24 11 2024

$

389.76
3.79
€

406.40

+7.09 ^oC

Գարշահոտություն և հոսանքահարվելու վտանգ. Գյումրիի քաղաքապետարանի և էլցանցերի անգործության հետևանքը

ՀԱՅԱՍՏԱՆ

18:55 28.07.2018

Արտակարգ իրավիճակ է Գյումրիի Ղանդիլյան փողոցի 11/40 շենքում: Բակն անբարեկարգ է, անձրևաջրերը կուտակվում են ու ճահիճ գոյացնում: Բարեկարգման աշխատանքներ քաղաքապետարանը չի կատարում՝ պատճառաբանելով, թե շենքի էլեկտրական մալուխները խանգարում են հարթեցման աշխատանքներին, բայց էլցանցին համապատասխան գրությամբ չի դիմել:

Երկու կառույցների անգործության հետևանքը շենքի բակում տիրող գարշահոտությունն է ու հոսանքահարման վտանգը: Ղանդիլյան 11/40 շենքի բակում տարբեր հաստության ու խճճված հոսանքալարերն ամենուր են: Դրանց բարձրությունը գետնից մեկ մետրից մի փոքր ավելի է: Այս մալուխներն ապահովում են 2 բնակելի շենքի ու հարակից սեփական տների էլեկտրամատակարարումը:

90-ականներին հախուռն էլեկտրաֆիկացման հետևանքները մինչ օրս վերացված չեն: Հաշվիչները տրանսֆորմատորային ենթակայանում են տեղադրված, և յուրաքանչյուր բնակարանի առանձին ու ցածր անցկացված հաղորդալարով հոսանք է հասնում: Մալուխները խանգարում են նաև քաղաքապետարանին շենքի բակում բարեկարգման աշխատանքներ կատարել: Համենայնդեպս, այդպես են բացատրել բնակիչներին:

Շենքը թեքության վրա է կառուցվել՝ այստեղ նախկինում ճահիճ է եղել: Եղած խոնավությանը անձրևաջրերն են գումարվել, ու տարածքում տիղմն ու կուտակված ջուրն արդեն 5 ամիս է, ինչ անպակաս են: Քաղաքապետարանն էլցանցին չի դիմել, փոխարենը, բնակիչներն են բազմիցս դիմումներ ուղարկել: Էլցանցի պատասխանը շենքի բնակիչներին նույնն է, ինչ խճճված մալուխներ ունեցող մյուս բոլոր թաղամասերի դեպքում, այն է՝ սպասել ներդրումների: Էլեկտրական ցանցերը 20 տարվա ընթացքում դեռ չի հասել անհատական բնակարաններին սնուցող մալուխների նորացմանը: Հերթագրել են ու հիմա 10 կիլովոլտ լարման գծերի հերթն է հասել:

«Եթե ծրագրում ենք, որ ներդրումային ծրագիր ենք անելու և ամբողջ քաղաքի ցանցը մեկ տարում հիմնանորոգելու ենք, դա չի ստացվի: Մեզ երևի տարիներ են պետք, որ այդ ամբողջ ծավալը վերականգնենք, նորմալացնենք»,- SHANTNEWS.AM-ի հետ զրույցում ասել է «Հայաստանի էլեկտրական ցանցեր» ՓԲԸ «Ղարս» մասնաճյուղի գլխավոր ճարտարագետ Գրիշա Մարտիրոսյանը:

Ներկայումս Ղանդիլյան 11/40 շենքի մալուխային ցանցի նորոգման առաջարկի փաթեթը կազմվելու և ուղարկվելու է «Հայաստանի էլցանցեր»-ին: Նախագիծ է կազմվելու ու էլի հերթի է դրվելու, իսկ բակում բարեկարգման աշխատանքների համար մալուխների բարձրացման ժամանակավոր տարբերակ կկիրառվի, եթե Գյումրիի քաղաքապետարանը դիմի:

Լուսինե Հայրապետյան

Գյումրի

Բաժանորդագրվեք SHANTNEWS.am-ին Telegram-ում

Բոլոր լուրերը

11:20 24.11.2024
Այրվել է մոտ 500 հակ անասնակեր

Կապակցված լուրեր

11:20 24.11.2024

Այրվել է մոտ 500 հակ անասնակեր

Նոյեմբերի 24-ին, ժամը 04:57-ին Արմավիրի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մարգարա գյուղի 5-րդ փողոցի տներից մեկի մոտակայքում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 06:10-ին, մարվել՝ 07:55-ին: Այրվել է մոտ 500 հակ անասնակեր: Հրդեհաշիջման աշխատանքներում ներգրավվել […] ...

11:00 24.11.2024

Դավիթ Խուդաթյանն ընտրվել է ՔՊ-ի Արմավիրի տարածքային կազմակերպության խորհրդի նախագահ

Քաղաքացիական պայմանագիր կուսակցության Արմավիրի գրասենյակում անցկացվել են Արմավիրի տարածքային կազմակերպության խորհրդի անդամների և վերահսկողի ընտրություններ։ Փակ, գաղտնի քվեարկությամբ ձևավորվել է կուսակցության Արմավիրի տարածքային կազմակերպության խորհուրդը, ընտրվել է վերահսկող։ Խորհրդի անդամների քվեարկությամբ ՀՀ Տարածքային կառավարման և ենթակառուցվածքների նախարար Դավիթ Խուդաթյանն ընտրվել է Արմավիրի տարածքային կազմակերպության խորհրդի նախագահ. կուսակցության վարչության նիստում հաստատվել է Դավիթ Խուդաթյանի թեկնածությունը։ ...

10:40 24.11.2024

Հրդեհ ավտոտնակում

Նոյեմբերիի 24-ին, ժամը 03:19-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Նոր Արեշի 44-րդ փողոցի տներից մեկի առաջին հարկում գտնվող ավտոտնակում այրվում է ավտոմեքենա: Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ և Ճգնաժամային կառավարման ազգային կենտրոնի օպերատիվ […] ...

10:20 24.11.2024

Ռումինիայում նախագահական ընտրություններ են

Ռումինիայում նախագահական ընտրություններ են ընթանում։ Երկրի բնակիչներն ընտրում են պետության ապա նախագահին, հայտնում է ՌԻԱ Նովոստին։ Ռումինիայում նախագահական ընտրություններն անցկացվում են կիրակի օրը, դրանք անցկացվում են հինգ տարին մեկ։ Երկրում ընտրողների մասնակցության շեմ չկա, ընտրությունները վավեր կճանաչվեն ցանկացած թվով մասնակիցների դեպքում: Ժամը 9.00-ին Ռումինիայում սկսել է գործել գրեթե 19 հազար ընտրատեղամաս։ Ռումինիայի քաղաքացիները, ովքեր ապրում […] ...

10:00 24.11.2024

Այրվել է վագոն-տնակ. տուժածներ չկան

Նոյեմբերի 23-ին, ժամը 21:28-ին Արմավիրի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ջրարբի գյուղում այրվում է բնակելի վագոն-տնակի տանիք: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ Միսակ Մեծարենց փողոցում այրվում է վագոն-տնակ (25 քմ)։ Հրդեհը մեկուսացվել է ժամը 22:03-ին, մարվել՝ 23:40-ին: Այրվել […] ...

09:40 24.11.2024

Այսօր էլ Իջևանում շրջեցինք հեծանիվով․ Փաշինյան

ՀՀ վարչապետ Նիկոլ Փաշինյանը Ֆեյսբուքի իր էջում տեսանյութ է հրապարակել, որին կից գրել է․ «Այսօր էլ Իջևանում շրջեցինք հեծանիվով՝ 30 կմ»։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.