19:54 06.02.2018
Ռուսաստանը պաշտոնապես ազատեց Ղրղզստանին 240 միլիոն դոլար պետական պարտքը մարելու պարտավորությունից։ Այս մասին օրենքը երեկ ստորագրել է երկրի նախագահ Վլադիմիր Պուտինը։ Սա առաջին դեպքը չէ, որ Մոսկվան ներում է պարտքերը այն պետություններին, որոնք հավանաբար չէին էլ վճարի դրանք։ Իսկ ինչպե՞ս է Ռուսաստանը վարվում, երբ Հայաստանն է պարտք լինում։
Վլադիմիր Պուտինի ստորագրությամբ վերջ տրվեց նախորդ տարվա ամռանից շարունակվող գործընթացին, որի նպատակն էր Ղրղզստանին վերջնականապես ազատել ռուսական պարտքից։ Դեռ 2013 թվականին որոշել էին ներել ընդհանուր 500 միլիոն դոլար պարտքը՝190 միլիոն դոլարն անմիջապես, մնացածը՝ տարեցտարի, մինչև այս տարի հարցը վերջնականապես փակվեց։
Ղրղզստանը Կենտրոնական Ասիայում Ռուսաստանի դաշնակից և գործընկեր պետություններից մեկն է։ Այնտեղ գործում է ռուսական ռազմաբազա, երկիրը ՀԱՊԿ ու ԵԱՏՄ անդամ է, ճիշտ, ինչպես Հայաստանը։
2016 թվականին Ռուսաստանը 865 միլիոն դոլար պարտք ներեց նաև Ուզբեկստանին։ Այս դեպքում, սակայն, դաշնակցային հարաբերությունների հարց չկար։ Երկիրը չի անդամակցում ո՛չ ՀԱՊԿ-ին, ո՛չ էլ ԵԱՏՄ-ին։ Սակայն այլ պետություններին Ռուսաստանի ներած պարտքերի ցուցակում սրանք չնչին թվեր են։
Վերլուծաբանների խոսքով՝ Ռուսաստանը ներում է պարտքերը, քանի որ պարտատուներն այսպես, թե այնպես չէին կարող վերադարձնել գումարը։ Սա հատկապես վերաբերում է այն դեպքերին, երբ գումարը տրվել է դեռևս Խորհրդային Միության տարիներին։ Ներելով պարտքը՝ Ռուսաստանն այդ երկրներից կարող է ակնկալել քաղաքական աջակցություն տարբեր հարցերում։ Այլ վերլուծաբաններ պնդում են, որ այդ ակնկալիքները երբեք չեն արդարացել։
Սակայն Հայաստանի դեպքում այս տարբերակը չի աշխատել։ 2000-ական թվականների սկզբից շրջանառության մեջ դրվեց «գույք պարտքի դիմաց» ծրագիրը, որի երկու փուլերով Հայաստանի տարբեր ձեռնարկություններ տրվեցին Ռուսաստանին։
2002 թվականին մոտ 100 միլիոն դոլարի դիմաց Հայաստանը Ռուսաստանին հանձնեց «Մարս» ընկերությունը, Կառավարման ավտոմատացված համակարգերի և Մաթեմատիկական մեքենաների գիտահետազոտական ինստիտուտները, Նյութաբանության արտադրական և գիտահետազոտական ձեռնարկությունը, Հրազդանի ՋԷԿ-ը:
2013 թվականին 300 միլիոն դոլարի դիմաց Հայաստանը Ռուսաստանին հանձնեց «ՀայՌուսգազարդում» ունեցած վերջին 20 տոկոս բաժնեմասը։
Հայաստանը Ռուսաստանին այժմ պարտք է մոտ 250 միլիոն դոլար, գրեթե նույնքան, որքան Ղրղզստանը։ Սրա մեջ մտնում են Մեծամորի ատոմակայանի վերազինման ու բանակի համար զենք գնելու նպատակով ներգրավված վարկերը։
00:00 06.04.2025
Մհեր Մարգարյանն ու Անտոնիո Գուտերեշն ընդգծել են բազմակողմ համագործակցության ձևաչափի ամրապնդման անհրաժեշտությունըՄԱԿ-ում ՀՀ մշտական ներկայացուցչի պաշտոնավարման (2018թ. օգոստոսից) ժամկետի ավարտի կապակցությամբ` ՄԱԿ-ում ՀՀ դեսպան Մհեր Մարգարյանը հանդիպում է ունեցել ՄԱԿ գլխավոր քարտուղար Անտոնիո Գուտերեշի հետ։ Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը ՀՀ դեսպանը կարևորվել է միջազգային հարաբերությունների ներկայիս բարդ ժամանակահատվածում ՄԱԿ դերակատարությունը և Գլխավոր քարտուղարի առաջնորդությունը։ Ընդգծվել է բազմակողմ համագործակցության ձևաչափի ամրապնդման անհրաժեշտությունը` […] ...
23:53 05.04.2025
Al-Ikhbaria. Սիրիայի հարավում դիվերսիայի պատճառով դադարեցվել է էլեկտրամատակարարումըՍիրիայի հարավային Դարաա և Էս-Սուվեյդա նահանգներում էլեկտրաէներգիայի լայնածավալ անջատում է գրանցվել։ Այս մասին հայտնել է Al-Ikhbaria հեռուստաալիքը։ Աղբյուրի տվյալներով՝ էլեկտրամատակարարումը դադարեցվել է դիվերսիայի հետևանքով առաջացած անսարքության պատճառով։ Հաղորդվում է, որ տեխնիկական սպասարկման բրիգադները սկսել են վերանորոգման աշխատանքները: ...
23:48 05.04.2025
Մակրոնը Սթարմերի հետ քննարկել է ԱՄՆ մաքսատուրքերի արձագանքը և Ուկրաինայում տիրող իրավիճակըՖրանսիայի նախագահ Էմանուել Մակրոնը Մեծ Բրիտանիայի վարչապետ Քիր Սթարմերի հետ քննարկել է Վաշինգտոնի նոր մաքսատուրքերին արձագանքելու միջոցները, ինչպես նաև Ուկրաինայում տիրող իրավիճակը։ «ԱՄՆ-ի մաքսատուրքերի պատճառով համաշխարհային տնտեսությանը հասցված հարվածի ֆոնին, մենք հաստատեցինք մեր պատրաստակամությունը սերտորեն համակարգելու դիրքորոշումները (խմբ.ԱՄՆ) նախագահ Դոնալդ Թրամփի հետ բանակցությունների ընթացքում: Առևտրային պատերազմը չի բխում կողմերից ոչ մեկի շահերից», – գրել է […] ...
23:37 05.04.2025
Ի՞նչ կազմով է մասնակցում ՀՀ սպորտային մարմնամարզության թիմը Սերբիայում անցկացվող «Գիմնազիադային»Հայաստանի մարմնամարզության ֆեդերացիայից հայտնել են, որ ապրիլի 4-ից 14-ը Սերբիայի Զլատիբոր քաղաքում անց է կացվելու մինչև 15 տարեկանների դպրոցականների համաշխարհային «Գիմնազիադա»-ն, որին մեր սպորտային մարմնամարզության թիմը կմասնակցի հետևյալ կազմով. մարզիկներ՝ Արսեն Ղազարյան, Արման Ղուկասյան, մարզիչ՝ Արտյոմ Չիլինգարյան, մրցավար՝ Արթուր Գյուրջինյան։ ...
23:24 05.04.2025
ՄԱԿ-ում ՀՀ պատվիրակությունը կարևորել է ռազմական ոլորտում արհեստական բանականության հավելվածների օգտագործման համար մարդկային պատասխանատվության պահպանման անհրաժեշտությունըԱպրիլի 4-ին ՄԱԿ-ում ՀՀ պատվիրակությունը համահեղինակեց «Անվտանգ, ներառական, հուսալի արհեստական բանականության օգտագործումը՝ միջազգային խաղաղության և անվտանգության պահպանման համար» խորագրով ՄԱԿ-ի Անվտանգության խորհրդի «Arria Formula» ձևաչափով հանդիպում՝ կազմակերպված Հունաստանի, Ֆրանսիայի և Կորեայի Հանրապետության պատվիրակությունների կողմից: Այս մասին հայտնել են ՄԱԿ-ում ՀՀ մշտական ներկայացուցչությունից։ Հանդիպմանը Հայաստանի պատվիրակությունն ընդգծեց, որ արհեստական բանականության կարողությունների զարգացումը պետք է կարգավորվի միջազգային […] ...
23:09 05.04.2025
«Դինամո Մինսկ»-«Նեման» հանդիպումը չեղարկվել է. հայտնի է պատճառըՖուտբոլի Բելառուսի առաջնության երրորդ տուրի «Դինամո Մինսկ»-«Նեման» հանդիպումը չեղարկվել է ձյան առատ տեղումների պատճառով։ Այս մասին հայտնում է Մինսկի «Դինամոյի» մամուլի ծառայությունը։ Մինսկում կայացած հանդիպումն առաջին խաղակեսում ընդհատվեց 0։0 հաշվով։ Մրցավարական թիմը որոշեց չեղարկել խաղը այն դադարեցվելուց 20 րոպե անց։ Հանդիպման նոր ժամկետի մասին կհայտարարվի ավելի ուշ։ Առաջին երկու տուրերում «Դինամոն» վաստակել է 4 միավոր […] ...
