19:36 15.03.2022
Շիրակի մարզում գործող հէկերից մեկի ջրօգտագործման ժամկետը կվերանայվի։ Այս մասին այսօր Շիրակի մարզխորհրդի նիստում ասել է մարզպետի տեղակալ Ալբերտ Այվազյանը։
Ոռոգման սեզոնին կարևոր է ջրի պահանջարկը լիովին բավարարել։ Անցած տարվա ոռոգման ջրի պակասի խնդիրն աչքի առաջ ունենալով, մարզպետարանը առաջարկություն է ներկայացրել կառավարություն։ Առաջարկը վերաբերում է Շիրջրանցքի վրա գտնվող հէկերից մեկի ջրօգտագործման թույլտվության ժամկետ կրճատելուն։
«Շիրջրանցքի ակադեմիկոս Մնջոյանի անվան «Գյումրի» հէկի ջրօգտագործման ժամկետները վերանայելու կապակցությամբ մարզպետի գրությամբ դիմել ենք ՏԿԵՆ և շրջակա միջավայրի նախարարություն։ Հէկը աշխատում է և ունի բավական երկար ջրօգտագործման թույլտվություն, իսկ հակառակ դրան՝ ՋՕ-ն ունի շատ կարճ թույլտվություն։ Դիմել ենք և պատասխաններ ենք ստացել, որով պատրաստակամություն են հայտնել անհրաժեշտության դեպքում վերանայելու ջրօգտագործման թույլտվության ժամանակահատվածը»,- ասել է Շիրակի մարզպետի տեղակալ Ալբերտ Այվազյանը։
Ջրօգտագործողների ընկերությունն էլ դիմել է ջրօգտագործման իրեն տրված թույլտվության ժամկետը երկարացնելու խնդրանքով։ Սա թույլ կտա ավելի շուտ սկսել ջուր կուտակել Կառնուտի ջրամբարում։ Այժմ Շիրակի մարզի բոլոր ջրամբարներում, անցած տարվա նույն ժամանակահատվածի համեմատ, ջրի ծավալները քիչ են։
Նվազել են նաև հացահատիկի ցանքերը։ Անցած տարի կատարվել է 12425 հեկտար աշնանացան ցորենի ցանք, որը նախորդ տարվանից պակաս է 2520 հեկտարով: Ձմեռացման ընթացքում աշնանացան ցորենի ցրտահարության դեպքեր չեն գրանցվել: Գյուղատնտեսական աշխատանքների մեկնարկին ընդառաջ ներկայացվեց ֆերմերներին և հողագործներին պարարտանյութի տրամադրման կարգն ու մատակարարների ցանկը։ Համայնքների ղեկավարներին առաջարկվեց հնարավորինս սեղմ ժամկետներում ներկայացնել պարարտանյութի պահանջարկի չափը։ Պարարտանյութերի ձեռքբերման աջակցության ծրագրով մինչև 3 հեկտար հողատարածքում մշակություն իրականացնող ֆերմերային տնտեսությունները կսուբսիդավորվեն պարարտանյութի գնի 50%-ի չափով։
15:30 19.04.2025
Արարատի մարզում «Toyota Vitz»-ը դուրս է եկել երթևեկելի գոտուց և կողաշրջված հայտնվել դաշտում. կա տուժածԱյսօր՝ ապրիլի 19-ին, ավտովթար է տեղի ունեցել Արարատի մարզում: Ժամը 14:00-ի սահմաններում Երևան-Երասխ ավտոճանապարհի 51 կմ հատվածում` Արարատ գյուղի վարչական տարածքում, «Toyota Vitz» մակնիշի ավտոմեքենան դեռևս անհայտ հանգամանքներում դուրս է եկել երթևեկելի գոտուց և կողաշրջված հայտնվել դաշտում: Ինչպես հայտնում է shamshyan.com-ը, վթարի հետևանքով 1 հոգի տեղափոխվել է «Արարատ» բժշկական կենտրոն: Վթարի փաստով քննչական բաժնում նախաձեռնվել […] ...
15:22 19.04.2025
Մարտական ատրճանակով` մարզադաշտում. Կոտայքի համայնքային ոստիկանները ձերբակալել են զինված երիտասարդինԱպրիլի 16-ին Համայնքային ոստիկանության Կոտայքի բաժում ստացվել է օպերատիվ տեղեկություն, որ Աբովյան քաղաքի մարզադաշտում գտնվող քաղաքացու մոտ կա մարտական ատրճանակ: Նույն օրը` ժամը 19:30-ին, համայնքային ոստիկանները ձերբակալել և Կոտայքի բաժին են տեղափոխել Կոտայքի մարզի Քասախ գյուղի բնակիչ 29-ամյա երիտասարդին: Նրա պայուսակում հայտնաբերվել է «Մակարով» ատրճանակ՝ լիցքավորված 7 փամփուշտով, նաև` մարիխուանա տեսակի թմրանյութի նմանվող զանգվածով փաթեթ […] ...
15:11 19.04.2025
Փրկարարները հայտնաբերել են Դիլիջանի անտառներում մոլորված քաղաքացունԱպրիլի 19-ին՝ ժամը 12:20-ին, Տավուշի մարզային փրկարարական վարչության ճգնաժամային կառավարման կենտրոն օտարերկրյա քաղաքացուց ահազանգ է ստացվել, որ ինքը Դիլիջանի անտառներում ընկել և հավանաբար կոտրել է ոտքը, չի կարողանում ինքնուրույն տեղաշարժվել, չգիտի իր գտնվելու վայրը․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Փրկարարներն օպերատիվ գործողությունների […] ...
14:50 19.04.2025
Ինչո՞ւ ձախողեց հին Հանրային խորհուրդը, ինչո՞ւմ կհաջողի նորը. Հեռանկար բանավեճԱյս շաբաթ իր աշխատանքը սկսեց Հանրային նոր խորհուրդը: Գործընթացը վերջնականացավ խորհրդի նախագահի նշանակմամբ: Այս կառույցը ստեղծվեց 2008 թվականին, բայց ավելի քան 3 տարի այն գրեթե չէր գործում: Կառավարությունը որոշեց ցրել խորհրդի հին կազմն ու նորը ձևավորել՝ նոր գործառույթով: Բայց արդյո՞ք անհրաժեշտ է հանրային նման կառույցի գործունեությունը և ինչո՞ւ: Այս ու այլ հարցեր «Հեռանկար բանավեճ»-ի տաղավարում […] ...
14:35 19.04.2025
Ալմա-Աթայի փողոցի հարակից տարածքում գտնվող զբոսայգին անվանակոչվել է ղազախ բանաստեղծ Աբայ Կունանբաևի անունովՀայաստանում Ղազախստանի մշակույթի օրեր են։ ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում […] ...
