Պարալիմպիկ մարզիկի  հաղթանակը․ գյումրեցի ծանրորդ Արթուր Գալստյանը Ազովի ծովի ուժային եռամարտի բաց առաջնության ռեկորդակիր է դարձել – ShantNews – Շանթ Հեռուստաընկերություն – Լուրեր – Shant TV Online
TIME
Ամսաթիվ
04 04 2025
  • $
    391.22
  • RUBLE
    4.63
  • 431.28
WEATHER
+19.09 oC

Պարալիմպիկ մարզիկի  հաղթանակը․ գյումրեցի ծանրորդ Արթուր Գալստյանը Ազովի ծովի ուժային եռամարտի բաց առաջնության ռեկորդակիր է դարձել

18:38 15.09.2021

Արթուրի մարզական բազում նվաճումներից, այս մեկը կարևորներից է իր համար: 10 տարուց ավելի զբաղվում է ծանրամարտով, Հայաստանի պարալիմպիկ առաջնությունների մրցանակակիրն այսօր արդեն միջազգային մրցաշարի ռեկորդակիր է: Ուկրաինայում անցկացված ուժային եռամարտի բաց առաջնությունում Հայաստանը ներկայացել է 10 մարզիկներով, և գրանցել են գերազանց արդյունքներ, վերադարձել  են ռեկորդներ սահմանած և 16 ոսկե, 2 արծաթե մեդալներով: Արթուրն 56 կիլոգրամ քաշային կարգում ռեկորդ է սահմանել՝ բարձրացնելով 77.5 կգ կշռող ծանրաձողը և առաջնության ռեկորդակիր է դարձել:

«Իմ քաշային կարգում, պարալիմպիկ դասակարգում, էս ֆեդերացիան դեռ էսպիսի քաշ պատվիրող մարզիկ չէր ունեցել։ Գաղտնիք բացեմ, շատերը՝ անգամ հաշմանդամություն չունեցողները, քաշային կարգերն ավարտում են մինչև 65 կգ-ով, իսկ ես սկսում եմ այդ քաշով։ Սա ինձ համար կարևոր ու մեծ ձեռքբերում էր։ Էսպիսի գավաթ երկու հատ են տվել, երկուսն էլ Հայաստան է եկել»,- SHANTNEWS.am-ի հետ զրույցում ասել է Արթուր Գալստյանը։

Արթուրն հպարտությամբ է ցույց տալիս նվաճած գավաթը: Այն առանձնակի խորհուրդ ունի՝ իրեն բնորոշ, բացառիկ կամքի ուժի, որը ներդրվել է հանուն հաղթանակի: Փորձություններն հաղթահարելու կամքի ու ճակատագրի հարվածներին դիմանալու ուժն Արթուրն իր մեջ ձևավորել է դեռ փոքր հասակից: Իսկ թե ինչու է այդպես, Արթուրն իր պատճառներն ունի։ Ի ծնե բաժին հասած առողջական խնդիրներն ավելի մեծ տարիքում սկսեց հաղթահարել, հասարակության շրջանում արմատացած վերաբերմունքն իր օրինակով ձգտեց փոխել, նշաձող դրեց իր առջև, որը պետք է տաներ դեպի հստակ նպատակներ:

Արթուրը 30 տարեկան է, ու ամեն օրն իր համար պայքար է: Արթուրի հաղթող տեսակի, ճակատագրի հարվածներին դիմակայող կերպարի մասին  «Շանթ» հեռուստաընկերությունը պատմել էր «Ապագայի համար» նախագծի շրջանակներում, որը փնտրում և գտնում էր ստեղծարար նպատակներ ունեցող, տաղանդավոր երեխաների։ Այդ ժամանակ Արթուրը 25 տարեկան էր, ու նրա երազանքներն ու նպատակներն իր հետ մեծացել էին տնակում։ Ընդամենը 6 մետրանոց տնակն Արթուրն իրեն էր հարմարեցրել, պայմաններ ստեղծել,  ծանրաձողերին ու կշռաքարերին փոխարինող տարբերակներ էր գտել ամենօրյա մարզումներն անցկացնելու համար։

«Ծնվելով 90-ականներին, հաշմանդամություն ունեցող մարդկանց նկատմամբ վերաբերմունքը այլ էր, երբ որ մենք չէինք համարվում լիարժեք անդամ, դու ուղղակի ցանկություն ես ունենում պայքարել, ապրելու ցանկությունը մեծանում է այդ վերաբերմունքից, երազանքները կամաց-կամաց կամքի ուժ են ձևավորում քո մեջ ու պայքարի ուժ տալիս»,- ասում  է Արթուր Գալստյանը։

Արդեն 5 տարի է, որ բնակարանային այլ պայմաններում է ապրում, որտեղ իր մարզումների համար ունի հարմարեցված տարածք ու մարզագույք, բայց չի մոռանում տնակում իր կյանքի անցկացրած ամենաբարդ օրերը։ Արթուրը նույն սկզբունքային ու նպատակասլացն է, նույն ոգով ու ուժով շարունակում է ապրել ու ստեղծել իր անկյունը։ Տնակից միակ գույքը, որ բերել է իր հետ՝ իր սարքած, հարմարեցրած ծանրաձողն է։

Արթուրը Շիրակի պետական համալսարանի ուսանող է, հոգեբանի մասնագիտությունն է ուսումնասիրում, ասում է ՝ իր դեպքում հոգեբանի աշխատանքը լուրջ ու դրական ազդեցություն է թողել, որ կարողացել է սկզբունքորեն հասնել իր նպատակներին: Մարզումները շարունակում է, մեկ ամսից դարձյալ միջազգային մրցաշարի մասնակցելու հայտ է ներկայացնելու՝ այս անգամ պայքարը սպորտի վարպետի վարկանիշ ապահովելու հավակնություններով։

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։

 

Բոլոր լուրերը

Կապակցված լուրեր

UWW-ի անդրադարձը Ալեքսանյանին և Ամոյանին

17:48 04.04.2025

UWW-ի անդրադարձը Ալեքսանյանին և Ամոյանին

Ըմբշամարտի համաշխարհային ֆեդերացիան ներկայացրել է Սլովակիայի մայրաքաղաք Բրատիսլավայում ապրիլի 7-13-ը կայանալիք Եվրոպայի առաջնության անոնսը: Անդրադարձ է կատարվել նաև հունահռոմեական ոճի ըմբշամարտի Հայաստանի հավաքականի առաջատարներ Արթուր Ալեքսանյանին (97 կգ) և Մալխաս Ամոյանին (77 կգ): Օլիմպիական խաղերի ոսկե, արծաթե և բրոնզե մեդալակիր, աշխարհի քառակի ու Եվրոպայի 7-ակի չեմպիոն Ալեքսանյանի հիմնական մրցակիցները կլինեն Եվրոպայի նախկին չեմպիոն Կիրիլ Միլովը […] ...

Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անում

17:42 04.04.2025

Արտարժույթի փոխանակման հայտարարությունները՝ ծուղակ․ ՆԳՆ ոստիկանությունը զգոնության կոչ է անում

Սոցիալական տարբեր կայքերում բազմաթիվ են տարատեսակ, այսպես ասած՝ գայթակղիչ հայտարարությունները, որոնցով քաղաքացիներին առաջարկում են կատարել արտարժույթի՝ մասնավորապես ռուբլու փոխանակում՝ առավել բարձր արժեքով, քան տարադրամի փոխանակման կետերում։ Խարդախության սխեման հետևյալն է. Հանցավորները նախ վարձում են թանկարժեք ավտոմեքենա, որի վարորդին պատվիրում են գնալ երկկողմանի ելումուտ ունեցող առևտրի որևէ կենտրոնի տարածք։ Արտարժույթ փոխանակել ցանկացող անձին ևս խնդրում են […] ...

Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնը

17:36 04.04.2025

Սակուրաները մեծանում և ծաղկում են այնպես, ինչպես հայ-ճապոնական հարաբերությունները. ԱԺ այգում նշվել է Հանամի տոնը

Ապրիլի 4-ին ««Արումենիա-Նիպոն» հայ-ճապոնական գիտամշակութային միություն» հասարակական կազմակերպության նախաձեռնությամբ խորհրդարանի այգում նշվել է ճապոնական Հանամի տոնը, որին մասնակցել են ՀՀ ԱԺ պատգամավորներ, ՀՀ ԱԳՆ ներկայացուցիչներ, «Արումենիա-Նիպոն» միության անդամներ, այլ հյուրեր: Հայաստանում Ճապոնիայի փոխդեսպան Դաբիդե Ցունակակեն՝ ԱԺ այգում մասնակցելով ճապոնական Հանամի տոնին նվիրված միջոցառմանը, ասել է. «Ինձ համար մեծ հաճույք եւ պատիվ է այս գեղեցիկ օրն […] ...

Շրջանառության հարկի դաշտում գործող առք ու վաճառք իրականացնող տնտեսվարողները կկարողանան աջակցություն ստանալ

17:30 04.04.2025

Շրջանառության հարկի դաշտում գործող առք ու վաճառք իրականացնող տնտեսվարողները կկարողանան աջակցություն ստանալ

Այս տարվա 1-ին և 2-րդ եռամսյակների համար շրջանառության հարկի դաշտում գործող առք ու վաճառք իրականացնող տնտեսվարողները Կառավարության որոշմամբ աջակցություն կստանան՝ վճարված շրջանառության հարկի և նույն ժամանակաշրջանում առևտրական գործունեությունից ստացված եկամտի 5%-ի տարբերության չափով։ Բացի այդ, որպես լրացուցիչ աջակցություն, շրջանառության հարկի դաշտում գործող առք ու վաճառք իրականացնող տնտեսվարողները կստանան նաև վճարված շրջանառության հարկի և իրացման շրջանառության 1.5%-ի տարբերության չափով […] ...

Կարևորվել է Հայաստանի և Վիետնամի առողջապահական ոլորտների միջև համագործակցությունը

17:26 04.04.2025

Կարևորվել է Հայաստանի և Վիետնամի առողջապահական ոլորտների միջև համագործակցությունը

Նախարար Անահիտ Ավանեսյանն ընդունել է աշխատանքային այցով Հայաստանում գտնվող վիետնամական պատվիրակության առողջապահության ոլորտի ներկայացուցչին: Վիետնամի Հանրապետության առողջապահության նախարարի տեղակալ Թրան Վան Թուանի հետ հանդիպմանը նախարարը կարևորել է երկու երկրների առողջապահական ոլորտների միջև համագործակցությունը` նշելով. «Սա նոր հնարավորություն է քննարկելու այն մարտահրավերները, որոնք մեր երկրների առողջապահական համակարգերի համար արդիական են: Շատ ենք կարևորում նաև փորձի փոխանակումը […] ...

Ո՞րն է Զիդանի անգլիական սիրելի մարզադաշտը

17:23 04.04.2025

Ո՞րն է Զիդանի անգլիական սիրելի մարզադաշտը

«Ռեալի» նախկին գլխավոր մարզիչ Զինեդին Զիդանը նշել է, որ իր ամենասիրելի անգլիական ստադիոնը «Էնֆիլդն» է: ««Էնֆիլդը» յուրահատուկ մթնոլորտ ունի: Այնտեղ խաղերն այլ կերպ են ընթանում: Ակումբային մակարդակում չեմ խաղացել այնտեղ, բայց ԵՎՐՈ-1996-ի քառորդ եզրափաիչում կարևոր հանդիպում անցկացրինք Նիդերլանդների ընտրանու դեմ: «Ռեալը» գլխավորելիս էլ հանդիպում ունեցանք «Էնֆիլդում»՝ Չեմպիոնների լիգայում», – ֆրանսիացու խոսքերն է մեջբերում Givemesport-ը: ...

BACK_TO_TOP