Ընդհանուր հանցագործությունների թիվն աճել է, իսկ ծանր հանցագործություններինը՝ նվազել. Արթուր Դավթյան

Այսօր ՀՀ գլխավոր դատախազությունում գլխավոր դատախազ Արթուր Դավթյանի գլխավորությամբ տեղի է ունեցել կոլեգիայի նիստ: Փակ նիստից հետո Արթուր Դավթյանը լրագրողներին մանրամասներ է ներկայացրել նիստի ընթացքից՝ մասնավորապես, նստի ընթացքում ներկայացվել են քրեական հետապնդման ոլորտում արված աշխատանքներն ու ամփոփվել արդյունքները:

«Կարևորելով հանրության տեղեկացումը նախաձեռնել եմ այս հանդիպումը՝ ներկայացնելով կատարված աշխատանքներն ու առկա խնդիրները», – ասել է գլխավոր դատախազ Արթուր Դավթյանը և ներկայացրել թվային տվյալներ:

Անդրադառնալով հանցավորության հակազդման աշխատանքերրի արդյունքներին, Արթուր Դավթյանը նշել է, որ 2018թ.-ի ընթացքում ՀՀ-ում արձանագրվել է  20 285 հանցագործություն: Ինչը 1521–ով կամ 8.1%–ով ավել է 2016թ.-ի ընթացքում արձանագրված հանցագործություններից:

Հանցագործության աճը, ըստ գլխավոր դատախազի վկայում է հանցագործությունների հաշվառման և հանցագործությունների հայտնաբերման աշխատանքների արդյունավետության բարձրացման մասին:

«Աճը արձանագրվել է ոչ մեծ ծանրության կամ միջին ծանրության հանցագործությունների հաշվին, դրան զուգահեռ էապես նվազել են ծանր  և առանձնապես ծանր հանցագործությունները: Ծանր հանցագործությունները նվազել են 11.4%-ով, առանձնապես ծանր  հանցագործությունենրը՝ 33-ով կամ 11.7%-ով: Հիմնականում աճել են այն հանցագործությունները, որ մշտապես աչքի են ընկել բարձր լատեյտանության մակարդակով: Մասնավորապես՝ էական աճ ունենք կոռուպցիոն հանցագործությունների, թմրանյութերի ապօրինի շրջանառության հանցագորոծություններով, ՃՏՊ-երի կամ Ճանապարհային երթևեկության կանոների խախտման արդյունքում կատարված հանցագործություններով:  Այս հանցագործությունների հանրագումարը ցույց է տալիս, որ սրանց հաշվին է աճ արձանագրվել», – նշել է Արթուր Դավթյանը:

Գլխավոր դատաղազը նաև նշեց, որ հաշվառման համար պատասխանատու մարմինենում տարիներ շարունակ գործելաոճ է եղել երբեմն թաքցնել հանցագործությունները, դրանք չհաշվառել: Նման մարմինների նկատմամբ համապատասխան արձագանքը եղել է՝ քրեական հետապնդման և դատական գործերի միջոցով: Դատախազը վստահեցրեց, որ այս առումով ոստիակնությունը ևս հետևողականություն է ապահովել:

Հայտնաբերման աշխատանքները ևս իրականացվում են հետևողական աշխատանքների շնորհիվ և աճը ևս վկյում է այդ մասին:

«Այդուհանդերձ արդյուքնները լիարժեք գոհացնող չեն, որովհետև իրավիճակը ցույց է տալիս, որ մեր հնարավորությունները ավելին են և մենք կարող ենք ի սպառ բացառել հանցագործության և իրավապահ մարմիններից գաղտնի մնալու հնարավոր փաստը», – նշեց Արթուր Դավթյանը:

Գլխավոր դատախազը անդրադարձավ ու թվային տվյալներ ներկայացրեց նաև ծանր և առանձնապես ծանր հանցագործության առանձին տեսակների վերաբերյալ: