19:03 13.04.2022
Ուսուցիչը հեռավոր սահմանամերձ Այգեհովիտից․․․ Վահեին Կառնուտում երկու տարի է, որ ճանաչում են։ Գյուղի դպրոցի հայոց լեզվի և գրականության ուսուցիչն է։ Ամեն առավոտ, ուսուցչական մատյանը ձեռքին, անխախտ ճշտապահությամբ մտնում է դասարան։ 11-րդցիների մոտ ընկեր Առուստամյանի դասաժամն է։
Վահեն 25 տարեկան է, սովորել է ԵՊՀ-ի Իջևանի մասնաճյուղում։ Իր ծննդավայրում՝ Տավուշում, աշխատանք ունեցել է, հիմա էլ «Հույսի կամուրջ» հասարակական կազմակերպության հաշմանդամություն ունեցող անձանց իրավունքների շահերի պաշտպանն է։ Տավուշից Շիրակի մարզ է հասել ուսուցիչ աշխատելու՝ «Դասավանդիր Հայաստան» կրթական ծրագրով։
«Իրականում, զուտ մենակ աշխատանքը չէր իմ տեղափոխվելու գլխավոր խնդիրը։ Ես այդ ժամանակահատվածում էլ աշխատանք ունեի հասարակական կազմակերպությունում, պարզապես փորձեցի ընտրել ավելին ունենալու և ինքս ինձ ճանաչելու և բացահայտելու հնարավորությունը»,- ասում է Վահե Առուստամյանը։
Հետո ավելացնում՝ իր որակավորմամբ ուսուցիչներ շատ կան, և խնդիրը ոչ թե հայոց լեզվի և գրականության մասնագետի պակասն էր մարզում, այլ այս ձևաչափով մանկավարժություն անելը։ Ծրագիրը ենթադրում է, բացի ուսուցչի գործից, համայնքում զարգացմանն ուղղված նախաձեռնությամբ հանդես գալ, ինչը Վահեի մոտ ստացվել է։ Այժմ դպրոցի համար կառուցվում է բիոապաստարան գրադարան, ռազմարվեստի դասասենյակն էլ արդեն պատրաստ է։
Վահեն իր ծննդավայրից է պատմում։ Ասում է՝ Այգեհովիտում բոլորն են զինվոր։ Գյուղը սահմանամերձ է, թշնամու կրակոցները՝ մշտական։
«Նախկին Ղազախ գնացող ճանապարհը հենց անցնում է գյուղի մի թաղամասի կայանի միջով, և տավուշցին, այգեհովիտցին հոգով, մտածողությամբ, կենցաղավարությամբ զինվոր է և երբեք չի մտածում իր սահմանը թողնելու, գյուղից հեռանալու մասին»։
«Դասավանդիր Հայաստան»-ը նրա համար նաև ճանաչողական ճամփորդություն է համարում։ Երկամյա ծրագրի ընթացքում Վահեն Շիրակի մարզում ճանաչել, ուսումնասիրել է բոլորովին այլ մշակույթ, խոհանոց, նիստ ու կաց, բարբառային առանձնահատկություն։ Չնայած որ Շիրակի մարզը տարբեր է Տավուշի մարզից, Վահեն այստեղ էլ ջերմություն է զգացել։
«Մի տեսակ հարազատություն եմ զգում, որովհետև կառնուտցի երեխաները այն հույսն էին, այն լույսն էին, որոնք մոտիվացրին և հնարավորություն տվեցին ինձ ներանձնային և մասնագիտական բացահայտումներ կատարելու, հետագայում կողմնորոշվելու՝ ինչ անել և ինչից սկսել»։
Մայիսին Վահեի ուսուցչական աշխատանքի ծրագիրն ավարտվում է։ Ասում է՝ մի բուռ արև է տանում Շիրակի մարզից, ժպտում է, խոստովանում, որ իր ծննդավայր Տավուշի նման Կառնուտ գյուղն էլ դարձել է մի տաքուկ անկյուն, բայց մեկ է՝ չի թողնի իր ծննդավայրն ու տունը՝ սահմանին։
«Դասավանդիր Հայաստան» ծրագիրը ենթադրում է որոշակիորեն նաև ուսուցչի մեթոդաբանության փոփոխություն, ստեղծվում է մի միջավայր, որն հնարավորություն է տալիս այլընտրանքային կամ ազատ ձևաչափով մանկավարժություն անել, իսկ ծրագրին մասնակցած ուսուցիչներն համարվում են կրթության հավասարության դեսպանները։
01:11 08.04.2025
Երկրաշարժ Ադրբեջանում. այն զգացվել է նաև Գեղարքունիքի և Սյունիքի մարզերումՍույն թվականի ապրիլի 8-ին` տեղական ժամանակով ժամը 00:35-ին (Գրինվիչի ժամանակով ապրիլի 7-ին՝ ժամը 20։35-ին) ՀՀ ՆԳՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 40.13⁰ և արևելյան երկայնության 46․56⁰ աշխարհագրական կոորդինատներով՝ Ադրբեջանի Հանրապետություն, օջախի 10 կմ խորությամբ 3․3 մագնիտուդով երկրաշարժ։ Էպիկենտրոնային գոտում ստորգետնյա ցնցման ուժգնությունը կազմել է 4-5 բալ: Երկրաշարժը զգացվել է […] ...
00:59 08.04.2025
Նեթանյահուն Թրամփի հետ քննարկել է Թուրքիայի հետ Սիրիայի հարցով հակամարտությունից խուսափելու հնարավորությունըԻսրայելը ԱՄՆ-ին դիտարկում է որպես միջնորդ, որը կարող է օգնել նրան խուսափել Սիրիայի հարցով Թուրքիայի հետ հակամարտությունից: Այս մասին հայտարարել է Հրեական պետության վարչապետ Բենիամին Նեթանյահուն՝ Սպիտակ տանը ԱՄՆ նախագահ Դոնալդ Թրամփի հետ հանդիպման արդյունքներով։ «Մենք քննարկել ենք նաև իրավիճակը Սիրիայում: Մենք բարիդրացիական հարաբերություններ ունեինք Թուրքիայի հետ, որոնք վատթարացան, և մենք չենք ուզում տեսնել, որ […] ...
00:51 08.04.2025
Ինդոնեզիայում 5,8 մագնիտուդ ուժգնությամբ երկրաշարժ է տեղի ունեցելԻնդոնեզիայում 5,8 մագնիտուդ ուժգնությամբ երկրաշարժ է գրանցվել: Այս մասին հայտնել է ԱՄՆ երկրաբանական ծառայությունը։ Երկրաշարժի էպիկենտրոնը գտնվել է ավելի քան 20 հազար բնակչություն ունեցող Սինաբանգ գյուղից 65 կմ հյուսիս-արևելք։ Օջախը գտնվել է 35 կմ խորության վրա։ Զոհերի և ավերածությունների մասին տեղեկություններ չկան։ ...
00:45 08.04.2025
The Hill. Թրամփի վարչակազմը պլանավորում է ռազմական շքերթ անցկացնել հունիսի 14-ինԱՄՆ նախագահ Դոնալդ Թրամփի վարչակազմը ծրագրում է հունիսի 14-ին զորահանդես անցկացնել ամերիկյան մայրաքաղաքում, այս մասին հայտնում է The Hill թերթը՝ հղում անելով աղբյուրներին։ Ինչպես նշվում է հրապարակման մեջ, միջոցառումը կհամընկնի ամերիկյան ցամաքային զորքերի 250-ամյակի և Թրամփի ծննդյան օրվա հետ։ Հունիսի 14-ին Սպիտակ տան առաջնորդը կդառնա 79 տարեկան։ Washington City Paper-ի տեղեկություններով՝ սպասվում է, որ շքերթի […] ...
00:33 08.04.2025
Ռոբերտ Դե Նիրոն Կաննի 78-րդ կինոփառատոնում կարժանանա պատվավոր մրցանակիԱմերիկացի դերասան Ռոբերտ Դե Նիրոն կարժանանա «Ոսկե արմավենու ճյուղի» պատվավոր մրցանակին Կաննի 78-րդ կինոփառատոնում, որը կանցկացվի մայիսի 13-ից 24-ը Ֆրանսիայի հարավում։ Այս մասին հայտնել են կինոփառատոնի կազմակերպիչները։ «Ռոբերտ Դե Նիրոն կինոյի լեգենդ է դարձել իր ներքուստ կենտրոնացած ոճով, որը դրսևորվում է թե՛ նրա ժպիտի փափկությամբ, թե՛ հայացքի ամրությամբ»,- նշվում է հայտարարության մեջ։ Մրցանակը կհանձնվի մայիսի […] ...
00:23 08.04.2025
Թրամփին չի գոհացնում Ուկրաինայի շուրջ ստեղծված ներկայիս իրավիճակըՌուսաստանը, ԱՄՆ-ը և Ուկրաինան կարող են մոտենալ պայմանավորվածություններին, սակայն Վաշինգտոնին չի բավարարում ստեղծված իրավիճակը։ Այս մասին հայտարարել է ԱՄՆ նախագահ Դոնալդ Թրամփը։ «Մենք հանդիպում ենք Ռուսաստանի հետ, հանդիպում ենք Ուկրաինայի հետ: Եվ թվում է, թե մոտենում ենք (խմբ.համաձայնություններին): Բայց ինձ դուր չեն գալիս վերջին շաբաթվա բոլոր ռմբակոծությունները: Դա սարսափելի է»,- ասել է Թրամփը Իսրայելի վարչապետ […] ...
