19:40 16.03.2022
Գյումրիի առաջին, երկրորդ և «Շիրակ» գերեզմանատներն ընդհանուր զբաղեցնում են 84 հեկտար տարածք, որտեղ, հիմնականում ընտանեկան գերեզմանոցներից բացի, նոր հողհատկացումներ շուտվանից չեն կատարվում, ազատ հողակտոր չկա։ Գյումրիի քաղաքապետարանը մեկ տարի առաջ նախկին Մարմաշեն, այժմ՝ Ախուրյան խոշորացված համայնքից «Շիրակ» գերեզմանատան հարևանությամբ ձեռք է բերել նոր տարածք։
«Համայնքի ավագանու որոշումով, աճուրդային վաճառքով տրամադրվել է Գյումրիի քաղաքապետարանին, որպեսզի էդ խնդիրներից խուսափենք, չունենանք զավթած տարածքներ։ Նախկինում բազմաթիվ անգամներ եղել են, բարձրաձայնվել են, որ մեր գյուղի տարածքները զավթվել են»,- նշում է Շիրակ գյուղի վարչական ղեկավար Համլետ Ասատրյանը։
Գյուղի արոտավայրերից տարիների ընթացքում զավթվել է մոտ 4,5 հեկտար տարածք։ Հարցը հասել է դատական վարույթներում քննարկման, բայց գյուղացիներից զավթված տարածքները վերադարձնելու տարբերակներ չեն գտնվել։
Այժմ օրինական ու փաստաթղթերով Գյումրիի քաղաքապետարանի սեփականությունն է հանդիսանում մոտ 9 հեկտար նոր տարածք, դրա հետ մեկտեղ Մարմաշեն խոշորացված համայնքից աճուրդային կարգով գնել է նաև ապօրինի զավթած 4,2 հեկտար տարածքը, որտեղ հուղարկավորություններ են կատարվել։ Նոր տարածքում հուղարկավորությունների համար կտրամադրվեն կոնկրետ սահմանված հողակտորներ։ Ընտանեկան գերեզմանոցների դեպքում առավելագույնը կտրվի 12,5 քմ տարածք։
Քաղաքային երեք գերեզմանատներում մինչ օրս շարունակվում են սահմաններից դուրս, անթույլատրելի տարածքներում հուղարկավորությունները, որոնք հասել են մայրուղիներին։ «Հավերժ հիշատակ» ընկերությունը նախատեսում է սկսել գերեզմանատների պարսպապատման աշխատանքներ։
««Շիրակ» գերեզմանատան հետ կապված արդեն իսկ կատարված ապօրինությունները էն աստիճանի են, որ մենք չենք կարող մայրուղու ուղղությամբ անցնող ճանապարհի վրա պարիսպներ տեղադրել, եթե մենք փորձենք պարիսպներ տեղադրել, ապա կհայտնվենք մայրուղու արգելված գոտու վրա»,- ասում է «Հավերժ հիշատակ» ՓԲԸ տնօրեն Էդվարդ Բաղրամյանը։
Գերեզմանատների պարսպապատումից ու հողհատկացումներից բացի, խնդիրներ կան նաև քաղաքում բացված սգո սրահների գործունեությունում։ Դրանցից երկուսի աշխատանքն արդեն քաղաքապետարանի որոշմամբ դադարեցվել է։ Երկուսն էլ պահանջված չափորոշիչներին չեն համապատասխանել և գտնվում են քաղաքի բանուկ հատվածներում։
«Յուրաքանչյուր նմանատիպ կառույց պետք է կարողանա ապահովել այդ իրավական ակտերով սահմանված պայմանները՝ դա բնակելի զանգվածից հեռու գտնվելն է, մանկապարտեզներից, բնակելի շենքերից հասարակական վայրերից։ Այսինքն՝ սգո սրահների տեղը լինելու է այնպիսին, որ չխանգարի հասարակական շարժին»,- ասում է Էդվարդ Բաղրամյանը։
«Հավերժ հիշատակ» ընկերությունը նախատեսում է այս տարի նաև գերեզմանոցների վկայագրում կատարել, գործընթացը կսկսվի ապրիլից։ Այն վերաբերում է նաև 1954 թվականից հաշվառված բոլոր գերեզմանոցներին։
11:04 09.04.2025
ԱՄՆ Կոնգրեսի հայկական հարցերով հանձնախումբը հանդես է եկել հայ գերիներին ազատելու և Հայաստանի անվտանգության ապահովման կոչովԱՄՆ Կոնգրեսի հայկական հարցերով հանձնախմբի 25 անդամներ երկկուսակցական նամակ են հղել ԱՄՆ պետքարտուղար Մարկո Ռուբիոյին և ԱՄՆ նախագահի ազգային անվտանգության հարցերով խորհրդական Մայքլ Ուոլցին՝ կոչ անելով ապահովել Բաքվում ապօրինի պահվող հայ գերիների ազատ արձակումը և ուժեղացնել ԱՄՆ-ի քաղաքականությունը՝ պաշտպանելու Հայաստանի ինքնիշխանությունն ու անվտանգությունը։ «Արմենպրես»-ի փոխանցմամբ՝ այս մասին հաղորդագրություն է տարածել Ամերիկայի Հայ դատի հանձնախումբը։ Նամակը […] ...
10:52 09.04.2025
Ալիևն անդրադարձել է Հայաստանի հետ «վստահություն կառուցելու» քայլերի հարցինԱդրբեջանը պատրաստ է քայլեր սկսել Հայաստանի հետ վստահություն կառուցելու համար։ Այս մասին Բաքվում «Դեպի նոր աշխարհակարգ» միջազգային ֆորումի ժամանակ հայտարարել է Ադրբեջանի նախագահ Իլհամ Ալիևը։ «Իհարկե, մենք չենք պատկերացնում, թե ինչպես անմիջապես կընկերանանք Հայաստանի հետ, դա անիրատեսական է: Անգամ տնտեսական ինտեգրացիայի մասին խոսելը վաղաժամ է: Բայց մենք պատրաստ ենք սկսել փոքր քայլերով վստահություն կառուցելու ուղղությամբ»,- […] ...
10:45 09.04.2025
Երևանում անցկացվել է ԱՊՀ անդամ երկրների մաքսային ծառայությունների իրավապահ ստորաբաժանումների կինոլոգիական հարցերով աշխատանքային խմբի 31-րդ նիստըՊետական եկամուտների կոմիտեն առաջին անգամ հյուրընկալել է ԱՊՀ անդամ երկրների մաքսային ծառայությունների կինոլոգիական ստորաբաժանումների ղեկավարներին։ ՊԵԿ մաքսանենգության դեմ պայքարի վարչության շնագիտական կենտրոնում ապրիլի 8-ից 10-ն անցկացվում է ԱՊՀ անդամ երկրների մաքսային ծառայությունների ղեկավարների խորհրդի իրավապահ ստորաբաժանումների ղեկավարների կոմիտեի կազմում գործող կինոլոգիական հարցերով աշխատանքային խմբի հերթական՝ 31-րդ նիստը։ Մասնակցել են Հայաստանի Հանրապետության, Ռուսաստանի Դաշնության, Բելառուսի, Ուզբեկստանի, […] ...
10:37 09.04.2025
Պլանային ջրանջատում Գեղարքունիքի մարզում«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ շինարարի կողմից իրականացվող պլանային աշխատանքներով պայմանավորված, ս.թ. ապրիլի 10-ին ժամը 09.00-ից մինչև ապրիլի 11-ը ժամը 21.00-ն կդադարեցվի Գեղարքունիքի մարզի Վարդենիս քաղաքի՝ Վ. Համբարձումյան և Իսակովի փողոցների, նրբանցքների ու փակուղիների ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար: ...
10:30 09.04.2025
Քննարկվել են Հայաստանի և Կոնգոյի միջև համագործակցության ընդլայնման հնարավորություններըՀՀ էկոնոմիկայի նախարար Գևորգ Պապոյանը ԱՄԷ-ում հանդիպել է Կոնգոյի Դեմոկրատական Հանրապետության փոխվարչապետ Գիլեն Նյեմբո Մբվիզյայի հետ։ Քննարկվել են Հայաստանի Հանրապետության և Կոնգոյի Դեմոկրատական Հանրապետության միջև համագործակցության ընդլայնման հնարավորությունները, մասնավորապես, չմշակված ալմաստի մատակարարման ռազմավարական ոլորտում։ Այս համատեքստում Գևորգ Պապոյանն ընդգծել է, որ հայկական կողմը հատկապես շահագրգռված է քննարկել կայուն և կանխատեսելի մատակարարման ուղիների ստեղծման հնարավորությունները, միջկառավարական […] ...
10:22 09.04.2025
Առանձնապես խոշոր չափերով թմրամիջոցների մաքսանենգությամբ զբաղվող հանցավոր խմբի անդամները կալանավորվել ենՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչությունում քննվող քրեական վարույթի նախաքննության ընթացքում ՀՀ ազգային անվտանգության ծառայության աշխատակիցների հետ համատեղ կատարված միջոցառումների արդյունքում առերևույթ փաստական տվյալներ են ձեռք բերվել այն մասին, որ հանցավոր խումբը կատարել է առանձնապես խոշոր չափերով թմրամիջոցների […] ...
