Գազօգտագործման կանոնների 27000-ից ավելի խախտման դեպք Շիրակի մարզում՝ մեկ տարում․ ներտնային ծառայությունը պլանային ստուգումներ է սկսել – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
03 04 2025
  • $
    391.32
  • RUBLE
    4.67
  • 432.53
WEATHER
+10.09 oC

Գազօգտագործման կանոնների 27000-ից ավելի խախտման դեպք Շիրակի մարզում՝ մեկ տարում․ ներտնային ծառայությունը պլանային ստուգումներ է սկսել

19:16 27.10.2021

Շիրակի մարզում գազսպառողների թիվն հասել է 57 հազար 906-ի՝ նախորդ տարվա համեմատ մոտ 1000-ով ավելացել է։ Նոր բաժանորդներն ավելանում են՝ իրենց հետ բերելով  նոր խնդիրներ։ Գյումրիի տասնյակ թաղամասերում 24 ժամից ավելի գազանջատումները նաև նոր բաժանորդների մատակարարման ցանցին միացնելու պատճառով է: Վերջին շաբաթներին մարզում հաճախակիացել են գազանջատումները, որոնք երբեմն ձգվում են 1 օրից ավելի։ Զուգահեռ, գազամատակարարը  ձմռան նախապատրաստական աշխատանքներ է իրականացնում։ Գազամատակարարման հին ու մաշված ցանցում  նորացումներ է կատարում, անցկացնում են նոր խողովակաշարեր։

«Դեռ խորհրդային տարիներից մենք ժառանգել ենք մայրուղային գազատարներ, որոնք մեծ տրամաչափի են, որոշները մաշված են ու մշտապես մեր ուշադրության կենտրոնում են, նոր խողովակաշարեր են կառուցվում։ Բացի դրանից, նոր սպառողներ ավելացնելու համար գազատարի ներմիացումների համար անջատումներ են կատարվում, ունենում ենք նաև ֆորսմաժորային իրավիճակներ, երբ ստիպված ենք անջատումներ կատարել»,- SHANTNEWS.am-ի  հետ զրույցում ասել է «Շիրակ» ԳԳՄ տնօրենի ԺՊ Արտակ Գալստյանը։

Պլանային գազանջատումները Գյումրիում ավարտված չեն, թաղամասերով գազամատակարարման դադարեցումներն այս ընթացքում տևողության առումով ընկերությունը կհասցնի նվազագույնի՝ հաշվի առնելով նաև եղանակային պայմանները։ Սրան զուգահեռ, ներտնային ծառայությունն է ակտիվացել։ Շատ բնակարաններում արդեն գործի են դրվել ջեռուցման գազասարքերը, որոնցում պրոֆիլակտիկ ստուգումները պարտադիր են։

Երկու տասնյակից ավելի հսկիչ-փականագործներ ամեն օր են ստուգումներ կատարում, յուրաքանչյուրի սպասարկման տակ է 1500 և ավելի բաժանորդ: Ու էլի բոլոր տարիների նման փականագործների մուտքը բնակարաններ ոչ բոլորի համար է սպասված, իսկ երբեմն էլ բաժանորդն ու փականագործը նույն խնդիրների առջև են կանգնում, բնակիչը ջեռուցման իր մեթոդներն է կիրառում, իսկ ծառայությունը անվտանգության կանոններն է հիշեցնում: Ամենաշատ խախտումը, որը հանդիպում է տներում, ազդանշանային սարքի անջատված լինելն է։

«Մենք հորդորում ենք շուրջօրյա միացված պահեն սարքը, դա իրենց շուրջօրյա պահապանն է, եթե արտահոսք լինի, շմոլ գազ լցվի, ազդանշանն անմիջապես կաշխատի, որպեսզի չհասնի այն մակարդակին, որ տեղի ունենա պայթյուն կամ թունավորման դեպք։ Ինքնաշեն վառարաններ տեղադրելն արգելվում է, նաև պետք է բնակիչները գազասարքի որևէ փոփոխություն, տեղափոխություն կատարելու դեպքում անպայման մեր մասնագետներին տեղեկացնեն, որ մենք տանք համապատասխան եզրակացությունը»,- ասել է «ԷՅ-Ի-ՋԻ ՍԵՐՎԻՍ» ՍՊԸ Շիրակի գազամատակարարման համակարգերի տեխսպասարկման ծառայության Գյումրիի տեղամասի պետ Աղաբեկ Ծատուրյանը։

Ջեռուցման սեզոնին խիստ վտանգ են ներկայացնում խցանված օդատարները: Ի վերջո, ջեռուցման կաթսաների անվտանգ աշխատանքը կախված է մաքուր օդատար համակարգերից, ներտնային ծառայության ստուգայցերի առաջին գործը հենց դրանց պարտադիր ստուգումներով են սկսում:

Ներտնային ծառայության մասնագետների ստուգումների արդյունքներով մեկ տարվա ընթացքում 27 262 խախտում է հայտնաբերվել, դրանք հիմնականում ինքնաշեն վառարանների օգտագործմանը, ազդանշանային անջատված սարքերին են վերաբերում, թեև այլ տեսակի խախտումներ ևս արձանագրում են, բայց քիչ են լինում  դեպքերը, երբ գործը  հասնում է  բնակչի բնակարանի գազազրկմանը:

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։

 

Բոլոր լուրերը

Կապակցված լուրեր

Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետո

00:51 04.04.2025

Հայ շախմատիստուհիների արդյունքները Եվրոպայի կանանց անհատական առաջնությունում 4 խաղափուլից հետո

Հունաստանի Հռոդոս կղզում ավարտվեց շախմատի Եվրոպայի կանանց անհատական առաջնության 4-րդ խաղափուլը: Այս մասին հայտնել են Հայաստանի շախմատի ֆեդերացիայից: 4 խաղափուլից հետո գրոսմայստեր Էլինա Դանիելյանը ունի 3.5 միավոր և կիսում է 2-8-րդ հորիզոնականները: Միջազգային վարպետ Լիլիթ Մկրտչյանը և կանանց գրոսմայստեր Մարիա Գևորգյանը ունեն 3 միավոր և նույնպես առաջատարների շարքում են: Այսօր Մարիան հաղթել է Եվրոպայի կանանց […] ...

Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն Սիմոնյան

00:42 04.04.2025

Աշխարհը կանգնած է լուրջ մարտահրավերների առաջ, և նորարարական տեխնոլոգիաների կիրառումը գյուղատնտեսության մեջ երբևէ այսքան պահանջված չեն եղել. Ռուբեն Սիմոնյան

ՀՀ բարձր տեխնոլոգիական արդյունաբերության նախարարի տեղակալ Ռուբեն Սիմոնյանը ապրիլի 3-ին մասնակցել է ԵՄ կողմից ֆինանսավորվող «Կանաչ գյուղատնտեսություն նախաձեռնությունը Հայաստանում» (EU-GAIA) շրջանակներում Երևանում անցկացվող Կանաչ գյուղատնտեսության միջազգային համաժողովին։ Այս մասին հայտնել են ԲՏԱ նախարարությունից: Ողջունելով համաժողովի մասնակիցներին՝ Ռուբեն Սիմոնյանն ընդգծել է, որ նման միջոցառումները կարևոր հարթակ են նորարարների, գիտնականների և քաղաքական գործիչների համար՝ համատեղ քննարկելու կայուն […] ...

Իրավիճակը Հայաստանի ճանապարհներին

00:30 04.04.2025

Իրավիճակը Հայաստանի ճանապարհներին

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ և Ամբերդ ամրոց տանող ավտոճանապարհները։ Վարորդները պետք է երթևեկեն բացառապես ձմեռային անվադողերով։ ...

Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրները

00:16 04.04.2025

Հայտնի են հունահռոմեական ոճի ըմբշամարտի Հայաստանի պատանեկան առաջնության հաղթողներն ու մրցանակակիրները

Երևանի «Դինամո» մարզադահլիճում ավարտվել է հունահռոմեական ոճի ըմբշամարտի Հայաստանի պատանեկան առաջնությունը։ Այս մասին հայտնել են Հայաստանի ըմբշամարտի ֆեդերացիային՝ ներկայացնելով հաղթողներին և մրցանակակիրներին։ 45 կգ Արարատ Ավետիսյան Գյումրի Նարեկ Ալեյան Նորայր Մուշեղյան ՄԴ Բագրատ Կարապետյան Նորայր Մուշեղյան ՄԴ Ալեն Քեսաբյան Աշտարակ 48 կգ Մարտին Մանջիկյան Նորայր Մուշեղյան ՄԴ Վլադիկ Վարդանյան Նորայր Մուշեղյան ՄԴ Ռազմիկ Գևորգյան Ջրվեժ […] ...

Ապրիլի 13-19-ը Երևանում կկայանա Հոկեյի աշխարհի առաջնությունը

23:59 03.04.2025

Ապրիլի 13-19-ը Երևանում կկայանա Հոկեյի աշխարհի առաջնությունը

ՀՀ սփյուռքի գործերի գլխավոր հանձնակատար Զարեհ Սինանյանը հանդիպել է Հայաստանի հոկեյի ֆեդերացիայի գլխավոր քարտուղար Արամ Սարգսյանի և Հայաստանի հոկեյի լիգայի խորհրդի անդամ Նատալյա Կազանցևայի հետ։ Այս մասին հոյտնել են Սփյուռքի գլխավոր հանձնակատարի գրասենյակից: Հանդիպման ընթացքում քննարկվել է այս տարվա ապրիլի 13-19-ը Երևանում կայանալիք Հոկեյի աշխարհի առաջնությունը, որտեղ Հայաստանի հավաքականը հանդես կգա 15 տարվա դադարից հետո։ […] ...

Ադրբեջանի առաջ քաշած նախապայմանները ձգձգում են խաղաղության համաձայնագրի ստորագրման գործընթացը. Ֆրանսիայի ԱԳ նախարար

23:56 03.04.2025

Ադրբեջանի առաջ քաշած նախապայմանները ձգձգում են խաղաղության համաձայնագրի ստորագրման գործընթացը. Ֆրանսիայի ԱԳ նախարար

Ֆրանսիայի՝ Եվրոպայի և արտաքին գործերի նախարար Ժան-Նոել Բարոյի հայտարարության առնչությամբ Ապրիլի 2-ին Ֆրանսիայի Ազգային ժողովի արտաքին հարաբերությունների հանձնաժողովի՝ միջազգային վերջին զարգացումներին նվիրված նիստի ընթացքում, պատասխանելով նախագահական մեծամասնությունը ներկայացնող «Միասին» խմբակցության պատգամավոր Մոդ Պետիի հարցին, Ֆրանսիայի՝ Եվրոպայի և արտաքին գործերի նախարար Ժան-Նոել Բարոն ընդգծել է, որ Ֆրանսիան առաջիններից է, ով ողջունել է Հայաստանի և Ադրբեջանի միջև […] ...

BACK_TO_TOP