Ամուլսար

Ամուլսարի խնդիրն այն խորությամբ, որը ներկայացվեց, մտահոգեց փոխվարչապետ Արարատ Միրզոյանին: Հայտարարություն հնչեց, որ առաջին ստուգումն անց է կացվելու Ամուլսարում: Այս մասին գրել է «Ջերմուկի զարգացման կենտրոն»-ի համանախագահ Վազգեն Գալստյանը ֆեյսբուքյան իր էջում. «Երեկ ձեռք բերվեց պայմանավորվածություն՝ հնարավորության դեպքում հանդիպելու Նիկոլ Փաշինյանին, սակայն, քանի որ այս հարցերով անմիջապես զբաղվում էր Արարատ Միրզոյանը, ուստի, մինչև գիշերը ժամը […]

«Ամուլսարն առանց հանքի» նախաձեռնության անդամներն այս պահին հավաքված են Ֆինանասների նախարարության շենքի դիմաց: Նախաձեռնության անդամները սպասում են, որ վարչապետ Նիկոլ Փաշինյանն ընդունի իրենց։    Նրանց հայտնել են, որ Նիկոլ Փաշինյանը պաշտոնական հանդիպման է և կազատվի ժամը 22։00 -ին: Մինչ այդ Ամուլսարի հանքի շահագործման դեմ պայքարող քաղաքացիների հետ է հանդիպել փոխվարչապետի օգնական Միքայել Նահապետյանը: Կախված այն […]

Փոխվարչապետ Տիգրան Ավինյանը գրառում է կատարել Facebook-ի իր էջում, որտեղ հայտնել է, որ վաղը բնապահպանության նախարարի գլխավորությամբ կառավարության ներկայացուցիչները կլինեն Ամուլսարում: «Այսպիսով մենք ազդարարում ենք վարչապետի հանձնարարականի կատարմանն ուղղված աշխատանքների սկիզբը: Նախարարի այցից հետո սեղմ ժամկետներում ստուգումներ կսկսի բոլոր կողմերին ներառող մասնագիտացված տեսչական մարմինը: Բնապահպանական խնդիրներով մտահոգ մեր համաքաղաքացիներին ուզում եմ վստահեցնել, որ շրջակա միջավայրին […]

Այսօր իրավիճակը կրկին լարվել է Ամուլսարի հանքի տարածքում:  Ջերմուկի զարգացման կենտրոնի համանախագահ Վազգեն Գալստյանը ֆեյսբուքյան իր էջում գրել էր այդ մասին այս լուսանկարը հրապարակելով: «Ժամը 14:30-ին Ջերմուկի ժողովրդին կոչ ենք անում հավաքվել Կեչուտի խաչմերուկ՝ ցույց տալու, որ հանքի ճանապարհները փակողները ոչ թե 15-20 հոգին են՝ ինչպես Հայկ Ալոյանն է ասում, այլ Ջերմուկի բնակչությունն է։ Խոստացված […]

ՀՀ բնապահպանության նախարարը հանքարդյունաբերության ներկայիս ծավալների զարգացումը ճիշտ չի համարում: Ազգային ժողովում լրագրողների հետ ճեպազրույցում Էրիկ Գրիգորյանը նշել է, որ Հայաստանն աշխարհում կենսաբազմազանության առումով կարևոր վայրերից մեկն է, որը պետք է պահպանել: «Ես անձամբ կարծում եմ, որ Հայաստանի զարգացման ուղղությունը պետք է լինեն գիտությունը, տեղեկատվական տեխնոլոգիաները, բնական հարստությունների ավելի ճիշտ ներկայացումը»,- «Արմենպրես»-ի հաղորդմամբ՝ ասել է […]

Վայոց Ձոր մարզի Ջերմուկ քաղաքի ավագանու դիրքորոշումը ՀՀ վարչապետին.

SHANTNEWS.am-ն արդեն հայտնել է, որ այսօր «Ամուլսարն առանց հանքի» նախաձեռնությունը նամակ է հանձնել ՀՀ նախագահ Արմեն Սարգսյանին՝ պահանջելով դադարեցնել ոսկու հանքի շահագործումն ու նրա ազդեցության վերաբերյալ նոր փորձաքննություններ կատարել: Արմեն Սարգսյանը խոստացել է սեղմ ժամկետներում արձագանքել:

Այնուհետ նախագահը բողոքի ակցիայի մասնակիցների հետ վերվերի է պարել հենց նախագահական նստավայրի բակում:

Ջերմուկի զարգացման կենտրոնի համանախագահ Վազգեն Գալստյանի ֆեյսբուքյան էջում տեղադրված տեսանյութից պարզ է դառնում, որ Ամուլսարի հանքի շահագործման դեմ կազմակերպված ակցիան դադարեցվում է, բայց պայմանով.

Քիչ առաջ «Ամուլսարն առանց հանքի» նախաձեռնությանը խաղաղ երթի անդամները հասան նախագահ Արմեն Սարգսյանի նստավայր: Նրանց դիմավորեց անձամբ նախագահը:

Քիչ առաջ Մաշտոցի պուրակից մեկնարկել էր «Ամուլսարն առանց հանքի» նախաձեռնության խաղաղ երթը դեպի նախագահական նստավայր: Ակցիայի մասնակից ակտիվիստները ցանկանում են նախագահին նամակ ներկայացնել:

«Ամուլսարն առանց հանքի» նախաձեռնությունը խաղաղ երթ է անցկացնում:

«Ամուլսարն առանց հանքի» նախաձեռնության անդամներն այսօր ասուլիս են հրավիրել: Տիգրան Մարտիրոսյանը, Մերի Սերոբյանը և Հայկազ Հարությունյանն անդրադարձել են Ամուլսարի ոսկու հանքի շահագործման շուրջ առաջացած խնդիրներին, նախագահ Արմեն Սարգսյանին ուղղված Բաց նամակի պահանջներին: Այսօր Մաշտոցի պուրակից քայլերթ է կազմակերպվելու դեպի նախագահական նստավայր: Քայլերթի մասնակիցները բաց նամակ են հանձնելու ՀՀ նախագահին:

Հայաստանի մի շարք էկոլոգներ Ամուլսարի «Անկախ խորհրդատվական խմբի» առաջին հաշվետվության ներկայացման ժամանակ մուտ գործեցին բանակցությունների սրահ և փոքրիկ բողոքի ակցիա իրականացրին՝ ընդդեմ «Լիդիան Արմենիա» ընկերության:

ՀՀ Վայոց ձորի մարզի Գնդևազ գյուղի և Ջերմուկ քաղաքաի բնակիչները շարունակում են փակ պահել դեպի Ամուլսար տանող ճանապարհը՝ այդ կերպ ներկայացնելով իրենց բողոքը՝ ընդդեմ Ամուլսարի ոսկու հանքի շահագործման:

Տեղացիներն ահազանգում են, որ անձրևների ժամանակ ծորակներից մուգ դարչնագույն հեղուկ է հոսում, որը կարող է աղետի պատճառ դառնալ: Գյուղացիները բողոքում են նաև փոշուց և պայթեցումների ցնցումներից։

Նշենք, որ ավելի վաղ համացանցում տեղեկություն էր տարածվել, որ գործադուլ են սկսել Ամուլսարի հանքի աշխատակիցները:

ՀՀ ԱԺ «Ելք» խմբակցության անդամ Մանե Թանդիլյանի կարծիքով՝ Ռուսաստանի տնտեսությունում սկսված նոր խնդիրները շատ շուտով կանդրադառնան նաև մեր տնտեսության վրա, և այդ ժամանակ կառավարությունը չի հապաղի այդ բոլոր մեղքերը բարդել արևմտյան պատժամիջոցների վրա:

«Հայաստանի կանաչների միություն» ՀԿ նախագահ Հակոբ Սանասարյանի առաջարկությամբ քննարկվել են Ամուլսարի ոսկեբեր քվարցիտների հանքավայրի ռեսուրսների արդյունավետ օգտագործմանը և շրջակա միջավարի վրա ազդեցության գնահատում անցած ծրագրին վերաբերող հարցեր։

Այսօր լրագրողների հետ հանդիպման ժամանակ ջրաբան Քնարիկ Հովհաննիսյանն ասել է, որ Ամուլսարի հանքի շահագործումը վտանգավոր ու վնասակար կլինի նաև Սևանա լճում տեղադրված ցանցավանդակներում բազմացող իշխանի համար:

Լրագրողների հետ հերթական հանդիպման ժամանակ տնտեսագետ Թաթուլ Մանասերյանը հերթական անգամ խոսել է նախարարությունների թվի կրճատման անհրաժեշտության մասին:

Որպես Հայաստանի նախագահի թեկնածու առաջադրված Արմեն Սարգսյանը հերքեց իր գործնական կապն Ամուլսարի հանքավայրի հետ։ Սարգսյանի խոսքով՝ ինքն ընդամենը խորհրդատավական օգնություն է տրամադրել հանքարդյունաբերական ընկերությանը։

Սարգսյանի խոսքով՝ իրեն խնդրել են խորհուրդ տալ, թե ինչպես կարող է «Լիդիան» ընկերությունը Հայաստանում գործունեություն ծավալել:

Աշխատավարձը՝ աշխատավարձ, բայց երկրի նախագահ լինելը անմահություն է բերում: Լրագրողների հետ հանդիպման ժամանակ նման միտք հայտնեց գրող, հրապարակախոս Մերուժան Տեր-Գուլանյանը: Միտքը պատճառ է դարձել, որպեսզի այս հարցը քննարկման թեմա դառնա՝ ի՞նչն է ՀՀ նախագահի թեկնածու Արմեն Սարգսյանին Հայաստան բերում՝ պաշտո՞նը, բիզնես շա՞հը, թե՞ հայրենասիրությունը:

Արմեն Սարգսյանը լինելով եվրոպական գործիչ, նրա գործունեության, այսպես ասած, ոչ բոլոր դրվագներն են հրապարակային:

Մեծ Բրիտանիայում Հայաստանի Արտակարգ և լիազոր դեսպան Արմեն Սարգսյանին՝ որպես ՀՀ 4-րդ նախագահի թեկնածուի ներկայացնելուց հետո, համացանցում բնապահպանների կողմից բուռն քննարկումներ են սկսվել: Իրենց դիտարկմամբ, առաջիկայում ավելի բարդ կարող է լինել «Ամուլսարի» հանքավայրի շահագործման և դրա արդյունքում հնարավոր բնապահպանական ռիսկերի դեմ պայքարը:

Արդեն մի քանի օր է, ինչ լրատվամիջոցներում ու անգամ բակերում խոսում են այն մասին, որ Մեծ Բրիտանիայում և Իռլանդիայում ՀՀ դեսպան Արմեն Սարգսյանն այս օրերին Հայաստանում է։ Նրա այցը պարզապես դեսպանի այց չէ: Սարգսյանն ապրում է Երևանի իր տանը, ակտիվ հանդիպումներ է ունենում և պատրաստվում դառնալ ՀՀ նախագահ, քանի որ համապատասխանում է Հայաստանի ներկայիս նախագահի մատնանշած չափանիշներին, այն է, թե «խոսք պետք է գնա մի մարդու, մի անհատի մասին, ով անցած ճանապարհ ունի, ունի ճանաչում և՛ երկրի ներսում, և՛ դրսում, կարող է պատշաճ մակարդակով, ըստ արժանվույն ներկայացնել Հայաստանն արտերկրում»:

Ամուլսարի հանքի շահագործումից մեր երկրին հասցվելիք սպառնալիքները անհամեմատելի մեծ են լինելու, քան մինչ այժմ իրականացված նման ծրագրերը: Ամուլսարի հանքի շահագործումից մեր երկրին հասցվելիք սպառնալիքները անհամեմատելի մեծ են լինելու, քան մինչ այժմ իրականացված նման ծրագրերը: Այն ներառելու է Դարբ, Արփա, Որոտան գետերն իրենց ջրամբարներով ու հովիտներով, Սևանա լիճը, ինչպես նաև դրանց հարակից տարածքներն ու բնակավայրերը: Այս մասին […]

Եթե անցած տարի ամսեամիս երկրի տնտեսության համար կարևոր ճյուղերից մեկը՝ շինարարության ծավալները շարունակում էին նվազել, ապա այս տարի պաշտոնական վիճակագրությունն այլ պատկեր է ցույց տալիս: SHANTNEWS լրատվականը ԱՎԾ-ից տեղեկացավ, որ Հայաստանում 2017 թվականի հունվար-նոյեմբեր ամիսների ընթացքում, նախորդ տարվա նույն ժամանակահատվածի համեմատ, շինարարության ծավալները 0,3 տոկոսով ավելացել են: Այսինքն՝ այդ ընթացքում իրականացվել է ավելի քան 324 մլրդ դրամի շինարարություն: Մասնավորապես, նշված ժամանակահատվածում ՀՀ պետական բյուջեի միջոցներով իրականացվել է ավելի քան 27 մլրդ դրամի շինարարություն: Չնայած ընդհանուր առմամբ շինարարության ծավալների աննշան աճին, պետական բյուջեի միջոցներով իրականացված շինարարության ցուցանիշը նվազել է: Նախորդ տարվա նույն ժամանակահատվածի համեմատ՝ 2017 թվականի հունվար-նոյեմբեր ամիսներին պետբյուջեի միջոցներով իրականացված շինարարության ծավալները նվազել են 16.5 տոկոսով:

Եթե նախորդ տարիներին համայնքների բյուջեով իրականացված շինարարության ծավալները աճում էին, ապա նշված ժամանակաշրջանում հակառակ պատկերն է՝ հունվար-նոյեմբեր ամիսներին այդ ցուցանիշը 24,3 տոկոսով նվազել է: Ի տարբերություն այդ ցուցանիշների՝ ավելացել են միջազգային վարկերով իրականացված շինարարության ծավալները՝ 4.3 տոկոսով:

Պաշտոնական վիճակագրության համաձայն՝ 3.7 տոկոսով էլ ավելացել են բնակչության միջոցներով իրականացված շինարարության ծավալները: Ի դեպ, զգալիորեն՝ ամբողջ 81.1 տոկոսով ավելացել են նաև Հայ առաքելական եկեղեցու կողմից հանգանակված միջոցներով իրականացված շինարարության ծավալները: Ընդհանուր աճի վրա ամենաէական ազդեցությունն ունեցել է հենց այս ցուցանիշը:
Շինարարության մասին խոսելիս պետք է հաշվի առնել, որ այն կապված է արտաքին կամ ներքին, պետական կամ մասնավոր ներդրումների հետ: Դրանից ելնելով է մակրոտնտեսական գնահատական կամ տնտեսական միջավայրի գնահատական տալու առումով շինարարությունն ինդիկատոր հանդիսանում: Տնտեսագետները հաճախ բարձրաձայնել են, որ եթե շինարարության աճ չկա, եթե նոր, հիմնական կառույցների գործարկում չկա, դա նշանակում է, որ երկրում ներդրումային վիճակը եւ կապիտալի կուտակման խնդիրները վտանգավոր սահմանների են հասել:

Ի՞նչ է սա նշանակում. տնտեսագիտորեն ասած` ընդլայնված վերարտադրության կասեցում:

ՄԱՍՆԱԳԻՏԱԿԱՆ ՏԵՍԱԿԵՏ

SHANTNEWS լրատվականի հետ զրույցում տնտեսագետ Արտակ Մանուկյանն, անդրադառնալով ԱՎԾ-ի հրապարակած տվյալներին, նկատեց, որ չի բացառվում նաև՝ այդ աճը վիճակագրական անճշտությունների շրջանակում լինի: Տնտեսագետի խոսքով՝ նման դեպքերում պետք է հաշվի առնել, որ կա նաև վիճակագրության 5 տոկոսի անվստահության միջակայքը, այսինքն հնարավոր է օբյեկտիվորեն 1-2 տոկոսի շեղում լինի.

«Որոշակիորեն աճ կա, բայց չպետք է մոռանալ, որ 2016 թվականի ցուցանիշի հետ է սա համեմատվում, իսկ 2016-ին գրանցվել է որոշակի անկում: Այսինքն, կոպիտ ասած, դու 2016-ին 100 միավորից վաստակել ես 90, իսկ 2017-ին այն դառնում է 91, այնուհանդերձ, եթե մենք դիտարկում ենք 100-ի համեմատ, սա անկում է: Որակական պատկերի առումով մենք չունենք աճ և ես կփորձեմ բացատրել՝ ինչու: Եթե դուք նայեք ԱՎԾ-ի հունվար-նոյեմբեր ամիսների օպերատիվ հաշվետվությունները, կնկատեք, որ ներկայացված է շուրջ 7 տոկոսանոց տնտեսական ակտիվության ցուցանիշի աճ: Սովորաբար եթե նման աճ է լինում, դա ուղեկցվում է հատկապես միջին խավի գնողունակ պահանջարկի ավելացմամբ և դրա անուղղակի արտացոլումն են նաև շինարարության ծավալները: Այսինքն, փորձեմ բացատրել, եթե բիզնեսի գործերն ավելի լավ են ընթանում, միջին խավի գործերն ավելի լավ են ընթանում, դա չի կարող իր արտացոլանքը չունենալ, օրինակ, բիզնեսի պարագայում նոր շինարակական օբյեկտների գործարկման (պահեստի ծավալի մեծացում, նոր արտադրական շենքերի ձեռք բերում) և նաև միջին խավի համար հիփոթեքային շուկայի զարգացման և նոր բնակարանային շինարարություների աճի վրա, այսինքն եթե մենք նայում ենք այդ ողջ կոմպլեքսին, ակնհայտ է, որ տնտեսական աճի ցուցանիշը շինարարության շուկայում չի բերել որակական տեղաշարժերի»,-նշեց Մանուկյանը:

Տնտեսագետն ասում է, որ ավելի խորն ուսումնասիրելու դեպքում կտեսնենք, որ մեծ հաշվով այս պահի դրությամբ առաջարկն ավելի շատ է, քան պահանջարկը.

«Այսինքն՝ հենց դրանով է պայմանավորված, որ տնտեսական աճը չի բերում միջին խավի ավելի մեծ տեսակարար կշռի ավելացման, հետևաբար, պահանջարկը չի աշխուժանում և սա, թեև, ինչպես դուք նշում եք, որ նախորդ տարվա անկման ֆոնին մենք հիմա մի փոքր որոշակիորեն աճ ունենք, նախ սա արդեն իսկ նշանակում է, որ մենք մեծ հաշվով դրական դինամիկա չունենք, որովհետև նախորդ տարի ցածր է բազան եղել և մենք դրա նկատմամբ ենք մի չնչին աճ ունեցել»,- բացատրեց մասնագետը:

Ըստ նրա՝ որակական առումով շինարարության և գյուղատնտեսության ոլորտներում մենք ունենք ռեցեսիոն միտումներ. գյուղատնտեսությունում դա ավելի ցցուն է, իսկ շինարարությունում որոշակիորեն պայմանավորված է մեր տնտեսական մոդելի թերի լինելով:

Անդրադառնալով 2018 թվականի կանխատեսումներին՝ տնտեսագետը նշեց, որ դրական դինամիկա այս պահի դրությամբ ակնկալել պետք չէ: Քանի որ, եթե անցած տարի կային մի քանի շինարակական նախաձեռնություններ, ապա այս տարի նման միտում չի նկատվում.

«Չպետք է մոռանալ, որ հաշվետվողականության տեսանկյունից Ամուլսարի, Թեղուտի հետ կապված որոշակիորեն արտադրական շինարարությունների ծավալների մեծացումը այդ ցուցանիշի վրա ինչ-որ չափով ազդել են: Իսկ նման մեծ նախագծեր 2018-ին չեն նախատեսվում է: Այսինք եթե հիմնական շարժիչ ուժը դիտարկում ենք միջին խավը, որը որ պետք է ձևավորի շուկայում պահանջարկ, այս առումով, այսուհանդերձ, 2018 թվականը բավականաչափ խնդրահարույց է լինելու: Ցուցանիշի աճը պետք է ապահովել, օրինակ ,ավելի գրավիչ դարձնելով հիփոթեքային պայմանները և դրան զուգընթաց նաև միջին խավի մոտ գնողունակության բարձրացումը»,-եզրափակեց տնտեսագետը:

Հիշեցնենք, որ սա արդեն չորրորդ հայցն է՝ կապված Ամուլսարի ոսկու քվարցիդային հանքավայրի շահագործման հետ: