18:30 11.06.2022
Գյումրիում Ռուսաստանի Դաշնության գլխավոր հյուպատոսարանում նշվել է Ռուսաստանի օրը։ 1990 թվականի հունիսի 12-ին ժողովրդական պատգամավորների համագումարում ընդունվել է Ռուսաստանի պետական ինքնիշխանության մասին հռչակագիրը, որից հետո անկախ Ռուսաստանը դարձել է Դաշնություն, իսկ 2002 թվականից հունիսի 12-ը պաշտոնապես նշվում է որպես Ռուսաստանի օր։ Հանդիսավոր միջոցառմանը մասնակցել են Շիրակի և Լոռու մարզպետարանների ներկայացուցիչները, զինվորականներ, տարբեր բնագավառների ներկայացուցիչներ։ Կարևորելով երկու երկրների փոխգործակցությունը տարբեր ոլոտներում, ներկաները շեշտադրել են երկու ժողովուրդների բարեկամական և քաղաքական հարաբերությունները, դրանց հետագա զարգացումը։
Ողջունելով հյուրերին Գյումրիում ՌԴ գլխավոր հյուպատոս Ռուսլան Կանդաուրովը նշել, որ Ռուսաստանի ինքնիշխանության հաստատումից հետո Հայաստանն առաջին երկրներից մեկն էր, որի հետ դիվանագիտական հարաբերություններ են հաստատվել։
«Ուզում եմ մի կարևոր հանգամանք ևս մատնանշել՝ այդ տարիներին դիվանագիտական հարաբերություններ հաստատվեցին Ռուսաստանի և Հայաստանի միջև։ 2002 թվականին, ուղիղ 20 տարի առաջ,Գյումրիում բացվեց Ռուսաստանի գլխավոր հյուպատոսարանը։ Իսկ Սանկտ Պետերբուրգում բացվեց Հայաստանի գլխավոր հյուպատոսարանը»,- նշել է Ռուսլան Կանդաուրովը։
ՌԴ հյուպատոսը ռուս-հայկական հարաբերությունների մեջ նաև առանձնակի կարևորել է Գյումրիի դերը, և ընդգծել, որ գլխավոր հյուպատոսարանը հենց այնպես չէ, որ այս քաղաքում է բացվել․
«Գյումրի քաղաքի ընտրությունը պատահական չէր, այն ուներ կարևոր նշանակություն՝ այստեղ էին գտնվում ռազմաբազան և ռուսական սահմանապահ զորքերը, ինչպես նաև Ռուսաստանի մեծ թվով քաղաքացիներ բնակվում էին Հայաստանի հյուսիսային մասում։ Ուզում եմ նշել, որ վերջին տարիներին Ռուսաստանի քաղաքացիների հոսքը դեպի Հայաստան ավելացել է, նաև որպես զբոսաշրջիկ», – նշել է Ռուսլան Կանդաուրովը։
Նրա խոսքով վերջին տարիներին հայ-ռուսական հարաբերություններն ավելի են ամրացել և Հայաստանը համարվում է Ռուսաստանի կարևոր գործընկերը։
«Ռուսաստանը դարեր շարունակ ոչ միայն եղել է մեր բարեկամական և եղբայրական հարևան պետությունը, այլ նաև պետություն, որի հետ մենք կիսում ենք մշակութային, կրոնական և այլ արժեքներ։ Պատահական չէ, որ Ռուսաստանի Դաշնությունը համարվում է Հայաստանի ռազմավարական գործընկերը և այս ամենն ամրագրված է մեր արտաքին քաղաքականության տեսլականի մեջ։ Ես վստահ եմ, որ 30 տարվա դիվանագիտական հարաբերությունները սրա վառ ապացույցն են և մենք առավելապես վերջին տարիների ընթացքում էլ ավելի ենք ինտենսիվացրել մեր հարաբերությունները, և կարծում եմ, որ առաջիկայում էլ մեր փոխադարձ հաջողությունների կիսումը կլինի առհավատչյան, որ մենք համընթաց զարգանալու ուղի ենք ընտրել», – հանդիսավոր միջոցառմանն իր խոսքում նշել է Շիրակի մարզպետ Նազելի Բաղդասարյանը։
Հավելենք, այս տարի նշվում է նաև հայ-ռուսական դիվանագիտական հարաբերությունների հաստատման 30-ամյակը։
23:59 10.04.2025
Ավտոտնակների փոխարեն՝ բարեկարգ բակԵրևանի բոլոր վարչական շրջաններում իրականացվում է բակերի բարեկարգում: Այս մասին հայտնել են Երևանի քաղաքապետարանից: Ապօրինաբար կառուցված ավտոտնակները քանդվում են, ընդլայնվում են բակային տարածքները: Մասնավորապես Արաբկիր վարչական շրջանում՝ Նիկողայոս Տիգրանյան փողոցի 10 հասցեում, հեռացվում է շուրջ 10 ավտոտնակ: Տեղում կառուցվելու է խաղահրապարակ, հարակից հատվածները կանաչապատվելու են: Կատարվող աշխատանքներին հետևել է Երևանի քաղաքապետի առաջին տեղակալ Արմեն Փամբուխչյանը: ...
23:54 10.04.2025
Թբիլիսին պատրաստ է աջակցել Երևանի և Բաքվի միջև կարգավորման գործընթացինՎրաստանը միշտ բաց է երկխոսության համար և պատրաստ է նպաստել Հարավային Կովկասում երկարատև խաղաղության հաստատմանը: Այս մասին հայտարարել է Վրաստանի արտաքին գործերի նախարար Մակա Բոճորիշվիլին Դելֆիի տնտեսական ֆորումի շրջանակներում կազմակերպված քննարկման ժամանակ: Բոճորիշվիլին նշել է, որ Թբիլիսին պատրաստ է աջակցել Ադրբեջանի և Հայաստանի միջև կարգավորման գործընթացին։ Նրա խոսքով՝ Վրաստանը ցանկանում է օգնել երկու կողմերին երկխոսության […] ...
23:50 10.04.2025
Երևանում ուժեղ քամու հետևանքով հաստաբուն ծառն արմատից պոկվել էր և փակել մայթըԱպրիլի 10-ին, արտակարգ դեպք է տեղի ունեցել Երևանում։ Ժամը 11։00-ի սահմաններում ՀՀ ՆԳՆ ՓԾ 9-11 ճգնաժամային կառավարման ազգային կենտրոն ահազանգ է ստացվել, որ Թբիլիսյան խճուղում ուժեղ քամու հետևանքով հաստաբուն ծառը տապալվել է և փակել հետիոտնի համար նախատեսված մայթը, ինչի հետևանքով վնասվել են նաև էլեկտրալարեր։ Ինչպես հայտնել է shamshyan.com-ը, դեպքի վայր է ժամանել Երևանի հրշեջ փրկարարական […] ...
23:44 10.04.2025
Ուկրաինայում ԱՄՆ դեսպանը հեռանում է իր պաշտոնիցՈւկրաինայում ԱՄՆ դեսպան Բրիջիթ Բրինկը մտադիր է վաղաժամկետ հեռանալ իր պաշտոնից: Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Թեմի Բրյուսը։ «Այո՛, նա տուն է վերադառնում: Նա հիանալի աշխատանք է կատարել, և մենք նրան մաղթում ենք ամենայն բարիք», – ասել է Բրյուսը, երբ լրագրողները խնդրել են նրան հաստատել Բրինկի՝ Կիևում ամերիկյան դիվանագիտական առաքելության ղեկավարի […] ...
23:41 10.04.2025
Եվրանեսթ խորհրդարանական վեհաժողովի համանախագահը կայցելի ՀայաստանԵվրանեսթ խորհրդարանական վեհաժողովի համանախագահ Սերգեյ Լագոդինսկու գլխավորած պատվիրակությունը ապրիլի 14-16-ը կայցելի Հայաստան։ Այս մասին նշվում է ԱԺ կայքում: Ազգային ժողովի նախագահ Ալեն Սիմոնյանի կարգադրության մեջ, մասնավորապես, նշվում է. «Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ կետով՝ կարգադրում եմ. 1. Կազմակերպել 2025 թվականի ապրիլի 14-16-ը Հայաստանի Հանրապետություն ժամանող՝ Եվրանեսթ խորհրդարանական վեհաժողովի համանախագահ […] ...
23:35 10.04.2025
«Լոկոմոտիվը» չի նախատեսում նոր պայմանագիր առաջարկել Նաիր Թիկնիզյանին«Լոկոմոտիվը» չի նախատեսում նոր պայմանագիր առաջարկել Հայաստանի հավաքականի պաշտպան Նաիր Թիկնիզյանին, հայտնում է Sport Express-ը: 25-ամյա պաշտպանի գործող պայմանագիրը մոսկովյան ակումբի հետ նախատեսված է մինչև 2026 թվականի հունիսի 30-ը։ Թիկնիզյանը թիմին է միացել 2021 թվականին: Այս մրցաշրջանում նա անցկացրել է 27 հանդիպում, գրանցել է 2 գոլ, 4 գոլային փոխանցում: Transfermarkt-ը հայ ֆուտբոլիստի տրանսֆերային արժեքը գնահատում […] ...
