10:23 15.03.2022
Մաթեմատիկայի միջազգային օրվա կապակցությամբ ‹‹Ինովացիոն լուծումների և տեխնոլոգիաների կենտրոնում›› տեղի է ունեցել «ՄԱԹԵՄարդ» արշավի ամփոփիչ միջոցառումը: «ՄԱԹԵՄարդ» արշավի նպատակն է խրախուսել պատանիների ու երիտասարդների, հատկապես աղջիկների մուտքը կրթության և կարիերայի STEM (գիտություն, տեխնոլոգիա, ինժեներություն, մաթեմատիկա) ոլորտ՝ հավատարիմ մնալով Մաթեմատիկայի միջազգային օրվա 2022 թ․ խորագրին՝ «Մաթեմատիկան միավորում է»:
Միջոցառմանը մասնակցել է ԿԳՄՍ նախարարի տեղակալ Ժաննա Անդրեասյանը, ով շնորհավորել է ներկաներին Մաթեմատիկայի միջազգային օրվա կապակցությամբ։ Անդրադառնալով մաթեմատիկայի կարևորությանը՝ նա նշել է, որ հանրակրթության պետական նոր չափորոշիչը սահմանում է չորս պարտադիր առարկաներ, որոնցից մեկը մաթեմատիկան է։
«Միասնական քննությունների արդյունքներով, ցավոք, մաթեմատիկան շարունակում է մնալ այն առարկան, որից արձանագրվում են ամենացածր արդյունքները, և սա մեզ լրջորեն մտածելու տեղիք պետք է տա։ Եթե խոսում ենք STEM առարկաների զարգացման մասին, ապա առանց մաթեմատիկական գիտելիքների և կարողությունների առաջ չենք կարող գնալ, որովհետև հենց այդ գիտելիքն ու հմտությունն է, որ ֆունդամենտալ է և ճանապարհ է բացում բնագիտական այլ առարկաների ուսուցման համար։ Հետևաբար մենք խիստ կարևորում ենք, որ մաթեմատիկայի ուսուցման որակն էապես բարձրանա»,- նշել է Ժաննա Անդրեասյանը։ Նախարարի տեղակալը բարձրաձայնել է նաև այս ոլորտում աղջիկների ակտիվության խրախուսման խնդիրը։ Նա փաստել է, որ առկա են որոշակի հանրային ընկալումներ և կարծրատիպեր, ըստ որոնց՝ բնագիտական առարկաները հեշտությամբ տրվում են տղաներին։
«Ցավոք, այս կարծրատիպերը վերարտադրվում են նաև դպրոցում, երբ որևէ մեկի անզգույշ խոսքը կարող է փակել մաթեմատիկայով հետաքրքրված աղջիկների ճանապարհը։ Հետևաբար մենք պետք է խրախուսման տարբեր ձևեր գտնենք և խոչընդոտ չհանդիսանանք այն մեծ ճանապարհին, որ կարող է ունենալ յուրաքանչյուր աղջիկ։ Միայն ՏՏ ոլորտում վերջին 5 տարում ավելի քան 4 անգամ բազմապատկվել է աղջիկների և կանանց ներգրավվածությունը։ Մեր երկիրն այս առումով աշխարհի մակարդակով ունի բավականին լավ ցուցանիշներ՝ ավելի քան 30 տոկոս մասնակցություն ՏՏ ոլորտում»,- նշել է փոխնախարարը։
Նա կարևորել է նաև, որ հանրակրթության պետական չափորոշիչը շեշտադրում է ոչ միայն գիտելիքը, քանի որ մաթեմատիկան նաև մեծ մասով կարողություն և հմտություն է` վերլուծական և քննադատական մտածողությունը զարգացնելու տեսանկյունից։ Ժաննա Անդրեասյանը տեղեկացրել է՝ մաթեմատիկայի զարգացման ուղղությամբ իրականացվում են մի շարք ծրագրեր։ Օրինակ՝ նոր չափորոշիչների շրջանակում «Թումոյի» հետ համագործակցությամբ մշակվում է ծրագրային գործիք՝ մաթեմատիկայի վիրտուալ լաբորատորիա, որն առաջիկայում կփորձարկվի և կդառնա մաթեմատիկայի ուսուցումը խթանելու միջոց։
Ըստ Ժաննա Անդրեասյանի՝ «Արմաթ» լաբորատորիաների հետ սերտ համագործակցության շնորհիվ փորձ է արվում ստեղծելու մի միջավայր, որտեղ ինժեներական լաբորատորիաները կաջակցեն դպրոցում STEM ուղղության զարգացմանը։ Այդ նպատակով մշակվում են համատեղ ծրագրեր՝ մաթեմատիկայի ուղղությամբ նախագծային աշխատանքը զարգացնելու համար։
«ԿԳՄՍ նախարարությունը պատրաստակամ է աջակցելու բոլոր նմանօրինակ նախագծերին՝ առաջ տանելու ամենահիմնական գաղափարը՝ մաթեմատիկան կարևոր է, և բոլոր աղջիկները և երեխաները կարող են հաջողությամբ սովորել և կիրառել մաթեմատիկան իրենց կյանքում»,- շեշտել է նախարարի տեղակալը։
Միջոցառման մասնակիցներին ողջունել են նաև ՀՀ-ում ՄԱԿ-ի Զարգացման ծրագրի (ՄԱԶԾ) մշտական ներկայացուցիչ Նաթիա Նացվլիշվիլին և ՀՀ-ում ՅՈՒՆԻՍԵՖ-ի ներկայացուցիչ Քրիսթինե Վայգանդը։
Նշենք, որ «ՄԱԹԵՄարդ» արշավը Կրթության, գիտության, մշակույթի և սպորտի ու Աշխատանքի և սոցիալական հարցերի նախարարությունների հետ համագործակցությամբ նախաձեռնել են ՄԱԶԾ ImpactAIM աքսելերատորը, ՅՈՒՆԻՍԵՖ-ը և ԻԼՏԿ հիմնադրամը։
«ՄԱԹԵՄարդ» արշավի շրջանակում Երևանում և Սիսիանում կազմակերպվել են հնգօրյա աշխատարաններ, որոնց, ընդհանուր առմամբ, մասնակցել է 10-14 տարեկան 40 աղջիկ։ Աշխատարանների մասնակիցները նկարիչ Տիգրան Մանգասարյանի ուղղորդմամբ և մենթորների՝ երիտասարդ կին գիտնականների օգնությամբ սովորել են կոմիքս ստեղծել, որի գլխավոր հերոսուհին՝ ՄԱԹԵՄարդը, մաթեմատիկական տարբեր կարողությունների շնորհիվ հաղթահարում է մարտահրավերները։
«ՄԱԹԵՄարդ» արշավի շրջանակում ՄԱԶԾ-ը և ՅՈՒՆԻՍԵՖ-ը նաև «Մաթեմը՝ ամենուր» խորագրով լուսանկարների մրցույթ են կազմակերպել, որին ավելի քան 300 պատանի է մասնակցել։ Միջոցառման ընթացքում լավագույն լուսանկարների հեղինակները ստացել են հատուկ մրցանակներ։
ՅՈՒՆԻՍԵՖ-ը և ՄԱԿ-ի Զարգացման ծրագիրը շարունակելու են աշխատել ՄԱԹԵՄարդ կոմիքսների գրքի էսքիզների վրա, որոնց վերջնական տարբերակը կթողարկվի հոկտեմբերի 11-ին՝ Աղջիկ երեխաների միջազգային օրը:
17:00 28.04.2025
Արդարադատության նախարարը ելույթով է հանդես եկել հանրային տիրույթում ատելության խոսքի դեմ պայքարին նվիրված աշխատաժողովինԱրդարադատության նախարար Սրբուհի Գալյանը որպես բանախոս հանդես է եկել ՀՀ մարդու իրավունքների պաշտպանի և Եվրոպայի խորհրդի երևանյան գրասենյակի հետ համատեղ կազմակերպած աշխատաժողովին՝ նվիրված պետական հաստատությունների և լրատվամիջոցների միջև հաղորդակցության ամրապնդմանը՝ հանրային տիրույթում ատելության խոսքի դեմ պայքարելու համատեքստում։ Իր խոսքում Սրբուհի Գալյանն անդրադարձել է իրավահավասարության ապահովման և խտրականությունից պաշտպանության, ինչպես նաև ատելության խոսքի դեմ պայքարի ոլորտում […] ...
16:53 28.04.2025
Կայացել է Նիկոլ Փաշինյանի հանդիպումն Էստոնիայի ԱԳ նախարարի հետՊաշտոնական այցի շրջանակում ՀՀ վարչապետ Նիկոլ Փաշինյանն իր կեցավայրում ընդունել է Էստոնիայի Հանրապետության արտաքին գործերի նախարար Մարգուս Ցահքնանին: Հանդիպման ընթացքում կողմերը քննարկել են Հայաստան-Էստոնիա երկկողմ հարաբերությունների օրակարգին վերաբերող հարցեր՝ կարևորելով քաղաքական, տնտեսական և միջմշակութային համագործակցության զարգացման հեռանկարները: Զրուցակիցներն անդրադարձել են Հարավային Կովկասում տեղի ունեցող զարգացումներին, մասնավորապես՝ Հայաստանի և Ադրբեջանի միջև խաղաղության գործընթացին: Կողմերը շեշտել են […] ...
16:44 28.04.2025
Անչելոտին ամենայն հավանականությամբ կգլխավորի Բրազիլիայի հավաքականըՄադրիդի «Ռեալի» գլխավոր մարզիչ Կառլո Անչելոտին, ամենայն հավանականությամբ, շուտով աշխատանքի կանցնի Բրազիլիայի ազգային հավաքականում, գրում է ինսայդեր Նիկոլո Սկիրան։ Իտալացուն այժմ մեկ քայլ է բաժանում հավաքականի գլխավոր մարզչի պաշտոնը ստանձնելուց։ Բրազիլիայի ֆուտբոլի կոնֆեդերացիայի (CBF) ներկայացուցիչների ու Անչելոտիի միջև բանակցությունները հաջող են ընթանում։ CBF-ում վստահ են, որ առաջիկա օրերին վերջնական համաձայնության կհասնեն իտալացու հետ։ Անչելոտին մինչև […] ...
16:34 28.04.2025
«Զվարթնոց» օդանավակայանի համայնքային ոստիկանները հայտնաբերել են օտարերկրացի հետախուզվողներիՀամայնքային ոստիկանության «Զվարթնոց» օդանավակայանի բաժնի ծառայողների ձեռնարկված օպերատիվ-հետախուզական միջոցառումների շնորհիվ ապրիլի 25-ին` գիշերվա ժամը 1-ին, Դոհա-Երևան չվերթի ժամանումից հետո, բաժին է բերվել և ձերբակալվել օտարերկրյա 28-ամյա քաղաքացի, որը 2022 թվականից Ուզբեկստանի իրավապահ մարմինների կողմից հետախուզվում էր խարդախության մեղադրանքով, խափանման միջոցը՝ կալանք: Ոստիկանները նաև ստացել էին օպերատիվ տեղեկություն, որ նույն օրը Ուզբեկստանի իրավապահների կողմից հետախուզվող 50-ամյա […] ...
16:25 28.04.2025
Դեսպան Վահագն Աֆյանն իր հավատարմագրերն է հանձնել Բանգլադեշի նախագահինՀՀ դեսպան Վահագն Աֆյանն (նստավայրը՝ Նյու Դելի) իր հավատարմագրերն է հանձնել Բանգլադեշի Ժողովրդական Հանրապետության նախագահ Մոհամմեդ Շահաբուդդինին։ Ինչպես տեղեկացնում են Հնդկաստանում Հայաստանի դեսպանությունից, Բանգլադեշում ՀՀ դեսպանը պատրաստակամություն է հայտնել ջանքեր ներդնել երկկողմ հարաբերությունների զարգացման և համագործակցության ակտիվացման գործում, ում հաջողություններ է մաղթել Բանգլադեշի նախագահը։ Մինչ այդ դեսպան Վ. Աֆյանն իր հավատարմագրերի պատճենն է հանձնել Բանգլադեշի […] ...
16:16 28.04.2025
«Բարսելոնան» ջախջախել է «Չելսիին» և դուրս եկել եզրափակիչ. Կանանց Չեմպիոնների լիգաԿանանց Չեմպիոնների լիգայի կիսաեզրափակիչ երկրորդ խաղում «Բարսելոնան» հյուրընկալվելիս 4:1 հաշվով հաղթել է Լոնդոնի «Չելսիին»։ Երկու խաղի արդյունքներով «Բարսելոնան» 8:2 հաշվով առավելության է հասել և դուրս եկել եզրափակիչ, որտեղ կմրցի «Արսենալ»-«Լիոն» զույգի հաղթողի հետ։ Կանանց Չեմպիոնների լիգայի եզրափակիչը կկայանա մայիսի 24-ին՝ Լիսաբոնում: ...
