18:08 14.06.2022
Այսօր Հանրապետության բուհերի դիմորդները միասնական քննություն են հանձնել «Հայոց լեզու և գրականություն» առարկայից։ Շիրակի մարզի դիմորդները բաշխվել են Գյումրիի 3 քննական կենտրոններում։ Դրանցից մեկը թիվ 21 հիմնական դպրոցն է, «Հայոց լեզու և գրականություն» առարկայից քննություն հանձնողները միայն այս քննական կենտրոնում 154-ն են եղել։ Եվ ընդհանուր առմամբ, օտար լեզուներից հետո ամենաշատ հայտագրված դիմորդները «Հայոց լեզու և գրականություն» առարկայից են։
2 քննասենյակում դիմորդները տեղավորվել են 4-ական խմբերով։ Տեսախցիկների մշտական հսկողությամբ տրվել է քննության մեկնարկը։ Դիմորդներն իրենց ձեռքով են բացել քննական թեստերի փաթեթները։ «Հայոց լեզու և գրականություն» առարկայի շտեմարանային թեստերը բաղկացած են 4 տարբերակից և ընդգրկում են 80-ական առաջադրանք։ Քննության տևողությունը 180 րոպե է, այսինքն՝ 3 ժամ։
Առարկայից քննությունը պարտադիր է մի շարք, այդ թվում՝ հումանիտար, տնտեսագիտական, իրավաբանական մասնագիտություններ ընտրած դիմորդների համար, որոնք քննությանը պատրաստվելու և շտեմարանային առաջադրանքները յուրացնելու համար նվազագույնը վեց ամիս պարապում են կրկնուսույցների մոտ, եզակի են դեպքերը, երբ քննության գալիս են դպրոցական պաշարով։
«Մեկ տարի պարապել եմ, հույս ունեմ՝ միջին միավորներ կստանամ ու կկարողանամ ընդունվել։ Առանց կրկնուսույցի մոտ պարապելու հնարավոր չէ, որովհետև դպրոցի գիտելիքը բավարար չէ»։
«Մեկ տարի պատրաստվել եմ, վերջին օրերն ավելի շատ եմ պարապել, հուսով եմ՝ լավ կստացվի»,- ShantNews.am-ի հետ զրույցում նշել են դիմորդները։
Նախորդ տարիների այս առարկայից քննական արդյունքները, ի տարբերություն օտար լեզուների, ցածր են եղել։ Հանրապետության դիմորդների մոտ 20 տոկոսը հայոց լեզվի և գրականության քննությունից խիստ ցածր միավորներ են ստացել։ Իսկ թե ինչպիսին է եղել դիմորդների պատրաստվածությունը, առաջադրանքների ճիշտ պատասխաններին հնարավորություն ունեն ծանոթանալու քննությունից ժամեր անց․ դրանք հրապարակվում են ԳԹԿ պաշտոնական կայքում, իսկ գնահատականները քննական կենտրոններում փակցվում են քննությունից 5 օր անց։
«Այսօր 14-ն է, այսինքն՝ հունիսի 19-ին կհրապարակվեն պատասխանները։ Երեխաները դրանք կստանան նաև իրենց էլեկտրոնային հասցեներով, պատասխանները կհրապարակվեն նաև այն քննական կենտրոններում, որտեղ քննություն են հանձնել»,- ShantNews.am-ի հետ զրույցում նշել է Գյումրիի թիվ 21 դպրոցի քննական կենտրոնի ղեկավար Լիլիթ Սաֆարյանը։
Քննության արդյունքները բողոքարկել դիմորդները կարող են արդեն հունիսի 20-ին՝ իրենց քննական կենտրոնում։ Իսկ բացակաները քննության երկրորդ փուլին մասնակցելու համար հիմնավոր դիմում են ներկայացնելու։ Շիրակի մարզի երեք քննական կենտրոններում «Հայոց լեզու և գրականություն» առարկայի քննությանը չի ներկայացել 4 դիմորդ։
«Նրանք բացակայությունը հիմնավորող դիմում են գրելու, եթե հիվանդ են՝ բժշկի համապատասխան թղթով։ Դիմումը ներկայացնելու են Գնահատման և թեստավորման կենտրոն, և բողոքարկման հանձնաժողովը կքննի այդ հարցը, որոշում կկայացնի թույլատրել-չթույլատրելու մասին»,- նշել է Լիլիթ Սաֆարյանը։
Ընդհանուր առմամբ «Հայոց լեզու և գրականություն» առարկայից Շիրակի մարզում միասնական քննություն է հանձնել 452 դիմորդ, թեև նախորդ քննությանը՝ հունիսի 10-ին, օտար լեզուներից ավելի մեծ թվով դիմորդներ են եղել։ Այս տարի քննական կենտրոններից հանվել են նաև խլացուցիչները, զուտ այն պատճառով, որ 15 տարի օգտագործվելուց հետո այլևս իրենց չեն արդարացնում, ավելի ճիշտ, ժամանակակից կապի միջոցների՝ սմարթ ժամացույցների և հեռախոսների պարագայում անարդյունք են։ Քննասենյակներում վերահսկողությունը դրված է կազմակերպիչների և օպերատորի վրա։
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
23:50 10.04.2025
Երևանում ուժեղ քամու հետևանքով հաստաբուն ծառն արմատից պոկվել էր և փակել մայթըԱպրիլի 10-ին, արտակարգ դեպք է տեղի ունեցել Երևանում։ Ժամը 11։00-ի սահմաններում ՀՀ ՆԳՆ ՓԾ 9-11 ճգնաժամային կառավարման ազգային կենտրոն ահազանգ է ստացվել, որ Թբիլիսյան խճուղում ուժեղ քամու հետևանքով հաստաբուն ծառը տապալվել է և փակել հետիոտնի համար նախատեսված մայթը, ինչի հետևանքով վնասվել են նաև էլեկտրալարեր։ Ինչպես հայտնել է shamshyan.com-ը, դեպքի վայր է ժամանել Երևանի հրշեջ փրկարարական […] ...
23:44 10.04.2025
Ուկրաինայում ԱՄՆ դեսպանը հեռանում է իր պաշտոնիցՈւկրաինայում ԱՄՆ դեսպան Բրիջիթ Բրինկը մտադիր է վաղաժամկետ հեռանալ իր պաշտոնից: Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «Այո՛, նա տուն է վերադառնում: Նա հիանալի աշխատանք է կատարել, և մենք նրան մաղթում ենք ամենայն բարիք», – ասել է Բրյուսը, երբ լրագրողները խնդրել են նրան հաստատել Բրինկի՝ Կիևում ամերիկյան դիվանագիտական առաքելության ղեկավարի […] ...
23:41 10.04.2025
Եվրանեսթ խորհրդարանական վեհաժողովի համանախագահը կայցելի ՀայաստանԵվրանեսթ խորհրդարանական վեհաժողովի համանախագահ Սերգեյ Լագոդինսկու գլխավորած պատվիրակությունը ապրիլի 14-16-ը կայցելի Հայաստան։ Այս մասին նշվում է ԱԺ կայքում: Ազգային ժողովի նախագահ Ալեն Սիմոնյանի կարգադրության մեջ, մասնավորապես, նշվում է. «Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ. 1. Կազմակերպել 2025 թվականի ապրիլի 14-16-ը Հայաստանի Հանրապետություն ժամանող՝ Եվրանեսթ խորհրդարանական վեհաժողովի համանախագահ […] ...
23:35 10.04.2025
«Լոկոմոտիվը» չի նախատեսում նոր պայմանագիր առաջարկել Նաիր Թիկնիզյանին«Լոկոմոտիվը» չի նախատեսում նոր պայմանագիր առաջարկել Հայաստանի հավաքականի պաշտպան Նաիր Թիկնիզյանին, հայտնում է Sport Express-ը: 25-ամյա պաշտպանի գործող պայմանագիրը մոսկովյան ակումբի հետ նախատեսված է մինչև 2026 թվականի հունիսի 30-ը։ Թիկնիզյանը թիմին է միացել 2021 թվականին: Այս մրցաշրջանում նա անցկացրել է 27 հանդիպում, գրանցել է 2 գոլ, 4 գոլային փոխանցում: Transfermarkt-ը հայ ֆուտբոլիստի տրանսֆերային արժեքը գնահատում […] ...
