15:03 05.12.2017
Մինչև 2030 թվականը, ընդամենը 12-13 տարում, աշխարհում կարող է կրճատվել 800 միլիոն աշխատատեղ։
12:05 25.11.2017
Ամերիկյան Boston Dynamics ընկերության նախագծած մարդանման (հումանոիդ) ռոբոտն արդեն կարողանում է սալտո անել։ Եվ դա անում է հենց մարդու պես՝ երբեմն դժվարությամբ պահելով հավասարակշռությունը (թեև մարդկանց մեծ մասը նույնիսկ այդպես չի կարողանում)։
Սա ռոբոտի ցուցադրական մասն է, իսկ կիրառական նշանակությունն այն է, որ նա կարողանում է իրեր տեղափոխել, անցնել խոչընդոտների վրայով, ցատկել դարակների վրա և այլն։
Այս ռոբոտը, որի տրվել է Ատլաս անունը, ունի 1,5 մետր հասակ, 75 կգ զանգված, սքանչելի տեսողություն և այլ պարամետրեր, որոնց հիման վրա շատ նման է մարդուն։ Ատլասի մասին նախորդ տեսանյութերից մեկում ցուցադրվում էր, որ նույնսիկ նրան խանգարելու, վերցրած իրը գցելու, բրդելու դեպքում ռոբոտը հավասարակշռությունից դուրս չի գալիս (ուղիղ և փոխաբերական իմաստներով) և շարունակում է կատարել իր աշխատանքը։
Այս տեսանյութը հումորային շարժանկարների առիթ տվեց, որոնք արդեն պատկերում են, թե ինչպես են այս ու նմանատիպ «անարգանքներից», «ստորացումներից» հետո ռոբոտները ըմբոստանում մարդկության դեմ, և իրականանում է «Տերմինատոր» ֆիլմի սցենարը։
