14:07 23.01.2018
Նրա խոսքով՝ սա պետք է դաս լինի նաև Հայաստանի համար
13:10 23.01.2018
Ռուսաստանի կողմից Ադրբեջանին շարունակաբար զենք ծախելու պատճառով չմտահոգվելու համար Հայաստանը պետք է փոխի խաղի կանոնները։ Սա նշանակում է, որ Հայաստանը պետք է ստեղծի սեփական զարգացած ռազմարդյունաբերական համակարգ, և դրանից հետո Ռուսաստանը թող որքան ուզում է զենք վաճառի Ադրբեջանին։ Բաքվին ռուսական զենքի հերթական մատակարարման վերաբերյալ այսօր լրագրողների հետ հանդիպմանը նշեց «Մարդկային զարգացման միջազգային կենտրոն» ՀԿ-ի ղեկավար Թևան Պողոսյանը։
12:33 23.01.2018
Սիրիայի հյուսիսային շրջաններ ներխուժելով՝ Թուրքիան հակամարտությունների նոր օջախներ է ստեղծում և փորձում հրահրել հատկապես քուրդ-արաբական հակասություններ, որպեսզի տարածաշրջանն ավելի անկառավարելի դարձնի՝ միաժամանակ ապահովելով իր սահմանները քրդական վտանգից:
18:18 20.01.2018
Ադրբեջանի բանակը Ռուսաստանից ստացել է ռազմական տեխնիկայի հերթական խմբաքանակը։ Հունվարի 19-ին ռուսական կողմը մոտ 20 միավոր զրահափոխադրիչներ է հանձնել Ադրբեջանի պաշտպանական գերատեսչությանը։
09:01 19.01.2018
Պետերբուրգում աշխատանքային այցից հետո ՌԴ նախագահ Վլադիմիր Պուտինը այցելել էր Նիլո-Ստոլբենսի տղամարդկանց մենաստան և մասնակցել մկրտության լոգանքների Սելիգեր լճի վրա:
12:07 18.01.2018
ԱՄՆ նախագահ Դոնալդ Թրամփը հայտարարել է, որ Ռուսաստանը օգնում է Հյուսիսային Կորեային շրջանցել միջազգային պատժամիջոցները: Մասնավորապես «Ռոյթեր» գործակալությունը մեջբերել է Թրամփի խոսքերը. «Ռուսաստանը մեզ ընդհանրապես չի օգնում Հյուսիսային Կորեայի հարցում: Մեզ օգնում է Չինաստանը, սակայն այն, ինչ անում է Չինաստանը, արժեզրկում է Ռուսաստանը»:
12:40 13.01.2018
ՀՀ ՊՆ ռազմական ոստիկանության կազմում հունվարի 6-ից ստեղծվել է խաղաղապահ դասակ, որը ՀՀ ԶՈՒ խաղաղապահ բրիգադի կազմում կմասնակցի ՀՀ խաղաղապահ առաքելություններին: Այս մասին ասվում է Հայաստանի ՊՆ կայքի երեկվա հաղորդագրություններից մեկում։
18:57 10.01.2018
Հայտնի է դարձել, թե ովքեր են գլխավորելու 2018թ ՌԴ նախագահի ընտրություններում թեկնածու առաջադրված, ինչպես նաև գործող նախագահ, Վլադիմիր Պուտինի նախընտրական շտաբը: Այն առաջին անգամ կգլխավորի ոչ թե մեկ անձ այլ միանգամից 3 հավասարազոր անդամներ: Այսօր Պուտինն այցելել էր Մոսկվայում տեղակայված նախընտրական շտաբ, որտեղ հանդիպել էր ակտիվիստների հետ և հատուկ շնորհակալություն հայտնել այն 3 անձանց, ովքեր համաձայնվել են ղեկավարել իր նախընտրական շտաբը:
12:21 09.01.2018
Ռուսաստանում բիթքոինի մայնինգով զբաղվող ամենամեծ հանգույցն իրոք արտադրամաս է։
Ռուսաստանում բիթքոինի մայնինգով զբաղվող ամենամեծ հանգույցն իրոք արտադրամաս է։ Ունի ինժեներներ, տեսախցիկներով հագեցած դիտարկման համակարգ, ծրագրային ապահովման մասնագետներ ու ամեն ինչ, ինչը հատուկ է արտադրությանը։
Այն ոչ թե մեկ համակարգիչ է, այլ 3000 սարքից բաղկացած միավորում, որն ամսական սպառում է ավելի քան 100 հազար դոլարի էլեկտրաէներգիա։ Բայց իր սեփականատերերին ապահովում 600 բիթքոին հասույթ, որը գրեթե 9 միլիոն դոլար գումար է ներկա փոխարժեքով։
Սա, բնականաբար, էժան հաճույք չէ։ Եվ խնդիրը միայն ամսական կոմունալ վճարումները չեն։ Ինքը՝ սարքավորումների համալիրը, սպասարկման մշտական կարիք ունի։ Ամեն առանձին սարքը ոչ միայն ներդրում է, այլև ժամանակի ընթացքում մաշվող կամ առնվազն բարոյապես մաշվող ապրանք։
Եթե Հայաստանում նման արտադրություն հիմնվեր, այն արդեն իսկ կհայտնվեր ուշադրության կենտորոնում որպես խոշոր բիզնես։
10:38 08.01.2018
Մոսկվան կարող է «սահմանափակել» անդամակցությունն Առևտրի համաշխարհային կազմակերպությանը, եթե ընդունվի արբիտրաժային դատարանը վերահաստատի Եմ որոշումը, որով Ռուսաստանը պետք է տարեկան 1,4 միլիարդ տուգանք վճարի։
Խնդիրն այն է, որ Ուկրաինայի ճգնաժամից ու Ղրիմի՝ Ռուսաստանին միացումից հետո եվրոպական երկրները մի շարք պատժամիջոցներ են սահմանել Մոսկվայի նկատմամբ։ Դրան ի պատասխան՝ Ռուսաստանը սահմանափակել է ներկրումներն ու որոշել է ներկրվող ապրանքները փոխարինել տեղական արտադրությամբ։
Այս կերպ Ռուսաստանը մասնավորապես արգելել է խոզի մսի ներմուծումը, ինչը Առևտրի համաշխարհային կազմակերպության պայմանավորվածությունների խախտում է։ Սրանից հետո ԵՄ-ն դատական կարգով հասել է նրան, որ Ռուսաստանը տարեկան 1,39 միլիարդ դոլար տուգանք վճարի։ Սակայն այս դատական որոշումը դեռ պետք է հաստատվի արբիտրաժային դատարանի կողմից։
«Եվրոմիության հայցի բավարարման դեպքում մենք հավանաբար պարտավոր կլինենք սահմանափակել մեր մասնակցությունը Առևտրի համաշխարհային կազմակերպությանը, հնարավոր է՝ ամբողջությամբ», — հայտարարել է Ռուսաստանի Դաշնային խորհրդի տնտեսական հանձնաժողովի փոխնախագահ Սերգեյ Կալաշնիկովը։
18:01 27.12.2017
Ինչո՞ւ հայ հեռուստադիտողն ամեն օր պետք է լսի, թե արդյոք բաց է ռուս-վրացական սահմանին գտնվող Վերին Լարսի լեռնանցքը։ Որովհետև այնտեղով է անցնում Հայաստանը ցամաքով Ռուսաստանին կապող միակ բաց ճանապարհը։
13:08 27.12.2017
Թուրքիային հակաօդային պաշտպանության Ս-400 համակարգերը կմատակարարվեն 2020 թվականից սկսած։ Դրանց ընդհանուր քանակը կլինի 4 դիվիզիոն, գինը՝ 2,5 միլիարդ դոլար։ Այս մանրամասները հայտնել է ռուսական «Ռոստեխ» ռազմարդյունաբերական կորպորացիայի ղեկավար Սերգեյ Չեմեզովը։
Պաշտոնյան նշել է, որ ֆինանսական հարցերով համաձայնություն արդեն կա․ 2,5 միլիորդ դոլարի 45 տոկոսը Թուրքիան կվճարի ինքնուրույն՝ որպես ավանս, իսկ 55 տոկոսը կվճարի Ռուսաստանի տված վարկով։
Հենց Ռուսաստանից նման համակարգեր գնելու Թուրքիայի որոշումը նաև դեմարշ է Անկարայի՝ ՆԱՏՕ-ական գործընկերների դեմ։ [Առայժմ] սեփական ռազմարդյունաբերական համակարգում նման համակարգեր արտադրելու կարողություն չունենալու պատճառով Թուրքիան ստիպված էր դրանք գնել ցանկացած գնորդից, իսկ գործընկերները հրաժարվել էին դրանք մատակարարել հարմար գներով։
Ավելին, Թուրքիան մտադիր էր պայմանագրում ներառել նաև հետագայում թուրքական տարածքում այդ համակարգերը արտադրելու կետ, ինչը թույլ կտար կախվածություն չունենալ մատակարարող երկրներից (հետագա սպասարկումը, զինամթերքի մատակարարումները և այլն կազմակերպել տեղում)։ Սակայն գործընկերները հրաժարվել էին նաև այս կետից։
Ավելին, Թուրքիան մտադիր էր պայմանագրում ներառել նաև հետագայում թուրքական տարածքում այդ համակարգերը արտադրելու կետ, ինչը թույլ կտար կախվածության մեջ չլինել մատակարարող երկրներից (հետագա սպասարկումը, զինամթերքի մատակարարումները և այլն կազմակերպել տեղում)։ Սակայն գործընկերները հրաժարվել էին նաև այս կետից։
11:33 27.12.2017
Ռուսաստանը Միացյալ Նահանգներին առաջարկել է Սիրիայում ահաբեկիչների դեմ պայքարը կազմակերպել համատեղ, սակայն Վաշինգտոնը հրաժարվել է այս համագործակցությունից։ Այս մասին հայտարարել է Ռուսաստանի ԶՈւ գլխավոր շտաբի պետ Վալերի Գերասիմովը։
«Պլանավորման, հետախուզության անցկացման, ահաբեկիչների ոչնչացման համատեղ կազմակերպման մեր առաջարկները չեն ընկալվել, դրանք մերժվել են … Մենք նրանց կողմից չենք տեսել համագործակցության ցանկություն», — նշել է Գերասիմովը հարցազրույցի ժամանակ։
Երկու երկրներն էլ ներկայում զորքեր ունեն Սիրիայում։ Ամերիկյան ստորաբաժանումները հիմնականում կենտրոնացած են երկրի հյուսիսային՝ քրդերի վերահսկողության տակ գտնվող տարածքներում, հենց նրանց էլ օժանդակում են ամերիկացիները։ ԱՄՆ զորքերի՝ Սիրիայում ներկայությունը չի համաձայնեցվել Սիրիայի իշխանությունների հետ։
Ռուսական զորքերը՝ և՛ օդուժը, և՛ նավատորմը, և՛ ցամաքային ուժերը, Սիրիայում տեղակայվել են նախագահ Բաշար Ասադի համաձայնությամբ (նույնիսկ՝ խնդրանքով)։ Հենց Ասադի իշխանությանն էլ սատարում է պաշտոնական Մոսկվան։
Երկու գերտերություններից բացի Սիրիայում զորք ունեն նաև Իրանը (թեև հերքում է) և Թուրքիան (զբաղեցրել է երկրի հյուսիսային շրջանների մի մասը)։ Տարբեր գործողություններով Սիրիայում հակաահաբեկչական պայքարին մասնակցում են նաև ՆԱՏՕ-ի անդամ պետություններն ու արաբական երկրների որոշ ուժեր։
Այս բոլոր կողմերը Սիրիայում առաջ են մղում սեփական շահերը, ինչի հետևանքով բևեռները բազմաթիվ են։
12:57 26.12.2017
Ռուսաստանը Սիրիայում մշտական զինվորական միավոր կստեղծի: Այս մասին, ըստ РИА Новости-ի, հայտարարել է ՌԴ Պաշտպանության նախարար Սերգեյ Շոյգուն:
«Նախորդ շաբաթ երկրի գլխավոր հրամանատարը հաստատեց Տարտուս և Հմեյմիմ տեղակայման հստակ կետերն ու կառուցվածքը»,- ասել է նախարարը:
Դեկտեմբերի 26-ին ՌԴ ազգային խորհուրդը քննարկել է Տարտուսում տեղակայված ռազմական նավատորմի տեխնիկական հագեցման վերաբերյալ փաստաթուղթը:Համաձայնություն է ձեռք բերվել Սիրիայի տարածք ռուսական նավերի տեղափոխման վերաբերյալ: Հաղորդվում է, որ Տարտուսում կարող է միաժամանակ 11 նավ տեղակայվել: Կայանի տեխնիկական ընդլայնման համար կտրամադրվի տարեկան 3.2 միլիարդ ռուբլի:
Համաձայնությունը ուժի մեջ կմնա 49 տարի, որն այնուհետև հնարավոր կլինի երկարաձգել ևս 25-ական տարիներով:
Ավելի վաղ SHANTNEWS-ը հայտնել էր, որ Ռուսաստանը հայտարարել է Սիրիայի տարածքից ռուսական զորքերի վերջնական դուրսբերման մասին:
13:55 25.12.2017
2017 թվականին Հայաստանի հարևան երկրներում զգացվել է իշխանության գերկենտրոնացում։ Թուրքիայում ու Ադրբեջանում իշխող ավտորիտար ռեժիմներն իրենց ձեռքում են հավաքել բոլոր լծակները, իսկ Իրանում և Վրաստանում իշխող թիմերը վերահաստատել իրենց մանդատները։ Տարածաշրջանային տարին զերծ չէր նաև լարվածությունից, որի հիմնական աղբյուրները եղել են Բաքուն ու Անկարան։ Այս ամենի ազդեցությունը զգալի է եղել նաև Հայաստանի վրա։
16:55 19.12.2017
Աֆղանտսանի հետ սահմանի պաշտպանության համար Ռուսաստանը 2017 թվականի ընթացքում Տաջիկստանին է նվիրել Т-72Б1 տանկեր, БМП-2 հետևակի մարտական մեքենաներ, БТР-70 ու БТР-80 զրահափոխադրիչներ, Ми-24 ու Ми-8 ուղղաթիռներ, Д-30 հաուբիցներ, զենիթային ու հրաձգային սպառազինություն կապի միջոցներ ու այլ ռազմական տեխնիկա։
Տեխնիկայի վերջին խմբաքանակի փոխանցումն իրականացվել է դեկտեմբերի 19-ին, անհատույց հիմունքներով։ Փոխանցված սպառազինության ընդհանուր գինը կազմում է 122 միլիոն դոլար։
— Տաջիկստանի զինված ուժերի ամրապնդումը մեր առաջնահերթությունների մեջ է մտնում, իսկ մեր բարեկամական դաշնակցային հարաբերությունները դիտարկում են որպես տարածաշրջանային անվտանգության կարևոր գործոն, — հայտարարել է Ռուսաստանի ՊՆ միջազգային ռազմական համագործակցության վարչության պետ, գեներալ-մայոր Ալեկսանդր Կշիմովսկին։
Նրա խոսքով՝ այս օգնության մատակարարումը կատարվել է Ռուսաստանի նախագահի և պաշտպանության նախարարի քաղաքական կամքի դրսևորման շնորհիվ։ Այս սպառազինությունը Տաջիկստանին տրվում է Աֆղանստանում գործող ու սահմանի անվտանգության սպառնացող ահաբեկչական խմբերի դեմ պայքարի համար։
Տաջիկստանն այս օգնությունը ստանում է որպես Ռուսաստանի ՀԱՊԿ դաշնակից։ Նույնպիսի անհատույց հիմունքներով Ռուսաստանից սպառազինություն են ստացել նաև Բելառուսը և Ղազախստանը՝ որպես դաշնակից ստանալով Ս-300 համակարգեր։ Նման նվեր ստացել է նույնիսկ Սերբիան, որը ՀԱՊԿ անդամ չէ։
Հիշեցնենք, որ Հայաստանը նույնպես ՀԱՊԿ անդամ է և Ռուսաստանի դաշնակիցը։ Դաշնակցային հարաբերություններից ելնելով՝ Ռուսաստանը Հայաստանին զենք է վաճառում արտոնյալ պայմաններով վարկ տրամադրելով։ Առաջին նման վարկային համաձայնագիրը ստորագրվել է 2015 թվականին․ 200 միլիոն դոլար պարտք վերցնելով՝ Հայաստանն այդ գումարով գնել է տարբեր տեսակի սպառազինություն և ռազմական տեխնիկա։ 100 միլիոն դոլար արժողությամբ երկրորդ վարկը Հայաստանը վերցրել է 2017 թվականի աշնանը։
15:46 19.12.2017
ՌԴ նախագահ Վլադիմիր Պուտինը «Ապագային ձգտող Ռուսաստանը» խորագրով ելույթի ժամանակ հայտարարել է, որ Ռուսաստանը պետք է պահպանի իր պետականությունը և ազատությունը:
«Մենք, ինչպես ասում են, մեծից փոքր, պետք է հասկանանք, որ Ռուսաստանը, մեր ժողովուրդը, մեր ընտանիքները, անցել են պատմության շատ դժվար և չափազանց ծանր ճանապարհ՝ հեղափոխություններ, պատերազմներ, կյանքի արմատական փոփոխություններ: Այսօր մենք պարտավոր ենք պահպանել մեր պետականությունը, ազատությունը, կայունությունը հասարակության մեջ համաձայնությունը»,- հայտարարել է Ռուսաստանի ղեկավարը: Նա դա իր խնդիրն է համարել նաև որպես 2018 թ-ի նախագահական ընտրություններում առաջադրվող թեկնածու: Նա հայտարարել է. «Ուժեղ և ապագային միտված Ռուսաստանը անհրաժեշտ է մեզ բոլորիս և ամեն ինչ կախված է միայն մեզանից»:
17:42 18.12.2017
Դեկտեմբերի 18-ին ԱՄՆ նախագահ Դոնալդ Թրամփը հրապարակել է երկրի ազգային անվտանգության նոր ռազմավարությունը, որտեղ ազգային կարևորագույն հետաքրքրությունների շարքում նշված են «ամերիկյան ժողովրդի պաշտպանությունը», «երկրի կենսամակարդակի բարձրացում», «ուժի կիրառման միջոցով խաղաղության պահպանում» և «ամերիկյան ազդեցության տարածում»:
14:44 16.12.2017
Ռուսաստանի ռազմածովային ուժերը կարող են վնասել ՆԱՏՕ-ի անդամ պետությունների՝ ծովի հատակով անցնող հեռահաղորդակցային մալուխները՝ դրանով հսկայական վնաս հասցնելով ինչպես ՆԱՏՕ-ի անդամների տնտեսություններին, այնպես էլ տեղեկատվական անվտանգությանը։
17:06 12.12.2017
Վոլգոգրադի շրջանի ոստիկանությունը կհետաքննի մոսկվացի լուսանկարիչ Դանիել Տկաչենկոյի՝ Բերեզովո գյուղում մի քանի տան հրդեհմանը հնարավոր մասնակցությունը, հայտնում է РИА Новости-ին՝ հղում անելով ՌԴ ներքին գործերերի նախարությանը:
Կայքը գրում է, որ ավելի վաղ սոցիալական ցանցերում հայտնվել էին հաղորդումներ, որ հայտնի լուսանկարիչ Դանիել Տկաչենկոն հրդեհել է դատարկ գյուղերը, որպեսզի էֆեկտիվ լուսանկարներ ստանա:
Օգտատերերի տվյալներով, լուսանկարչական արվեստի զոհ է դարձել Կուչեպալդա հին գյուղը, ինչպես նաև դատարկված Բերեզովո գյուղը: Թեև ոստիկաններն արդեն իսկ հետաքննություն են անցկացրել Կուչեպալդա գյուղում և այնտեղ հրկիզման հետքեր չեն հայտնաբերել: Իսկ Բերեզովո գյուղում ոստիկանները հայտնաբերել են դյուրավառ հեղուկի հոտով տարա:
17:00 12.12.2017
«Ինչ վերաբերում է Սիրիայի նախագահ Բաշար Ասադի նկատմամբ Թուրքիայի իշխանության վերաբերմունքին, ապա ասեմ, որ այն սկզբունքորեն չի փոխվել: Բոլորին հայտնի է, որ Ասադի ռեժիմին աջակցում է Թեհրանը, բայց նրա նկատմամբ Անկարայի վերաբերմունքը չի փոխվել»,-նշել է Թուրքիայի ԱԳ նախարարը:
14:09 11.12.2017
Այսօր Ռուսաստանի նախագահը մեկնել է Սիրիա և տեղի ռուսական ռազմաբազայում հայտարարել ռուսական զորքի դուրսբերման մասին։ Վլադիմիր Պուտինը հայտարարել է, որ «Իսլամական պետություն» ահաբեկչական խմբավորումը ջախջախված է, ըստ այդմ՝ ռուսական զորքի՝ այնտեղ մնալու անհրաժեշտություն
14:21 06.12.2017
«Այժմ, իհարկե, պետք է բացառել էմոցիաները: Ամեն դեպքում մենք պետք է մի շարք հարցերի պատասխանենք, դրա համար մեզ անհրաժեշտ են շփումներ Միջազգային օլիմպիական կոմիտեի հետ, պետք է որոշակիացնել՝ ով եւ ինչպես պետք է այդ շփումներն իրականացնի»,- ասել է Պեսկովը:
16:29 05.12.2017
Ռուսաստանի հետ ռազմական և ռազմատեխնիկական համագործակցությունը չափազանց կարևոր նշանակություն ունի տարածաշրջանում ռազմական հավասարակշռությունը պահպանելու առումով։ Ռուսաստանից զենք գնելու համար 100 մլն դոլար վարկ վերցնելու մասին համաձայնագրի վավերացումը քննարկելու ընթացքում այս մասին հայտարարել է ՀՀ ԱԺ պաշտպանության և անվտանգության հանձնաժողովի ղեկավար Կորյուն Նահապետյանը։
«Նոր համաձայնագիրը հնարավորություն է տալու շարունակել նոր միջոցների ձեռքբերումը։ Հատուկ ուզում եմ ընդգծել՝ այս համաձայնագրի իրականացման արդյունքում ավելանալու են հակաօդային պաշտպանության զորքերի կարողությունները, ինչպես նաև մեր զինված ուժերի հարվածային և կրակային խոցման հնարավորությունները», — նշել է Նահապետյանը։
Հիշեցնենք, որ վարկային համաձայնագրով ձեռքբերվող սպառազինության ցանկը գաղտնի է։ Բայց ԱԺ-ում նույն քննարկման ընթացքում ՀՀ ՊՆ 1-ին տեղակալ Արտակ Զաքարյանը նշել է, որ այդ զինատեսակները տարածաշրջանային նշանակություն ունեն։
15:55 05.12.2017
Ռուսաստանի տրամադրած վարկով գնվող սպառազինությունը տարածաշրջանային նշանակություն ունի և էականորեն ամրապնդելու է հայկական բանակի կարողությունները։ Այս մասին այսօր խորհրդարանում հայտարարել է ՀՀ ՊՆ 1-ին տեղակալ Արտակ Զաքարյանը։
15:31 05.12.2017
Ռուսաստանի կողմից Հայաստանին տրվող 100 մլն դոլարի զենքի գնելու վարկով նախատեսված զինատեսակները պատվիրելու համաձայնագրերն արդեն նախաստորագրվել են։ Այս մասին Հայաստանի խորհրդարանում հայտարարել է ՀՀ ՊՆ 1-ին տեղակալ Արտակ Զաքարյանը։
15:19 05.12.2017
Ռուսաստանն ու ԱՄՆ-ն, հնարավոր է, իրենց հարաբերություններում թևակոխել են այնպիսի փուլ, որ համեմատելի է Սառը պատերազմի հետ։ Նման կարծիք է հայտնել Ռուսաստանի ԱԳ նախարարի տեղակալ Սերգեյ Ռյաբկովը։
Նրա խոսքով՝ Մոսկվային անհանգստացնում են Ռուսաստանի նկատմամբ բացասական լիցքերն ու հակառուսական տրամադրությունների տարածումը հատկապես լրատվամիջոցներով։
«Սա տառացիորեն ցունամի է, որ ծածկել է Ամերիկան։ Եվ մենք պետք է հայկանանք՝ որքան խորն են այս տրամադրությունները մտել ամերիկյան հասարակության գիտակցության մեջ։ Բոլոր հարցումներն ու հասարակական կարծիքի հետազոտությունները գրեթե նույն պատկերն են ներկայացնում սրա վերաբերյալ»։
12:15 05.12.2017
Ռուսաստանի արդարադատության նախարարությունը օտարեկրյա գործակալների (գործակալությունների) շարքն է դասել մի շարք լրատվամիջոցների։ Սրանով ռուսական կողմը փաստացի պատասխանել է ԱՄՆ-ի նմանատիպ քայլին, որով ամերիկյան կողմը օտարերկրյա գործակալների շարքն էր դասել ռուսական RT ու Sputnik լրատվամիջոցները։
14:34 04.12.2017
Ռուսաստանը բացարձակապես դեմ չէ, որ իր դաշնակից ու բարեկամ երկրները լավ հարաբերություններ ունենան Եվրոպայի հետ։ Ռուսական կողմի այս դիրքորոշումը երկրի արտգործնախարարը հայտնել է բելառուսական հեռուստաընկերություններից մեկին տված հարցազրույցում։ Սերգեյ Լավրովը նշել է, որ իրենք բնական են համարում Եվրոմիության Արևելյան գործընկերության ծրագրին իրենց գործընկերների մասնակցությունը։
«Մենք երբեք ոչ ոքի կյանք չենք սովորեցնում։ Մենք ինքներս էլ Եվրոմիության հետ ունենք գործընկերության համաձայնագիր, որը ցավոք սառեցված է, ոչ մեր մեղքով։ Եվ մենք երբեք խնդիր չենք տեսել նրանում, որ մեր բոլոր հարևաններն ու բարեկամներն ուզում են լավ հարաբերություններն ունենալ իրենց գործընկերների հետ և՛ Արևմուտքում, և՛ Արևելքում, և՛ հյուսիսում, և՛ հարավում», — նշել է նախարարը։
Արևելյան գործընկերության մեջ մտնող հետխորհրդային 6 երկրների մեջ, սակայն, Լավրովը տարբերակում դրել է։ Մասնավորապես Ուկրաինայի, Վրաստանի և Մոլդովայի մասնակցությունը և դրանից բխող քաղաքականությունը Ռուսաստանի համար անհասկանալի է։ Մինչդեռ մյուս մասնակիցներինի դեպքում ամեն ինչ օրինաչափ է։
«Հայաստանի, Ադրբեջանի ու Բելառուսի հարցում մենք որևէ տարակուսանք ու կասկած չունենք։ Մենք իհարկե տեսնում ենք՝ ինչպես են իրենց պահում մեր ուկրաինացի, մոլդովացի և վրացի գործընկերները։ Սակայն նրանց չի հաջողվում և վստահ եմ՝ չի էլ հաջողվի Արևլյան գործընկերության ամբողջ գրոծընթացը բերել հակառուսական դաշտ», — հարցազրույցի ընթացքում հայտնել է նախարարը։
Լավրովը նշել է, որ եվրոպական կողմում նույնպես հակառուսական քաղաքականությունը համընդհանուր չէ։ Սակայն կան երկրներ, որոնք փորձում են համագործակցությունն ուղղել Ռուսաստանի դեմ։ Այս համատեքստում նախարարը մատնանշել է Մեծ Բրիտանիայի վարչապետին, որն Արևելյան գործընկերության գագաթաժողովի ժամանակ հենց հակառուսական դիրքորոշում էր արտահայտել։
«Մենք պետք է աչալուրջ լինենք այն գործողությունների նկատմամբ, որոնք իրականացնում են Ռուսաստանի նման թշնամական պետությունները, որոնք վտանգում են Արևելյան գործընկերության հնարավոր զարգացումը և որոնք ջանում են ջլատել մեր հավաքական անվտանգությունը», — ԵՄ Արևելյան գործընկերության գագաթաժողովի կուլուարներում հայտարարել էր Մեծ Բրիտանիայի վարչապետ Թերեզա Մեյը։
«Բայց Եվրոմիության անդամների գերակշիռ մեծամասնությունը հասկանում է, որ ԱՊՀ անդամ պետությունների հետ հարաբերություններում հակառուսական տրամադրությունների ներդրումը ապարդյուն ու անհեռանկարային քայլ է լինելու», — Մեյի հայտարարության վերաբերյալ ասել է Լավրովը։
Արևելյան գործընկերության գագաթաժողովի, ըստ Լավրովի, փորձեր արվել են հակառուսական որոշակի կետեր մտցնել։ Սակայն մասնավորապես նաև Բելառուսի օգնությամբ հնարավոր է եղել բացառել նման հարցերի քննարկումը, և վերջնական փաստաթուղթը կենտրոնացել է փոխադարձ շահերի, ոչ թե Ռուսաստանի դեմ ուղղված հայտարարությունների վրա։
16:50 30.11.2017
2018 թվականին Ռուսաստանում անցկացվելու են նախագահական ընտրություններ, և հենց դրանց հետ են կապված ԱՄՆ հակառուսական գործողությունները։ Այս մասին հայտարարել է Ռուսաստանի նախագահի խոսնակ Դմիտրի Պեսկովը։
«Համարում եք, որ ԱՄՆ-ի այս ջանքերն ուղղված են Ռուսաստանի նախագահական ընտրություններին։ Պատասխանում ենք՝ վստահ ենք դրանում», — հայտարարել է Պեսկովը։
Հաջորդ տարի Ռուսաստանում կայանալիք նախագահական ընտրություններում հիմնական ֆավորիտը գործող նախագահ Վլադիմիր Պուտինն է, որը, սակայն, դեռ չի առաջադրել իր թեկնածությունը։
Սրա վերաբերյալ երկրի վարչապետ, նախկին նախագահ Դմիտրի Մեդվեդևն այսօրվա իր ասուլիսում հայտարարել է, որ եթե Պուտինն առաջադրի իր թեկնածությունը, ապա կուսակցությունն ամեն կերպ կսատարի նրան։ Իսկ իրեն որպես Ռուսաստանի նախագահի թեկնածու Մեդվեդևը չի տեսնում։
