Սուբվենցիոն ծրագրով նորոգվում է Գյումրիի կենտրոնական հրապարակը

Գյումրիի կենտրոնական հրապարակը 8 տարի առաջ էր հիմնանորոգվել, իսկ հաջորդ տարիներին հրապարակին հարող մայթերից երկուսը սալապատեցին, մյուս երկուսը ՝ ասֆալտապատեցին։ Հիմա առանց մայթերի, հրապարակն ընդգրկվել է սուբվենցիոն ծրագրում, ընդամենը առաջացած ճաքերի պատճառով, որոնք ամեն տարի կոմունալ բաժինը ընթացիկ նորոգումներով փակել է։ Մասնագիտական ուսումնասիրությունների ու ֆինանսական հաշվարկների հանրագումարում են որոշել, որ ձեռնտու է 8 տարի առաջ արված ասֆալտաշերտը քանդել, նորից ասֆալտապատել, քան ամեն տարի ճաքալցումներ անել:

Հրապարակի 10 հազար քառակուսի գծամետր տարածքից ասֆալտաշերտը հեռացվում է  5 սմ խորությամբ, նույն հաստության էլ նոր ասֆալտաշերտն է լինելու։ Հիմնային նորոգում ասվածը, սակայն, չի ենթադրում կոմունիկացիոն ցանցի կամ այլ ենթակառուցվածքների նորացում։ Ջրահեռացման համակարգ անցկացնելու անհրաժեշտություն ևս չկա։

Սուբվենցիոն ծրագրի չափորոշիչներն ու նախապայմաններն էլ ձեռնտու տարբերակ են եղել քաղաքի բյուջեց քիչ գումարներ ծախսելու հաշվին կրկին փորձել հրապարակի ասֆալտաշերտը թարմացնելու ։ 120 միլիոն դրամ արժեքով ծրագրի 60 տոկոսի գումարը քաղաքային բյուջեից կներդրի , իսկ մնացածը՝ պետական ֆինանսավորումն է։ Հրապարակի քարե գորգն ավելին հին է՝ կառուցված 2008 թվականին, բայց նորոգման  աշխատանքներ նախատեսված չեն։

«Հաջորդ տարի սուբվենցիոն ծրագրով շատրվանների աշխատանքը կփոխենք, կկարգավորենք։ Նախկին ծրագիրը, որ կազմեցին բերեցին քննարկելու, ճիշտն ասած, երաշխիքները քիչ էին, դրա համար մենք այդ քայլին չգնացինք ու հրաժարվեցինք։ Հրապարակում ջրահեռացում գոյություն չունի, հետևաբար, ջրահեռացման համակարգ չի լինի, բնական թեքություններով է ջուրը հոսում: Հետիոտնային անցումները՝ 8 մետր լայնությամբ, չորս կողմերով լինելու են սալապատ»,- SHANTNEWS.am-ի հետ զրույցում ասել Գյումրիի քաղաքապետարանի բնակկոմունալ բաժնի պետ Կնյազ Մանասյանը։

Իսկ hաջորդ տարի նույն սուբվենցիոն ծրագրով պատրաստվում են շատրվանը նորացնել։ Անցած տարվանից շատրվանի տեխնիկական վիճակի ուսումնասիրության մասին եզրակացություն կար, նախագիծ էլ կար, թե ինչպիսի տեսք էր ունենալու 1961 թվականին կառուցված շատրվանը։ Պարզվում է որոշակի ֆինանսական միջոցներ հատկացնելու արդյունքում կազմված նախագիծն արդեն պետքական չէ, նորը կազմելու մասին են մտածում։

Առայժմ կոմունալ բաժնի համար հստակ են կենտրոնական հրապարակի ասֆալտաշերտի նորացման աշխատանքների ժամկետները։ Երկու ամսում, ինչպես կոմունալ բաժնի պետն է նշում, հիմնանորոգումները պետք է ավարտվեն։ Ասֆալտաշերտն հեռացնելուց հետո աշխատատար գործը կլինի հետիոտնային անցումների սալապատումը, այսինքն՝հրապարակում ևս դրանք գծանշումներով չեն լինի։ Հիմա աշխատանքները հրապարակի մի հատվածում են, շրջանաձև երթևեկությունն էլ ժամանակավոր հանդիպակաց է դարձել։

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև  Shant Digital Tv հավելվածով՝ ամբողջ աշխարհում։