20:00 08.08.2022
Թորոսգյուղի վարչական տարածքում անասնաբուժական և սննդամթերքի անվտանգության ապահովման ծառայություններ մատուցող լաբորատորիա է կառուցվում։ Այն Գյումրի-Բավրա միջպետական նշանակության ճանապարհի վրա է, իսկ գյուղատնտեսական ծառայություններից օգտվելու են Աշոցքի և Ամասիայի տարածաշրջանների համայնքները, ինչպես նաև Ջավախքի բնակիչները։ Նոր կառուցվող լաբորատորիան կկարգավորի գյուղերում անասնաբույժների պակասի խնդիրը, երբ մեկ անասնաբույժը ստիպված է սպասարկել մի քանի բնակավայրերի։
Աշոցքի տարածաշրջանի անասնաբույժ Նասլին Հակոբյանը 47 տարի է աշխատում է, կենսաթոշակի տարիքը վաղուց է լրացել, բայց իր աշխատանքից չի հրաժարվում, ավելի ճիշտ, փոխարինող չունի, ջահելներին մասնագիտությունը չի ձգում, ասում է՝ աշխատավարձն է ցածր, հետն էլ գործն է բարդ ու անհրապույր:
«Աշխատավարձը շատ ցածր է, դրա համար էլ ցանկություն հայտնող չկա, որ անասնաբույժ աշխատեն, էս դարի ջահել տղեն կերթա՞ էդ կեղտոտ գործը էնե՝ չէ, 4-5 հոգի գնացին սորվան, եկան որ բդի անասնաբույժ աշխատեին, տեսան մեր աշխատանքի բնույթը, գնացին ու էլ ետ չեկան, էլի անբողջը մնաց վրես»,- ասում է Նասլին Հակոբյանը։
Հարյուրավոր տնտեսությունների հետ գործ ունի։ Գյուղ են, առանց անասնապահության տնտեսություն չի լինում։ Մեկ անասնաբույժը չի հասցնում բոլոր տնտեսությունների խնդիրների հետևից գնալ, իսկ հիվանդությունների հայտնաբերման դեպքում լաբորատոր հետազոտությունների կազմակերպման հարցն ավելի խնդրահարույց է։ Միաժամանակ մի քանի համայնքներում կենդանիներից վերցված արյան նմուշների պատասխանները մինչև ստացվում է, մոտ 2 շաբաթ է անցնում: Սպասում են, որ մի շաքր խնդիրներ կկարգավորվեն նոր լաբորատորիայի կառուցումով: Այն միայն անասնագլխաքանակի պատվաստումների, հիվանդությունների վերահսկման ու կանխարգելման գործառույթ չի ունենալու, այն նաև ցանքաշրջանառության, մշակաբույսերի աճի վերահսկողությամբ է զբաղվելու։
«Նոր լաբորատորիայում կլինեն արյան անալիզի, կաթի ստուգման, հողի քիմիական պարունակության որոշման սարքավորումներ։ Հացահատիկային մշակաբույսերի սերմերի ծլունակության կամ վարակվածության աստիճանի որոշելու հնարավորություն ևս կստեղծվի»,- նշում է Աշոցքի համայնքապետի տեղակալ Արտուշ Մանուկյանը։
Սարքավորումային հագեցվածությունը թույլ կտա գյուղատնտեսական հողերում և անասնապահությունում ժամանակին կատարել ուսումնասիրությունները։ Գյումրի -Բավրա ճանապարհին գտնվող լաբորատորիայի շինարարությունը երկու ամիս է ընթանում է։ Ընդհանուր 170 քառ մետր տարածքով լաբորատորիան սպասարկելու է նաև Ջավախքի բնակիչներին։
Լաբորատորիայի գործարկումով մի քանի համայնքին միաժամանակ սպասարկող անասնաբույժների գործը կթեթևանա, թեև գյուղերում անասնատերերը դարձյալ դիմելու են անասնաբույժին, ով գիշերվա կեսին էլ հասանելի է տնտեսությունների համար: Շահագործումը նախատեսված է մինչև նոյեմբեր։ Իսկ տարածքը կարող է ծառայել որպես գյուղատնտեսական միջոցառումների, գյուղտեխնիկայի ցուցադրության հարմար վայր։
14:50 04.04.2025
Օպերատիվ իրավիճակը հանրապետությունում ապրիլի 3-4-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 3-4-ը ՆԳՆ ոստիկանության ստորաբաժանումները բացահայտել են հանցագործության 89 դեպք, որոնցից 5-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 20, թմրանյութի հայտնաբերման՝ 11, մարմնական վնասվածք պատճառելու և անձնական ունեցվածքի գողության` 6-ական, ֆիզիկական ներգործության` 5, խարդախության՝ 4, […] ...
14:41 04.04.2025
«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով«Երևան» բժշկագիտական կենտրոնը հիմնանորոգվել և համալրվել է նորագույն սարքավորումներով՝ ապահովելով ժամանակակից պայմաններ հետվիրահատական, վերակենդանացման և ինտենսիվ թերապիայի բաժանմունքներում։ Կենտրոնի բուժանձնակազմը նույնպես համալրվել է բարձր որակավորմամբ մասնագետներով։ Մենք կարևորում ենք առողջապահության բոլոր օղակների զարգացումը՝ կանխարգելումից մինչև բարձր տեխնոլոգիական բուժում։ Միայն համակարգային մոտեցման շնորհիվ հնարավոր է ապահովել բնակչության առողջության պաշտպանությունն ու բարձրացնել բուժօգնության արդյունավետությունը։ ...
14:30 04.04.2025
Լաշա Տալախաձեն՝ Վրաստանի ծանրամարտի ֆեդերացիայի նախագահՕլիմպիական խաղերի եռակի, աշխարհի ու Եվրոպայի 7-ակի չեմպիոն Լաշա Տալախաձեն ընտրվել է Վրաստանի ծանրամարտի ֆեդերացիայի նախագահ։ Այս մասին հաղորդում է Ծանրամարտի եվրոպական ֆեդերացիայի պաշտոնական կայքը (EWF): Եռակի օլիմպիական չեմպիոն Կախի Կախիաշվիլին և Օլիմպիական խաղերի բրոնզե մեդալակիր Իրաքլի Տուրմանիձեն էլ կլինեն նոր փոխնախագահները: ...
14:23 04.04.2025
«Մանչեսթեր Յունայթեդը» մոտենում է հակառեկորդին«Մանչեսթեր Յունայթեդի»՝ ԱՊԼ-ի 30-րդ տուրում «Նոթինգհեմից» կրած պարտությունը 13-րդն էր այս մրցաշրջանում: Եթե Ամորիմի թիմը ևս մեկ պարտություն կրի, ապա կկրկնի նախորդ մրցաշրջանի ցուցանիշը՝ 14 պարտություն: Ակումբային հակառեկորդը գրանցվել է 1989/90 մրցաշրջանում, երբ «Մանչեսթեր Յունայթեդը» 16 պարտություն է կրել: Ամորիմի գլխավորությամբ «Մանչեսթեր Յունայթեդն» անցկացրել է 19 խաղ, վաստակել է միջինը 1.16 միավոր, կրել 9 պարտություն: ...
14:14 04.04.2025
1 տարվա ընթացքում քանի՞ բուժաշխատող է ենթարկվել պատասխանատվությանԲուժաշխատողների էթիկայի հանձնաժողովն այս ընթացքում ի՞նչ աշխատանքներ է իրականացրել, որքա՞ն բուժաշխատողներ են ենթարկվել պատասխանատվության: Հանձնաժողովի նախագահն այսօր թեմայի շուրջ ասուլիս է տվել: 2024-ի ապրիլից Բուժաշխատողների էթիկայի հանձնաժողովը գործնականում սկսեց ընդունել դիմումներ: Շուրջ մեկ տարի անց արդյունքներն ամփոփելիս հանձնաժողովի նախագահ Իզաբել Աբգարյանը նշում է, որ ունեցել են առնվազն 10 վարույթ, բազմաթիվ դիմումներ, հարցումներ: Մանրամասները՝ ռեպորտաժում: ...
