19:36 23.05.2022
Շիրակի պետական համալսարանի ռազմական ամբիոնի 13 աղջիկ շրջանավարտի հանդիսավորությամբ հանձնվել են պահեստազորի առաջին սպայական կոչումները։ Լեյտենանտի ուսադիրներ են ստացել սպայական կոչման համար անհրաժեշտ քննություններն հաղթահարած, բարձր առաջադիմությամբ աղջիկ շրջանավարտները, որոնք բուհն ավարտել են 2020-21 ուսումնական տարում։
Ուսանողներն ավարտում են առանց կոչումների, ուսադիրների շնորհում կատարվում է, երբ դիմում են և հաղթահարում հատուկ քննությունները։ Աղջիկներն իրենք են ցանկություն հայտնել մասնակցել առաջին ուսադիրները կրելու քննություններին։
«Սպայական կոչումը ինքնանպատակ չէ, այն պատվաբեր է և պարտավորեցնող, ուսադիրներ կրողները պետք է իրենց գիտելիքները, կարողությունները ոչ միայն ցուցաբերեն, այլ նաև փոխանցեն զինակիցներին, և որ ամենակարևորն է՝ մարտական իրավիճակում։ Ես ավելի քան վստահ եմ, որ մեր նորաթուխ լեյտենանտները, արժանիորեն կդրսևորեն իրենց հետագա գործունեության ընթացքում, որ ոլորտում էլ ներգրավված լինեն»,- շրջանավարտներին ուսադիրները հանձնելիս նշել է ՇՊՀ ռազմական ամբիոնի պետ Արթուր Մկրտչյանը։
Իր առաջին սպայական կոչումը ստացավ նաև Սվետլանա Սարգսյանը։ Զինվորական գործի հանդեպ սերը ժառանգել է հորից, որն Արցախյան ազատամարտի մասնակից է։ Դեռ փոքրուց իրենց ընտանիքում լսել է բանակի ու զինվորի, զինվորականի դերի մասին, հենց այդ դաստիարակությամբ էլ առաջ է գնացել, պատվով, հպարտությամբ կրել զինվորական համազգեստը։
«Դպրոցական ժամանակներում հենց միջոցառում էր լինում, ես էի կրում զինվորականի համազգեստը, դերերը հենց իմն էին, հրամանատարների դեր էի միշտ տանում»,- ShantNews.am-ի հետ զրույցում պատմել է Սվետլանան։
Դպրոցական միջոցառումներից դուրս, պատանի երկրապահի ակումբ է հաճախել, դպրոցն ավարտելուց արդեն հստակ որոշել էր՝ զինվորական է դառնալու։ Իր որոշմանը մայրն է դեմ եղել, բայց հայրն ասել է՝ դառնալու է զինվորական, և վերջ։
Զինվորականի ուղին ընտրել և համոզվել է՝ դժվար է շատ, ամեն օր շարային քայլը, վազելը, կրակային պատրաստությունները, աղջկական գործեր չեն, բայց չի հուսահատվել, ասում է՝ համալսարան ընդունվելու հենց առաջին օրն են դասախոսներն ասել, եթե ցանկանում ես զինվորական դառնալ, առաջնահերթ պիտի մեծ կամքի ուժ դրսևորես։
«Ոչ մի հեշտ բան չկա էս կյանքում, ամեն մասնագիտություն ունի իր դժվարությունը, բայց ես, որպես աղջիկ, ընտրեցի էս գործը գիտակցաբար։ Նախ՝ ընտրեցի սերունդ դաստիարակելու համար, հետո ընտրեցի որպես հայրենասեր, ու կապ չունի՝ տղա ես, թե աղջիկ, երկրի պաշտպանության համար սեռն ընդհանրապես կապ չունի, եթե պետք եղավ, աղջիկ թե տղա, ինչպես 90-ականներին, հիմա էլ մենք պարտավոր ենք զենք վերցնել»,- ասում է նա։
Սվետլանան այժմ Շիրակի մարզի պատանի երկրապահ ակումբն է ղեկավարում, նոր ուսումնական տարում կդիմի նաև հանրակրթական դպրոցում դասավանդելու համար։ Ընդհանուր առմամբ, ռազմական ամբիոնի մոտ հարյուր ուսանողների զգալի մասը աղջիկներ են, որոնք և տղաներին չեն զիջում։
«Աղջիկները շատ կարգապահ են, շատ հայրենասեր են, ավելի զգոն են, ավելի ձգված, ավելի պարտաճանաչ են»,- ShantNews.am-ի հետ զրույցում նշել է ռազմական ամբիոնի պետի տեղակալ Մուշեղ Տիտանյանը
Մուշեղ Տիտանյանը հետո հավելեց, որ հիմա էլ բուհի մագիստրատուրայի ուսանողները աղջիկներ են։ Շիրակի մայր բուհի ռազմական ամբիոնի շրջանավարտները երբեմն ուսումը շարունակում են նաև ռազմական համալսարանում, նրանցից շատերն էլ սպայագրվում են բանակին կամ իրենց ծառայությունը շարունակում Հանրապետության դպրոցներում՝ որպես նախնական զինվորական պատրաստություն առարկայի ուսուցիչներ։
00:51 08.04.2025
Ինդոնեզիայում 5,8 մագնիտուդ ուժգնությամբ երկրաշարժ է տեղի ունեցել
00:23 08.04.2025
Թրամփին չի գոհացնում Ուկրաինայի շուրջ ստեղծված ներկայիս իրավիճակը
00:00 08.04.2025
Իրավիճակը Հայաստանի ավտոճանապարհներին
01:11 08.04.2025
Երկրաշարժ Ադրբեջանում. այն զգացվել է նաև Գեղարքունիքի և Սյունիքի մարզերումՍույն թվականի ապրիլի 8-ին` տեղական ժամանակով ժամը 00:35-ին (Գրինվիչի ժամանակով ապրիլի 7-ին՝ ժամը 20։35-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.13⁰ և արևելյան երկայնության 46․56⁰ աշխարհագրական կոորդինատներով՝ Ադրբեջանի Հանրապետություն, օջախի 10 կմ խորությամբ 3․3 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 4-5 բալ: Երկրաշարժը զգացվել է […] ...
00:51 08.04.2025
Ինդոնեզիայում 5,8 մագնիտուդ ուժգնությամբ երկրաշարժ է տեղի ունեցելԻնդոնեզիայում 5,8 մագնիտուդ ուժգնությամբ երկրաշարժ է գրանցվել: Այս մասին հայտնել է ԱՄՆ երկրաբանական ծառայությունը։ Երկրաշարժի էպիկենտրոնը գտնվել է ավելի քան 20 հազար բնակչություն ունեցող Սինաբանգ գյուղից 65 կմ հյուսիս-արևելք։ Օջախը գտնվել է 35 կմ խորության վրա։ Զոհերի և ավերածությունների մասին տեղեկություններ չկան։ ...
00:45 08.04.2025
The Hill. Թրամփի վարչակազմը պլանավորում է ռազմական շքերթ անցկացնել հունիսի 14-ինԱՄՆ նախագահ Դոնալդ Թրամփի վարչակազմը ծրագրում է հունիսի 14-ին զորահանդես անցկացնել ամերիկյան մայրաքաղաքում, այս մասին հայտնում է The Hill թերթը՝ հղում անելով աղբյուրներին։ Ինչպես նշվում է հրապարակման մեջ, միջոցառումը կհամընկնի ամերիկյան ցամաքային զորքերի 250-ամյակի և Թրամփի ծննդյան օրվա հետ։ Հունիսի 14-ին Սպիտակ տան առաջնորդը կդառնա 79 տարեկան։ Washington City Paper-ի տեղեկություններով՝ սպասվում է, որ շքերթի […] ...
00:33 08.04.2025
Ռոբերտ Դե Նիրոն Կաննի 78-րդ կինոփառատոնում կարժանանա պատվավոր մրցանակիԱմերիկացի դերասան Ռոբերտ Դե Նիրոն կարժանանա «Ոսկե արմավենու ճյուղի» պատվավոր մրցանակին Կաննի 78-րդ կինոփառատոնում, որը կանցկացվի մայիսի 13-ից 24-ը Ֆրանսիայի հարավում։ Այս մասին հայտնել են կինոփառատոնի կազմակերպիչները։ «Ռոբերտ Դե Նիրոն կինոյի լեգենդ է դարձել իր ներքուստ կենտրոնացած ոճով, որը դրսևորվում է թե՛ նրա ժպիտի փափկությամբ, թե՛ հայացքի ամրությամբ»,- նշվում է հայտարարության մեջ։ Մրցանակը կհանձնվի մայիսի […] ...
00:23 08.04.2025
Թրամփին չի գոհացնում Ուկրաինայի շուրջ ստեղծված ներկայիս իրավիճակըՌուսաստանը, ԱՄՆ-ը և Ուկրաինան կարող են մոտենալ պայմանավորվածություններին, սակայն Վաշինգտոնին չի բավարարում ստեղծված իրավիճակը։ Այս մասին հայտարարել է ԱՄՆ նախագահ Դոնալդ Թրամփը։ «Մենք հանդիպում ենք Ռուսաստանի հետ, հանդիպում ենք Ուկրաինայի հետ: Եվ թվում է, թե մոտենում ենք (խմբ.համաձայնություններին): Բայց ինձ դուր չեն գալիս վերջին շաբաթվա բոլոր ռմբակոծությունները: Դա սարսափելի է»,- ասել է Թրամփը Իսրայելի վարչապետ […] ...
00:11 08.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 7 խաղափուլից հետո2025 թվականի շախմատի Եվրոպայի կանանց անհատական առաջնության ավարտին մնացել է 4 խաղափուլ: Այս մասին հայտնել են Հայաստանի շախմատի ֆեդերացիայից: 7 խաղափուլից հետո միջազգային վարպետ Լիլիթ Մկրտչյանը ունի 5.5 միավոր և կիսում է 3-6-րդ հորիզոնականները: Գրոսմայստեր Էլինա Դանիելյանը ունի 5 միավոր և գտնվում է 9-րդ հորիզոնականում: Կանանց ՖԻԴԵ-ի վարպետ Աննա Խաչատրյանը ունի 4.5 միավոր, կանանց գրոսմայստեր […] ...
