13:47 25.06.2018
Իտալիայի կառավարությունը փրկարարական նավերին արգելել է օգնություն ցուցաբերել փախստականների տեղափոխող նավերին:
19:37 26.01.2018
Առնվազն 30 մարդ է զոհվել Եմենում տեղի ունեցած նավաբեկության արդյունքում,հայտնում է «Միգրացիայի միջազգային կազմակերպությունը»(IOM): Աղբյուրի փոխանցմամբ, դեպքը տեղի է ունեցել հունվարի 23-ին՝ Ադեն քաղաքի մոտակայքում: Ադենի ծոցով Ջիբուտի տեղափոխվող նավի վրա Սոմալիից և Եթովպիայից ժամանած՝ ավելի քան 150 միգրանտ է եղել:
11:29 24.01.2018
ՄԱԿ-ի գլխավոր քարտուղարի մամուլի քարտուղար Ստեֆան Դուժարիկը հայտարարել է, որ թուրքական զինված ուժերի ՝ Սիրիա ներխուժելու արդյունքում փախստական է դարձել ավելի քան 126 հազար խաղաղ բնակիչ:
11:53 05.01.2018
ՀՀ-ում ԱՄՆ դեսպանատունը հաղորդագրություն է տարածել, որով զգուշացնում է Հայաստանում գտնվող սիրիացի փախստականներին. փորձեր են արվում նրանց ներքաշելու ԱՄՆ ներգաղթի կեղծ սխեմաների մեջ: Ըստ հաղորադագրության՝ ծուղակում արդեն հայտնվել են ԱՄՆ տեղափոխվելու մտադրություն ունեցող սիրիացիների մի քանի ընտանիքներ: ԱՄՆ-ում բնակվող մեկը խոստացել է որոշակի գումարի դիմաց ԱՄՆ դեսպանատնից նրանց համար ստանալ տեղափոխման և փախստականի ճամփորդական փաստաթղթեր:
Նշվում է, որ Հայաստանում ԱՄՆ դեսպանատունը փախստականներին ճամփորդական փաստաթղթեր առհասարակ չի տրամադրում: Խաբեության հեղինակները տրամադրում են պաշտոնական փաստաթղթերին արտաքուստ շատ նման թղթեր, որոնք կեղծ են:
Խաբեության հնարավոր զոհերը խաբեության հետ կապված կասկածների մասին կարող են դիմել ՄԱԿ-ի Փախստականների հարցերով գլխավոր հանձնակատարին կամ հաղորդում ներկայացնել ԱՄՆ դեսպատանը ՝ գրելով էլ. փոստի [email protected] հասցեով: Հայերենով լրացուցիչ տեղեկությունների և փախստականների պաշտպանության կամ փաստաթղթերի հետ կապված հարցերի վերաբերյալ պարզաբանումների համար կարող են դիմել ՄԱԿ-ի Փախստականների հարցերով գլխավոր հանձնակատարի հայաստանյան գրասենյակ. ընդունելության ժամերը՝ 15:00-17:00 երկուշաբթի և հինգշաբթի օրերին, հասցեն՝ ք. Երևան, Պետրոս Ադամյան 14: Կարող են զանգել նաև 37410 56 47 71 հեռախոսահամարով կամ գրել էլ. փոստի [email protected] հասցեով:
