ԱՄՆ

ԱՄՆ սպորտային մարմնամարզության հավաքականի նախկին բժիշկ Լարի Նասարը մեղադրվում է հավաքականի աղջիկների նկատմամբ սեռական ոտնձգություններ կատարելու մեջ:

Սինդի Ուլին մի քանի տարի շարունակ մասնակցել է Powerball վիճակախաղին: Հին տոմսերի մի մասը սեղանի վրա թափված է եղել, երբ կինը որոշել է ստուգել, չկա արդյո՞ք դրանց մեջ շահած տոմս և դրանցից մեկի 6 թվերից 5-ը համընկել է: Ուրախացած Սինդին ամուսնուն տեղեկացրել է, որ գնում են Ինդիանա (Индианаполис) 1000$ շահումի հետևից:

ՄԱԿ-ում ԱՄՆ մշտական ներկայացուցիչ Նիկի Հեյլին հայտարարել է, որ Ռուսաստանը չի կարող համարվել ԱՄՆ բարեկան երկիր, քանի դեռ այդ երկրի իշխանությունները չեն փոխել իրենց գործելաոճը միջազգային հարթակներում, հայտնում է CNN-ը:

ԱՄՆ-ում պատժամիջոցների միջոցով հակառակորդներին հակազդելու օրենքի լուրջ խնդիր կարող է դառնալ թուրք-ամերիկյան հարաբերությունների համար, որոնք առանց այդ էլ լարված են,- գրում է Hürriyet Daily News-ը:

Իսրայելի ԱԳՆ գլխավոր քարտուղար Յուվալ Ռոտեմը ողջունել է պաղեստինյան ՀԱՄԱՍ խմբավորման ղեկավար Իսմայիլ Հանիային ԱՄՆ պատժամիջոցային ցանկում ներառելը:

ԱՄՆ նախագահ Դոնալդ թրամփը երրորդ անգամ անընդմեջ ներկայացվել է որպես Նոբելյան խաղաղության մրցանակի թեկնածու:

ԱՄՆ նախագահը Կոնգրեսին նաև կոչ է արել չկրճատել երկրի ռազմական բյուջեն և լիովին ֆինանսավորել ԱՄՆ զինված ուժերը:

Հայտնի ռուսաստանցի օլիգարխ, ադրբեջանցի միլիարդատեր Արաս Աղալարովը նույնպես ընդգրկվել է ԱՄՆ-ի հնարավոր նոր պատժամիջոցների «Կրեմլյան ցուցակում»։ Ադրբեջանցի օլիգարխը Ռուսաստանի Դաշնությունում տնօրինում է VEGAS առևտրաժամանցային ցանցերը, Твой Дом և Крокус Сити Молл հիպերմարկետների և առևտրի ցանցերը և այլ ընկերություններ։

The Wall Street Journal-ի հաղորդմամբ` ԱՄՆ առաջին տիկին Մելանյա Թրամփի ուղևորությունները, մինչ Սպիտակ տուն տեղափոխվելը, հարկատուներին արժեցել են ավելի քան 675 հազար դոլար։ Բանն այն է, որ Մելանյա Թրամփն օգտագործել է ԱՄՆ Ռազմաօդային ուժերի ինքնաթիռները: Նա օդուժի ռեակտիվ ինքնաթիռներով 3 ամսում 21 թռիչք է կատարել:

ԱՄՆ Կոնգրեսի ներկայացուցիչների պալատը նոր օրինագիծ է ներկայացրել քննարկման: Այն կոչվում է «Ընտրությունները սպառնալիքներից պաշտպանելու ակտ՝ 2018թ. պատրաստվածությունը բարձրացնելու միջոցով»:

Պենտագոնը ուսումնասիրում է ԶԼՄ-ներում հայտնված տեղեկություններն այն մասին, որ որոշ Fitness Tracker-ներ և բջջային սարքավորումների միջոցով հնարավոր է հայտնաբերել ամերիկյան ռազմաբազաների տեղակայումը:

ԱՄՆ և Թուրքիայի ներկայացուցիչները պայմանավորվել են փոխանակվել տեղեկատվությամբ

«Որպես ԱՄՆ նախագահ՝ ես միշտ Ամերիկան պետք է բոլորից վեր դասեմ, ինչպես և պետք է անեն մյուս երկրների ղեկավարները: Սակայն «Ամերիկան առաջնահերթ է» արտահայտությունը չի նշանակում, որ Ամերիկան մենակ է»:

Երուսաղեմն Իսրայելի մայրաքաղաք ճանաչելուց հետո ԱՄՆ-ն կարող է ճանաչել նաև Հայոց ցեղասպանությունը: Այս մասին The Wall Street Journal-ում գրել է ամերիկացի պետական գործիչ, նախկին փաստաբան Ռոբերտ Մորգենթաուն:

Նախքան դասերի սկսվելը 15-ամյա տղան ատրճանակով կրակ է բացել աշակերտների ուղղությամբ:

Սիրիայի հյուսիսային շրջաններ ներխուժումը Թուրքիան նախօրոք համաձայնեցրել է ոչ միայն տարածաշրջանի այլ երկրների, այլև գերտերությունների հետ՝ լռության տեսքով ստանալով համաձայնություն: Այլ հարց է ԱՄՆ-ն, որը զինում էր քրդերին, և երկար ժամանակ թուրքերը փորձում էին ԱՄՆ-ին հետ պահել այդ քայլից:

Կիրակի օրը ԱՄՆ Հանրապետական կուսակցությունը չի կարողացել Սենատում համաձայնության գալ դեմոկրատների հետ՝ ԱՄՆ կառավարության ժամանակավոր ֆինանսավորման հարցում:

ՌԴ իշխանությունների կողմից մշակվել են կանխարգելիչ միջոցառումներ՝ ԱՄՆ կողմից ՌԴ չինովնիկների և գործարարների նկատմամբ նախատեսվող նոր սանկցիաների համար: Այդ մասին հայտարարել է ՌԴ ղեկավարի մամլո խոսնակ Դմիտրի Պեսկովը՝ «Россия 1» ալիքի` «Գործող դեմքերը Նեյլյա Ասկերզադեի հետ» հաղորդման ժամանակ տված հարցազրույցում:

ԱՄՆ Սպիտակ տան համապատասխան ծառայությունները հունվարի 20-ից դադարել են պատասխանել քաղաքացիների հեռախոսազանգերին՝ ինքնապատասխանիչի միջոցով ծանոթացնելով, որ դադարեցվել է բյուջեից ֆինանսավորումը, ուստի պետական աշխատողներին անժամկետ տուն են ուղարկել:

ԱՄՆ սահմանային ծառայության աշխատակիցներին թույլատրել են ստուգել այցելուների հեռախոսները

ԱՄՆ իշխանությունները պատրաստ են կիրառել բոլոր ռազմական միջոցները՝ Փհենյանի ագրեսիան զսպելու համար:

ԱՄՆ-ն հիմա չի ընդունի Հայոց ցեղասպանությունը, որովհետև նման պարագայում իր ձեռքից բաց կթողնի Թուրքիայի դեմ մշտապես օգտագործվող խաղաթուղթը։ Այս կարծիքին է թուրքագետ Տիգրան Լոքմագյոզյանը, որի խոսքով՝ Անկարան առայժմ պետք է Վաշինգտոնին։

«Դա նահանգի գործն է, սակայն մենք մտադիր ենք զբաղվել այդ հարցով: Ինձ դուր է գալիս, որ նրանք պատասխանատվություն են ստանձնել տեղի ունեցածի համար: Նրանք լիակատար պատասխանատվություն են ստանձնել: Նրանք սխալ են գործել», – նշել է Թրամփը:

ԱՄՆ Հավայի նահանգում հրթիռային հարվածի կեղծ ահազանգ է հնչեցվել, ինչը մեծ խուճապ է առաջացրել կղզու բնակիչների և զբոսաշրջիկների շրջանում: Մարդիկ հաղորդագրություն են ստացել, որ նահանգի ուղղությամբ բալիստիկ հրթիռ է արձակվել: Հաղորդագրության տեքստում նաև բոլորին հորդորել են հնարավորինս շուտ թաքնվել ապաստարաններում և հավաստիացրել, որ դա ուսումնական ահազանգ չէ:

ԱՄՆ Կալիֆորնիայի պատմության մեջ գրանցված ամենախոշոր՝ «Թոմաս» հրդեհը վերջապես զսպվել է: Այս մասին հայտնել է NBC լրատվամիջոցը: Նահանգային իշխանությունները հայտարարել են, որ ավելի քան մեկ ամիս կրակի դեմ պայքարելուց հետո հրդեհը լիովին տեղայնացվել է:

Հրապարակվել է զեկույց, որտեղ ԱՄՆ իշխանությունները կրկին ներառել են ռուսական «Вконтакте» սոցիալական ցանցը խոշորագույն ցանցահենական կայքերի ցուցակում։ Սակայն նշվում է նաև, որ կայքը դեռևս 2016-ին ստորագրել է լիցենզիոն պայմանագիր, որով պարտավորվում է պայքարել տեսահենության և երաժշտական կոնտենտի հեղինակային իրավունքների խախտման դեմ։

Մամուլի ազատությունը ոտնահարող համաշխարհային առաջնորդների ցուցակը գլխավորում է ԱՄՆ նախագահ Դոնալդ Թրամփը: Այս մասին հայտարարել է «Լրագրողների պաշտպանության կոմիտե» միջազգային կազմակերպությունը: Ըստ կազմակերպության՝ Թրամփն ամենաակտիվն է եղել քննադատությունը լռեցնելու և գրաքննելու հարցում:

Նշվում է նաև, որ «Լրագրողների պաշտպանության կոմիտե» միջազգային կազմակրեպությունը ԱՄՆ նախագահին շնորհել է «մամուլի համաշխարհային ազատության խաթարման» «մրցանակ»: Ինչպես հայտարարել է «Միջին Արևելք և Հյուսիսային Աֆրիկա» ծրագրի ղեկավար Շերիֆ Մանսուրը, Թրամփը պարգևատրվել է «ընդհանուր ձեռքբերումների համար», որով նա ազդել է «տեղական և միջազգային մակարդակով մամուլի ազատության վրա»: «Չինաստանի, Սիրիայի և Ռուսաստանի իշխանությունները որպես թևավոր խոսք այժմ օգտագործում են Թրամփի «ֆեյք նորությունները»:

Երգիծական մրցանակներ ստացած համաշխարհային առաջնորդների ցուցակում ընդգրկվել են նաև ՌԴ նախագահ Վլադիմիր Պուտինը, Թուրքիայի նախագահ Ռեջեփ Էրդողանը և այլք:

ԱՄՆ հատուկ գործերով դատախազ Ռոբերտ Մյուլերի թիմը, որը հետաքննում է ամերիկյան նախագահական ընտրություններին Ռուսաստանի հնարավոր միջամտության գործը, պատրաստվում է հարցաքննել երկրի նախագահ Դոնալդ Թրամփին: Այս մասին հայտնել են ամերիկյան մի շարք լրատվամիջոցներ՝ վկայակոչելով իրենց աղբյուրները: Ըստ հրապարակումների`Թրամփը դեմ չէ հարցաքննությանը և կարծում է, որ այն վերջ կդնի իր թիմի և Կրեմլի համագործակցության մասին կեղծ լուրերին: ԱՄՆ նախագահի փաստաբանները, սակայն առայժմ չեն հաստատել հարցաքննության մասին լուրը:

ՀՀ-ում ԱՄՆ դեսպանատունը հաղորդագրություն է տարածել, որով զգուշացնում է Հայաստանում գտնվող սիրիացի փախստականներին. փորձեր են արվում նրանց ներքաշելու ԱՄՆ ներգաղթի կեղծ սխեմաների մեջ: Ըստ հաղորադագրության՝ ծուղակում արդեն հայտնվել են ԱՄՆ տեղափոխվելու մտադրություն ունեցող սիրիացիների մի քանի ընտանիքներ: ԱՄՆ-ում բնակվող մեկը խոստացել է որոշակի գումարի դիմաց ԱՄՆ դեսպանատնից նրանց համար ստանալ տեղափոխման և փախստականի ճամփորդական փաստաթղթեր:

Նշվում է, որ Հայաստանում ԱՄՆ դեսպանատունը փախստականներին ճամփորդական փաստաթղթեր առհասարակ չի տրամադրում: Խաբեության հեղինակները տրամադրում են պաշտոնական փաստաթղթերին արտաքուստ շատ նման թղթեր, որոնք կեղծ են:

Խաբեության հնարավոր զոհերը խաբեության հետ կապված կասկածների մասին կարող են դիմել ՄԱԿ-ի Փախստականների հարցերով գլխավոր հանձնակատարին կամ հաղորդում ներկայացնել ԱՄՆ դեսպատանը ՝ գրելով էլ. փոստի [email protected] հասցեով: Հայերենով լրացուցիչ տեղեկությունների և փախստականների պաշտպանության կամ փաստաթղթերի հետ կապված հարցերի վերաբերյալ պարզաբանումների համար կարող են դիմել ՄԱԿ-ի Փախստականների հարցերով գլխավոր հանձնակատարի հայաստանյան գրասենյակ. ընդունելության ժամերը՝ 15:00-17:00 երկուշաբթի և հինգշաբթի օրերին, հասցեն՝ ք. Երևան, Պետրոս Ադամյան 14: Կարող են զանգել նաև 37410 56 47 71 հեռախոսահամարով կամ գրել էլ. փոստի [email protected] հասցեով:

Ռուսաստանը Միացյալ Նահանգներին առաջարկել է Սիրիայում ահաբեկիչների դեմ պայքարը կազմակերպել համատեղ, սակայն Վաշինգտոնը հրաժարվել է այս համագործակցությունից։ Այս մասին հայտարարել է Ռուսաստանի ԶՈւ գլխավոր շտաբի պետ Վալերի Գերասիմովը։

«Պլանավորման, հետախուզության անցկացման, ահաբեկիչների ոչնչացման համատեղ կազմակերպման մեր առաջարկները չեն ընկալվել, դրանք մերժվել են … Մենք նրանց կողմից չենք տեսել համագործակցության ցանկություն», — նշել է Գերասիմովը հարցազրույցի ժամանակ։

Երկու երկրներն էլ ներկայում զորքեր ունեն Սիրիայում։ Ամերիկյան ստորաբաժանումները հիմնականում կենտրոնացած են երկրի հյուսիսային՝ քրդերի վերահսկողության տակ գտնվող տարածքներում, հենց նրանց էլ օժանդակում են ամերիկացիները։ ԱՄՆ զորքերի՝ Սիրիայում ներկայությունը չի համաձայնեցվել Սիրիայի իշխանությունների հետ։

Ռուսական զորքերը՝ և՛ օդուժը, և՛ նավատորմը, և՛ ցամաքային ուժերը, Սիրիայում տեղակայվել են նախագահ Բաշար Ասադի համաձայնությամբ (նույնիսկ՝ խնդրանքով)։ Հենց Ասադի իշխանությանն էլ սատարում է պաշտոնական Մոսկվան։

Երկու գերտերություններից բացի Սիրիայում զորք ունեն նաև Իրանը (թեև հերքում է) և Թուրքիան (զբաղեցրել է երկրի հյուսիսային շրջանների մի մասը)։ Տարբեր գործողություններով Սիրիայում հակաահաբեկչական պայքարին մասնակցում են նաև ՆԱՏՕ-ի անդամ պետություններն ու արաբական երկրների որոշ ուժեր։

Այս բոլոր կողմերը Սիրիայում առաջ են մղում սեփական շահերը, ինչի հետևանքով բևեռները բազմաթիվ են։