15:33 14.11.2017
Զեկույցի հեղինակները Հայաստանի համացանցը 32 միավորով գնահատել են որպես մասնակի ազատ, ընդ որում՝ 2016 թվականին, 30 միավորուշվ մեր երկրի համացանցը ազատ էր համարվում: Նազելի
2017 թվականին Հայաստանը դուրս է մնացել Freedom House միջազգային իրավապաշտպան կազմակերպության ամենամյա զեկույցում ներգրավված ազատ համացանց ունեցող երկրների ցանկից:
Զեկույցի հեղինակները Հայաստանի համացանցը 32 միավորով գնահատել են որպես մասնակի ազատ, ընդ որում՝ 2016 թվականին, 30 միավորով մեր երկրի համացանցը ազատ էր համարվում:
Հետընթացը գրանցվել էր անցած տարվա հուլիսին ՊՊԾ գնդի գրավման օրերին facebook-ի արգելափակման, լրատվամիջոցների ներկայացուցիչների նկատմամբ բռնությունների, ինչպես նաև այս տարվա խորհրդարանական ընտրություններին Twitter-ում անկախ ԶԼՄ-ների հաշիվներն արգելափակելու և սոցիալական կայքերում ապատեղեկատվություն տարածելու դեպքերով պայմանավորված:
Տարածաշրջանում համացանցի ազատության ցուցանիշով առաջատարը Վրաստանն է (24 միավոր), ցուցակը եզրափակում է Ադրբեջանը:
15:27 14.11.2017
Փոխհատուցում տալ ծննդաբերությունից հետո աշխատանքի վերադարձող մայրերին. այսպիսի առաջարկ է ներկայացնում կառավարությունը մինչև 3 տարեկան երեխայի խնամքի արձակուրդում գտնվող անձին, եթե վերջինս ցանկություն ունենա վերդառնալ աշխատանքի մինչև երեխայի 2 տարեկանը լրանալը: Խոսքը այն դեպքերի մասին է, երբ մայրը դիմում է դայակի ծառայություններին, պետությունն էլ մասնակիորեն փոխհատուցում է դայակին տրվող աշխատավարձը, ինչը ենթադրում է նաև պետությանը հարկերի վճարում: Թեմայի շուրջ այս քննարկումն ԱԺ-ումր բանավեճի է վերածվել: Հարց է ուղղվել ԱԺ-ի առողջապահության և սոցիալական հարցերի մշտական հանձնաժողովի նախագահին, թե արդյո՞ք այս դեպքում ծնողը կամ դայակը չեն ցանկանա հարկային դաշտ մտնելը: Հակոբ Հակոբյանը հարցին անկեղծ է պատասխանել, Էդուարդ Շարմազանովն էլ խորհուրդ է տվել շատ չանկեղծանալ:
15:19 14.11.2017
ՀՀ վարչապետ Կարեն Կարապետյանի մասնակցությամբ այսօր բացվել է Հայաստանի կառավարության և ՄԱԿ-ի կողմից հիմնադրված Կայուն զարգացման նպատակների ազգային նորարարական կենտրոնը: Այն, իր բնույթով առաջինն է աշխարհում և աջակցելու է Հայաստանին բացահայտելու զարգացման նոր հորիզոններ: Առաջինն է, քանի որ առաջին անգամ է, երբ պետությունը ՄԱԿ-ի գրասենյակի հետ ստեղծել է մի նորարարական հարթակ՝ նպատակ ունենալով խթանել ՄԱԿ-ի կայուն զարգացման նպատակների իրագործումը պետական մակարդակով:
ՀՀ վարչապետ կարեն Կարապետյանն իր խոսքում նշել է.
«Նորարարական կենտրոնի հիմնակական դերը կլինի ներգրավել աշխարհում առկա ինովացիոն տեխնոլոգիաները և փորձը, բազմաշերտ խնդիրների ասիմետրիկ լուծումներ տալու համար: Ես տեղյակ եմ, որ ՄԱԿ-ի մեր գործընկերները այս փորձը կիսել են Նյու Յորքի իրենց գործընկերների հետ և պատրաստվում են այն առաջարկել նաև այլ երկրներում՝ որպես կայուն զարգացման նպատակների իրականացմանն ուղղված պետություն և ՄԱԿ-ի համագործակցության հաջող օրինակ»:
Ըստ վարչապետի՝ ստեղծված է և արդեն իսկ ակտիվ գործում է աշխատանքային խումբ, կայուն զարգացման նպատակաները Հայաստանում նախապատրաստելու և իրականացնելու համար:
«Հաջորդ տարի հուլիսին ՄԱԿ-ում ներկայացնելու ենք Հայաստանում կայուն զարգացման նպատակների իրականացման գործընթացը: Հույս ունեմ, որ մեր փորձն և այս ժամանկահատվածում կատարած աշխատանքը, կարող է լավ օրինակ ծառայել, թե ինչպես են համագործակցում պետությունը և ՄԱԿ-ը և ինչպես կարելի է օգտագործել նորարարական՝ ոչ ստանդարտ մոտեցումներն առկա բարդ խնդիրների ավելի արդյունավետ լուծում տալու համար», – ասել է գործադիրի ղեկավարը:
ՀՀ Կառավարության և ՄԱԿ-ի կողմից հիմնադրված աշխարհում առաջին Կայուն զարգացման նպատակների ազգային նորարարական կենտրոնը ը կիրառելու է աշխարհում գործող նորարարական մեթոդաբանությունները, ինչպես նաև հենց ՄԱԿ-ի նորարական մոտեցումները և գործիքները:
«Մենք աջակցություն ենք հայտնում վարչապետի տեսլականին՝ զարգացման հարցերի լուծման ավելի խելացի և ճկուն համակարգ ունենալու ուղղությամբ: Եվ այդ համատեքստում պատրաստակամություն ենք հայտնում ոգևորությամբ համագործակցել Հայաստանի և աշխարհի մեր մմիջազգային ընկերների հետ», -հավաստիրացրել է ՄԱԿ-ի մշտական համակարգող Բրեդլի Բուզետտոն
Բացման ժամանակ նշվել է, որ կայուն զարգացման 17 նպատակները սերտորեն փոխկապակցված են Հայաստանում իրականացվող ազգային բարեփոխումների գործընթացներին, այդ թվում՝ այժմ մշակվող Հայաստան 2030 զարգացման ռազմավարությանը:
15:14 14.11.2017
Հատուկ քննչական ծառայության քննիչի վարույթ է ընդունվել ոստիկանության պետական հատուկ ծառայություն իրականացնող պաշտոնատար անձի կողմից ծառայողական պարտականությունները չկատարելու և պետության օրինական շահերին վնաս պատճառելու առերևույթ հանցագործության դեպքի առթիվ գլխավոր դատախազությունում հարուցված քրեական գործը
15:11 14.11.2017
Լոս Անջելեսում Հայաստանի Հանրապետության գլխավոր հյուպատոսությունում Վիգեն Սարգսյանը պատասխանել է Միացյալ Նահանգների առաջատար հայկական լրատվամիջոցների ներկայացուցիչների հարցերին։ Նախարարը մանրամասն անդրադարձել է «Զինվորական ծառայության և զինծառայողի կարգավիճակի մասին» օրինագծի առավելություններին և ներկայացրել զինված ուժերում իրականացվող ծրագրերը։
14:53 14.11.2017
Ոստիկանության պարեկապահակետային գնդի գրավման քրեական գործից անջատված մասով Շենգավիթ վարչական շրջանի ընդհանուր իրավասության դատարանում քիչ առաջ շտապօգնության բրիգադ է կանչվել: Վատացել է ամբաստանյալ Արամ Հակոբյանի վիճակը: Մինչ այդ դատարանը մերժել էր ամբաստանյալներ Արայիկ Հակոբյանին և Մարտիրոս Հակոբյանին անհապաղ ազատ արձակելու միջնորդությունները:
Հիշեցնենք՝ ՊՊԾ գնդի գրավման գործով 32 ամբաստանյալ է անցնում: Քրեական գործը մասնատվել է 3 մասի: 11ամբաստանյալների գործը քննում է Արթուր Օհանյանը: Եվս 10-ի գործը դատավոր Մեսրոպ Մակյանին է մակագրվել: 11 ամբաստանյալներ մնացել են Էրեբունի Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանի կողմից քննվող գործի վարույթում:
14:12 14.11.2017
Պարեկապահակային գնդի գրավման քրեական գործից անջատված մասով դատաքննությունը Շենգավիթ վարչական շրջանի ընդհանուր իրավասության դատարանում դատավոր Արթուր Օհանյանի նախագահությամբ այսօր շարունակվել է:
13:14 14.11.2017
ՄԻՊ աշխատակազմում մշակվել է «Գովազդի մասին» ՀՀ օրենքում փոփոխություններ և լրացումներ կատարելու մասին նախագիծ։
«Գովազդի մասին», «Վիճակախաղերի մասին», «Շահումով խաղերի, ինտերնետ շահումով խաղերի և խաղատների մասին», «Հեռուստատեսության և ռադիոյի մասին» ՀՀ օրենքների և հարակից այլ օրենքների, նաև դրանց գործադրման պրակտիկայի ուսումնասիրման արդյունքում, պարզվել է, որ բացակայում է ինտերնետ շահումով խաղերի և վիճակախաղերի (տոտալիզատոր) գովազդի մանրամասն իրավական կարգավորումը։ Մինչդեռ, այդ իրավական բացը կարող է դառնալ անձանց, այդ թվում՝ անչափահասների իրավունքների խախտման պատճառ։
12:50 14.11.2017
«Սոցծառայություններում որոշակի ատկատներ վերցնելու պրակտիկան պահպանվում է, 1,2, որոշ դեպքերում՝ մինչև 3- 4 ամսվա նպաստ են թողնում սոցծառայություններին նպաստ ստանալու համար: Արդյո՞ք նման ահազանգեր ստանում է նաև աշխատանքի և սոցիալական հարցեդրի նախարարությունը և ի՞նչ է անում այդ ահազանգերի ժամանակ»,- Նիկոլ Փաշինյանը Ազգային ժողովի այսօրվա նիստին հարցրել է նախարար Արտեմ Ասատրյանին: Նախարարի խոսքերով ահազանգեր ստանում են, բայց երբ գործը հասնում է գրավոր տեղեկատվություն ներկայացնելուն, նույն բողոքող ընտանիքները մերժում են այն, որ տեսուչների հետ որոշակի գործարքներ են կատարել: Հիշեցնենք, որ կառավարությունը սոցիալական աջակցության և նպաստների մասին օրենքներում փոփոխություններ կատարելու առաջարկ է ներկայացրել, որն էլ այսօր քննարկվում է Ազգային Ժողովում:
12:43 14.11.2017
Ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Երևանի Զավարյան փողոցի 29 շենքի մոտից, գողություն կատարելու կասկածանքով, Մալաթիայի բաժին բերման են ենթարկել 1988 թ. ծնված Գոռ Պ.-ին: Անձնական խուզարկությամբ հայտնաբերվել է դրամապանակ, որի մեջ եղել է 1992 թ. ծնված Աննա Հ.-ի նույնականացման քարտը և 20.000 դրամ:
12:14 14.11.2017
ԱԺ-ի հերթական քառօրյայի մեկնարկը բուռն ստացվեց: Նիստերի օրակարգում փոփոխություններ մտցնելու վերաբերյալ ԱԺ-ի նախագահի ելույթից հետո, կարծիքների փոխանակության համար հերթագրեվցին «Ծառուկյան դաշինք» խմբակցության միանգամից 8 պատգամավորներ: Նրանց ելույթները որեվէ կապ չունեյին օրակարգի հետ, այլ տոնավաճառների աշխատողների մտահոգությունների մասին էին: Խմբակցության անդամների խոսքերով հարկային կոշտ վարչարարությունից բողոքում հազարավոր առևտրականներ, և այդ բողոքը ուղղվել է նաեվ խորհրդարանական ուժերին: «Այն ինչ կատարվում է տեռռոր է», -այսպես է բնորոշեց իրավիճակը նաիրա Զոհրաբյանը: Սուր ելույթները հաջորդում էին մեկը մյուսին: Նիստը վարող Էդուարդ շարմազանովը ստիպված եղավ մի քանի անգամ անջատել խոսափողը:
11:49 14.11.2017
«Հայաստանի էլեկտրական ցանցեր»-ից տեղեկացնում են, որ պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար այսօր կհոսանքազրկվեն
11:36 14.11.2017
Գլխավոր դատախազությունում ամփոփվել են 2017թ. նոյեմբերի 5-ին ՀՀ մարզերում կայացած ՏԻՄ ընտրությունների նախապատրաստման և անցկացման ընթացքում առերևույթ ընտրական բնույթի հանցագործությունների վերաբերյալ հաղորդումների և ահազանգերի ստուգման արդյունքները:
11:22 14.11.2017
Նախագահ Սերժ Սարգսյանն այսօր ստորագրել է Ազգային ժողովի ընդունած «Վարչարարության հիմունքների և վարչական վարույթի մասին» Հայաստանի Հանրապետության օրենքում փոփոխություններ կատարելու մասին Հայաստանի Հանրապետության օրենքում լրացումներ կատարելու մասին ՀՀ օրենքը:
09:48 14.11.2017
Շամիրամ գյուղի ղեկավարի թույլտվությամբ գյուղում առանց լիցենզիայի մատուցվել են ատամնաբուժական ծառայություններ:
20:44 13.11.2017
Հանրային խորհուրդը զինծառայության և զինծառայողի կարգավիճակի մասին օրենքի հետ կապված առաջարկներ է ներկայացրել ՊՆ-ին
19:39 13.11.2017
ՀՀ ԳՆ սննդամթերքի անվտանգության պետական ծառայությունը, գյուղատնտեսության նախարարության հետ համատեղ, նոյեմբեր-դեկտեմբեր ամիսներին հանրապետության ողջ տարածքում ուսումնասիրություններ կկատարի պտուղ-բանջարեղենի շուկայում՝ իրացվող պտուղ-բանջարեղենի ծագումը պարզելու և սպառողներին ամբողջական տեղեկատվություն տրամադրելու նպատակով: Միջոցառումների արդյունքները կամփոփվեն դեկտեմբերի վերջին:
19:10 13.11.2017
ՀՀ քննչական կոմիտեի Արմավիրի մարզային քննչական վարչության Վաղարշապատի քննչական բաժնում քննվող քրեական գործով ձեռնարկված քննչական և օպերատիվ-որոնողական գործողությունների արդյունքում հայտնաբերվել է Էջմիածնի բնակչուհուն առևանգելու մեղադրանքով հետախուզման մեջ գտնվող անձը:
19:00 13.11.2017
Անչափահաս աղջկա անվամբ սոցցանցում ստեղծված կեղծ էջի միջոցով անառակաբարո նյութեր ուղարկած անձի նկատմամբ քրեական գործը կասեցվել է:
18:48 13.11.2017
Օրեր առաջ Ուրցաձորի Վայրի կենդանիների փրկարար կենտրոն է տեղափոխվել նաև «Էլ Գարդեն» ռեստորանային համալիրի արջը, հայտնում է Econews.am-ը:
18:09 13.11.2017
ՀՀ քննչական կոմիտեի Արագածոտնի մարզային քննչական վարչությունում քննվող քրեական գործով պարզվել են «Ակբա-կրեդիտ ագրիկոլ բանկ» ՓԲԸ-ի Արագածոտն մասնաճյուղի հաճախորդներից խարդախությամբ գումար հափշտակելու և յուրացնելու դեպքի մի շարք հանգամանքներ. մասնաճյուղի նախկին կառավարչի նկատմամբ հայտարարվել է հետախուզում:
17:24 13.11.2017
Նոյեմբերի 14-ին Հայաստանի արտաքին գործերի նախարար Էդվարդ Նալբանդյանը Մոսկվայում կհանդիպի ԵԱՀԿ Մինսկի խմբի համանախագահների հետ։ Այս մասին հայտարարել է նախարարի մամուլի խոսնակ Տիգրան Բալայանը։
Հանդիպման օրակարգի վերաբերյալ մանրամասները խոսնակը չի ներկայացրել։
17:11 13.11.2017
Նախագծի ընդհանուր արժեքը կկազմի 200 մլն դոլար:
16:07 13.11.2017
Հանրապետության տարածքում`
Սպասվում է առանց տեղումների եղանակ:
16:00 13.11.2017
2017 թվականի նոյեմբերի 14-ից Երևան քաղաքի Մալաթիայի-Մեծարենցի, Մանանդյան-Նիզամի, Գաջեգործների 1-ին ու 3-րդ, Չեխովի-Շևչենկոյի և Բուռնազյան-Միչուրինի փողոցների խաչմերուկներում կկատարվեն երթևեկության կազմակերպման փոփոխություններ:
15:41 13.11.2017
«Հայաստանը աշխարհի որոշ մեծահարուստների գրավում է նաև իր կարմկրգրքային թիթեռներով», – այս մասին այօր՝ լրագրողների հետ հանդիպման ժամանկ ասել է Թռչնասերների կենտրոն» ՀԿ նախագահ Սիլվա Ադամյանը, հավելելով, որ աշխարհում ընդունված բիզնե է՝ Միացյալ Նահանգներում, Եվրոպայում շատ տարածված, երբ մեծահարուստները թիթեռները ներ են մուծում իրենցզվարճանքների միջոցառումները զարդարելու համար: Կենդանապաշտպաններն այսօր, ասուլիս հրավիրելով, տեղեկացրել են, որ կենդանիների պաշտպանության […]
15:24 13.11.2017
«Հանուն գիտության զարգացման» նախաձեռնության ուսանողներն ու նրանց համակիրներն այսօր շարունակել են դասադուլը՝ տարկետման իրավունքի փոփոխությունների դեմ բողոքով։
15:15 13.11.2017
Արտակարգ իրավիճակների նախարար Դավիթ Տոնոյանն այսօր ընդունել է Համաշխարհային բանկի տեխնիկական աջակցության փորձագիտական պատվիրակությանը:
Ըստ ԱԻն տարածած հաղորդագորւթյան՝ աշխատանքային խումբը ներկայացրել է Աղետների ռիսկի կառավարման ազգային ծրագրի շրջանակում ՀՀ ԱԻՆ «Հիդրոօդերևութաբանության և մթնոլորտային երևույթների վրա ակտիվ ներգործության ծառայության» կարիքների վերաբերյալ կատարված ուսումնասիրություններն ու դրանց հիման վրա ծառայության արդիականացման և բարեփոխման ճանապարհային քարտեզը:
15:00 13.11.2017
Ինչպես հայտնի է, Հայաստանի Մարդու իրավունքների պաշտպանը դիմել է Սահմանադրական դատարան՝ պարզելու դպրոցական դասագրքերի համար վճարվող գումարների սահմանադրականության հարցը:
14:14 13.11.2017
Նոյեմբերի 12-ի երեկոյան ադրբեջանական դիրքերից գնդակոծվել է Տավուշի սահմանամերձ Բարեկամավան գյուղը։ 17։50-ի սահմաններում կրակոցները տևել են մոտ 5 րոպե, ապա շարունակվել են 18։20-ից սկսած, հայտնում է Aravot.am-ը։
ShantNews․am-ի հետ զրույցում ՀՀ ՊՆ մամուլի խոսնակը տեղեկացրեց, որ արձանագրվել է ՊԿ խոշոր գնդացրի 30 կրակոց և ԴՇԿ խոշոր գնդացրի մի քանի կրակոց։ Դրանց մի մասն է եղել գյուղի ուղղությամբ։
Հովհաննիսյանը նաև տեղեկացրեց, որ վերջին շրջանում Տավուշի դիրքերի ուղղությամբ իրավիճակն ընդհանուր առմամբ հանգիստ է, իսկ գնդակոծությանը հաջորդած գիշերը կրակոցներ չեն եղել։
