19:22 14.04.2018
ՌԴ արտաքին գործերի նախարար Սերգեյ Լավրովը ԱՄՆ-ի և նրա դաշնակիցների գործողություններն անընդունելի և անօրինական է համարել:
18:59 14.04.2018
Հավաքական անվտանգության պայմանագրի կազմակերպության մշտական խորհուրդը դատապարտել է ԱՄՆ-ի, Մեծ Բրիտանիայի և Ֆրանսիայի կողմից Սիրիային հասցրած հրթիռային հարվածները:
18:26 14.04.2018
Վրաստանի արտաքին գործերի նախարարը, ԱՄՆ-ի և նրա դաշնակիցների կողմից Սիրիայի վրա իրականացրած հրթիռային հարվածները, համարել է «համապատասխան և անհրաժեշտ»:
17:09 14.04.2018
ԱՄՆ և դաշնակիցների կողմից Սիրիան հրթիռակոծելուց հետո Մոսկվան կրկին կարող է անդրադառնալ Սիրիային С-300 տեսակի զենիթային հրթիռներ մատակարարելու հարցին,- ասել է ՌԴ ԶՈՒ Գլխավոր շտաբի պետ Սերգեյ Ռուդսկին Պաշտպանության նախարարության բրիֆինգում
16:53 14.04.2018
Սիրիական ընդդիմությունը դժգոհ է Միացյալ Նահանգների, Մեծ Բրիտանիայի և Ֆրանսիայի՝ Սիրիայի վրա համատեղ հրթիռային հարձակումից: Այս մասին ասվում է Twitter- ի Agence France-Presse էջում:
16:23 14.04.2018
Սիրիայում ռազմական և քաղաքացիական օբյեկտների վրա հարձակման ընթացքում, առաջին անգամ, մարտական պայմաններում օգտագործվել են AGM-158 JASSM թևավոր հրթիռները, գրում է The Drive-ը:
15:43 14.04.2018
Թերեզա Մեյը չի ստացել խորհրդարանի հավանությունը Սիրիային հարված հասցնելու համար: Այս մասին հայտարարել է Մեծ Բրիտանիայի գլխավոր ընդդիմադիր Լեյբորիստական կուսակցության ղեկավար Ջերեմի Կորբինը: Նա քննադատության է ենթարկել ԱՄՆ-ի, Մեծ Բրիտանիայի և Ֆրանսիայի համատեղ գործողությունը: «Ռումբերը կյանքեր չեն փրկի և հանգստություն չեն բերի: Այդ ապօրինի գործողությունը նոր էսկալացիայի կբերի»,- ասել է Կորբինը:
14:50 14.04.2018
«ԵՄ-ն կոչ է անում բոլոր երկրներին, հատկապես Ռուսաստանին ու Իրանին, օգտագործել իրենց ազդեցությունը՝ կանխելու քիմիական զենքի հետագա օգտագործումը, հատկապես սիրիական վարչակարգի կողմից»,- նշված է ԵՄ բարձր ներկայացուցիչ Ֆեդերիկա Մոգերինիի հայտարարությունում: Նա ընդգծել է, որ ԵՄ-ն կողմ է սիրիական հակամարտության քաղաքական կարգավորմանը, կոչ է արել կրակի դադարեցման մասին բոլոր համաձայնագրերի իրականացմանը և հնարավոր է համարել պատժամիջոցների խստացումը: «2017–ի հուլիսին և 2018 –ի մարտին ԵՄ –ն սահմանափակող լրացուցիչ պատժամիջոցներ սահմանեց քիմիկան զենքի կիրառման հետ կապ ունեցող սիրիացի չինովնիկների և գիտնականների նկատմամբ, և միշտ պատրաստ է դիտարկել այդ պատժամիջոցների խստացումը»,- ասված է հայտարարությունում:
14:27 14.04.2018
Սիրիայի նախագահ Բաշար Ասադը հայտարարել է, որ Սիրիան կշարունակի պայքարը ահաբեկչության դեմ:
13:57 14.04.2018
Իրանի արտաքին գործերի նախարարությունը դատապարտել է ԱՄՆ-ին և նրա դաշնակիցներին Սիրիայի դեմ իրականացրած հրթիռային հարձակման կապակցությամբ և զգուշացրել դրա տարածաշրջանային և միջազգային հետևանքների մասին:
13:56 14.04.2018
Գիշերը ԱՄՆ, Բրիտանիայի և Ֆրանսիայի զինուժը հրթիռակոծել է Սիրիայի տարածքը։ Թիրախում եղել են օդանավակայաններ, ռազմաբազաներ, հետազոտական կենտրոններ։
13:50 14.04.2018
Ապրիլի 14-ին՝ ժամը 5-ի սահմաններում, ԱՄՆ-ն, Մեծ Բրիտանիան և Ֆրանսիան համատեղ հարվածներ են հասցրել Սիրիայի կառավարական ուժերին։ Հրթիռակոծմանը ներգրավվել են երեք երկրների ավիացիան և ռազմանավերը:
13:36 14.04.2018
Ֆրանսիայի արտաքին գործերի նախարար Ժան-Իվ Դրիանը Սիրիայի տարածքում քիմիական զենքի գործածման կրկնության դեպքում չի բացառել կրկին ռազմական գործողություններ կիրառելու հավանականությունը:
13:28 14.04.2018
ՆԱՏՕ-ի գլխավոր քարտուղար Յենս Ստոլտենբերգն իր աջակցությունն է հայտնել Միացյալ Նահանգներին, Ֆրանսիային ու Բրիտանիային՝ Սիրիայի տարածքի հրթիռակոծության հարցում։
13:01 14.04.2018
Ինքը՝ Գերմանիան, չի մասնակցել հրթիռային հարվածներին։ Դրանք իրականացրել են ամերիկյան, ֆրանսիական ու բրիտանական զինված ուժերը։ Արձակվել է 100-ից ավելի հրթիռ, որոնց մեծ մասը հասել է թիրախին։
12:33 14.04.2018
Խախտվել է ՄԱԿ-ի կանոնադրությունը, միջազգային իրավունքի նորմերը և սկզբունքները, կատարվել է ագրեսիվ գործողություն սուվերեն պետության դեմ, որը պայքարում է ահաբեկչության դեմ:
12:17 14.04.2018
Կոալիցիայի՝ Սիրիայի դեմ ուղղված ԱՄՆ-ի գործողությանն առաջինն իրենց աջակցությունն են հայտնել Կանադան և Ավստրալիան:
11:49 14.04.2018
Թուրքիայի ԱԳՆ-ն ողջունել է ԱՄՆ-ի, Մեծ Բրիտանիայի և Ֆրանսիայի կողմից Սիրիայի հրթիռակոծությունը։ Այդ առիթով Թուրքիայի ԱԳՆ տարածած հայտարարությունում նշվել է.
11:06 14.04.2018
«Սիրիան դատապարտում է ԱՄՆ-ի , Մեծ Բրիտանիայի ու Ֆրանսիայի ուխտադրուժ եռյակի ագրեսիան Սիրիայի դեմ, ինչը միջազգային իրավունքի, ՄԱԿ սկզբունքների ու կանոնադրության կոպիտ խախտում է»,- ասվում է Սիրիայի ԱԳՆ տարածած հայտարարության մեջ։
10:01 14.04.2018
ԱՄՆ նախագահ Դոնալդ Թրամփը հայտարարություն է արել՝ Սիրիային կետային հարվածներ հասցնելու մասին: Հեռուստաուղերձում Թրամփը մասնավորապես ասել է. «Ես հրամայեցի ԱՄՆ զինված ուժերին սկսել կետային հարվածներն այն օբյեկտներին, որոնք առնչություն ունեն Սիրիայի բռնապետ Բաշար Ասադի քիմիական զենքի հետ:
09:43 14.04.2018
Խոշորագույն ավիաուղիները փոխել են իրենց երթուղիները` շրջանցելով Սիրիայի օդային տարածքը: Պատճառը Սիրիայի տարածքում հնարավոր հրթիռային հարվածներն են: Այս մասին հայտնում է The New York Times-ը:
08:05 14.04.2018
ԱՄՆ-ն, Մեծ Բրիտանիան ու Ֆրանսիան օդային հարված են հասցրել Սիրիային: Սիրիայի պետական հեռուստատեսությունը հայտնել է, որ կա 3 տուժած: Հարվածները հասցվել են այն ժամանակ, երբ ԱՄՆ նախագահ Դոնալդ Թրամփը հեռուսատեսությամբ ելույթ է ունեցել: Նույն այդ ժամանակ Ֆրանսիան եւ Մեծ Բրիտանիան հայտնել են, որ իրենք եևս միացել են: Բավական լավ է աշխտաել սիրիական հակաօդային պաշտպանության համակարգը: Արձակված մոտ 30 հրթիռներից՝ խոցելով մոտ 10-ը:
21:01 13.04.2018
Հոլանդիայի վարչապետ Մարկ Ռյուտտեն հայտարարել է, որ Նիդեռլանդները չեն քննարկում Սիրիայի տարածքում ռազմական գործողություններին մասնակցելու հնարավորությունը
19:27 13.04.2018
Լավրովի խոսքով՝ Մոսկվան անհերքելի փաստեր ունի այն մասին, որ Սիրիայում տեղի ունեցած ենթադրյալ քիմիական հարձակումը բեմադրված է եղել:
17:25 13.04.2018
12 ռազմանավերից կազմված ամերիկյան նավատորմն ուղևորվում է դեպի Սիրիա: 2003 թվականին Իրաքի տարածք ներխուժումից հետո, սա ամերիկյան ռազմածովային ուժերի առաջին լայնամասշտաբ կենտրոնացումն է լինելու, հայտնում է բրիտանական Dailymail-ը: Նավատորմի մաս է կազմում 90 ինքնաթիռ տեղափոխող «USS Hurry S Truman» ատոմային ավիակիրը, որին ուղեկցում է 5 ականակիր նավ ու հածանավ և շարժվում է դեպի Եվրոպա և Մերձավոր Արևելք:
15:17 13.04.2018
Interfax-ը հաղորդում է, որ դեպի Սիրիա է ուղարկվել նաև բրիտանական թագավորական օդուժին պատկանող Sentinel R.1 ինքնաթիռ:
14:48 13.04.2018
Ավիաընկերությունները խուսափում են սիրիական օդային տարածությունից հնարավոր հրթիռային հարվածների պատճառով:
13:35 13.04.2018
ԱՄՆ ԿՀՎ տնօրեն Մայք Պոմպեոն պատմել է վերջերս Սիրիայում մահացած մի քանի հարյուր ռուսների մասին:
11:35 13.04.2018
Դաունինգ Սթրիթը նաև հայտնել է, որ միջազգային արձագանքը կհամակարգվի դաշնակից Ֆրանսիայի և ԱՄՆ-ի հետ միասին և ցույց կտա, որ իրենք չեն հանդուրժի Սիրիայի քաղաքացիական պատերազմում թունավոր զենքերի օգտագործումը:
20:17 12.04.2018
Միևնույն ժամանակ, Իտալիան շեշտում է, որ Սիրիայի ճգնաժամի լուծման որոնումը պետք է իրականացվի ՄԱԿ-ի հովանու ներքո:
