրակի մեջ նկատվել է հրազենի նմանվող առարկա: Վարորդն ու ուղևորը ձերբակալվել և տեղափոխվել են համայնքային ոստիկանության […] ...

BACK_TO_TOP