16:43 01.08.2018
«Սանիթեք» ընկերության դիմաց Երևանի ավագանու «Ելք» խմբակցության անդամները բողոքի ակցիա են կազմակերպել: Նրանք բաց նամակով դիմել են ընկերության տնօրենին և կոչ արել պատշաճ կերպով իրականացնել աղբահանությունը: Պահանջ են ներկայացրել 7 օրում մաքրել ամբողջ քաղաքը և կարգավորել գործունեությունը, հակառակ դեպքում կդիմեն քաղաքապետարան՝ ծառայությունների մատուցման պայմանագիրը լուծարելու առաջարկով:
«Երևանում աղբահանության ծառայություն մատուցող միակ ընկերության աշխատանքից բխող խնդիրները գտնվում են ձեր լուծման տիրույթում: Երևանում ձեր ծառայության ոչ պատշաճ իրականացման հետևանքով ստեղծում եք համաճարակային վտանգ, առողջական սպառնալիք և անհանգստություն քաղաքացիների համար, նվազեցնում եք պայմանագրով սահմանված բնապահպանական պահանջների կատարողականը, ինչպես նաև վնաս եք հասցնում քաղաքի տուրիստական գրավչությանը և վարկանիշին»,- ասաց Երևանի ավագանու «Ելք» խմբակցության անդամ Անի Սամսոնյանը:
Նամակի ընթերցումից 5 րոպե անց «Սանիթեք»-ի տնօրեն Նիկոլաս Թավիլը հանդիպել է ցուցարարների հետ, ընդունել թերացումները և խոստացել լուծում տալ խնդիրներին:
«Այո՛, մենք ունենք խնդիրներ ու չենք խուսափում պատասխանատվությունից: Մենք ընդունում ենք մեր սխալը: Նախորդ տարի էլ ենք խնդիրներ ունեցել, 8 օրում լուծեցինք: Խնդիրների մեծ մասը կապված է մեր գործունեության հետ, որոշ հարցեր էլ կան, որ արտաքին գործոններով են պայմանավորված, բայց մենք լուծում ենք խնդիրները և շարունակելու ենք այդպես»,- ասել է Նիկոլաս Թավիլը:
23:59 02.04.2025
Երևանում շուրջ 400 թեքահարթակ կկառուցվիՀարմար և հավասար միջավայր ստեղծելը նշանակում է հաշվի առնել բոլորի կարիքները՝ առանց բացառության։ 2025թ. Երևանում շուրջ 400 թեքահարթակ կկառուցվի: Այս մասին հայտնել են Երևանի քաղաքապետարանից: Սահմանվել են այնպիսի պահանջներ, որպեսզի թեքահարթակները լինեն հարմարավետ ու մատչելի գործածության համար: Մանրամասները՝ տեսանյութում: ...
23:54 02.04.2025
Հայ շախմատիստուհիների արդյունքները Եվրոպայի կանանց անհատական առաջնությունում 3 խաղափուլից հետոՄարտի 31-ից ապրիլի 11-ը Հունաստանի Հռոդոս կղզում անցկացվում է 2025 թվականի շախմատի Եվրոպայի կանանց անհատական առաջնությունը: Այս մասին հայտնել են Հայաստանի շախմատի ֆեդերացիայից: 3 խաղափուլից հետո գրոսմայստեր Էլինա Դանիելյանը և Լիլիթ Մկրտչյանը ունեն 2.5 միավոր և գտնվում են առաջատարների շարքում: Կանանց միջազգային վարպետ Մարիամ Մկրտչյանը և կանանց գրոսմայստեր Մարիա Գևորգյանը ունեն 2 միավոր: Կանանց միջազգային […] ...
23:49 02.04.2025
Երևանում մթնոլորտային օդի որակը մարտի 26-ից ապրիլի 1-ը«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է Երևանում մթնոլորտային օդի որակը մարտի 26-ից ապրիլի 1-ը (2025թ.): Փոշու պարունակությունը գերազանցել է սահմանային թույլատրելի կոնցենտրացիան․ Կենտրոն վարչական շրջանում՝ գրեթե ամբողջ շաբաթվա ընթացքում, Նոր Նորքում՝ մարտի 29-ին 30-ին և 31-ին, Շենգավիթում՝ մարտի 30-ին 31-ին և ապրիլի 1-ին, Արաբկիրում՝ մարտի 30-ին։ Ազոտի և ծծմբի երկօքսիդների պարունակությունները չեն գերազանցել սահմանային […] ...
23:46 02.04.2025
Al-Ikhbaria. Իսրայելը հարվածներ է հասցնում Համայի և Հոմսի ռազմական օդանավակայանների մոտակայքումՍիրիական Համա և Հոմս նահանգների ռազմական օդանավակայանների մերձակայքը ենթարկվել է իսրայելական օդուժի հարվածներին։ Այս մասին հայտնել է սիրիական Al-Ikhbaria հեռուստաալիքը։ Զոհերի և վիրավորների մասին առայժմ չկան տեղեկություններ: Տեղի լրատվամիջոցները հայտնել են նաև, որ Իսրայելի ռազմաօդային ուժերը ավիահարվածներ են հասցրել Դամասկոսին: Հարվածների թիրախը եղել է Սիրիայի մայրաքաղաքի հյուսիսում գտնվող գիտահետազոտական կենտրոնը։ ...
23:41 02.04.2025
Երևանում բախվել են «Ford»-ն ու շտապօգնության մեքենանԱյսօր՝ ապրիլի 2-ին, շտապօգնության ավտոմեքենայի մասնակցությամբ հերթական ավտովթարն է տեղի ունեցել Երևանում։ Ժամը 19:30-ի սահմաններում Կոմիտասի պողոտա-Վաղարշյան փողոցի խաչմերուկում բախվել են շտապօգնության «Toyota Hiace» մակնիշի և «Ford» մակնիշի ավտոմեքենաները։ Ըստ նախնական տեղեկությունների, տուժածներ չկան։ Ինչպես հայտնում է shamshyan.com-ը, բախման հետևանքով շտապօգնության ավտոմեքենան դուրս է եկել երթևեկելի գոտուց, բախվել բազալտե եզրաքարին, կոտրել այն, անցել հետիոտնի համար […] ...
