19:52 08.04.2022
Գունային համադրումներով ստեղծված գործերի հեղինակը մասնագիտությամբ դաշնակահար է։ Ստեղծագործելու մուսան նրա մոտ սկիզբ է առել 20 տարի առաջ։ Վրձին ու մատիտ երբևէ ձեռքը չառած երաժիշտը նկարել սկսել է 44 տարեկանում։ Իսկ տրված շնորհը, ասում է, խորհրդավոր ուժերից էր, թելադրանքով ու անզուսպ ցանկությամբ անգամ գիշերներն է նկարել, իսկ արդյունքում աբստրակտ պատկերներ էին ծնվում:
«20 տարի առաջ մի հրաշք երևույթից հետո, զանգերի ձայներից ես վեր եմ կացել գիշերը ու սկսել եմ նկարել հետաքրքիր գույներ։ Այդ ժամանակ չհասկացա, թե ինչ էր դա։ Ամբողջ գիշեր նկարեցի, հետո առավոտյան, երբ ճաշ էի պատրաստում, մի րոպե վրձինս վերցնում էի, էդ աշխատանքս կատարում էի, նորից անցնում իմ տնային աշխատանքներին»,- պատմում է նկարչուհի Նառա Անանյանը։
Այն, ինչ կատարվում էր Նառայի հետ և նրա պահվածքում, մեղմ ասած, անակնկալ է եղել ընտանիքի համար։ Դուստրն է պատմում, թե գիշերով ինչպես էր մայրը նկարում, իսկ ընտանիքի անդամները դարձել էին նրա ստեղծագործական անքուն գիշերներին հետևողները։
Մեկը մյուսին հաջորդող նկարների պայծառ գույներում Նառա Անանյանը բարություն, լույս ու սեր է փնտրում։ Քաղաքի սև գույների մեջ՝ լույս․․․ Երկրաշարժից հետո արված աշխատանքներն այսպես են բնութագրել արվեստագետներն ու հայտնի նկարիչները: Վերացական ստեղծագործություններով իր ներաշխարհը դատարկող կնոջը ոգեշնչել են գործընկերների կարծիքներն ու նրան մղել ավելի կատարյալ ու գեղեցիկ գործեր ստեղծելուն:
Հետո աշխատանքները տեսել ու գնահատել է հայտնի վաստակավոր նկարիչ, գյումրեցի Խաչատուր Վարդպարոնյանը, որին հատկապես զարմացրել էր ինքնուս նկարչուհու գույների համադրման ճիշտ զգացողությունն ու կտավի հետ աշխատանքի բծախնդրությունը:
«Պատահել է, որ ընկեր Վարդպարոնյանը մեր տուն է եկել, ինձ շատ յուղաներկեր է նվիրել։ Ասաց, աղջիկ ջան, վերցրու շեդեվրներ նկարի։ Ինքը ընդհանրապես չի սիրել աբստրակցիան որպես ոճ, բայց իմ աշխատանքները շատ էր սիրում»,- հիշում է ինքնուս նկարչուհին։
Ցուցահանդեսին ներկայացված մոտ 30 աշխատանքներն ինքնուս ստեղծագործողի սկզբնական շրջանի գործերն են։ Նառա Անանյանի գործունեության վրա նաև մեծ ազդեցություն է ունեցել այն միջավայրը, որտեղ երկար տարիներ է: Աշխատում է Գեղարվեստի պետական ակադեմիայի Գյումրիի մասնաճյուղում, ուսումնական մասի վարիչն է, գույների ներաշխարհում, ստեղծագործող մարդկանց կողքին է օրվա մեծ մասը։
2005 թվականին Նառա Անանյանը եղել է այն 50 արվեստագետ կանանցից մեկը, որի աշխատանքները ներգրավվել են ՀՀ արտաքին գործերի նախարարության նախաձեռնած «Ստեղծագործական համադրություն» ցուցահանդեսում։ Մեկ տարի առաջ առցանց միջազգային մրցույթում Նառա Անանյանի հինգ աշխատանքներն արժանացել են մրցանակային դիպլոմների:
10:52 09.04.2025
Ալիևն անդրադարձել է Հայաստանի հետ «վստահություն կառուցելու» քայլերի հարցինԱդրբեջանը պատրաստ է քայլեր սկսել Հայաստանի հետ վստահություն կառուցելու համար։ Այս մասին Բաքվում «Դեպի նոր աշխարհակարգ» միջազգային ֆորումի ժամանակ հայտարարել է Ադրբեջանի նախագահ Իլհամ Ալիևը։ «Իհարկե, մենք չենք պատկերացնում, թե ինչպես անմիջապես կընկերանանք Հայաստանի հետ, դա անիրատեսական է: Անգամ տնտեսական ինտեգրացիայի մասին խոսելը վաղաժամ է: Բայց մենք պատրաստ ենք սկսել փոքր քայլերով վստահություն կառուցելու ուղղությամբ»,- […] ...
10:45 09.04.2025
Երևանում անցկացվել է ԱՊՀ անդամ երկրների մաքսային ծառայությունների իրավապահ ստորաբաժանումների կինոլոգիական հարցերով աշխատանքային խմբի 31-րդ նիստըՊետական եկամուտների կոմիտեն առաջին անգամ հյուրընկալել է ԱՊՀ անդամ երկրների մաքսային ծառայությունների կինոլոգիական ստորաբաժանումների ղեկավարներին։ ՊԵԿ մաքսանենգության դեմ պայքարի վարչության շնագիտական կենտրոնում ապրիլի 8-ից 10-ն անցկացվում է ԱՊՀ անդամ երկրների մաքսային ծառայությունների ղեկավարների խորհրդի իրավապահ ստորաբաժանումների ղեկավարների կոմիտեի կազմում գործող կինոլոգիական հարցերով աշխատանքային խմբի հերթական՝ 31-րդ նիստը։ Մասնակցել են Հայաստանի Հանրապետության, Ռուսաստանի Դաշնության, Բելառուսի, Ուզբեկստանի, […] ...
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
10:15 09.04.2025
Տարադրամի փոխարժեքներն ապրիլի 9-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 433 դրամ: Ռուսական ռուբլու առքի առավելագույն արժեքն է 4․50 դրամ, վաճառքի նվազագույն արժեքը՝ 4․64 դրամ: ...
