17:53 28.12.2017
ՌԴ ԱԳՆ հերթական ճեպազրույցի ժամանակ Ռուսաստանի արտգործնախարարության մամուլի խոսնակ Մարիա Զախարովան անդրադարձել է Թուրքիայի նախագահ Ռեջեփ Էրդողանի այն հայտարարությանը, որը նա արել էր Թունիսում,որտեղ նա բացառել է Սիրիայի նախագահ Բաշար Ալ-Ասադի հետ համագործակցությունը՝ վերջինիս անվանելով ահաբեկիչ:
«Ինչ վերաբերվում է այն հարցին, որ Թուրքիայի նախագահը Սիրիայի նախագահ Բաշար Ասադին ահաբեկիչ է անվանել… Սիրիայի կառավարության ներկայացուցիչներն աշխատում են ՄԱԿ-ում և ներկայացված են ՄԱԿ-ի գլխավոր ասամբլեայում, միայն այս փաստը, առանց լրացուցիչ փաստարկների և գնահատականների, վկայում է, որ հայտարարությունը ոչ մի իրավական հիմք չունի», – ասել է խոսնակը:
Զախարովան նաև նշել է, որ հայտարարության բարոյական բաղադրիչի մասին չի խոսի:
Հիշեցնենք նաև, որ այս հայտարարությանը անդրադարձել էր նաև Սիրիայի ԱԳՆ-ն:
