20:15 17.03.2022
Գյումրիի անշարժ գույքի շուկայում նկատվում է փոփոխությունների դինամիկ շարժ։ Այն էականորեն տարբերվում է 5-6 տարի առաջվա ցուցանիշներից, իսկ համեմատ անցած տարվա՝ տարբերությունը շեշտակի է։ Գյումրիում 1 տարում բնակարանների գներն աճել են միջինը 23,6%-ով, այն նույնիսկ Երևանի համեմատ 2 անգամ բարձր է համարվում։ Սա միայն Գյումրիի հանդեպ հետաքրքրություններով չի պայմանավորված, որոշակի ազդող գործոն են դիտարկվում նաև նաև տարածաշրջանային և աշխարհաքաղաքական իրադարձությունները:
Մասնագետի վերլուծությունները անշարժ գույքի շուկայում վերջին շրջանում նոր պատկեր են արձանագրել, Հայաստանում մեծացել է կապիտալ ներդրումների հոսքը, որն էլ իր ազդեցությունն ունենում է շուկայի վրա։ Գյումրիում, այն առավել ընդգծված է:
«Ստատիստիկայի վերլուծությունը ցույց է տալիս, որ ասենք 1 տարվա կտրվածքով, անցած տարի և հիմա 23,6 տոկոս միջին հաշվով Գյումրիում բնակարանների գների աճ է տեղի ունեցել, բնականաբար էդ աճը հավասարաչափ չէ»,- նշում է Ա․Գ․ ԷՍԹԵՅԹ ՍՊԸ գնահատող Արարատ Պապոյանը։
Բնակարանային շուկայի ուսումնասիրություներով, Գյումրիում գներն օրական են փոփոխվում։ Գնային շեշտակի փոփոխություն, ըստ մասնագետների, հազվադեպ է գրանցվել, բայց ոչ մի անգամ չի հասել տարեկան 23,6 տոկոսի:
«Սովորաբար 1-3 տոկոսների սահմաններում է ընդունված փոփոխություններն աշխարհում, իսկ 5 տոկոսից մեծ փոփոխությունները խոսում են այն մասին, որ էական փոփոխություն կա տնտեսության մեջ, քաղաքային միջավայրում։ Մենակ դրանց ազդեցությամբ է հնարավոր նմանատիպ փոփոխություները»,- ասում է Արարատ Պապոյանը։
Քաղաքային միջավայրում գրանցվող փոփոխությունների արդյունքում է, որ Գյումրիում առաջին անգամ փորձ է արվում բնակարանաշինությունը որպես բիզնեսի նոր տեսակ ներդնել։ Առաջիկայում Գյումրիում մասնավորի կողմից բազմաբնակարան 2 շենքերի կառուցմամբ էլիտար բնակելի թաղամաս կձևավորվի։ Ըստ Գյումրիի գլխավոր ճարտարապետ Հենրիկ Գասպարյանի, ներդրումային առաջարկները շատ են, ուղղությունները՝ տարբեր։ Հայտերի շարքում շատ են Գյումրիում հյուրանոցային կամ սպասարկման օբյեկտներ կառուցելու առաջարկները, դրանցում անգամ բժշկական կլինիկաներ հիմնելու պլաններ կան։
Մեծամասամբ դիմում են Գյումրիի հին պատմական միջուկի շինությունները վերականգնելու առաջարկով։ Իսկ Սլաբոտկա թաղամասում մի քանի փողոցների վերականգնման ուղղված ծրագրերը կարող են ազդակ դառնալ հին տների վերականգնման։
«Շատ արագ զգացվում է էդ փողոցի վրա գտնվող տների հարակից տարածքները և տները, որպես եկամուտ բերող օբյեկտ դիտելու միտումը։ Դրսից շատ մեծ հետաքրքրքություն կա նման տների ձեռքբերման ուղղությամբ։ Զարմանալին էլ այն է, որ նման տների գները մրցունակ են դառնում եվրոպական մի շարք երկրների տների գների հետ»,- նշում է մասնագետը։
Արարատ Պապոյանը մի նոր միտում էլ է նկատում Գյումրիում։ Եթե նախկինում վթարային կամ վատ վիճակում գտնվող տները վերանորոգում էին և դարձնում բնակության համար պիտանի, հիմա հին բնակֆոնդի տները մասնավորը ձեռք է բերում քանդելու և որպես տարածք օգտագործելու համար։ Ամեն դեպքում, բոլոր առաջարկները Գյումրիի քաղաքապետարանում են քննարկումների փուլն անցնում։ Այժմ, ներդրումների համար ստեղծված բարենպաստ միջավայրից օգտվում են ինչպես հայաստանյան, այնպես էլ արտասահմանյան ներդրողները։
11:04 09.04.2025
ԱՄՆ Կոնգրեսի հայկական հարցերով հանձնախումբը հանդես է եկել հայ գերիներին ազատելու և Հայաստանի անվտանգության ապահովման կոչովԱՄՆ Կոնգրեսի հայկական հարցերով հանձնախմբի 25 անդամներ երկկուսակցական նամակ են հղել ԱՄՆ պետքարտուղար Մարկո Ռուբիոյին և ԱՄՆ նախագահի ազգային անվտանգության հարցերով խորհրդական Մայքլ Ուոլցին՝ կոչ անելով ապահովել Բաքվում ապօրինի պահվող հայ գերիների ազատ արձակումը և ուժեղացնել ԱՄՆ-ի քաղաքականությունը՝ պաշտպանելու Հայաստանի ինքնիշխանությունն ու անվտանգությունը։ «Արմենպրես»-ի փոխանցմամբ՝ այս մասին հաղորդագրություն է տարածել Ամերիկայի Հայ դատի հանձնախումբը։ Նամակը […] ...
10:52 09.04.2025
Ալիևն անդրադարձել է Հայաստանի հետ «վստահություն կառուցելու» քայլերի հարցինԱդրբեջանը պատրաստ է քայլեր սկսել Հայաստանի հետ վստահություն կառուցելու համար։ Այս մասին Բաքվում «Դեպի նոր աշխարհակարգ» միջազգային ֆորումի ժամանակ հայտարարել է Ադրբեջանի նախագահ Իլհամ Ալիևը։ «Իհարկե, մենք չենք պատկերացնում, թե ինչպես անմիջապես կընկերանանք Հայաստանի հետ, դա անիրատեսական է: Անգամ տնտեսական ինտեգրացիայի մասին խոսելը վաղաժամ է: Բայց մենք պատրաստ ենք սկսել փոքր քայլերով վստահություն կառուցելու ուղղությամբ»,- […] ...
10:45 09.04.2025
Երևանում անցկացվել է ԱՊՀ անդամ երկրների մաքսային ծառայությունների իրավապահ ստորաբաժանումների կինոլոգիական հարցերով աշխատանքային խմբի 31-րդ նիստըՊետական եկամուտների կոմիտեն առաջին անգամ հյուրընկալել է ԱՊՀ անդամ երկրների մաքսային ծառայությունների կինոլոգիական ստորաբաժանումների ղեկավարներին։ ՊԵԿ մաքսանենգության դեմ պայքարի վարչության շնագիտական կենտրոնում ապրիլի 8-ից 10-ն անցկացվում է ԱՊՀ անդամ երկրների մաքսային ծառայությունների ղեկավարների խորհրդի իրավապահ ստորաբաժանումների ղեկավարների կոմիտեի կազմում գործող կինոլոգիական հարցերով աշխատանքային խմբի հերթական՝ 31-րդ նիստը։ Մասնակցել են Հայաստանի Հանրապետության, Ռուսաստանի Դաշնության, Բելառուսի, Ուզբեկստանի, […] ...
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
