20:06 25.03.2022
Ապրիլի 8-ից վարորդական իրավունքի վկայականի ձեռք բերման համար այսուհետ տեսական քննության մասնակիցները 630-ի փոխարեն կպատասխանեն 1200 հարցի։ Ոլորտի մասնագետները սա գնահատում են որպես ապագա վարորդների համար ճանապարհային երթևեկության կանոններին հստակ տիրապետելու քայլ։
«Կարիք առաջացավ հարցաշարն ավելացնելու․ դա բխում էր նաև ճանապարհային երթևեկության ոլորտում Եվրոպական միության 2006 թվականի 126 N հրահանգի պահանջից, որին Հայաստանի Հանրապետությունը միացել էր 2018թվականին, որի պատճառով էլ ամբողջությամբ փոխվեց վարորդական վկայականի տրամադրումը, որակավորման քննությունների տրամաբանությունը և ընթացակարգը»,-ShantNews.am-ի հետ զրույցում նշել է ՃՈ իրավաբանական բաժնի պետ Հայկ Վարդանյանը։
Մինչև գործնականի հասնելը, պետք է յուրացնել տեսականը՝ բաղկացած 1200 հարցի։ Ճանապարհային ոստիկանության կայքում հարցերը տեղադրված են, շատերն առանց ավտոդպրոց հաճախելու հարցերն անգիր են անում, պատասխանում ու տեսականի համար գերազանց ստանում, որն արդեն գործնականի պարագայում քիչ բան ասող է դառնում։
«Այդ պահին տեսողական հիշողությունն է զարգանում, արագ պատասխանում են հետագայում արդեն բուն երթևեկության մեջ վարելիս դժվարանում են, իսկ այս պարագայում տեսնում են ավելի շատ նկարներ տարբեր ռակուրսներից, ավելի հասկանալի են լինում, թե որ մեքենան, որին պետք է զիջի կամ որն ունի առավելություններ»,- նշում է տեսականի դասընթացավար Արմեն Պողոսյանը։
Ընդհանուր օգտագործման տրանսպորտային միջոցների խաչմերուկներում անցնելու հերթականություն, ճանապարհային նշաններին վերաբերող հարցեր։ Տեսականի ավելացված 500-ից ավելի հարցերն այս շրջանակից են ։Տեսականից գործնական քննության անցնելու փոքրիկ վիճակագրությունը հետևյալ պատկերն է արտացոլում՝ 20 ուսանողից 19-ին հաջողվում է տեսական հարցաշարը դրական ստանալ, իսկ գործնական քննություն հանձնող 4 ուսանողից միայն մեկին է հաջողվում վարորդական իրավունքի վկայական ձեռք բերել ։
Ապրիլի 1-ից մեկ գործողություն կրճատվել է վարորդների համար։ Տրանսպորտային միջոցի գույքահարկի կամ այլ հարկային պարտավորությունների համար համայնքապետարանից զրոյական փաստաթուղթ վերցնելու պահանջը հանվել է։ Ճանապարհային ոստիկանությունում նոր կարգավորում է մշակվել, բացառելով փաստաթղթային վարչարարությունը, որին կարող են ծանոթանալ էլեկտրոնային համակարգի միջոցով՝ առցանց։
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
10:15 09.04.2025
Տարադրամի փոխարժեքներն ապրիլի 9-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 433 դրամ: Ռուսական ռուբլու առքի առավելագույն արժեքն է 4․50 դրամ, վաճառքի նվազագույն արժեքը՝ 4․64 դրամ: ...
10:00 09.04.2025
Պենտագոն. ԱՄՆ-ը դեռ որոշում չի կայացրել Եվրոպայում ռազմական կոնտինգենտի կրճատման վերաբերյալԱՄՆ-ը դեռ որոշում չի կայացրել եվրոպական երկրներում իր ռազմական կոնտինգենտը կրճատելու վերաբերյալ։ Այս մասին հայտնել է Պենտագոնի մամուլի ծառայությունը՝ ի պատասխան լեհական TVP հեռուստաալիքի խնդրանքի՝ չհերքելով նման գաղափարի առկայությունը։ «Ներկայումս ընթանում է ռազմական կառուցվածքի վերանայում, բայց դեռ որոշումներ չեն ընդունվել Եվրոպայում ամերիկյան զորախմբի վերաբերյալ: ԱՄՆ-ի հավատարմությունը ՆԱՏՕ-ին ամուր է, սակայն ԱՄՆ-ը ակնկալում է, որ եվրոպացի […] ...
09:51 09.04.2025
ՀՀ ԶՈՒ ստորաբաժանումները կրակ չեն բացել ադրբեջանական դիրքերի ուղղությամբ. ՊՆԱդրբեջանի ՊՆ հաղորդագրությունը, թե իբր ապրիլի 8-ին՝ ժամը 19:20-22:30-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։ Այս մասին հայտնում են ՊՆ-ից։ «Հիշեցնենք, որ Հայաստանի Հանրապետության վարչապետի աշխատակազմն առաջարկել է հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել, ինչին մինչև […] ...
