18:48 21.03.2022
Արթիկում նոր բժշկական կենտրոն կկառուցվի։ Ժամկետները հրատապ չեն, առայժմ հստակեցվում է մասնաշենքի կառուցման վայրը։ Ներկայումս գործող հիվանդանոցը, որը ոչ տիպային է՝ ընդամենը հարմարեցված բուժհաստատության, սպասարկում է ամբողջ Արթիկի տարածաշրջանի 55 հազարից ավելի բնակչության: 50-60 ականներին կառուցված շենքում իրականացվող կոսմետիկ կամ մասնակի վերանորոգումները վիճակից ելք չեն, շենքայինից բացի, Արթիկի բժշկական կենտրոնը բուժսարքավորումների նորացման անհրաժեշտություն ունի։
20 տարի առաջ հիվանդանոցի ամբուլատոր մասն է վերանորոգվել, իսկ 2006 թ․-ին ստացիոնար մասում մասնակի ու միայն կոսմետիկ նորոգում է եղել։ Հետո արված վերանորոգումներն արդեն բուժհաստատության միջոցներով են եղել։ Մինչև ստացիոնարում համեմատաբար բարվոք պայմաններ են ստեղծել, ամբուլատոր բաժանմունքն է շարքից դուրս եկել։
Ընտանեկան բժշկի սենյակ մտնելիս զգուշություն է հարկավոր, քանդված մանրահատակը հասցրել է մի քանի պացիենտի գետնին տապալել։ Բայց հիմա ամբուլատոր բաժանմունքի վերանորոգումից առավել, բուժանձնակազմի համար հրատապ է բուժսարքավորումների հարցի լուծումը։ Առաջնահերթ փոխելու անհրաժեշտություն ունեն սոնոգրաֆիայի, ռենտգեն և ԷԿԳ-ի սարքերը։ Նորերն ունենալու հույսով, արդեն հին ռենտգեն սարքը միջանցքում է հայտնվել, իսկ սոնոգրաֆիայինը էլի հին է, բայց դեռ օգտարգործում են։
«Էս սարքը 20 տարվա վաղեմություն ունի, ու էս ապարատով ես նայում եմ ամբողջ տարածաշրջանի բնակչությանը։ Շատ դեպքերում սարքավորումների պակասի պատճառով մեր բնակիչներին ուղղորդում ենք կա՛մ Գյումրի, կա՛մ Երևան, որպեսզի համապատասխան բժշկական հետազոտություն էնտեղ ստանան»,- ասում է Արթիկի ԲԿ փոխտնօրեն Տիրուհի Քարտաշյանը։
Ժամկետանց բուժսարաքավորումներից դեռ հրաժարվել չի լինում, դրանք արդիականացնելու հարցը սեփական միջոցներով լուծվող խնդիրներից չէ։ Հիվանդանոցում թեկուզ մասնակի, կոսմետիկ փոփոխությունները որոշակիորեն ազդում են դիմելության ցուցանիշի վրա։ 2020 թվականին ստացիոնար բուժում է ստացել 658 հիվանդ, 2021-ին՝ արդեն 826-ը։
Արթիկի տարածաշրջանի բնակչության համար նոր բժշկական կենտրոնի կառուցումը վաղուց է կառավարության օրակարգում։ Այժմ Արթիկի բժշկական կենտրոնն ընդգրկվել է առողջապահական հաստատությունների կառուցման ցանկում։ Արթիկում հարմար հողատարածք են փնտրում նոր կենտրոն կառուցելու համար։
«Քանի որ տարածքը բավականին մեծ է՝ շուրջ 1 հեկտարից ավելի, Արթիկում այդքան տարածք չկա, մենք փնտրտուքի մեջ ենք, որտեղ որ հնարավոր է՝ նույնիսկ անհատից գնել ինչ-որ չափ, մյուսն էլ համայնքից վերցնենք, մենք դա պարտադիր անելու ենք։ Հիմա համայնքը մի քանի հողամաս է առաջարկել, դրանք ուսումնասիրման փուլում են»,- նշել է Արթիկի համայնքապետարանի աշխատակազմի քարտուղար Արա Սուքիասյանը։
Տարածքի ընտրությունը աշխատակազմի քարտուղարը համարում է ամենաբարդ գործը։ Մի քանի տարածքներ դեռ ուսումնասիրում են, բայց դրանց ենթակայության, գործառնական նշանակության հարցերը դեռ կարգավորումներ են ստանալու։ Խոսքը 1 հեկտարից ավելի տարածքի մասին է, որն այս պահին Արթիկում դժվար է գտնել։
10:52 09.04.2025
Ալիևն անդրադարձել է Հայաստանի հետ «վստահություն կառուցելու» քայլերի հարցինԱդրբեջանը պատրաստ է քայլեր սկսել Հայաստանի հետ վստահություն կառուցելու համար։ Այս մասին Բաքվում «Դեպի նոր աշխարհակարգ» միջազգային ֆորումի ժամանակ հայտարարել է Ադրբեջանի նախագահ Իլհամ Ալիևը։ «Իհարկե, մենք չենք պատկերացնում, թե ինչպես անմիջապես կընկերանանք Հայաստանի հետ, դա անիրատեսական է: Անգամ տնտեսական ինտեգրացիայի մասին խոսելը վաղաժամ է: Բայց մենք պատրաստ ենք սկսել փոքր քայլերով վստահություն կառուցելու ուղղությամբ»,- […] ...
10:45 09.04.2025
Երևանում անցկացվել է ԱՊՀ անդամ երկրների մաքսային ծառայությունների իրավապահ ստորաբաժանումների կինոլոգիական հարցերով աշխատանքային խմբի 31-րդ նիստըՊետական եկամուտների կոմիտեն առաջին անգամ հյուրընկալել է ԱՊՀ անդամ երկրների մաքսային ծառայությունների կինոլոգիական ստորաբաժանումների ղեկավարներին։ ՊԵԿ մաքսանենգության դեմ պայքարի վարչության շնագիտական կենտրոնում ապրիլի 8-ից 10-ն անցկացվում է ԱՊՀ անդամ երկրների մաքսային ծառայությունների ղեկավարների խորհրդի իրավապահ ստորաբաժանումների ղեկավարների կոմիտեի կազմում գործող կինոլոգիական հարցերով աշխատանքային խմբի հերթական՝ 31-րդ նիստը։ Մասնակցել են Հայաստանի Հանրապետության, Ռուսաստանի Դաշնության, Բելառուսի, Ուզբեկստանի, […] ...
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
10:15 09.04.2025
Տարադրամի փոխարժեքներն ապրիլի 9-ինShantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 390 դրամ, վաճառքի նվազագույն արժեքը՝ 393 դրամ: Եվրոյի առքի առավելագույն արժեքն է 428․50 դրամ, վաճառքի նվազագույն արժեքը՝ 433 դրամ: Ռուսական ռուբլու առքի առավելագույն արժեքն է 4․50 դրամ, վաճառքի նվազագույն արժեքը՝ 4․64 դրամ: ...
