18:29 15.02.2018
ՀԱՆՁՆԱՐԱՐԱԿԱՆՆԵՐ
50 հարց, որից 28-ը չզեկուցվող: Ոչ միշտ կհանդիպես Կառավարության նիստի այսպիսի հագեցած օրակարգի: Այդպիսի պատկերը նախապես էր հուշում՝ նիստը փոքր-ինչ երկար կտևի, եթե հաշվի առնենք նաև վարչապետի հանձնարարականները: Իսկ հանձնարարականներ, իհարկե, եղան: Բժշկասոցիալական փորձաքննության ոլորտում խնդիրներ կան՝ արձանագրում է վարչապետը: Հանձնաժողովների գործունեության մեջ սուբյեկտիվ գործոնների ազդեցությունը նվազագույնի հասցված չէ: Այսինքն, հաշմանդամության կարգի տրամադրման ընթացակարգը պարզ ու կանխատեսելի չէ: Լիարժեք չէ հաշմանդամության գործընթացի կազմակերպման ու մոնիթորինգային համակարգը: Հետևաբար, աշխատանքի և սոցիալական հարցերի, առողջապահության նախարարներն ունեն մեկ ամիս՝ համատեղ մշակելու ու կառավարության աշխատակազմ ներկայացնելու բժշկասոցիալական փորձաքննության ոլորտի որակապես փոփոխմանն ուղղված առաջարկություններ:
Թերություններ կան նաև բնապահպանության նախարարության կողմից եռամսյակային կտրվածքով ներկայացվող շրջակա միջավայրի մոնիթորինգի մասին հետազոտություններում: Դրանք չեն պարունակում արձանագրված խնդիրների լուծումներ, պատճառների վերաբերյալ տեղեկատվություն: Հետևաբար շրջակա միջավայրում արձանագրված խնդիրների վերլուծության ու դրանց լուծման համար բնապահպանության նախարար Արծվիկ Մինասյանն էլ մեկ ամիս ունի: Բայց նա միայնակ չէ, դաշնակցական մյուս նախարար Դավիթ Լոքյանն էլ պետք է համայնքների կողմից վեր հանված խնդիրների նվազեցմանն ու բարելավմանն ուղղված քայլեր ձեռնարկի:
ՄԱՐՏԻ 1-ԻՑ ՊԵՏԱԿԱՆ ԳՆՈՒՄՆԵՐՈՎ ՄԻՍ ՁԵՌՔ ԿԲԵՐՎԻ ՄԻԱՅՆ ՍՊԱՆԴԱՆՈՑՆԵՐԻՑ
Օրենսդրական փոփոխությունների արդյունքում ներդրվել է պարտադիր պահանջ, համաձայն որի՝ հանրապետությունում շրջանառության մեջ է դրվելու բացառապես սպանդանոցային մորթի ենթարկված կենդանական ծագման մթերք: Սպանդանոցային մորթի գործընթացը լիարժեք կազմակերպելու համար կստեղծվեն նոր սպանդանոցներ: Մինչ այդ մարտի 1-ից պետական գնումներով միս ձեռք կբերվի միայն սպանդանոցներից: Ամբողջությամբ սպանդանոցային մորթի անցման գործընթացը կավարտվի հուլիսի 1-ին, երբ հանրապետության ողջ տարածքում տեղական մսի սպանդանոցային ծագման պահանջը պարտադիր կլինի բոլոր ոլորտների՝ իրացման ցանցերի, հանրային սննդի օբեկտների, մսամթերքի արտադրամասերի, ինչպես նաև արտահանման համար:
ՀԱՅԱՍՏԱՆՈՒՄ ԱՐԵՎԱՅԻՆ ԿԱՅԱՆՆԵՐԻ ԿԱՌՈՒՑՈՒՄԸ ՇԱՐՈՒՆԱԿՎՈՒՄ Է
Այդպիսի կայան Գեղարքունիքի մարզի Մասրիկ համայնքում էլ կլինի: Դրա կառուցման համար որոշվեց հատկացնել 97․3 հեկտար տարածք: Էներգետիկ ենթակառուցվածքների և բնական պաշարների նախարարի խոսքով՝ 73 մլն դրամ արժողությամբ հողատարածքը կնվիրվի նախարարությանը, ապա կանցնի այն ընկերությանը, որը կշահի կայանի կառուցման մրցույթը: Ով կշահի, նա էլ համայնքին կվճարի հողատարածքի կադաստրային արժեքը՝ սոցիալական հարցերի լուծման համար: Կայանի նախատեսվող հզորությունը 46-56 ՄՎտ է։
ՎԱՇԻՆԳՏՈՆ ՔԱՂԱՔՈՒՄ ԱՆՑԿԱՑՎԵԼԻՔ «ՖՈԼՔԼԱՅՖ» ՓԱՌԱՏՈՆԻՆ ՄԱՍՆԱԿՑԵԼԸ ՀԱՅԱՍՏԱՆԻ ՎՐԱ ԹԱՆԿ ԿՆՍՏԻ
49 միլիոն դրամ հատկացվեց Զբոսաշրջության պետական կոմիտեին: Ասում են՝ դա հետո օգտակար կլինի, մեր երկիր ժամանող զբոսաշրջիկների թիվը կավելանա: Թե որքա՞ն է այդ ցուցանիշը եղել անցած տարի, արդեն նիստից հետո Զբոսաշրջության պետական կոմիտեի նախագահն է ներկայացնում: Հարմար առիթ է 2017 թվականի տվյալներն ամփոփելու համար՝ ասում է ու մեկը մյուսի հետևից թվեր ներկայացնում:
08:30 01.11.2024
2026 թվականին Հայաստանը հյուրընկալելու է COP17-ը. Հակոբ ՍիմիդյանՇՄ նախարար Հակոբ Սիմիդյանը ֆեյսբուքյան իր էջում գրել է. «2026 թվականին Հայաստանը հյուրընկալելու է կենսաբազմազանության կողմերի համաժողովը՝ COP17-ը: 65 ձայնով Հայաստանն ընտրվել է որպես Կենսաբազմազանության կողմերի համաժողովի հյուրընկալող երկիր: Շնորհավորում եմ բոլորիս!!!»։ ...
08:20 01.11.2024
Al Jazeera. առնվազն 95 պաղեստինցի սպանվել է Գազայում հոկտեմբերի 31-ինՀոկտեմբերի 31-ին Գազայի հատվածում Իսրայելի պաշտպանության բանակի կողմից առնվազն 95 պաղեստինցի է սպանվել։ Այս տվյալները ներկայացրել է քաթարյան Al Jazeera հեռուստաալիքը։ Ըստ հաղորդման՝ անկլավի հյուսիսային հատվածում բազմաթիվ ավիահարվածների հետեւանքով զոհվել է առնվազն 75 պաղեստինցի։ Առնվազն 20 մարդ զոհվել է այլ հատվածներում: Ինչպես նշվում է Պաղեստինի անկլավի առողջապահության նախարարության հայտարարության մեջ, որը հրապարակվել է գերատեսչության Telegram […] ...
08:10 01.11.2024
Բորելը կայցելի Ճապոնիա՝ անվտանգության հարցերով բանակցությունների համարԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը կայցելի Ճապոնիա՝ մասնակցելու Ճապոնիա-ԵՄ ռազմավարական երկխոսության արտաքին և անվտանգության քաղաքականության առաջին հանդիպմանը։ Սպասվում է, որ նա կհանդիպի Ճապոնիայի արտգործնախարար Տակեշի Իվայայի հետ և կանցկացնի Ճապոնիայի և ԵՄ-ի միջև արտաքին քաղաքականության ռազմավարական երկխոսության առաջին հանդիպումը։ Բանակցությունների ընթացքում կքննարկվեն Ճապոնիայի և ԵՄ-ի միջև համագործակցությունը, մասնավորապես, անվտանգության ոլորտում, […] ...
08:01 01.11.2024
Իսրայելի ռազմաօդային ուժերը ավելի քան երկու ժամ գնդակոծել են Բեյրութի հարավային արվարձաններըԻսրայելի ռազմաօդային ուժերի ինքնաթիռները երկու ժամվա ընթացքում ավելի քան 15 հարված են հասցրել Բեյրութի հարավային արվարձաններին, հայտնում է «ՌԻԱ Նովոստի»-ն: Ռմբակոծվել են Ղբեյրի, Հարեթ Հրեյք, Բուրջ ալ Բարաջնի և Դուվար Քաֆաաթ շրջանները։ Օդային հարձակումների առաջին շարքն իրականացվել է գիշերվա ժամը երկուսի մոտ (Մոսկվայի ժամանակով 3։00)։ Ուժգին պայթյունների ձայները հասել են Լիբանանի մայրաքաղաքի կենտրոնական թաղամասեր։ Ծխի […] ...
00:00 01.11.2024
Իրանը կարող է Իրաքից հարձակվել Իսրայելի վրա․ AxiosAxios-ը հրապարակել է իսրայելցի լրագրող Բարաք Ռավիդի զեկույցն այն մասին, որ Իրանը, իր տարածքին պատասխան հարվածից խուսափելու համար, պատրաստվում է Իրաքից հարձակվել Իսրայելի վրա։ Երկու աղբյուրներ, որոնց հետ զրուցել է Բարաք Ռավիդը, ասում են, որ իսրայելական հետախուզությունը ենթադրում է, որ հարձակումը կիրականացվի մեծ թվով անօդաչու թռչող սարքերի և բալիստիկ հրթիռների միջոցով: Հարվածը կարող է լինել […] ...
23:52 31.10.2024
Նորվեգիան Ուկրաինային 118 մլն դոլար կհատկացնի՝ F-16 կործանիչների շահագրոծման համարՆորվեգիայի պաշտպանության նախարար Բյորն Արիլդ Գրամը հայտարարել է Կիևին 118 միլիոն դոլար հատկացնելու մասին՝ F-16 կործանիչների մարտունակությունը պահպանելու համար, ասվում է Նորվեգիայի կառավարության մամուլի հաղորդագրության մեջ։ «Նախարար Գրամը հոկտեմբերի 29-30-ը եղել է Ուկրաինայի նավահանգստային Օդեսա քաղաքում։ Այցի ընթացքում նա հայտարարել է, որ Նորվեգիան կավելացնի աջակցությունը Ուկրաինայի ռազմաօդային ուժերին՝ ուղարկելով լրացուցիչ 118,4 մլն դոլար, որը, ի […] ...
