17:23 24.06.2022
Վարչապետ Նիկոլ Փաշինյանն այսօր ընդունել է Ներառական իրավական բարեփոխումների կոալիցիայի անդամներին: Հանդիպմանը մասնակցել են շահագրգիռ պետական գերատեսչությունների և կառույցների ներկայացուցիչներ:
Վարչապետ Փաշինյանը ողջունել ու կարևորել է նման ձևաչափով հանդիպումները, որոնք արդյունավետ հարթակ են ներառականության գործընթացին վերաբերող խնդիրները և դրանց լուծման ուղիները քննարկելու համար:
Ներառական իրավական բարեփոխումների կոալիցիայի համակարգող Մուշեղ Հովսեփյանը ողջունել է կառավարության՝ ներառականության գործընթացն ուշադրության կենտրոնում պահելու և հաշմանդամություն ունեցող անձանց իրավունքների պաշտպանությանը օրենսդրական նախաձեռնություններով աջակցելու քաղաքականությունը: Անդրադառնալով կոալիցիայի գործունեությանը՝ նա նշել է, որ այն Հայաստանում գործող 14 կազմակերպությունների միություն է, ձևավորվել է 2017թ. և իրավական աջակցություն է տրամադրում հաշմանդամություն ունեցող անձանց:
Հանդիպմանը քննարկման առարկա են դարձել ներառականությանն առնչվող թե՛ բովանդակային, թե՛ օրենսդրական, թե՛ տեխնիկական հարցեր: Կոալիցիայի անդամները Նիկոլ Փաշինյանին են ներկայացրել մի շարք խնդիրներ, որոնք վերաբերում էին հաշմանդամություն ունեցող անձանց համար անկախ կյանքի ռեսուրս կենտրոնների ստեղծմանը, կրթության հասանելիությանը, սուբվենցիոն ծրագրերով ստեղծվող ենթակառուցվածքների մատչելիությանը, ցերեկային խնամքի ծառայությունների ավելացմանը, հոգեկան առողջության պահպանման ռազմավարությանը, աջակցող տեխնոլոգիաների մշակմանը և այլն: Նրանք գոհունակություն են հայտնել Երևանում հանրային տրանսպորտի մատչելիության կապակցությամբ և նշել, որ մարզերում ևս տրանսպորտի հասանելիությունը բարձրացնելու խնդիր կա:
Վարչապետը, անդրադառնալով հարցադրումներին, նշել է, որ կառավարությունը հետևողական է ներառականության գործընթացին աջակցելու գործում, և այդ նպատակով այս տարի պետական բյուջեից հատկացվել է 4 մլրդ դրամ: Աշխատանքի և սոցիալական հարցերի նախարար Նարեկ Մկրտչյանն էլ ներկայացրել է պետական ծրագրերն ու բարձրացված խնդիրների համատեքստում ձեռնարկվող քայլերը:
Մտքերի փոխանակության շրջանակում քննարկվել են ընթացիկ բարեփոխումները և ներառականության խթանման ուղղությամբ համատեղ անելիքները:
Կառավարության ղեկավարը նկատել է՝ 2018 թվականից ի վեր չի եղել ծրագիր, որը չիրականացվի ֆինանսական միջոցների բացակայության պատճառով, և ըստ այդմ պետք է կենտրոնանալ բովանդակային ծրագրերի իրականացման վրա՝ առանցքում ունենալով կրթության և զբաղվածության ապահովման բաղադրիչները: Վարչապետն առաջարկել է ԱՍՀՆ-ՀԿ սեկտոր-ԱԺ համագործակցությամբ գույքագրել առկա կարիքները ըստ խմբերի և պետական աջակցության ռազմավարությունը կառուցել այդ կարիքների հասցեական սպասարկման շուրջ:
Քննարկման արդյունքներով Նիկոլ Փաշինյանը հանձնարարականներ է տվել պատասխանատուներին, ինչպես նաև առաջարկել ՀԿ ներկայացուցիչներին՝ հանդես գալ խնդիրների լուծման առաջարկներով:
00:00 26.04.2025
Մետրոյի շահագործումից ի վեր չփոխարինված օդափոխության հին համակարգերը փոխարինվել ենԵրևանի քաղաքապետ Տիգրան Ավինյանը Ֆեյսբուքի իր էջում անդրադարձել է Երևանի մետրոպոլիտենում ընթացող աշխատանքներին: «Մետրոյի շահագործումից ի վեր չփոխարինված օդափոխության հին համակարգերը փոխարինվել են: Մետրոպոլիտենում կայարաններ մաքուր օդ մատակարարելու, արտակարգ իրավիճակների դեպքում (հրդեհներ) ծուխը արտանետելու, օդի հարաբերական խոնավությունը նվազեցնելու նպատակով՝ 2023թ-ից մեկնարկեցինք օդափոխության համակարգերի փոխարինման աշխատանքները: Դրանք արդեն մաշվել և դուրս էին եկել պիտանելիությունից: Ծրագրի շրջանակում […] ...
23:55 25.04.2025
Շղթայական ավտովթար՝ Երևանում․ բախվել են «Genesis»-ը, «Lixiang»-ը, «Toyota Camry»-ն և «Nissan Tiida»-ն․ կան վիրավորներԱպրիլի 25-ին, շղթայական ավտովթար է տեղի ունեցել Երևանում։ Ժամը 18։40-ի սահմաններում Կոմիտասի պողոտա-Վաղարշյան փողոցի խաչմերուկում բախվել են «Genesis», «Lixiang», «Toyota Camry» և «Nissan Tiida» մակնիշի ավտոմեքենաները։ Ինչպես հայտնում է shamshyan.com-ը, վթարի հետևանքով 2 հոգի բժշկական օգնություն ստանալու նպատակով տեղափոխվել են «Արմենիա» բժշկական կենտրոն։ Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում են […] ...
23:53 25.04.2025
Հետիոտնային անվտանգության մակետների նպատակն է բարձրացնել վարորդների զգոնությունը«Ճանապարհային դեպարտամենտ» հիմնադրամից հայտնել են, որ ՀՀ որոշ ճանապարհահատվածներում կարող ենք տեսնել հետիոտնային անվտանգության մակետներ։ «Դրանք տեղադրվել են 2022 թվականին՝ Կենսական նշանակության ճանապարհային ցանցի բարելավման 2-րդ լրացուցիչ ֆինանսավորման ծրագրի «սև կետերի» բարելավման շրջանակում։ Այս մակետների նպատակն է ապահովել հետիոտնի անվտանգությունն ու բարձրացնել վարորդների զգոնությունը»,- հայտնել են հիմնադրամից։ ...
23:47 25.04.2025
Սամբոյի ԵԱ․ Հայաստանի երիտասարդների հավաքականը թիմային հաշվարկով գրավեց երկրորդ տեղըՀայաստանի երիտասարդների հավաքականը Կիպրոսում անցկացվող Սամբոյի Եվրոպայի առաջնությունում թիմային հաշվարկով գրավեց երկրորդ տեղը՝ զիջելով միայն մարզաձևի առաջատարներին՝ ռուսաստանցի մարզիկներին: Այս մասին հայտնել են Հայաստանի սամբոյի ֆեդերացիայից։ Մեր տղաները հայրենիք կբերեն մեկ ոսկե, երկու՝ արծաթե, երեք՝ բրոնզե մեդալ. Մհեր Օհանյան 71կգ, Արշակ Բեկչյան 64կգ, Սեյրան Սարուխանյան 88կգ, Սամվել Ղազարյան 79կգ, Էրիկ Սաղաթելյան 98կգ, Արսեն Հայրապետյան +98կգ։ ...
23:38 25.04.2025
Թրամփ. Ռուսաստանի և Ուկրաինայի միջև խաղաղության համաձայնագրի շուրջ աշխատանքները սահուն են ընթանումԱՄՆ նախագահ Դոնալդ Թրամփը բարձր է գնահատել Ուկրաինայում հակամարտության կարգավորման ուղղությամբ տարվող աշխատանքը։ «Ռուսաստանի և Ուկրաինայի միջև ընդհանուր խաղաղության համաձայնագրի շուրջ աշխատանքները սահուն են ընթանում», – գրել է նա Truth Social-ում։ Թրամփը նաև նշել է, որ Եւկրաինան դեռ չի ստորագրել ուկրաինական հազվագյուտ մետաղների վերաբերյալ ԱՄՆ-ի հետ գործարքի փաստաթղթերը: Նա հույս է հայտնել, որ գործարքը կկնքվի […] ...
23:29 25.04.2025
Երևանում հաստաբուն ծառը արմատից պոկվել և ընկել է կայանված «Toyota Camry»-ի վրաԱպրիլի 25-ին, արտակարգ դեպք է տեղի ունեցել Երևանում։ Ժամը 18։35-ի սահմաններում ՀՀ ՆԳՆ ոստիկանության Պարեկային ծառայության Երևան քաղաքի գնդում օպերատիվ տեղեկություն է ստացվել, որ Տիգրան Պետրոսյան փողոցի 10 շենքի բակում հաստաբուն ծառը արմատից պոկվել և ընկել է ավտոմեքենայի վրա։ Ինչպես հայտնում է shamshyan.com-ը, տեղում պարզվել է, որ հաստաբուն ծառը արմատից պոկվել և ընկել է Երևանի […] ...
