18:10 22.11.2017
Վարչապետ Կարեն Կարապետյանն ընդունել է Իրանի Իսլամական Հանրապետության նավթի նախարարի տեղակալ, գազի ազգային ընկերության կառավարող տնօրեն Համիդ Ռեզա Արաղիին: Հանդիպմանը ներկա է գտնվել նաև Հայաստանում ԻԻՀ արտակարգ և լիազոր դեսպան Սեյեդ Քազեմ Սաջադին:
Զրուցակիցները քննարկել են ՀՀ վարչապետի՝ ընթացիկ տարվա հոկտեմբերին Իրան կատարած պաշտոնական այցի ժամանակ ձեռք բերված պայմանավորվածությունների կատարման ընթացքը, անդրադարձ կատարել հայ-իրանական տնտեսական համագործակցությանն առնչվող մի շարք հարցերի:
Կարեն Կարապետյանը և Համիդ Ռեզա Արաղին կարևորել են էներգետիկ ոլորտում փոխշահավետ ծրագրերի իրականացումը, Մեղրիի ազատ տնտեսական գոտու գործարկումը, արտահանող և ներմուծող համատեղ ընկերության ստեղծումը: Վարչապետը նշել է, որ ընթացիկ տարում Հայաստանից Իրան արտահանումն աճել է 9 տոկոսով և ավելացրել, որ այդ ցուցանիշը մեծացնելու համար առկա է լուրջ ներուժ: Կարեն Կարապետյանը վստահություն է հայտնել, որ վերը նշված բոլոր ծրագրերը նոր թափ կհաղորդեն առևտրատնտեսական կապերի զարգացմանն ու ընդլայնմանը:
19:49 17.11.2017
ՀՀ գյուղատնտեսության նախարար Իգնատի Առաքելյանն այսօր ընդունել է Իրանի Իսլամական Հանրապետության առաջնորդության բանիմացների խորհրդի անդամ, ԻԻՀ գյուղատնտեսության նախարարությունում հոգևոր առաջնորդի ներկայացուցիչ այաթոլլահ Հասան Ալամիի գլխավորած պատվիրակությանը:
13:05 15.11.2017
Հայաստանի խորհրդարանում հաջորդ տարվա բյուջեի մասին օրենքի քննարկման ընթացքում հարց է հնչել Հայաստան-Իրան երկաթգծի կառուցման վերաբերյալ։ «Ծառուկյան դաշինք» խմբակցության անդամ Վահե Էնֆիաջյանը հետաքրքրվել է՝ կա՞ն արդյոք նախադրյալներ և միջոցներ՝ երկու երկրների միջև երկաթուղային կապ ստեղծելու համար։
Հարցին պատասպանելիս ՀՀ ԱԺ ֆինանսավարկային և բյուջետային հանձնաժողովի նախագահ Գագիկ Մինասյանը, ում պնդմամբ՝ այս պահին երկաթգծի կառուցման համար միջոցներ չկան։ Եվ նույնիսկ կառուցման դեպքում երկաթուղին շահավետ չի լինի։
09:18 15.11.2017
Իրանի նախագահ Հասան Ռոհանին խոստացել է գտնել երկրաշարժի հետևանքով շենքերի փլուզման բոլոր պատասխանատուներին: Երկրաշարժից ամենաշատը տուժած Սարփոլ-ե Զահաբ քաղաք այցի ժամանակ նա նշել է, որ պետության կողմից կառուցված շենքերը փլուզվել են, մինչդեռ մասնավոր ընկերությունների կառուցած շենքերը կանգուն են մնացել: Իրանի նախագահը նաև ընդգծել է, որ պատասխանատվության կենթարկի բոլոր նրանց, ովքեր շենքերի կառուցման ժամանակ չեն պահպանել […]
16:58 14.11.2017
Ներկայումս հաղորդվում է նաև ավելի քան 7800 տուժածի մասին:
14:43 13.11.2017
Քերմանշահ նահանգում եռօրյա սուգ է հայտարարվել:
11:45 13.11.2017
ՄԱԿ-ի գլխավոր քարտուղար Անտոնիու Գուտերիշը օգնություն է առաջարկել երկու երկրների սահմանին տեղի ունեցած ավերիչ երկրաշարժի հետևանքները վերացնելու համար: Գուտերիշը նաև ցավակցություն է հայտնել Իրաքում և Իրանում երկրաշարժի զոհերի ընտանիքներին և տուժածներին մաղթել է շուտափույթ ապաքինում: Ինչպես ավելի վաղ հայտնել էր SHANTNEWS-ը, Իրանի և Իրաքի սահմանին տեղի ունեցած երկրաշարժի զոհերի թիվը հասել է 339-ի:
11:37 13.11.2017
Իրանի և Իրաքի սահմանին տեղի ունեցած երկրաշարժի զոհերի թիվը հասել է 339-ի: Այս մասին հայտնել է PressTV-ն: Իրանի Աղետների կառավարման պետական կազմակերպության տվյալներով՝ Իրանում երկրաշարժի հետևանքով զոհվել է 328 մարդ, իսկ վիրավորների թիվը գերազանցել է 2500-ը: Տեղի իշխանությունների փոխանցմամբ՝ զոհերի թիվը կարող է աճել: Փրկարարները դեռ փլատակների տակից հանում են մարդկանց: Զոհերի մեծ մասը Քերմանշահ […]
12:19 11.11.2017
Իրանի զինված ուժերը մշտական ռազմաբազա են կառուցում Դամասկոսի հարավում, քաղաքից 14 կմ հեռավորության վրա։ Այս մասին BBC-ին հայտնել են աղբյուրները «արևմտյան հետախուզական կազմակերպություններից»։
Տիեզերական լուսանկարները ցույց են տալիս, որ նշված տեղանքն ակտիվորեն կառուցապատվում է այս տարվա հունվարից սկսած։ Տարածքում կատարված շինարարությունը թույլ է տալիս եզրակացնել, որ այն հենց ռազմական օբյեկտ է․ այստեղ կառուցվել են անգարներ, որոնցից ամեն մեկը կարող է «ընդունել» մի քանի միավոր ռազմական տեխնիկա։
Բազան, որի պատկանելությունը հնարավոր չէ բացահայտել արբանյակային լուսանկարներով, ընդամենը 50 կմ հեռավորության վրա է Գոլանի բարձունքներից, որոնք ներկայում Իսրայելի օկուպացիայի տակ են։ Փաստացի հենց Գոլանի բարձունքներով է անցնում Սիրիա-Իսրայել սահմանը։
Սիրիայում իրանական զինված ուժերի ռազմաբազայի ստեղծման մասին տեղեկություններին վերջերս արձագանքել է Իրանի տարածաշրջանային հակառակորդներից մեկը՝ Իսրայելը։ Երկրի վարչապետ Բենիամին Նեթանյահուն հայտարարել է, որ Իրանը մտադիր է իր ռազմաբազան կառուցել հենց Իսրայելի հարևանությամբ, սակայն Իսրայելը թույլ չի տա նման բան։
