18:10 30.11.2017
Իրանի հավաքականի երկրպագուները խնդրանքով դիմել են ֆուտբոլի 2018թ. աշխարհի առաջնության եզրափակիչ մրցաշարի վիճակահանության հաղորդավարներից Մարիա Կոմանդնայային: Երկրպագուներն Իստագրամում ռուս հաղորդավարուհուն խնդրել են բաց հագուստով չներկայանալ արարողությանը: «Խնդրում ենք, օգնիր մեզ և ընտրիր այնպիսի հանդերձանք, որ մենք կարողանանք դիտել ամբողջ հեռարձակումը»,- գրել է երկրպագուներից մեկը:
Բանն այն է, որ Իրանի պետական ալիք IRIB-ն կանջատի ուղիղ հեռարձակումը, եթե վիճակահանության ժամանակ կադրում երեւա բաց հագուսով կին:
Հիշեցնենք, որ աշխարհի առաջնության խմբային փուլի վիճակահանությունը կկայանա դեկտեմբերի 1-ին Մոսկվայում:
