18:44 02.04.2022
Գյումրիի շուրջօրյա խնամքի կենտրոնի՝ նախկին տարեցների տուն-ինտերնատի երկու մասնաշենքերի հիմնանորոգումն ավարտվել է: Շենքային պայմաններն հարմարեցվել են տարեցների ու անկողնային հիվանդների խնամքն իրականացնելու համար: Հիշեցնենք, 2020 թվականից կառույցը վերակազմավորվել է խնամքի շուրջօրյա կենտրոնի, որի կառավարման պատասխանատվությունը ՀՀ աշխատանքի և սոցիալական հարցերի նախարարությունը հանձնել է Հայկական Կարմիր խաչի ընկերությանը։
Գյումրիի շուրջօրյա խնամքի կենտրոնի հիմնանորոգված սանհանգույցներն հարմարեցված են հաշմանդամություն ունեցող և սայլակով տեղաշարժվող անձանց համար: Շարժական դռներից բացի, ինքնուրույն լոգանք ընդունելու համար այստեղ տեղադրված են նաև հարմարավետ միջոցներ:
Հիմնանորոգված մասնաշենքը 24 շահառուի համար է նախատեսված, որին կից հաստատության առաջին հարկում բացվել է նոր բաժանմունք, որը նախատեսված է միայն անկողնային հիվանդների խնամքն ու բուժումը կազմակերպելու համար: Այն ապահովված է բժշկական սարքավորումներով, խնամվողների հետ աշխատում են նեղ մասնագետներ:
«Բաժանմունքում 10 անկողնային հիվանդ կա հիմա, բայց նախատեսված է 16 շահառուների համար։ Նմանատիպ հատուկ խնամքի բաժանմունք Շիրակի մարզում դեռևս չի եղել։ Հետագայում մենք նախատեսում ենք նաև լիցենզավորվել առողջապահության նախարարության կողմից և ստեղծել ամոքիչ բժշկության բաժանմունք»,- ShantNews.am-ի հետ զրույցում նշում է Գյումրիի շուրջօրյա խնամքի կենտրոնի համակարգող Արտյոմ Պետրոսյանը։
Բոլոր բաժանմունքներն ունեն հերթապահող անձնակազմեր: Երկու մասնաշենքը լիարժեք գործում է, զուգահեռ մյուս հարկաբաժիններում նորոգումները ընթացքի մեջ են: Շուրջօրյա խնամքի կենտրոնի կառավարման գործառույթում է նաև 1972 թվականի կառույցի մյուս 4 մասնաշենքերի հիմնանորոգումը։
Ծրագրի շարունակությունը Հայկական Կարմիր խաչը իրականացնելու է դոնոր կազմակերպությունների համագործակցությամբ։ Այս ընթացքում դադարեցվել էր խնամքի հաստատություն ընդունելությունը: Երկու մասնաշենքերը վերաբնակեցնելուց հետո շահառուների ընդունելությունը վերսկսել են:
Խնամքի կենտրոն շահառուների ընդունելություն ընկերությունը կատարում է նոր սահմանված չափորոշիչներով: Վտանգավոր վարքագծով և լուրջ խնամքի կարիք չունեցող մարդկանց ուղեգրումը կենտրոն բացառում են:
«Վերանորոգման ընթացքում բնակելի հատվածներում մեզ մոտ 125-130 շահառուներ կային, ներկա պահին 142-ն է։ Ընդհանուր տիպի խնամքի հաստատություն արգելվում է ընդունել հոգեկան հիվանդություններով տառապող քաղաքացիների, ինչպես նաև նարկոլոգիական դիսպանսերում գրանցված քաղաքացիների։ Ուղեգրեր ստանալու դեպքում մենք շատ ուշադիր ենք»,- նշում է կենտրոնի պատասխանատուն։
Կենտրոնի բնակիչների կեցության պայմանները խմբավորվում են ըստ կարիքի ու ֆունկցիոնալության աստիճանի: Տարեց ու առանձնահատուկ խնամքի կարիք ունեցող բնակիչների թվի ավելացմամբ պայմանավորված՝ կենտրոնի սպասարկող անձնակազմի քանակը ևս ավելացել է։
10:52 09.04.2025
Ալիևն անդրադարձել է Հայաստանի հետ «վստահություն կառուցելու» քայլերի հարցինԱդրբեջանը պատրաստ է քայլեր սկսել Հայաստանի հետ վստահություն կառուցելու համար։ Այս մասին Բաքվում «Դեպի նոր աշխարհակարգ» միջազգային ֆորումի ժամանակ հայտարարել է Ադրբեջանի նախագահ Իլհամ Ալիևը։ «Իհարկե, մենք չենք պատկերացնում, թե ինչպես անմիջապես կընկերանանք Հայաստանի հետ, դա անիրատեսական է: Անգամ տնտեսական ինտեգրացիայի մասին խոսելը վաղաժամ է: Բայց մենք պատրաստ ենք սկսել փոքր քայլերով վստահություն կառուցելու ուղղությամբ»,- […] ...
10:45 09.04.2025
Երևանում անցկացվել է ԱՊՀ անդամ երկրների մաքսային ծառայությունների իրավապահ ստորաբաժանումների կինոլոգիական հարցերով աշխատանքային խմբի 31-րդ նիստըՊետական եկամուտների կոմիտեն առաջին անգամ հյուրընկալել է ԱՊՀ անդամ երկրների մաքսային ծառայությունների կինոլոգիական ստորաբաժանումների ղեկավարներին։ ՊԵԿ մաքսանենգության դեմ պայքարի վարչության շնագիտական կենտրոնում ապրիլի 8-ից 10-ն անցկացվում է ԱՊՀ անդամ երկրների մաքսային ծառայությունների ղեկավարների խորհրդի իրավապահ ստորաբաժանումների ղեկավարների կոմիտեի կազմում գործող կինոլոգիական հարցերով աշխատանքային խմբի հերթական՝ 31-րդ նիստը։ Մասնակցել են Հայաստանի Հանրապետության, Ռուսաստանի Դաշնության, Բելառուսի, Ուզբեկստանի, […] ...
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
10:15 09.04.2025
Տարադրամի փոխարժեքներն ապրիլի 9-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 433 դրամ: Ռուսական ռուբլու առքի առավելագույն արժեքն է 4․50 դրամ, վաճառքի նվազագույն արժեքը՝ 4․64 դրամ: ...
