12:26 29.12.2017
Daily Mail-ը հրապարակել է Անգլիայի պրեմիեր լիգայի ամենաբարձր վարձատրվող ֆուտբոլիստների վարկանիշը: Հայաստանի հավաքականի կիսապաշտպան Հենրիխ Մխիթարյանը գտնվում է 17-րդ տեղում՝ շաբաթական 140 հազար ֆունտ սթեռլինգ աշխատավարձով:
19:54 28.12.2017
Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը տեսաուղերձով է հանդես եկել: Այն Ինստագրամի իր էջում հրապարակել է Մխիթարյանի քույրը`Մոնիկա Մխիթարյանը:
Ինչպես ավելի վաղ հայտնել էր Shantnews-ը, Կարեն Դեմիրճյանի անվան մարզահամերգային համալիրում երեկ, դեկտեմբերի 27-ին, տեղի էր ունեցել Հայաստանի «Տարվա 10 լավագույն մարզիկներ»-ի պարգևատրման հանդիսավոր արարողությունը: Քվեարկության արդյունքում ամենից շատ ձայներ ստացած Մխիթարյանը միջոցառմանը չէր մասնակցել: Ֆուտբոլիստը, սակայն, ներկաներին դիմել է փոքրիկ տեսաուղերձով:
@micki_taryan thank you message to all Armenians for being named Athlete of the Year 2017⚽️????#mkhitaryan
A post shared by Monika Mkhitaryan (@monitaryan) onDec 28, 2017 at 2:29am PST
«Սիրելի հայրենակիցներ, շնորհակալություն եմ հայտնում ջերմ վերաբերմունքի համար: Ձեր աջակցությունն ինձ համար միշտ կարևորագույն շարժառիթներից է հանդիսացել: Ուրախ եմ ներկայացնելու Հայաստանը միջազգային հարթակում և կշարունակեմ նորանոր հաջողություններով ուրախացնել բոլորիդ»,- ասել է Մխիթարյանը, ինչպես նաև շնորհավորել հայ ազգին` գալիք Ամանորի և Սուրբ Ծնունդի կապակցությամբ: «Բոլորիդ ուրախություն և ամենայն բարիք եմ մաղթում»,- ասել է Մխիթարյանը:
18:26 28.12.2017
Թուրինի «Յուվենթուս»-ը հրաժարվել է իր հարձակվող Պաուլո Դիբալային փոխանակել «Մանչեսթեր Յունայթեդի» կիսապաշտպան Հենրիխ Մխիթարյանի հետ:
Ինչպես հաղորդում են իտալական ԶԼՄ-ները, «Յունայթեդ»-ը Դիբալայի համար թուրինյան ակումբին առաջարկել է 79 մլն եվրո և Հենրիխ Մխիթարյանի տրանսֆերը, սակայն երկար բանակցություններից հետո իտալական ակումբը չի համաձայնվել վաճառել իր հարձակվողին:
24-ամյա արգենտինացի ֆուտբոլիստը «Յուվենթուս»-ի կազմում խաղում է 2015 թվականից և իր առաջին սեզոնում դարձել էր ակումբի լավագույն ռմբարկու՝ խփելով 19 գնդակ: Սակայն վերջին շրջանում Դիբալայի խաղը այնքան էլ չի ստացվում, նա անգամ երբեմն բացակայում է թիմի հայտացուցակից, սակայն ակումբը նրա ծառայությունները բարձր է գնահատում և նա թիմում ստանում է ամենաբարձր աշխատավարձը՝ 7 մլն եվրո:
15:15 28.12.2017
Իսպանական AS-ի փոխացմամբ Լոնդոնի «Չելսիի» դարպասապահ Տիբո Կուրտուան կարող է տեղափոխվել Մադրիդի «Ռեալ»: Բելգիացին հայտարարել է, որ հետաքրքրված է Մադրիդ տեղափոխությամբ:
«Չելսիի» ղեկավարությունը ցանկանում է թիմում պահել 25 ամյա ֆուտբոլիստին, ում պայմանագիրը լրանում է 2019 թ-ի ամռանը:Ըստ աղբյուրի լոնդոնցիները պատրաստ են Կուրտուային դարձնել աշխարհում ամենա բարձր վարձատրվող դարպասապահը:
16:07 27.12.2017
Դեկտեմբերի 25-ին Երևանի բնակարաններից մեկում տեղի ունեցած գողության առթիվ քրեական գործ է հարուցվել:
11:24 27.12.2017
«Մանչեսթր Յունայթեդ»-ը սահմանել է Հայաստանի ֆուտբոլի ազգային հավաքականի ավագ Հենրիխ Մխիթարյանի տրանսֆերի գինը: Այն գնահատվել է 35 միլիոն ֆունտ ստերլինգ: Այս մասին հաղորդում է La Gazzetta dello Sport-ը: Վերջին շրջանում, ինչպես հայտնի է, Մխիթարյանի համար պայքարող եվրոպական հավանական ակումբներից մեկը իտալական «Ինտեր»-ն է:
19:55 26.12.2017
Ինչպես ավելի վաղ հայտնել էր Shantnews-ը, Անգլիայի Պրեմիեր Լիգայի առաջնության 20-րդ տուրում «Մանչեսթեր Յունայթեդը» սեփական հարկի տակ ընդունել էր «Բերնլիին»: Առաջին խաղակեսից հետո «Կարմիր Սատանաները» 0-2 հաշվով պարտվում էին մրցաշարային աղյուսակի 7-րդ հորիզոնականը զբաղեցնող «Բերնլիին»:
Հայաստանի հավաքականի կիսապաշտպան Հենրիխ Մխիթարյանը այս հանդիպմանը հայտավորված է, սակայն մեկնարկային կազմում տեղ չէր գտել:
Առաջին խաղակեսից հետո Ժոզե Մոուրինիոն միանգամից երկու փոփոխություն կատարեց՝ դաշտ դուրս բերելով Հենրիխ Մխիթարյանին և Ջեսի Լինգարդին:
Ջեսի Լինգարդի դուբլի շնորհիվ «Մանչեսթեր Յունայթեդը» խուսափեց պարտությունից:
Մանկունյանցիները երկրորդ խաղն անընդմեջ ավարտում են 2-2 հաշվով:
17:17 26.12.2017
Երևանի ժամանակով 19.00-ին Անգլիայի Պրեմիեր Լիգայի առաջնության 20-րդ տուրում «Մանչեսթեր Յունայթեդը» սեփական հարկի տակ կընդունի «Բերնլիին»: Հայաստանի հավաքականի կիսապաշտպան Հենրիխ Մխիթարյանն այս հանդիպմանը հայտավորված է, սակայն մեկնարկային կազմում տեղ չի գտել:
«Կարմիր սատանաների» մեկնարկային կազմն այսպիսին է.
Դե Խեա, Յանգ, Ջոնս, Ռոխո, Շոու, Մատիչ, Պոգբա, Մատա, Իբրահիմովիչ, Ռեշֆորդ, Լուկակու
Պահեստայինների նստարանին բացի Մխիթարյանից տեղ են գտել Ռոմերոն, Բլինդը, Լինդելյոֆը, Տուանզեբեն, Էրերան և Լինգարդը:
13:19 26.12.2017
Մախաչկալայի «Անժի» և Մոսկվայի «Արարատ» ակումբների նախկին գլխավոր մարզիչ Ալեքսանդր Գրիգորյանն այժմ գլխավորելու է «Լուչ-Էներգիան»: Գրիգորյանի և ակումբի առջև դրված խնդիրը բավականին բարդ է: Պահպանել տեղը Ռուսաստանի Ֆուտբոլի ազգային լիգայում: Բանն այն է, որ այժմ թիմը գտնվում է մրցաշարային աղյուսակի 15-րդ հորիզոնականում և նրան ընդամենը մեկ քայլ է բաժանում վտանգավոր գոտուց: 25 խաղերից հետո «Լուչ-Էներգիան» վաստակել է 27 միավոր: Մյուս խնդիրն այն է, որ մնացած խաղերում ակումբին բաժին են հասել շատ դժվար մրցակիցներ: «Լուչ-Էներգիայի» հանդեպ գործում է նաև նոր ֆուտբոլիստների ձեռք բերման ժամանակավոր արգելքը, ինչը թույլ չի տալիս ակումբին նոր համալրումներ ունենալ: Չնայած այս ամենին ակումբի ղեկավարությունը վստահում է Գրիգորյանին և դրա պատճառը կա: Նախկինում էլ Գրիգորյանը գլխավորել այս ակումբը և ավելին, 2014 թվականին նվաճել է Ռուսաստանի Ֆուտբոլի ազգային լիգայի գավաթը:
09:12 26.12.2017
«Ինտերի» սպորտային տնօրեն Վալտեր Սաբատինին հանդիպում է ունեցել անգլիական «Մանչեսթր Յունայթեդ» ակուբի կիսապաշտպան Հենրիխ Մխիթարյանի գործակալ Մինո Ռայոլայի հետ: Այս մասին հայտնում է FcInterNews.it կայքը:
Կայքի փոխանցմամբ, Միլանի «Ինտեր»-ը հնարավոր է Մխիթարյանին վարձակալի հունվարին:
Ավելի վաղ SHANTNEWS-ը հայտնել էր, բուքմեյքերական ընկերության փորձագետները ավելի շատ հակված են հավատալ հայ ֆուտբոլիստի տրանսֆերին Միլանի «Ինտեր»:
Այս տեղափոխությունը գնահատվում է 1.10 գործակցով: Լոնդոնի «Արսենալ» տեղափոխության հավանականությունը գնահատում է 8.00 գործակցով: Երրորդ հավանական տարբերակը՝ Դորտմունդի «Բորուսիա» տեղափոխությունն է, որի հավանականությունը գնահատել է 11.00 գործակցով:
17:21 25.12.2017
Առաջարկվում է նաև ԵԱՏՄ երկրների քաղաքացիներին այսուհետ լեգիոներ չհամարել: Եթե առաջարկները ընդունվեն, ապա հնարավոր է՝ ուժի մեջ մտնեն առաջիկա տրանսֆերային պատուհանների ժամանակ:
14:51 25.12.2017
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը ընտրություն է կատարել ապագա ակումբի հարցում: Այս մասին հայտնում է գերմանացի ֆուտբոլային փորձագետ Լի Պրայսը:
12:12 25.12.2017
Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը սոցցանցերում շնորհավորել է Սուրբ ծննդյան առթիվ:
«Շնորհավոր Սուրբ ծնունդ, սիրելի ընկերներ: Բոլորիդ մաղթում եմ հրաշքներով լի 2018 թվական»,- թվիթերյան և ֆեյսբուքյան իր էջերում գրել է 28-ամյա ֆուտբոլիստը:
12:35 23.12.2017
«Մանչեսթեր Յունայթեդի» ֆուտբոլիստները մեկնել են Լեսթեր, որտեղ ԱՊԼ-ի 19-րդ տուրի խաղում կմրցի «Լեսթեր Սիթիի» հետ: Թիմի կազմում հանդիպմանը մեկնել է նաեւ Հայաստանի հավաքականի կիսապաշտպան Հենրիխ Մխիթարյանը:
Դեկտեմբերի 23-ին կայանալիք «Լեսթեր Սիթի» – «Մանչեսթեր Յունայթեդ» հանդիպումը կմեկնարկի Երեւանի ժամանակով 23:45-ին:
Հիշեցնենք, որ Մխիթարյանը ԱՊԼ-ի շրջանակներում վերջին անգամ խաղադաշտ է դուրս եկել նոյեմբերի 25-ին 13-րդ տուրի` «Բրայթոն էնդ Հոուվ Ալբիոնի» հետ խաղում :
11:19 23.12.2017
«Livebet» բուքմեյքերական ընկերությունը խաղադրույքներ է ընդունում Մխիթարյանի ապագա ակումբի վերաբերյալ:
Բուքմեյքերական ընկերության փորձագետները ավելի շատ հակված են հավատալ, հայ ֆուտբոլիստի տրանսֆերին Միլանի «Ինտեր»: Այս տեղափոխությունը գնահատվում է 1.10 գործակցով: Լոնդոնի «Արսենալ» տեղափոխության հավանականությունը գնահատում է 8.00 գործակցով: Երրորդ հավանական տարբերակը՝ Դորտմունդի «Բորուսիա» տեղափոխությունն է, որի հավանականությունը գնահատել է 11.00 գործակցով:
17:29 22.12.2017
Ամերիկյան Fox news-ը վաղվա էլ կլասիկոից առաջ, կազմել է երկու ակումբների բոլոր ժամանակների խորհրդանշական հավաքականը:
14:13 22.12.2017
Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» անվանակարգում 2017թ. քվեարկության արդյունքները:
Հավաքելով 190 միավոր` Հայաստանի 2017 թ. լավագույն ֆուտբոլիստ է ճանաչվել Հայաստանի ազգային հավաքականի ավագ, «Մանչեսթեր Յունայթեդի» կիսապաշտպան Հենրիխ Մխիթարյանը, որը 8-րդ անգամ իր կարիերայի ընթացքում և 7-րդ անգամ անընդմեջ դարձավ Հայաստանի տարվա լավագույն ֆուտբոլիստ: 2017 թվականի ընթացքում Մխիթարյանը նվաճել է Եվրոպա Լիգայի, Անգլիայի լիգայի գավաթները, ընդգրկվել է Եվրոպա Լիգայի խորհրդանշական հավաքականում: Մխիթարյանն այսօր ամենաճանաչված հայերից մեկն է:
19:04 21.12.2017
Հայտնի ֆուտբոլային մեկնաբան Ռաֆայել Հոնիգշթայնը «Մանչեսթեր Յունայթեդ» ֆուտբոլային ակումբի գխավոր մարզիչ Ժոզե Մոուրինիոյին խորհուրդ է տվել չհրաժարվել Հայաստանի ֆուտբոլի հավաքականի ավագ և անգլիական «Մանչեսթեր Յունայթեդ» ակումբի կիսապաշտպան Հենրիխ Մխիթարյանից: Նա այս մասին խոսել է ամերիկյան ESPN սպորտային հեռուստաալիքի եթերում:
«Մենք տեսել ենք, թե ինչի էր ունակ Մխիթարյանը «Շախտյորում», «Բորուսիայում» և «Մանչեսթեր Յունայթեդում»: Եթե ակումբը նրան վաճառքի հանի, նրա հանդեպ հետաքրքրությունը կմեծանա: Մենք նաև տեսնում ենք, թե ինչպիսի հետաքրքրություն է նա ներկայացնում իտալացիաների համար»,- ասել է Հոնիգսթեյնը:
Այնուհետև նա հիշեցրել է մարզչի հետ նախկինում տեղի ունեցած նմանատիպ մեկ այլ պատմություն:
«Մոուրինիոն մի առիթով արդեն ստիպված է եղել 75 միլիոն ֆունտ վճարել, որպեսզի Ռոմել Լուկակուին վերադարձնի ակումբ: Շատ հնարավոր է, որ այդ պատմությունը կրկնվի նաև Մխիթարյանի դեպքում»,- ասել է Հոնիգսթեյնը:
17:17 21.12.2017
Թուրքական Fanatik սպորտային կայքը հայտնում է, որ Ստամբուլի «Բեշիքթաշ»-ը պատրաստվում է այս ձմեռ տրանսֆերի հանել 3 ֆուտբոլիստների: Նրանց թվում է Հայաստանի հավաքականի կիսապաշտպան Արազ Օզբիլիսը:
10:36 21.12.2017
Ադրբեջանի ֆուտբոլի ազգային հավաքականի գլխավոր մարզիչ Գուրբան Գուրբանովը մամուլի ասուլիսի ժամամանկ հայտնել է, որ չի ցանկանա հանդիպել Հայաստանի հավաքականին, ով համարվում է Ադրբեջանի թշնամին: «Ինչպես տեղյակ եմ, մենք Ազգերի լիգայի խաղարկությունում Հայաստանի հավաքականին կարող ենք հանդիպել միայն եզրափակչում: Սակայն չենք ցանկանա հանդիպել մեր թշնամու հետ նույնիսկ այնտեղ»,-ասել է մարզիչը:
17:41 20.12.2017
Ադրբեջանը կարող է դառնալ Իսպանիայի ֆուտբոլի ֆեդերացիայի գլխավոր հովանավորը: Այս մասին հայտնում է ադրբեջանական ԱՊԱ գործակալությունը՝ հղում անելով իսպանական AS լրատվական գործակալությանը:
17:00 20.12.2017
«Մանչեսթեր Յունայթեդի» ֆուտբոլիստները այսօր մեկնել են Բրիսթոլ, անգլիայի լիգայի գավաթի շրջանակում «Բրիսթոլ Սիթիի» հետ խաղին: Ինչպես սպասվում էր, թիմի հայտացուցակում ընդգրկվել է նաև Հենրիխ Մխիթարյանը:
«Մանչեսթեր Յունայթեդի» գլխավոր մարզիչ Ժոզե Մոուրինյուն երեկ կայացած մամուլի ասուլիսում հայտնել է, որ Մխիթարյանն, ամենայն հավանականությամբ, այսօր դուրս կգա խաղադաշտ:
Հայտացուցակում ընդգրկված են՝ Ռոմերո, Պերիրա, Օ’հարա, Դարմիան, Լինդելոֆ, Սմոլինգ, Ռոխո, Տուանզեբե, Բլինդ, Շոու, ՄակՏոմինաի, Պոգբա, Էրերա, Լինգարդ, Մխիթարյան, Մատա, Ռեշֆորդ, Մարսիալ, Լուկակու, Իբրահիմովիչ:
10:59 20.12.2017
Հայաստանի ամերիկյան համալսարանում մեկնարկում է տվյալագիտության բակալվրի աստիճան: 2018 թվականի սեպտեմբեր ամսից մեր երկրում առաջին անգամ կդրվի նոր՝ տվյալագիտության բակալավրի աստիճանի մեկնարկը: Ծրագրի հիմնական շեշտադրումը լինելու է մաթեմատիկան, վիճակագրությունը և հաշվարկումը: Մեկ տարի սովորելուց հետո ուսանողները հնարավորություն կունենան ընտրել նեղ մասնագիտացում՝ գործարար վերլուծության կամ կենսաինֆորմատիկայի ոլորտում: Ծրագրի մեկնարկի առիթով այսօր Հայաստանի ամերիկյան համալսարանում տվյալ մասնագիտության […]
19:02 19.12.2017
The Guardian-ը հրապարակել է 2017թ. աշխարհի 100 լավագույն ֆուտբոլիստների դասակարգման աղյուսակը։ Հենրիխ Մխիթարյանը այս տարի 92-րդ տեղում է:
Հիշեցնենք, որ անցած տարի նա զբաղեցրել էր 57-րդ տեղը:
Ամենամյան քվեարկությանը մասնակցում են գործող եւ նախկին ֆուտբոլիստներ, մարզիչներ, փորձագետներ և լրագրողներ 63 երկրներից: Քվեարկությանը մասնակցել է նաեւ Հայաստանի հավաքականի նախկին դարպասապահ Ռոման Բերեզովսկին:
18:57 19.12.2017
Վանաձորում քաղաքային մարզադաշտը վերակառուցվում է. այս մասին հրապարկում է արել «Լոռի» ֆուտբոլային ակումբի ֆեյսբուքյան պաշտոնական էջը:
Ակումբը հայտարարում է,որ «Լոռին» և Հայաստանի ֆուտբոլի ֆեդերացիան համատեղ ջանքերով անում են ամեն ինչ, որպեսզի թիմը հաջորդ մրցաշրջանում հանդես գա նոր, միջազգային չափանիշներին համապատասխան մարզադաշտում:
15:27 19.12.2017
Միջազգային մամուլում օրեցօր ավելանում են կանխատեսումները Հայաստանի ֆուտբոլի ազգային հավաքականի ավագ Հենրիխ Մխիթարյանի ֆուտբոլային ապագայի մասին: Գրեթե ամեն օր միջազգային մամուլում հայտնվում են եվրոպական բարձրակարգ ակումբների անուններ, որոնք ուզում են օգտվել Մխիթարյանի և Մոուրինիոյի հակամարտությունից և ձեռք բերել Միկիին, ինչպես սիրում են անվանել Հենրիխին Եվրոպայում: Առաջին տարբերակը, թե որտեղ կարող է տեղափոխվել Մխիթարյանը, նշվում է իտալական «Ինտեր»-ի անունը: Հետևաբար SHANTNEWS-ը որոշեց իր ընթերցողներին մոտիկից ծանոթացնել այդ ակումբի հետ:
INTER
Այսպիսով, Ինտերնացիոնալե Միլան (իտալ.՝ Internazionale Milano Football Club), կամ հակիրճ Ինտեր: Իտալական ամենատիտղոսակիր ֆուտբոլային ակումբներից մեկն է, որը ներկայացնում է Միլան քաղաքը և հանդես է գալիս A Սերիայում։ Ինտերի մարզաբազան գտնվում է Լոմբարդիայում։ Թիմի ստեղծման օր է համարվում 1908 թվականի մարտի 9-ը։
ՄԱՐԶԱԴԱՇՏԸ
Ինտերը տնային հանդիպումները անցկացնում է Ջուզեպպե Մեացցա մարզադաշտում, որն անվանվում է նաև Սան Սիրո: Այն տեղավորում է մոտ 80 000 հանդիսական, կառուցվել է 1925 թվականին։
ԳԱՎԱԹՆԵՐ
Չեմպիոնների Լիգա (3) 1964, 1965, 2010
ՈՒեֆայի Գավաթ (3) 1991, 1994, 1998
Սերիա Ա (18) 1910, 1920, 1930, 1938, 1940, 1953, 1954, 1963, 1965, 1966, 1971, 1980, 1989, 2006, 2007,2008, 2009, 2010
Իտալիայի Գավաթ (7) 1939, 1978, 1982, 2005, 2006, 2010, 2011
Իտալիայի Սուպեր Գավաթ (5) 1989, 2005, 2006, 2008, 2010
Միջմայրցամաքային Գավաթ (2) 1964, 1965
Ակումբային աշխարհի առաջնություն (1) 2010
ՆԵՐԿԱ ԿԱԶՄԸ՝
ՄԱՐԶԻՉՆԵՐ («Ինտեր»-ի նախկին մարզիչների թվում է եղել նաև «Մանչեսթ Յունայթեդի» ներկայիս գլխավոր մարզիչ Ժոզե Մոուրինյոն)
2008-2010: Ժոզե Մոուրինյու
2010-2010: Ռաֆայել Բենիտես
2010-2010: Լեոնարդո Արաուժո
2011-2011: Ջան Պյերո Գասպերինի
2011-2012: Կլաուդիո Ռանիերի
2012-2013: Անդրեա Ստրամաչչիոնի
2013-2014: Վալտեր Մացցարրի
2014-2016: Ռոբերտո Մանչինի
2016-2016: Ֆրանկ Դե Բուր
2016-2017: Ստեֆանո Պիոլի
2017-***: Լուչիոանո Սպալետի
ՄԱՐԶԱՀԱԳՈՒՍՏ՝ մրցաշրջան 2016/2017
Տնային մարզաշապիկ
Հյուրընկալվող մարզաշապիկ
ԿԱՊՈՒՅՏ ԵՎ ՍԵՎ
Ակումբի հիմնադրման պահին՝ 1908 թվականին, ակումբի պաշտոնական գույներ ընտրվեցին կապույտն ու սևը, որոնք համապատասխանաբար խորհրդանշում էին գիշերն ու կապույտ երկինքը։ Ակումբի վերանվանվան ժամանակ՝ 1928 թվականին, գույները փոխվեցին, դառնալով կարմիրն ու սպիտակը։ Երկրորդ Աշխարհամարտից հետո Ինտերը վերադարձավ իր կապույտ և սև գույներին, կրկին ստանալով իր պատմականորեն ձևավորված անվանումներից մեկը՝ nerazzurri (սև – կապույտներ)։
ՏԱՐԲԵՐԱՆՇԱՆԸ 2014 ԹՎԱԿԱՆԻՑ
Նոր ժամանակներ, նոր տարբերանշան: Երբ միլանյան ակումբի սեփականատեր դարձավ Էրիկ Տոհիրը, խոստացավ ակումբի համար նոր ժամանակների սկիզբ: Նոր նախագահը առաջին հերթին փոփոխությունների ենթարկեց տարբերանշանը: Այս տարբերակը ոգևշնչված է 1908 թ-ի լոգոյից, բայց փոքր-ինչ մինիմալիստական է: Այս լոգոյում կատարվել են հետևյալ փոփոխությունները՝ նախ կապույտ եզրագծող շերտը դարձել է ավելի ընդգծված, կապույտ և սև շերտերի միջև եղած ոսկեգույն շերտը վերացել է և կապույ-սև շերտերը կպել են իրար: I տառը այս անգամ ամբողջովին գտնվում է C տառի մեջ: F տառը ավելի է մեծացել և վերևի մասով հպվում է C տառին:
«ԻՆՏԵՐ»-Ի ՀԱՆՐԱՀԱՅՏ ԵՐԿՐՊԱԳՈՒՆԵՐ
Անեզո Մատեո – դահուկորդ
Կառլո Անչելոտտի-ֆուտբոլային մարզիչ
Ջակոմո Բիֆֆի-արքեպիսկոպոս
Անդրեա Բոչելլի-տենոր
Մոնիկա Բելուչի-իտալացի դերասանուհի, մոդել
Ժիզել Բյունդհենն-բրազիլացի մոդել
Դոնաթելլա Վերսաչե-հագուստի մոդելավորող
Վալերիա Գոլինո-դերասանուհի
Էլիզաբեթ Կանալիս-դերասանուհի, հաղորդավարուհի
Ալիսսա Միլանո-դերասանուհի
Միլվա-դերասանուհի, երգչուհի
Քեթի Փերրի-երգչուհի
Ադրիանո Չելենտանո-երգիչ, դերասան
13:46 19.12.2017
Բրազիլիայի հավաքականի նախկին ֆուտբոլիստ Ռոնալդինյոն կազմել է իր երազանքի խորհրդանշական հավաքականը:
Հիշեցնենք, որ Ռոնալդինյոն իր կարիերայի ընթացքում ելույթ է ունեցել Բարսելոնայում, Միլանում և մի շարք այլ ակումբներում:
Հավաքականի կազմը՝ Բուֆոն, Կաֆու, Պույոլ, Մալդինի, Ռոբերտո Կառլոս, Լեմպարդ, Կակա, Զիդան, Մեսսի, Անրի, Ռոնալդո:
10:55 18.12.2017
Թուրքական «Բեշիքթաշ» ֆուտբոլային ակումբը Հայաստանի ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի վրա «աչք է դրել»: Նման հրապարակմամբ է հանդես եկել թուրքական «Kanalahaber» լրատվական կայքը:
Աղբյուրի պնդմամբ՝ ակումբի խաղացողներից բրազիլացի կիսապաշտպան Անդրեաս Թալիսկայի հետ պայմանագիրը շուտով ավարտվում է, և ակումբը ցանկություն ունի նրան փոխարինել Մխիթարյանով:
Կայքի բնորոշմամբ այն բանից հետո, երբ «Մանչեսթեր Յունայթեդի» մարզիչ Ժոզե Մոուրինիոն ակնարկել է, որ այլևս Մխիթարյանին չի տեսնում իր թիմում, «Բեշիքթաշ»-ի ղեկավարությունը հայ ֆուտբոլիստին ձեռք բերելու համար «գործի է անցել»:
Հիշեցնենք, որ ավելի վաղ Մոուրինիոն հայտարարել էր, որ «Մանչեսթեր Յունայթեդը» պատրաստ է հունվարին վաճառել կիսապաշտպան Հենրիխ Մխիթարյանին և պաշտպան Լյուկ Շոուին:
Մխիթարյանի ծառայություններով հետաքրքրված են նաև Դորտմունդի «Բորուսիան» ու Միլանի «Ինտերը»:
14:06 16.12.2017
Պատճառը «Խուվենտուդ դե Պերգամինոյի» երկրպագուների բռնությունն է մրցավարների նկատմամբ «Ինդեպենդիենտե դե Չիվիլկայի» դեմ խաղում:
Այդ խաղում մրցավարը կարմիր քարտ էր ցույց տվել «Խուվենտու դե Պերգամինոյի» ֆուտբոլիստին: Դրանից հետո թիմի երկրպագուները ներխուժել էին խաղադաշտ և դաժան ծեծի ենթարկել մրցավարներին:
