14:52 27.01.2018
UFC խառը մենամարտերի մարզիկ՝ ռուսաստանցի Հաբիբ Նուրմագոմեդովը հայտարարել է, որ շփվում է «Ռեալ»-ի հարձակվող Կրիշտիանու Ռոնալդուի հետ:
«Այո, մենք ծանոթացել ենք Instagram-ում, և շփվում ենք: Երեք օր առաջ եմ խոսել նրա հետ, իսկ երեկ «Ռեալի» պաշտոնական էջից էին գրել, նրանք ցանկանում են ինձ հրավիրել Մադրիդ, փետրվարի 10-ին «Ռեալ Սոսյեդադի» հետ կայանալիք խաղին»,- ասել է Նուրմագոմեդովը:
Հաբիբը հրաժարվել է պատասխանել Կրիշտիանու Ռոնալդուի սեռական կողմնորոշման հետ կապված հարցին:
«Ավելի լավ է անցնենք մեկ այլ հարցի: Դու արդեն տհաճ էս ինձ համար»,- պատասխանել է լրագրողին մարտիկը:
Ապրիլի 7-ին Հաբիբը Նուրմագոմեդովը մենամարտելու է ամերիկացի Թոնի Ֆերգյուսոնի հետ, UFC թեթեւ քաշային կարգի չեմպիոնական գոտու համար:
14:19 20.01.2018
Քոնոր Մակգրեգորը զրկվել է UFC-ի թեթև քաշային կարգում չեմպիոնական գոտուց, քանի որ 2016թ. նոյեմբերից չի մասնակցել գոտու պաշտպանությանը:
«Կոնորը չի որոշել, թե երբ է վերադառնալու: Դա արդեն շարունակվում է երկու տարի, սակայն քաշային կարգը պետք է առաջ գնա»,- ասել է UFC-ի նախագահ Դեյն Ուայթը:
Չեմպիոնական գոտու համար կմենամարտեն Խաբիբ Նուրմագոմեդովը և Տոնի Ֆերգյուսոնը, մենամարտը կկայանա ապրիլի 7-ին:
