20:27 25.03.2022
Գյումրիի Մուշ 2/2 թաղամասի շենքերի բակերում թափված են ուժեղ քամիների հետևանքով տանիքներից, օդատարներից պոկված թիթեղները։ Մի քանի օրերի քամին այս թաղամասում այլ վնասներ էլ է պատճառել. շենքերի երեսապատման սալիկները, ջրհորդաններն է պոկել, կոտրել է մուտքերի դռները։
Թաղամասը սպասարկող «Երազ» համատիրության տարածքում գտնվող 38 շենքերի կեսը քամիներից միշտ վնասներ է կրում, պատճառը ոչ միայն շենքերի հյուսիսային դիրքն է, բաց տարածքում գտնվելը, նաև անորակ շինարարությունը։ Երկու օր առաջվա ուժեղ քամուց մուտքերի 14 դուռ է կոտրվել։
«Մեր դռներն ինչղ օր թուղթ էղնին, մի հատ թեթև քամի էլ որ բարձրանում է, պոկում պետլիներից, ընկնում են ներքև»,- ShantNews.am-ի հետ զրույցում նշում է համատիրության նախագահ Սեյրան Պոլոյանը։
Կոտրված դռները ընթացիկ նորոգում են, ամրացնում, իսկ վնասված տանիքների նորոգման համար սպասելու են, քամու պատճառով հնարավոր չէ քառահարկ շենքի տանիք բարձրանալ։
Ուժեղ քամին և մարզի տարածքում շարունակվող ձյունը խանգարում են վերականգնել մի շարք բնակավայրերի էներգամատակարարումը։ Արդեն մեկ շաբաթ է հոսանքազրկված են Աշոցքի տարածաշրջանի ձորի գյուղերը, ուժեղ քամուց վնասվել են էներգասնուցման բարձրավոլտ գծերը։
«Մուսայելյանում ունենք ենթակայան՝ էնքան է ձյունը լցրել, որ 2,5-3 մետր բարձրություն ունեցող բաժանարարները հայտնվել են ձյան տակ և էդ պայմաններում աշխատելը բավականին դժվար է», – նշում է ՀԷՑ ՓԲԸ «Ղարս» մասնաճյուղի գլխավոր ճարտարագետ Գրիգոր Մարտիրոսյանը։
Էլեկտրաէներգիայի մատակարարման անջատումներ եղել են նաև Ախուրյանի և Արթիկի տարածաշրջաններում։ Վթարների վերացումը տեղի է ունենում ձնաբքի պայմաններում, հերթապահ խմբերը ենթակայաններ երբեմն հասնում են ոտքով, ձյան հաստ շերտի ու տեսանելիության բացակայության պատճառով այս պահին էլ շատ բնակավայրերի մոտենալ անհնար է։
«Օդային գծերի ուղեծրերը ոչ միշտ են համընկնում ճանապարհի եզրի հետ, շատ դեպքերում գծերը բարձրանում են բարձրադիր մասերից, իջնում են ներքև մարդկանց համար անհասանելի տարածքներով, իսկ նման ձյան տեղումների և քամու պայմաններում բարձրանալը երբեմն անհնար է», – ասում է Գրիգոր Մարտիրոսյանը։
Վնասված մեկ օդային գծով սնուցվում է երբեմն մինչև 4 բնակավայր, հետևաբար մեկ մալուխի վնասման դեպքում հոսանքազրկվում է մի քանի բնակավայր։ Գյումրիում ևս ունեցել են վթարներ, օդային գծերն են վնասվել, քամուց կտրվել են բնակարանները սնուցող մալուխները, որոնց վերականգնումն ավելի արագ է կատարվել։ Գյումրիում ամբողջական հոսանքազրկվել են 1-2 թաղամաս և առանձին բաժանորդներ լույս չեն ունեցել միայն մի քանի ժամով։
10:52 09.04.2025
Ալիևն անդրադարձել է Հայաստանի հետ «վստահություն կառուցելու» քայլերի հարցինԱդրբեջանը պատրաստ է քայլեր սկսել Հայաստանի հետ վստահություն կառուցելու համար։ Այս մասին Բաքվում «Դեպի նոր աշխարհակարգ» միջազգային ֆորումի ժամանակ հայտարարել է Ադրբեջանի նախագահ Իլհամ Ալիևը։ «Իհարկե, մենք չենք պատկերացնում, թե ինչպես անմիջապես կընկերանանք Հայաստանի հետ, դա անիրատեսական է: Անգամ տնտեսական ինտեգրացիայի մասին խոսելը վաղաժամ է: Բայց մենք պատրաստ ենք սկսել փոքր քայլերով վստահություն կառուցելու ուղղությամբ»,- […] ...
10:45 09.04.2025
Երևանում անցկացվել է ԱՊՀ անդամ երկրների մաքսային ծառայությունների իրավապահ ստորաբաժանումների կինոլոգիական հարցերով աշխատանքային խմբի 31-րդ նիստըՊետական եկամուտների կոմիտեն առաջին անգամ հյուրընկալել է ԱՊՀ անդամ երկրների մաքսային ծառայությունների կինոլոգիական ստորաբաժանումների ղեկավարներին։ ՊԵԿ մաքսանենգության դեմ պայքարի վարչության շնագիտական կենտրոնում ապրիլի 8-ից 10-ն անցկացվում է ԱՊՀ անդամ երկրների մաքսային ծառայությունների ղեկավարների խորհրդի իրավապահ ստորաբաժանումների ղեկավարների կոմիտեի կազմում գործող կինոլոգիական հարցերով աշխատանքային խմբի հերթական՝ 31-րդ նիստը։ Մասնակցել են Հայաստանի Հանրապետության, Ռուսաստանի Դաշնության, Բելառուսի, Ուզբեկստանի, […] ...
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
10:15 09.04.2025
Տարադրամի փոխարժեքներն ապրիլի 9-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 433 դրամ: Ռուսական ռուբլու առքի առավելագույն արժեքն է 4․50 դրամ, վաճառքի նվազագույն արժեքը՝ 4․64 դրամ: ...
