19:23 10.05.2022
Գերմանական KFW բանկի միջոցներով Գյումրիում շարունակվում են ջրամատակարարման և ջրահեռացման ցանցի նորացման աշխատանքները։ Նախորդ տարվանից անավարտ մնացած աշխատանքները Անի թաղամասում վերսկսվել են ապրիլից։ Ջրաշինարարը՝ «Դորոժնիկ» ընկերությունը, Անի թաղամասին զուգահեռ աշխատանքներ է իրականացնում նաև Մուշ 2 թաղամասում, Շիրակացի և Կոմիտաս փողոցներում, Ախուրյան և Ախուրիկ գյուղերում։ Նախորդ տարվանից անավարտ մնացած ու այս տարվանից վերսկսված բոլոր տեղամասերում շինարարները հանդիպում են քայքայված, վթարված խողովակների։
Մուշ 2 թաղամասում ջրամատակարարման ցանցի նորացման ծրագիրը ջրաշինարարը նախորդ տարվանից էր սկսել։ Անավարտ թողած աշխատանքները վերսկսել մարտ ամսվա ձմեռային եղանակը, հետո էլ անձրևներն էին խանգարում։ 15 օր է, որ շինտեխնիկա է աշխատում։ Մուշ թաղամասում ջրագծերի նորացումը 1988-ից հետո կառուցված շենքերին է վերաբերում։ Նախատեսված է փոխել շուրջ 7600 գծամետր ջրագիծ, որից անցած տարի մոտ 4600 գծամետրը նորացվել է արդեն։
Ծրագրով ջրահեռացման ցանցի նորացում Մուշ թաղամասում նախատեսված չէ։ Մասնագետների գնահատումներով, միայն ջրամատակարարման ցանցն է 35 տարում շարքից դուրս եկել, ինչ հետևանքով ջրային կորուստներն են մեծ։ Թաղամասը կառուցելու տարիներին ջրամատակարարման ցանցը անցկացվել է երկաթե խողովակներով, որոնք էլ քայքայվել են, կոռոզիայի ենթարկվել։
«Մոտավորապես 3 կմ խողովակ պետք է գցենք, տարբեր դիամետրերի, արդեն 800 մետրը գցել ենք, մնացել է 2,4 կմ ջրագիծ։ Ամենաշատը մեկ ամսից կավարտենք աշխատանքները։ Երկաթե խողովակները փոխարինվում են նորով՝ մետաղապլաստե խողովակներ են, որոնք ավելի երկարակյաց են ու դիմացկուն, փտելու հավանականություն չունեն»,- նշում է «Դորոժնիկ» ընկերության աշխղեկ Մնացական Գասպարյանը։
Հին ու մաշված ջրացանցը նորացնելու ընթացքում ջրաշինարարը միշտ նույն խնդրին է բախվում։ Հին ջրագծերը չեն ապամոնտաժվում, ինչպես Անի թաղամասում էր, նոր խրամուղիներ են փորվում։ Բայց նորն անցկացնելու ընթացքում երբեմն վնասում են գետնի տակ եղած հին ջրագծերը։ Հետո էլ առաջ են գալիս վթարները վերացնելու լրացուցիչ աշխատանքներ։
«Իրականում փտած են ջրագծերը, բոլոր տեղամասերում հայտնաբերում ենք, որ շարքից դուրս եկած են, նույնիսկ եթե մեր մեխանիզմները չեն դիպչում դրանց, ջարդվում են, ու ջուրը լցվում է տրանշի մեջ։ Մուշ թաղամասում գրունտը ժայռային է, մեր ծավալներով նախատեսված չի եղել, որ ժայռերի պետք է հանդիպենք, բայց հանդիպեցինք, ու խնդիրներ առաջ եկան, փորելը շատ դժվար է»,- ShantNews.am-ի հետ զրույցում նշել է Գյումրիի ենթակառուցվածքների վերականգնման ծրագրի ղեկավար Սուրեն Մամաջանյանը։
Դժվարություններ կան նաև Շիրակացի փողոցում, որտեղ ջրահեռացման և ջրամատակարարման ցանցը միաժամանակ են արդիականացվում։ Այստեղ նախատեսվում է մինչև մայիսի վերջ նորով փոխարինել մոտ 1,2 կմ երկարության խողովակաշար։
Լավը միայն այն է, որ նոր ասֆալտապատված փողոցներ շինարարը չի քանդում, ջրամատակարարման ցանցի նորացման ծրագրերը համաձայնեցված են իրականացնում փողոցաշինության հետ։ Այժմ այն փողոցներում, որտեղ հիմա ջրաշինարարն է աշխատում, ունի նաև պարտավորություն, որ ավարտից հետո տվյալ տեղամասերում քանդված հատվածները բերելու է նախնական տեսքին։ Որտեղ ասֆալտ է քանդվել, կասֆալտապատվի։ Ինչպես Անի թաղամասում էր, Մուշ 2-ում ևս նոր ցանցի անցկացման ընթացքում ջրամատակարարումը չի դադարեցվել, և սպառողները կշարունակեն ջուր ստանալ հին խողովակներով։
13:08 08.04.2025
Երևանի քաղաքապետարանի կոմունալ տնտեսության վարչության պետ Արսեն Կարոյանը կալանավորվել էԵրևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանը կալանավորվել է կաշառքի գործով հարուցված քրեական վարույթի շրջանակում: «Արմենպրես»-ի հաղորդմամբ՝ Վերաքննիչ հակակոռուպցիոն դատարանը բեկանել է առաջին ատյանի դատարանի որոշումը, որով Կարոյանի նկատմամբ որպես խափանման միջոց ընտրվել էր գրավը և վարչական հսկողությունը։ Դատարանի նոր որոշմամբ՝ Կարոյանի նկատմամբ որպես խափանման միջոց ընտրվել է կալանավորումը՝ երկու ամիս ժամկետով։ Արսեն […] ...
13:02 08.04.2025
Անձրև, ամպրոպ և քամու ուժգնացում․ եղանակը՝ առաջիկա օրերինԵրևանում ապրիլի 8-ի ցերեկը, 9-13-ին սպասվում է կարճատև անձրև, հնարավոր է նաև ամպրոպ։ Ապրիլի 9-10-ին սպասվում է քամու ուժգնացում՝ 13-15մ/վ արագությամբ։ Մարզերում ապրիլի 8-ի ցերեկը, 10-13-ին` առանձին շրջաններում, ապրիլի 9-ին շրջանների զգալի մասում սպասվում է անձրև և ամպրոպ, 9-ին՝ առանձին հատվածներում հորդառատ։ Ապրիլի 11-13-ին գիշերը լեռնային շրջաններում տեղումները կդիտվեն ձյան տեսքով։ Քամին՝ հարավարևմտյան՝ 3-6մ/վ: […] ...
12:52 08.04.2025
Տավուշում իրականացվելու են ականազերծված ականների պայթեցման աշխատանքներԱպրիլի 8-10-ն ընկած ժամանակահատվածում Տավուշում իրականացվելու են սահմանազատման և սահմանագծման նախորդիվ կատարված աշխատանքների շրջանակում ականազերծված ականների պայթեցման աշխատանքներ: «Բնակչությանը խնդրում ենք ընդունել ի գիտություն»,-նշված է ՀՀ ՊՆ հաղորդագրության մեջ: ...
12:40 08.04.2025
Ոստիկանները հայտնաբերել են երկու տղամարդու սպանության փորձ կատարած երիտասարդինՀամայնքային ոստիկանության Դիլիջանի բաժնում տեղեկություն է ստացվել, որ մարտի 28-ին «Դիլիջան» բժշկական կենտրոն են տեղափոխվել Հաղարծինի բնակիչ երկու տղամարդ, որոնցից 40 տարեկանը` կրծքավանդակի, իսկ 38 տարեկանը` ոտքերի հրազենային վնասվածքներով: Բուժհաստատություն մեկնած օպերատիվ խումբը պարզել է, որ դեպքը տեղի է ունեցել Հաղարծինում գտնվող չգործող հացատան տարածքում: Քրեական ոստիկանության գլխավոր վարչության, Տավուշի մարզային վարչության, համայնքային ոստիկանության Դիլիջանի […] ...
12:32 08.04.2025
Օպերատիվ իրավիճակը հանրապետությունում ապրիլի 7-8-ըԸստ ոստիկանության օպերատիվ հաղորդագրությունների ամփոփագրերի՝ ապրիլի 7-8-ը ՆԳՆ ոստիկանության ստորաբաժանումները բացահայտել են հանցագործության 102 դեպք, որոնցից 7-ը՝ նախկինում կատարված: Մասնավորապես՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու` 18, թմրանյութի հայտնաբերման՝ 14, խարդախության՝ 13, մարմնական վնասվածք պատճառելու և ֆիզիկական ներգործության՝ 7-ական, անձնական ունեցվածքի գողության ու […] ...
12:24 08.04.2025
Ախուրյան համայնքի Առափի բնակավայրում գործարկվելու են էլեկտրական շչակներԱպրիլի 9-ին՝ ժամը 12:00-ից մինչև 13:00-ն ընկած ժամանակահատվածում, Շիրակի մարզի Ախուրյան համայնքի Առափի բնակավայրում անցկացվելու է «Բնակչության ազդարարում, տարհանում, պատսպարում» թեմայով գործնական պարապմունք, որի ընթացքում գործարկվելու են էլեկտրական շչակներ։ ...
