ՀԱՅԱՍՏԱՆ

ՀՀ քննչական կոմիտեի Լոռու մարզային քննչական վարչությունում քննվող քրեական գործով պարզվել է Վանաձորի բժշկական կենտրոնում 32-ամյա ծննդկանի մահվան պատճառը. փորձագետները փաստել են, որ ծննդկանի նկատմամբ չեն կատարվել անհրաժեշտ բժշկական միջոցառումները:

Ոստիկանությունը հերթական գրպանահատին է ձերբակալել:

«Վեոլիա Ջուր» ընկերությունը տեղեկացնում է, որ պլանային աշխատանքներով պայմանավորված, նոյեմբերի 10-ին՝ ժամը 10.00-22.00-ը, կդադարեցվի Երևանի Կենտրոն վարչական շրջանի Երվանդ Քոչար փող. 19, 21, 23 համարների ջրամատակարարումը:

Աննդամթերքի անվտանգության պետական ծառայությունը, կասեցրել է Երևանում գործող «ԷԴ-ՄԻԹ» ՍՊԸ-ի արտադրական ործունեությունը:

«Հայ­անտառ» ՊՈԱԿ-ի «Լալվարի անտառտնտե­սություն» մասնա­ճյուղի «Շամ­լուղի» անտառ­պետության թիվ 1 պահաբաժ­նի տարբեր տեղամասերում ապօրինի ծառահատումներ կատարելու դեպքի առթիվ հարուցված քրեական գործը 5 անձանց նկատմամբ մեղադրական եզրակացությամբ Լոռու մարզի դատախազության կողմից ուղարկվել է դատարան, հայտնում են գլխավոր դատախազությունից: «Hetq.am» ինտերնետային կայքում «Սահմանամերձ Ջիլիզայում շարունակվում են անտառների զանգվածային ոչնչացումը» վերտառությամբ հոդվածում ներկայացված՝ լրագրողի կողմից հայտնաբերված ծառահատումների մասին վկայող տվյալների ստուգման արդյունքնում 2017 թվականի ապրի­լի 28-ին հարուցվել էր քրեական գործ:

ՀՀ ոստիկանության անձնագրային և վիզաների վարչության պետ Մնացական Բիչախչյանը ֆեյսբուքյան իր էջում ներկայացրել է երեխայի անձնագրավորման առանձնահատկությունները:

Եթե երեխայի ծնվելու պահին նրա ծնողները ՀՀ քաղաքացիներ են, ծնողներից մեկը կարող է դիմել անձնագրային ծառայություն երեխային ՀՀ քաղաքացու անձնագիր ստանալու կամ անձնագիր ունենալու դեպքում այն փոխանակելու համար։ Նույնիսկ եթե մյուս ծնողը գտնվում է Հայաստանից դուրս, այն խոչընդոտ չէ երեխայի անձնագրավորման համար. նրա գրավոր համաձայնությունը կամ ներկայությունը չի պահանջվում։

Հայաստանի մարդու իրավունքների պաշտպանի աշխատակազմում մշակվել է «Հեռուստատեսության և ռադիոյի մասին» ՀՀ օրենքում փոփոխություններ և լրացումներ կատարելու մասին նախագիծ՝ հաշվի առնելով Պաշտպանին հասցեագրված բողոքները:

Բողոքների ուսումնասիրությունը ցույց է տվել, որ «Շահումով խաղերի, ինտերնետ շահումով խաղերի և խաղատների մասին» և «Հեռուստատեսության և ռադիոյի մասին» ՀՀ օրենքներով, ինչպես նաև հարակից այլ օրենքներով հեռուստատեսությամբ և ռադիոյով հեռարձակվող շահումով խաղերի հեռարձակման իրավական կարգավորումը բացակայում է: Այդ իրավական բացը գործնականում կարող է դառնալ իրավունքների խախտման պատճառ։

Ընտրողների 50 տոկոսից ավելիի մասնակցությունը ՏԻՄ ընտրություններում բավականին լավ ցուցանիշ է: Դա նշանակում է, որ ընտրողներին գրավում են ընտրատեղամասերը:

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ պլանային աշխատանքներով պայմանավորված, նոյեմբերի 10-ին ժամը 09.00-21.00 կդադարեցվի Նոր-Նորք վարչական շրջանի 9-րդ զանգվածի ջրամատակարարումը:

Ազգային ժողովի առողջապահության և սոցիաալական հարցերի մշտական հանձնաժողովի նիստում այսօր քննարկվել են մի շարք օրենքներում փոփոխություններ և լրացումներ մտցնելու առաջարկները: Փոփոխություններ են նախատեսվում Սոցիալական աջակցության, զբաղվածության և պետական նպաստների մասին օրենքներում: Ըստ այդմ՝ առաջարկվում է սահմանել ընտանիքի սոցիալական գնահատման համակարգ, որով կորոշվի, ոչ միայն ընտանիքի նպաստառու լինել չլինելը, այլև բարեկեցության աստիճանը, ինչը հարկավոր է օրինակ որդեգրման և խնամակալության հետ կապված հարցերում: Աշխատանքի և սոցիալական հարցերի նախարար Արտեմ Ասատրյանի կարծիքով, օրենսդրական այս փոփոխությունը օգնելու է ավելացնել զբաղված քաղաքացիների և օբյեկտիվորեն նվազեցնել նպաստառու ընտանիքների թիվը:

ՀՀ հատուկ քննչական ծառայության քննիչի վարույթին է հանձնվել ԱՆ քրեակատարողական վարչության պրոբացիայի պետական ծառայության աշխատակիցների կողմից պաշտոնեական դիրքը չարաշահելու և մի խումբ անձանց կողմից նախնական համաձայնությամբ իրավունք վերապահող պաշտոնական փաստաթղթեր կեղծելու դեպքերի վերաբերյալ քրեական գործը:

Ըստ ՀՔԾ տարածած հաղորդագրության՝ պարզվել է, որ, չնայած դատապարտյալը գտնվել է ՀՀ սահմաններից դուրս և չի ներկայացել աշխատանքի, վերջինիս չաշխատած աշխատաժամանակը ներառվել է պատժաչափի հաշվարկի մեջ, և պատիժը համարվել է կատարված: Բացի այդ, պարզվել է, որ ևս երկու դատապարտյալներ որոշակի ժամանակահատվածներում բացակայել են հանրապետությունից, սակայն, համապատասխան փաստաթղթերում նշվել է, որ դատապարտյալները փաստացի գտնվել են պատժի կրման մեջ և կատարել հանրային աշխատանքներ:

Տեղի է ունեցել ԵԱՀԿ Մինսկի խմբի վերակենդանացում, այն կշարունակվի, ինչը ձեռնտու է թե՛ Հայաստանին, թե՛ Ադրբեջանին: Վախենում եմ, որ սահմանային լարվածությունից չի հաջողվի խուսափել, բանակցային գործընթացը շատ վաղուց՝ Կազանից հետո, կարգավորումով չի զբաղվում, այլ զբաղվում է կոնֆլիկտի մենեջմենթով:

Ոստիկանությունը շարունակում է բնակչության մոտ ապօրինի պահվող զենք-զինամթերքի կամավոր հանձնմանն ու հայտնաբերմանն ուղղված միջոցառումները:

Հայաստան-Եվրամիություն համաձայնագիրը պատրաստ է և համաձայնեցված բոլոր կողմերի՝ Հայաստանի,Եվրոպայի և Ռուսաստանի հետ, քաղաքական խնդիրներ չկան,եղածերն էլ տեխնիկական են և կապ չունեն տեքստի հետ, վստահ է քաղաքագետ Ալեքսանդր Իսկանդարյանը:

Նախագահ Սերժ Սարգսյանն այսօր ընդունել է Ասիական զարգացման բանկի (ԱԶԲ) փոխնախագահ Վենկայ Ժանգին:

Բարձր գնահատելով ԱԶԲ-ի առաքելությունը և դերակատարությունը Հայաստանի տնտեսական զարգացման գործում՝ նախագահն ընդգծել է, որ երկրի համար կայուն գործընկեր դարձած բանկի հետ համագործակցության անցած տասներկու տարիների ընթացքում Հայաստանում բազմաթիվ ծրագրեր են իրականացվել, որոնք ներառել են թե´ հանրային և թե´ մասնավոր հատվածները: Սերժ Սարգսյանը հույս է հայտնել, որ հաստատված արդյունավետ համագործակցությունը կշարունակվի:

2017 թվականի նոյեմբերի 5-ին հանրապետության 69 համայնքներում կայացած տեղական ինքնակառավարման մարմինների քվեարկության արդյունքների վերահաշվարկի կամ տեղամասում քվեարկության արդյունքներն անվավեր ճանաչելու մասին դիմումներ համապատասխան տարածքային ընտրական հանձնաժողով կարող էին ներկայացվել մինչև նոյեմբերի 7-ը` ժամը 11.00-ն:

Հայաստանի կոմունիստական կուսակցության կենտրոնական կոմիտեի առաջին քարտուղարի պարտականությունները ժամանակավորապես հանձնվել են ՀԿԿ կենտրոնական կոմիտեի քարտուղար, երիտասարդության հարցերով պատասխանատու Երջանիկ Ղազարյանին: Այս մասին այսօր լրագրողների հետ զրույցում հայտնեց հենց ինքը՝ Երջանիկ Ղազարյանը: Վերջինս տեղեկացրեց նաև, որ Տաճատ Սարգսյանը, ով մինչ այս զբաղեցնում էր այդ պաշտոնը, բուժման նպատակով մեկնել է Հայաստանից: Ընթացքում որոշակի բարդություններ են առաջացել և Կոմկուսի արդեն նախկին ղեկավարը նամակով դիմել է բյուրոյին՝ խնդրելով իրեն ազատել այդ պարտականություններից: Կոմունիստներն առաջիկայում տեղի ունեցող պլենումի ժամանակ կընտրեն Կենտկոմի նոր առաջին քարտուղար:

Գեղարքունիքի մարզում հիմնանորոգվել են միջհամայնքային ճանապարհներ, որոշներն էլ նորոգման փուլում են:

Քննչական կոմիտեի Սյունիքի մարզային քննչական վարչությունում ձեռնարկվում են անհրաժեշտ քննչական և դատավարական այլ գործողություններ՝ ԱՆ «Գորիս» քրեակատարողական հիմնարկում տեղի ունեցած անկարգությունների դեպքի հանգամանքները պարզելու ուղղությամբ: Այս մասին հայտնում է քննչական կոմիտեի լրատվության բաժինը:
2017թ. հոկտեմբերի 30-ին՝ ժամը 15:30-ի սահմաններում՝ ԿԱ ազգային անվտանգության ծառայության և ԱՆ քրեակատարողական վարչության ծառայողների կողմից «Գորիս» քրեակատարողական հիմնարկի ռեժիմային մասնաշենքում քննչական և դատավարական գործողություններ կատարելու ժամանակ, մասնաշենքի 1-ին և 2-րդ հարկերի գրեթե բոլոր խցերում պահվող կալանավորված անձանց և դատապարտյալների շրջանում առաջացել են դժգոհություններ: Վերջիններս հարվածել են խցերի դռներին և կերակրադռնակներին, պատուհաններից և կերակրադռնակներից նետել այրված անկողնային պարագաներ և կենցաղային այլ իրեր, կոտրել մի շարք խցերի դռներն ու կերակրադռնակները, հայհոյել և հնչեցրել վիրավորական արտահայտություններ։

Խորքային հորերի փականային ռեժիմի բերման միջոցով Արարատյան դաշտում խնայվել է 671,0լ/վրկ ջուր, հայտնում են բնապահպանության նախարարությունից:

Էդվարդ Նալբանդյանն այցելել է Երուսաղեմի Հայոց պատրիարքարան, հանդիպել պատրիարք Նուրհան արքեպիսկոպոս Մանուկյանին։ Արտգործնախարարը պատրիարքին ներկայացրել է իր այցելության նպատակները, արդեն ունեցած հանդիպումների արդյունքները։

«Հեռանկար»-ի տաղավարում հյուրընկալվել է Գյուղատնտեսության նախարարության ՍԱՊԾ պետը:

Նաիրի Հոխիկյան

Առողջապահության նախարար Լևոն Ալթունյանը ԱԺ-ում 2018թ բյուջեի քննարկումների ժամանակ հայտարարել է, որ իրենք կառավարությանն են ներկայացրել առողջության պարտադիր ապահովագրության նախագիծ, որը ենթադրում է ամսական 4000-10000 դրամ վճարում յուրաքանչյուր անձի համար: Պատգամավոր Մանե Թանդիլյանի հարցին, թե արդյո՞ք դա լրացուցիչ բեռ չի լինի աշխատողի համար, նախարարն արձագանքել է՝ քանի որ կառավարությունը որդեգրել է սոցիալական ուղղվածության քաղաքականություն, պետք […]

Նախագահ Սերժ Սարգսյանն այսօր Արամ Խաչատրյանի անվան ֆիլհարմոնիայի մեծ դահլիճում ներկա է գտնվել Հայաստանի կոմպոզիտորների միության 85-ամյակին նվիրված հանդիսավոր երեկոյին: Միության հոբելյանի կապակցությամբ Հանրապետության Նախագահը երաժշտարվեստի բնագավառում ունեցած ակնառու վաստակի, ներդրած նշանակալի ավանդի համար, ինչպես նաև Հայաստանի կոմպոզիտորների միության հիմնադրման 85-ամյակի առթիվ պետական բարձր պարգևներ է հանձնել և կոչումներ շնորհել միության անդամ մի խումբ արվեստագետների:  Շնորհավորելով Հայաստանի […]

Նաիրի Հոխիկյան

Սեպտեմբերի 1-ից ուժի մեջ էր մտել օրենքը, որով պարտադրվում էր, որ մայրաքաղաքի առևտրի իրացման վայրեր հաց և միս մատակարարող ընկերությունենրը պետք է ունենան սանիտարական անձնագրեր, իսկ առաքման ավտոմեքենաները՝ հատուկ կահավորում:  2 ամիս ժամանակ էր հատկացվել պահանջները կատարելու համար, իսկ նոյեմբերի 1-ից օրենքը խախտողները պատասխանատվության են ենթարկվելու: Շանթնյուսի նկարահանող խմբերը շրջել են մայրաքաղաքի փողոցներում՝ պարզելու  թե […]

«Ինչքա՜ն ողորմելի, խեղճ ու կրակ թվեր են», -ասել է ՀՀ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողով նախագահ Վարդան Բոստանջյանը, երբ ՀՀ մշակույթի նախարար Արմեն Ամիրյանը 2018 թվականի բյուջեի՝ իր ղեփկավարած նախարարության մասն է ներկայացրել: Ամրիյանն ասել է, որ 2018 թվականի պետական բյուջեն լինելու է զարգացման և ներդրումների շարունակականությունն ապահովող բյուջե: Դրան […]

Հնդկաստանի խոշորագույն հեռարձակողներից մեկին տված հարցազրույցում նախագահ Սերժ Սարգսյանը ներկայացրել է, թե ինչու հնդիկ գործարարները պետք է ներդրումներ կատարեն Հայաստանում։ Doing Business չափորոշիչով և Հայաստանը, և Հնդկաստանը զբաղեցնում են բավական բարձր հորիզոնականներ։ Սակայն նախագահի խոսքով՝ գործարար ոլորտում երկու երկրների համագործակցության ներուժը չի իրացվում ամբողջությամբ։

— Հայաստանը փոքր երկիր է։ Հենց այդ պատճառով նաև յուրաքանչյուր շատ թե քիչ նշանակալի գործարար մշտապես գտնվում է Հայաստանի կառավարության և անձամբ իմ տեսադաշտում։ Իսկ դա նշանակում է, որ մենք մշտապես պատրաստակամ ենք աջակցելու յուրաքանչյուր ներդրողի, — նշել է հանրապետության ղեկավարը։

Նախագահ Սարգսյանի խոսքով՝ երկու կողմերի գործարարների համար պարարտ հող կա հատկապես գյուղատնտեսության ոլորտում։ Սա տեսանելի է եղել Հնդկաստանում անցկացված պարենի համաշխարհային ցուցահանդեսին, որին մասնակցել է նաև Սերժ Սարգսյանը։ Նախագահի խոսքով՝ այս ոլորտում Հայաստանն ու Հնդկաստանն ունեն լավ արտադրանք, միայն թե անհրաժեշտ է մեծացնել այդ արտադրանքի փոխանակումները, զարգացնել և երկկողմ, և տարանցիկ առևտուրը։

— Հայաստանը ԵԱՏՄ անդամ է, և Հայաստանում արտադրված ապրանքը առանց խոչընդոտների, շատ հանգիստ կարող է իր սպառումը գտնել ԵԱՏՄ 180 միլիոնանոց շուկայում։ Մեր հարավային հարևանը Իրանի Իսլամական Հանրապետությունն է։ Այնտեղ էլ մեծ շուկա է, 80 միլիոնանոց շուկա, և այնտեղ էլ կա պահանջարկ սննդամթերքի։

Անդրադառնալով Հնդկաստանում գործող հայկական կապիտալին՝ նախագահ Սարգսյանը նշել է, որ հայ գործարարները որոշ ապրանքներ արտահանում են Հնդկաստան, սակայն կրկին՝ ծավալները չեն գոհացնում։

— Ուղղակի ձեր շուկան այնքան մեծ է, որ մեր ապրանքը չի երևում։

Հարցազրույցի ընթացքում Հայաստանի նախագահն անդրադարձել է նաև երկու երկրների միջև ուղևորափոխադրումներին։ Սերժ Սարգսյանի խոսքով՝ սա փակ շրջան է․ եթե լինեն կանոնավոր օդային ուղևորափոխադրումներ, կաճի մարդկանց շարժը և հակառակը՝ եթե այդ փոխադրումների պահանջարկը մեծանա, կբացվեն կանոնավոր չվերթներ։ Բայց այստեղ Հայաստանի և Հնդկաստանի իշխանություններն արտահայտել են իրենց պատրաստակամությունը՝ շահագրգռել մարդկանց այցելել երկու ուղղություններով։

— Մենք շուտով դյուրացնելու ենք Հնդկաստանի քաղաքացիների համար մուտքի արտոնագրերի ստացումը։ Մյուս կողմից մենք Հնդկաստանում պետք է հսկայական աշխատանք տանենք Հայաստանի ճանաչելիությունը բարձրացնելու համար, — նշել է հանրապետության նախագահը։

Նախագահ Սարգսյանի խոսքով՝ վիզաների տրամադրման դյուրացումը կապահովի նաև զբոսաշրջության ակտիվացումը։ Իսկ որ Հնդկաստանը հարուստ է զբոսաշրջային հետաքրքրություններով՝ նախագահը համոզվել է սեփական փորձով, այցելելով աշխարհի 8-րդ հրաշալիքը համարվող Թաջ Մահալ։

Նոյեմբերի 7-ին, 9-10-ը շրջանների զգալի մասում սպասվում է անձրև