18:23 24.02.2022
Փետրվարի 24-ին Հայաստան-ԵՄ խորհրդարանական գործընկերության կոմիտեի համանախագահներ Արման Եղոյանն ու Մարինա Կալյուրանդը մամուլի ասուլիսում ամփոփել են Երևանում կայացած Հայաստան-ԵՄ խորհրդարանական գործընկերության կոմիտեի 2-րդ նիստի աշխատանքները, տեղեկացնում է ԱԺ պաշտոնական կայքը:
Արման Եղոյանը տեղեկացրել է, որ քննարկվել են Հայաստանում բարեփոխումների, տարածաշրջանում անվտանգության ու կայունության վերաբերյալ հարցեր՝ Լեռնային Ղարաբաղի հակամարտության համատեքստում:
ՀՀ ԱԺ եվրոպական ինտեգրման հարցերի մշտական հանձնաժողովի նախագահը շնորհակալություն է հայտնել Մարինա Կալյուրանդին տարածաշրջանի և Հայաստանի համար կարևոր հարցերում հստակ ու անկողմնակալ դիրքորոշում հայտնելու համար: Նա տեղեկացրել է, որ կոմիտեի հաջորդ նիստը տեղի կունենա 2023թ.: Հայկական կողմը կհյուրընկալվի Բրյուսելում կամ Ստրասբուրգում, իսկ մինչ այդ աշխատանքները կշարունակվեն այլ ձևաչափերով:
ԵՄ-Հայաստան խորհրդարանական գործընկերության կոմիտեի համանախագահ Մարինա Կալյուրանդը շնորհակալություն է հայտնել ջերմ ընդունելության համար՝ նշելով, որ վերջին անգամ Հայաստան է այցելել մոտ 40 տարի առաջ:
Փետրվարի 24-ը խորհրդանշական է Մարինա Կալյուրանդի համար. Էստոնիան նշում է Անկախության տոնը, և նա հպարտ է ազատ, անկախ Էստոնիայի քաղաքացի լինելու համար: Մարինա Կալյուրանդը ցավով է նշում, որ այս օրը նշանավորվեց Ուկրաինայի տարածքում ռազմական գործողությունների սկսմամբ:
Նրա խոսքերով՝ Հայաստանը պատերազմական վիճակում եղել է, ուստի հայ ժողովուրդը շատ լավ հասկանում է, որ պատերազմը երբեք չի կարող լուծում լինել:
«Մենք խոսել ենք ԼՂ իրավիճակի մասին, և կարող եմ ասել, որ պատերազմը երբեք լուծում չէ: Հարցի լուծումը պետք է լինի բանակցությունների արդյունքում` ԵԱՀԿ Մինսկի խմբի համանախագահների հովանու ներքո»,- ասել է նա:
Հանդիպման ընթացքում քննարկվել է նաև Ադրբեջանում գտնվող հայ ռազմագերիների, ինչպես նաև այնտեղ կալանավայրերում պահվող անձանց հայրենադարձման հարցը: Կալյուրանդը վստահեցրել է, որ իրենք պատրաստվում են բարձրացնել այդ հարցն այնքան ժամանակ, քանի դեռ Հայաստանի վերջին քաղաքացին չի վերադարձել Հայաստան:
Անդրադարձ է կատարվել նաեւ Արցախի մշակութային ժառանգության պահպանմանը, հայ-թուրքական հարաբերություններին, հաղորդակցական ուղիների վերաբացմանը:
Մարինա Կալյուրանդը ժողովրդավարության ճանապարհին բարեփոխումների գործընթացում Հայաստանին աջակցություն ցուցաբերելու պատրաստակամություն է հայտնել:
21:10 29.04.2025
Պատվաստումների շնորհիվ` մեր երկրում 20 վարակիչ հիվանդություն կառավարելի է. ԱՆՊատվաստումների շնորհիվ` մեր երկրում 20 վարակիչ հիվանդություն կառավարելի է: Այս մասին հայտնել են առողջապահության նախարարությունից: Հանրային ընկալումը և վստահությունը նպաստում են պատվաստումներում ընդգրկվածության բարձր ցուցանիշներին և բարենպաստ իրավիճակին: Կանխարգելիչ պատվաստումները կարևոր են, արդյունավետ և անվտանգ: Մանրամասները՝ տեսանյութում: ...
21:00 29.04.2025
Արման Ծառուկյանը վերադառնալու է գրեփլինգԽառը մենամարտերում UFC-ի մարտիկ Արման Ծառուկյանը վերադառնալու է գրեփլինգ: Մայիսի 2-ին Դուբայում կայանալու է KC54 մրցաշարը, որտեղ Հայաստանի ներկայացուցիչը մրցելու է Մագոմեդ Զայնուկովի հետ: Ծառուկյանը նախկինում լուրջ հաջողությունների է հասել գրեփլինգում: Նա 2016 և 2017 թվականներին դարձել է Ռուսաստանում կայացած 3 մրցաշարերի հաղթող: UFC-ում Արմանի վերջին մենամարտը կայացել է 2024 թվականի ապրիլի 13-ին, երբ նա […] ...
20:55 29.04.2025
Էլեկտրաէներգիայի անջատումներ՝ Երևանի և մարզերի մի շարք հասցեներում«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 30-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևանի Կենտրոն վարչական շրջան՝ 11։00-17։00 Խորենացի փող. 25, 25ա, 27, 27ա շենքեր, Դեղատան փող. 15 շենք և հարակից ոչ բնակիչ-բաժանորդներ, Սարի Թաղ՝ 8-րդ փող․ 3-8 առանձնատներ, Սարի Թաղ՝ 9-րդ փող․ 1-27 առանձնատներ, Սարի Թաղ՝ […] ...
20:45 29.04.2025
Եվրահանձնաժողովը խոստացել է «մանրակրկիտ հետաքննել» իսպանական հոսանքազրկումըԵվրահանձնաժողովը (ԵՀ) մտադիր է «մանրակրկիտ հետաքննություն» անցկացնել Իսպանիայում հոսանքազրկման հետ կապված։ Այս մասին գրել է էներգետիկայի և բնակարանային հարցերով եվրահանձնակատար Դան Յորգենսենը X-ում։ «Եվրահանձնաժողովը մանրակրկիտ հետաքննություն կսկսի Իսպանիայում և Պորտուգալիայում էլեկտրաէներգիայի անջատումների հետ կապված»,- վստահեցրել է պաշտոնյան։ Ավելի վաղ Եվրահանձնաժողովի խոսնակ Պաուլա Պինյոն հաստատել էր, որ մարմինը բացառել է կիբերհարձակումը որպես ապրիլի 28-ին էլեկտրաէներգիայի համատարած […] ...
20:35 29.04.2025
Հայ ծանրորդները մեկնել են Պերու՝ մասնակցելու պատանիների և երիտասարդների աշխարհի առաջնությանըՀայաստանի պատվիրակությունը այսօր մեկնել է Պերու, որտեղ ապրիլի 30-ից մայիսի 5-ը կմասնակցի պատանիների և երիտասարդների աշխարհի առաջնությանը: Այս մասին հայտնում է Հայաստանի ծանրամարտի ֆեդերացիայի մամուլի քարտուղարությունը: Հիշեցնենք՝ Հայաստանի հավաքականը պատանիների և երիտասարդների աշխարհի առաջնությանը կմասնակցի ընդհանուր 7 մարզիկով` 5 տղա, 2 աղջիկ: ...
20:30 29.04.2025
Լավրով. Գազայի և Մերձավոր Արևելքի շուրջ ստեղծված իրավիճակը առանձնակի մտահոգություն է առաջացնումՀատկապես մտահոգիչ է Գազայի շուրջ և Մերձավոր Արևելքում, ինչպես նաև աֆրիկյան մայրցամաքում վատթարացող իրավիճակը: Այս մասին հայտարարել է ՌԴ ԱԳ նախարար Սերգեյ Լավրովը։ «Հատկապես մտահոգիչ են իրավիճակի վատթարացումը պաղեստինյան տարածքներում և, ընդհանուր առմամբ, Մերձավոր Արևելքում, ինչպես նաև Աֆրիկյան մայրցամաքի շատ մասերում»,- ասել է ՌԴ ԱԳ նախարարը Բրազիլիայում BRICS-ի արտաքին քաղաքականության գործակալությունների ղեկավարների հանդիպումից հետո: Նրա […] ...
