19:45 22.09.2021
88-ից հետո կառուցված Անի թաղամասը, քաղաքի հին բնակֆոնդի հետ համեմատ, պետք է որ ունենար շահագործելի, գուցեև վթարներից ապահովագրված ներքին ենթակառուցվածքների ցանց։ Բայց փողոցներում և նկուղներում կուտակվող ջրերն այլ բանի մասին են խոսում։ 30 տարվա թաղամասի ջրագծերը մաշված են, ջրահեռացման ցանցը որոշ հատվածներում չի գործում։ Ջրաշինարարներն արդեն 4 ամիս է աշխատում են թաղամասի տարբեր հատվածներում։
«Հին, մաշված, կոռոզիայի ենթարկված խողովակներ են եղածը։ Մենք ամբողջությամբ նոր ցանց ենք կառուցում։ Աշխատանքային հիդրավլիկան փոխվում է։ Աշխատանքների 65 տոկոսն ավարտված է, թաղամասի 22 կմ երկարության հատվածի 14 կմ-ը, կարելի է ասել՝ վերջացրել ենք։ Էս պահին բնակիչները դեռ հին ցանցով են ջուր ստանում, ցանցը պատրաստ լինելուց հետո շենքերի միացումները կանենք, նոր արդեն ամբողջ ցանցը կշահագործենք»,- SHANTNEWS.am-ի հետ զրույցում ասել է «Դորոժնիկ» ՍՊԸ ներկայացուցիչ Գագիկ Կարապետյանը։
Հին ջրագծերը ամբողջ թաղամասում շրջանցում են, չեն ապամոնտաժում, չեն տեղափոխում, այլ զուգահեռ անցկացնում են նոր ցանց։ Առայժմ բնակիչներին հին ու մաշված խողովակներով է ջուր հասնում: Թաղամասի ջրամատակարարման ու ջրահեռացման ցանցի քարտեզագրում, որպես այդպիսին, գոյություն չունի։ Շինաշխատանքներն նաև այդ պատճառով են որոշ հատվածներում ձգձգվում։ Խրամուղիները փորելուց շինարարը հանդիպում է հողային ծածկույթի տակ մնացած կոյուղատարի, մալուխների ու թաղամասի նախկինում եղած կենտրոնացված ջեռուցման համակարգի դիտահորերի:
Ընդհանուր 22 կմ երկարության ջրագծերի անցկացմանը զուգահեռ, Գյումրիի խիտ բնակեցված թաղամասի համար կառուցվում են օրվա կարգավորիչ ջրամբարներ: 6 տարի ուշացած ծրագրի ավարտը ընթացիկ տարում խիստ անհրաժեշտ է։ Ջրացանցի նորոգումով են պայմանավորված թաղամասում ՎԶԵԲ ծրագրով փողոցաշինության մեկնարկի ժամկետները:
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
18:00 04.04.2025
ՏԿԵ նախարարը հյուրընկալել է երկրաբանության ոլորտի մի շարք ներկայացուցիչներիԵրկրաբանի օրվա կապակցությամբ Տարածքային կառավարման և ենթակառուցվածքների նախարարությունում ՀՀ ՏԿԵ նախարար Դավիթ Խուդաթյանն այսօր հյուրընկալել է երկրաբանության ոլորտի մի շարք ներկայացուցիչների։ Նախարարը ողջունել և շնորհավորել է ոլորտի երկարամյա աշխատակիցներին։ Խուդաթյանը շնորհակալություն է հայտնել նրանց՝ ոլորտում իրենց ներդրած ջանքի ու նվիրումի համար, ինչի արդյունքում հանքարդյունաբերության ոլորտն այսօր Հայաստանում կարող է համարել զարգացած։ Երկրաբանի օրվա կապակցությամբ երկարատև, […] ...
17:55 04.04.2025
Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի. Նազելի ԲաղդասարյանՀՀ վարչապետի մամուլի քարտուղար Նազելի Բաղդասարյանը ֆեյսբուքյան իր էջում գրառում է կատարել՝ անդրադառնալով Գյումրու քաղաքապետի թեկնածու Մարտուն Գրիգորյանի որոշմանը՝ սատարելու Վարդան Ղուկասյանին: «Ե՛վ Գյումրու, ե՛ւ գյումրեցիների համար եք պատասխանատու։ Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։ Իսկ եղավ այն, […] ...
17:48 04.04.2025
UWW-ի անդրադարձը Ալեքսանյանին և ԱմոյանինԸմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...
17:42 04.04.2025
Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անումՍոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...
17:36 04.04.2025
Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնըԱպրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...
