15:25 04.02.2022
ՀՀ կրթության, գիտության, մշակույթի և սպորտի նախարարությունում այսօր տեղի է ունեցել 2021 թվականի «Լավագույն ուսանող» մրցույթի մրցանակաբաշխության հանդիսավոր արարողությունը: Միջոցառմանը մասնակցել են ԿԳՄՍ նախարար Վահրամ Դումանյանը, նախարարի տեղակալ Կարեն Թռչունյանը, բուհերի ռեկտորներ և ուսանողներ:
ԿԳՄՍ նախարարի տեղակալ, մրցութային հանձնաժողովի նախագահ Կարեն Թռչունյանը տեղեկացրել է, որ մրցույթում հաղթող են ճանաչվել 34 ուսանողներ, որոնցից 16-ը՝ բակալավրի կրթական աստիճանով, իսկ 18-ը՝ մագիստրոսի: Նրա խոսքերով՝ 1-ին տեղը զբաղեցրել է 13 ուսանող, որոնց կշնորհվի 445.000-ական դրամ, 2-րդ տեղը՝ 11 ուսանող, որոնք կստանան 345.000-ական դրամ, իսկ 3-րդ հորիզոնականը զբաղեցրած 10 ուսանողի կշնորհվի 220.000-ական դրամ կրթաթոշակ:
«Սա լավ հնարավորություն է ուսանողների համար՝ զինվելու նոր գիտելիքներով և դրանք ծառայեցնելու մեր երկրի զարգացմանը»,- նշել է նախարարի տեղակալը՝ հավելելով, որ մրցույթն անցկացվել է 7 ոլորտներում՝ բնագիտության, հասարակագիտության, հայագիտության, հումանիտար, բժշկության, ճարտարագիտության և մշակույթ-սպորտի:
Շնորհավորելով հանրապետության լավագույն ուսանողներին կարևոր ձեռքբերման համար՝ նախարար Վահրամ Դումանյանը նշել է, որ «Լավագույն ուսանող» մրցույթում հաղթող ճանաչվելը հպարտանալու առիթ է, բայց միևնույն ժամանակ պատասխանատվություն է և ձեռք բերածը նորովի վերարժևորելու ու հաջողությունը շարունակելու կարևոր նախապայման: Նրա խոսքով՝ մրցույթի նպատակն է բացահայտել ու խրախուսել բուհերի այն ուսանողներին, որոնք ցուցաբերել են բարձր առաջադիմություն և իրենց առավել ակտիվ են դրսևորել համապատասխան մասնագիտական ոլորտներում: Նախարարը կարևորել է, որ այս մրցույթի շրջանակում բուհերի ուսանողների միջև բարձրանա մրցակցությունը, ինչն էլ իր հերթին կնպաստի նրանց որակական առաջընթացին, հետաքրքրությունների ընդլայնմանը, ինքնադրսևորվելու հնարավորությունների խթանմանը և կարողությունների բացահայտմանը:
«Սիրելի՛ երիտասարդներ, դուք մարմնավորում եք մնացած բոլոր լավագույն ուսանողներին, քանի որ մեր հպարտությունը հանդիսացող ուսանողական բազմահազարանոց հանրույթը չի սահմանափակվում ներկա 34 ուսանողով. նրանք, վստահաբար, ավելի շատ են: Դուք եք մեր երկրի տերը, այն հզորացնող ուժը, մեր ապագան. կցանկանայի, որ յուրաքանչյուր երիտասարդ ունենար այս գիտակցումը: Ապագայի կերտման ճանապարհին մենք ձեր լավագույն գործընկերն ենք, աջակիցն ու հովանավորը: Ջանք մի՛ խնայեք ձեր նախընտրած ոլորտում կայանալու, նոր ասելիքով հանդես գալու, լավագույն ապագան կերտելու համար: Հատկապես մասնագիտական գործունեության դաշտում մեր երկրի առջև դրված խնդիրները պարտավոր ենք լուծելու, որպեսզի մեր ժողովուրդն ավելի բարեկեցիկ ապրի: Խոր ցավով եմ նշում, որ մեր ուսանողներից շատերն իրենց կյանքը չխնայեցին և հերոսացան Արցախյան պատերազմներում: Դուք այժմ կրկնակի եռանդով պետք է աշխատեք՝ տեր լինելով նաև նրանց գաղափարներին»,- նշել է նախարարը՝ ուսանողներին մաղթելով անսպառ եռանդ, բարձր պատասխանատվություն, սեր, նվիրում և մեծամեծ նվաճումներ նախընտրած ոլորտում։
Լավագույն ուսանողներին ողջունել են նաև Գավառի պետական համալսարանի ռեկտոր Ռուզաննա Հակոբյանը և Երևանի Մխիթար Հերացու անվան պետական բժշկական համալսարանի պրոռեկտոր Կոնստանտին Ենկոյանը:
Լավագույն առաջադիմությամբ ուսանողների անվանական կրթաթոշակների հավաստագրերը, ինչպես նաև նախարարության դրամաշնորհով տպագրված նվերները՝ գրքերը, հանձնել է ԿԳՄՍ նախարար Վահրամ Դումանյանը:
«Այս պարգևն ինձ համար խթան կհանդիսանա, որպեսզի բոլոր ուժերս ուղղեմ մեկ հիմնական նպատակի, այն է՝ զինվել գիտելիքների մեծ պաշարով: Այսօր ինձ համար նոր սկիզբ է՝ գնալ իմ ընտրած լուսավոր ճանապարհով և դառնալ լավագույն մանկավարժներից մեկը»,- մեզ հետ զրույցում մրցույթից ստացած իր տպավորություններն է արտահայտել Խ. Աբովյանի անվան հայկական պետական մանկավարժական համալսարանի «Նախադպրոցական մանկավարժություն և մեթոդիկա» բաժնի ուսանողուհի Ջուլիետա Մանուկյանը:
Գավառի պետական համալսարանի «Անգլերեն լեզու և գրականություն» բաժնի ուսանողուհի Մանե Դևոյանի խոսքով՝ մրցանակը խթան է ոչ միայն հաղթողների, այլև մրցույթից դուրս մնացած ուսանողների համար, որպեսզի նրանք հետագայում ավելի մեծ ջանասիրությամբ տրվեն համալսարանական աշխատանքին. «Այս մրցանակն ինձ համար մեծ նշանակություն ունի հետագայում նոր հաղթանակների հասնելու համար: Վստահ եմ, որ նման հաղթանակներ տեսնելուց հետո բոլոր ուսանողների շրջանում կմեծանա մրցույթին մասնակցելու և հաղթելու ձգտումը»:
Գորիսի պետական համալսարանի պատմության ֆակուլտետի ուսանողուհի Հայկուշ Արզանյանը վստահեցնում է՝ մրցույթն ազդակ է բոլոր ուսանողների համար առավել խորքային զբաղվելու հետազոտական աշխատանքով և ուսումնառության ընթացքում ակտիվ լինելու:
«Այս մրցույթը նոր խթան է մասնագիտական որակներում գագաթնակետին հասնելու առումով, որովհետև մեր հանրապետությունն այսօր լավագույն մասնագետների կարիք ունի: Կարևորում եմ, որ մրցույթի արդյունքում խրախուսվում են ոչ միայն առաջադիմությունը, այլև հասարակական և գիտական ակտիվությունը, որը ոչ միայն մասնագիտական որակների, այլև անձի՝ որպես անհատի կայացման գործում մեծ նշանակություն ունի»,- ասում է Երևանի Մ. Հերացու անվան պետական բժշկական համալսարանի ուսանող Նարեկ Շալունցը:
ԵՊՀ հայ բանասիրության ֆակուլտետի ուսանող Սամվել Եղիազարյանն արդեն երկրորդ անգամ է արժանանում «Լավագույն ուսանող» մրցանակին: Նա ասում է, որ այս մրցույթում հաղթելն իր համար նոր խթան է գիտության բնագավառում նվաճումներ գրանցելու համար. «2 տարի առաջ շահած մրցանակը դրական առումով մեծ բան է փոխել իմ կյանքում և պարտավորեցրել ավելի մեծ ձգտումներ ունենալուն: Եվ այս ամենի «մեղավորը» դրական առումով ԵՊՀ-ն է, որի դասախոսները ջանք ու եռանդ չեն խնայում յուրաքանչյուր ուսանողի կրթելու և առաջ տանելու համար»:
Հանդիսավոր արարողությունն ուղեկցվել է Երևանի Կոմիտասի անվան պետական կոնսերվատորիայի դասախոսներից և ուսանողներից բաղկացած տրիոյի և վոկալ կվարտետի կատարումներով:
22:13 28.04.2025
Էկոնոմիկայի և ՏԿԵ նախարարներն այցելել են «Կապանի լեռնահարստացման կոմբինատ» ՓԲԸՍյունիքի մարզ կատարած աշխատանքային այցի շրջանակում Էկոնոմիկայի նախարար Գևորգ Պապոյանն ու Տարածքային կառավարման և ենթակառուցվածքների նախարար Դավիթ Խուդաթյանն այցելել են «Կապանի լեռնահարստացման կոմբինատ» ՓԲԸ։ Այս մասին հայտնել են էկոնոմիկայի նախարարությունից: Ընկերությունը շահագործում է Սյունիքի մարզի Շահումյանի ոսկի-բազմամետաղային հանքավայրը՝ ստորգետնյա եղանակով, արտադրում է ոսկու խտանյութ՝ պղնձի և արծաթի պարունակությամբ: Ընկերությունն ունի շուրջ 2000 աշխատակից, տարեկան արտադրողականությունը […] ...
22:07 28.04.2025
Ժողովրդավարական ինստիտուտների կայացման հարցում էստոնական փորձը օրինակելի է Հայաստանի համար․ Նիկոլ ՓաշինյանՀայաստանի Հանրապետության վարչապետ Նիկոլ Փաշինյանի և Էստոնիայի Հանրապետության վարչապետ Քրիստեն Միխալի հանդիպումից հետո տեղի է ունեցել մամուլի համատեղ ասուլիս։ Երկու երկրների վարչապետերը հանդես են եկել մամուլի համար հայտարարություններով, ապա պատասխանել զանգվածային լրատվության միջոցների ներկայացուցիչների հարցերին։ Ստորև ներկայացվում է մամուլի համատեղ ասուլիսը. Էստոնիայի վարչապետ Քրիստեն Միխալ. Հարգելի Նիկոլ, ինձ համար մեծ պատիվ է ողջունել Ձեզ և […] ...
21:49 28.04.2025
Երկրում անասնահամաճարակային կայուն վիճակ ապահովելու համար ՀՀ կառավարությունն իրականացնում է մի շարք ծրագրերԵրկրում անասնահամաճարակային կայուն վիճակ ապահովելու համար ՀՀ կառավարությունն իրականացնում է մի շարք ծրագրեր՝ կանխարգելելով հիվանդությունները և այդ կերպ պաշտպանելով նաև հանրային առողջությունը։ Ամբողջ աշխարհում որդեգրվել է «Մեկ առողջություն» գաղափարը, որի համաձայն մարդու առողջությունն անմիջականորեն կապված է առողջ կենդանիների և շրջակա միջավայրի հետ։ Այս համատեքստում անգնահատելի է անասնաբույժների դերը. նրանց նվիրված աշխատանքի շնորհիվ մեր երկրում ստեղծվել […] ...
21:36 28.04.2025
«Նապոլին» դարձավ Ա Սերիայի առաջատարըԻտալիայի Ա Սերիայի 34-րդ տուրում «Նապոլին» «Դիեգո Արմանդո Մարադոնա» ստադիոնում 2-0 հաշվով հաղթել է «Տորինոյին»։ Դուբլ է գրանցել Սքոթ Մաքթոմինեյը։ Շոտլանդացի ֆուտբոլիստը վերջին 3 խաղում 5 գոլ է խփել։ «Նապոլը» միավորների քանակը հասցրել է 74-ի և գլխավորել մրցաշարային աղյուսակը։ «Տորինոն» 10-րդն է և ունի 43 միավոր։ ...
21:21 28.04.2025
Աշոցք-Բավրա ավտոճանապարհին այրվել է անասնակերԱպրիլի 28-ին, ժամը 15:08-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ղազանչի գյուղի մոտակայքում՝ տրակտորի կցորդչի վրա, այրվում է անասանկեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ հրդեհը բռնկվել է Աշոցք-Բավրա ավտոճանապարհի 4-րդ կմ-ին։ Հրդեհը մեկուսացվել է ժամը 15:46-ին, մարվել՝ 19:50-ին: […] ...