14:52 09.02.2018
«Լոռու մարզում կատարված սպանության դեպքի հանգամանքները լիարժեք բացահայտելու համար մեղադրվող պաշտոնատար անձ ունենք, մնացած դեպքերի ուղղությամբ հետևողականությունը միանշանակ է»,- լրագրողների հետ հանդիպման ժամանակ ասել է ՀՀ գլխավոր դատախազ Արթուր Դավթյանը՝ մանրամասներ ներկայացնելով վերջին աղմկահարույց բացահայտումների մասին:
Հիշեցնենք, որ Գլխավոր դատախազությունը հայտնել էր, որ Ալավերդի քաղաքի բնակիչ Վահագն Աբգարյանի կողմից հանցավոր համագործակցություն ստեղծելու և ղեկավարելու, հանցավոր համագործակցության անդամ Վլադիմիր Դավթյանի կողմից Վահագն Աբգարյանի պատվերով 2017թ. հունիսի 13-ին Ալավերդի քաղաքում Կամո Փիրուզյանին սպանելու փաստերի առթիվ ՀՀ քննչական կոմիտեի ՀԿԳ քննության գլխավոր վարչությունում քննվող քրեական գործով փաստական տվյալներ կան այն մասին, որ հանցավոր համագործակցության ղեկավար Վահագն Աբգարյանը ՀՀ քննչական կոմիտեի պաշտոնատար անձին տվել է առանձնապես խոշոր չափերով կաշառք Կամո Փիրուզյանի սպանության գործով իր և իր ղեկավարած հանցավոր համագործակցության օգտին գործողություններ կատարելու կամ որոշակի գործողություններ կատարելուց ձեռնպահ մնալու համար:
Վահագն Աբգարյանից առանձնապես խոշոր չափերով կաշառք ստանալու և պաշտոնեական լիազորությունները չարաշահելու համար ՀՀ քննչական կոմիտեի ծառայողին փետրվարի 6-ին մեղադրանք էր առաջադրվել, նա կալանավորվել էր: Իսկ փետրվարի 7-ին ձերբակալվել է ՀՀ քննչական կոմիտեի Լոռու մարզային քննչական վարչության ծառայողը:
Խոսելով գործի ընթացքում պաշտոնատար անձանց հնարավոր հանցավոր մասնակցության մասին՝ գլխավոր դատախազը նշել է, որ այդ փաստով էլ հարուցված է քրեական գործ: Այս պահին դատավարական կարգավիճակ ունի 2 պաշտոնատար անձ: Արթուր Դավթյանը վստահեցրել է, որ իրականացվելու է բազմածավալ քննություն՝ հնարավոր բոլոր անձնաց ներգրավվածությունը բացահայտելու համար:
«Այդ քրեական գործով նախաքննությունը Լոռու մարզի քննչական վարչությունում ավարտվել է: Մեղադրական եզրակացության գործը ուղարկվել է դատախազին և նա չի հաստատել մեղադրական եզրակացությունը, տեսել է խնդրներ գործի քննության բազմակողմանիությունն ու օբյեկտիվությունը ապահովելու ուղղությամբ և ուղարկել է լրացուցիչ նախաքննության: Արդյունքում՝ իմ կողմից քրեական գործի վարույթը վերցվել է Լոռու մարզի քննչական վարչությունից և ուղարկվել է Քննչական կոմիտե՝ նախաքննությունը ՀԿԳ վարչությնում իրականացնելու առաջարկով, ինչը բավարարվել է»,- պարզաբանել է գլխավոր դատախազը:
Հարցին, թե ըստ տարածված լուրերի՝ ձերբակալված անձը ՀՔԾ-ում բարեկամ ունի և արդյո՞ք այդ հանգամանքը չի խանգարի քննության օբյեկտիվությանը, Արթուր Դավթյանը վստահեցրել է՝ ոչ:
«ՀՔԾ-ում, անկախ ցանկացած բարեկամական կապից, իրականացվելու է օբյեկտիվ, բազմակողմանի նախաքննություն»,- ասել է Դավթյանը:
Նա ո՛չ հերքել, ո՛չ էլ հաստատել է այն հանգամանքը, որ կալանավորված պաշտոնյան ՀՀ քննչական կոմիտեի Լոռու մարզային քննչական վարչության պետ Թաթուլ Շուշանյանն է:
11:37 31.03.2025
Արարատի մարզի ոստիկանները երիտասարդների մոտ սառը զենք, ատրճանակ և կաթուցիչ են հայտնաբերելԱրարատի մարզի քրեական ոստիկանները մարտի 28-ին տեղեկություններ էին ստացել, որ մի խումբ երիտասարդների մոտ ապօրինի պահվող օդաճնշիչ ատրճանակ և սառը զենք կա և նրանք գտնվում են Արարատ քաղաքի Հաղթանակի փողոցում: Համատեղ իրացնելով ստացված տեղեկությունը` մարզի քրեական ոստիկաններն ու Արարատի բաժնի համայնքային ոստիկանները Հաղթանակի փողոցում հայտնաբերել, ձերբակալել և Արարատի բաժին են տեղափոխել չորս երիտասարդի: Անձնական խուզարկությամբ […] ...
11:29 31.03.2025
«Բարսելոնան» խոշոր հաշվով հաղթել է «Ժիրոնային»Իսպանիայի Լա լիգայի 29-րդ տուրում «Բարսելոնան» կատալոնական դերբիում խոշոր՝ 4-1 հաշվով հաղթել է «Ժիրոնային»։ «Բարսելոնայից» դուբլ է գրանցել Ռոբերտ Լևանդովսկին։ Լեհ հարձակվողը 25 գոլով Լա լիգայի ընթացիկ մրցաշրջանի ռմբարկուների ցուցակի առաջատարն է։ «Բարսելոնան» 66 միավորով առաջին տեղոււմ է։ Մոտակա հետապնդող Մադրիդի «Ռեալն» ունի 63 միավոր։ «Ժիրոնան» 34 միավորով 13-րդն է։ ...
11:22 31.03.2025
Գյումրիում ընդդիմադիր երկու ուժ հայտարարել է Վարդան Ղուկասյանին սատարելու պատրաստակամության մասինԳյումրու ավագանու ընտրությունների արդյունքներով անցողիկ շեմը հաղթահարած «Մայր Հայաստան» դաշինքի առաջնորդ Անդրանիկ Թևանյանը և «Մեր հզոր համայնք» կուսակցության համայնքապետի թեկնածու Ռուբեն Մխիթարյանը հայտարարել են ամենաշատ ձայներ հավաքած ընդդիմադիր թեկնածուին՝ Վարդան Ղուկասյանին սատարելու պատրաստակամության մասին։ Անդրանիկ Թևանյանը հայտարարել է, որ այս պահին ընդդիմադիր դաշտը պետք է համախմբվի և այնպես անի, որպեսզի իշխող «Քաղաքացիական պայմանագիր» խմբակցությունը չկարողանա […] ...
11:13 31.03.2025
Վարչապետ Փաշինյանը շնորհավորական ուղերձներ է հղել իսլամական սրբազան Էյդ Ալ-Ֆիտր տոնի առիթովՎարչապետ Նիկոլ Փաշինյանը շնորհավորական ուղերձներ է հղել Արաբական Միացյալ Էմիրությունների նախագահ, Աբու Դաբիի Էմիրության կառավարիչ շեյխ Մուհամմադ բին Զայեդ Ալ Նահյանին, Արաբական Միացյալ Էմիրությունների փոխնախագահ և վարչապետ, Դուբայի Էմիրության կառավարիչ շեյխ Մուհամմադ բին Ռաշիդ Ալ Մաքթումին, Եգիպտոսի Արաբական Հանրապետության նախագահ Աբդ Ալ-Ֆաթթահ Ալ-Սիսիին, Սիրիայի Արաբական Հանրապետության նախագահ Ահմադ Ալ-Շարաային, Կատարի Պետության էմիր շեյխ Թամիմ բին […] ...
11:10 31.03.2025
Մեսսիի գոլը հաղթանակ է պարգևել «Ինտեր Մայամիին»«Ինտեր Մայամին» MLS-ի կանոնավոր առաջնության 5-րդ տուրում սեփական հարկի տակ 2-1 հաշվով հաղթել է «Ֆիլադելֆիա Յունիոնին»: Հաղթական գոլը 57-րդ րոպեին խփել է Լիոնել Մեսսին։ գոլային փոխանցումը կատարել է Լուիս Սուարեսը: Արգենտինացի Խավիեր Մասկերանոյի թիմը 13 միավորով առաջատարն է, «Ֆիլադելֆիան»` 12 միավորով երրորդը: ...
11:07 31.03.2025
Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբԱդրբեջանի ՊՆ հաղորդագրությունը, թե իբր մարտի 30-ին՝ ժամը 22:30-ից մինչև մարտի 31-ը՝ ժամը 04:35-ը, ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։ «Միաժամանակ հայտնում ենք, որ մարտի 31-ին՝ ժամը 00:50-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել […] ...
