26 11 2024

$

390.88
3.71
€

411.09

+6.09 ^oC

Շիրակի մարզի Սպանդարյան գյուղում ոռոգման ներքին ցանց է կառուցվում

ՀԱՅԱՍՏԱՆ

20:59 23.07.2021

Շիրակի մարզի համայնքներն այս տարի 60-ից ավելի սուբվենցիոն հայտեր են ներկայացրել: Դրանք վերաբերում են ջրամատակարարման ու ոռոգման համակարգերի անցկացմանը, ճանապարհաշինությանը, հակակարկտային ու ֆոտովոլտային կայանների տեղադրմանը: 59 հայտ հաստատման ու մրցութային փուլում է: Իսկ 3-ի աշխատանքները մեկնարկել են: Արթիկի տարածաշրջանի Սպանդարյան գյուղում պետության 65 և գյուղապետարանի 35% համաֆինանսավորմամբ ոռոգման ներքին ցանցի անցկացման աշխատանքները մեկնարկել են:

Բաց, հողե հունով հոսելու հետևանքով ոռոգման ջուրը կորուստներով է տեղ հասել, հետն էլ գյուղամիջյան ճանապարհն է շարքից դուրս եկել: Հարևանական կռիվներն էլ անպակաս են եղել: Դրա համար էլ գյուղի ոռոգման ներքին ցանցի անցկացման աշխատանքներն այս հատվածից են սկսել:

Սուբվենցիոն հայտ էին ներկայացրել 1 ու կես կմ ոռոգման ներքին ցանց անցկացնելու համար: Աշխատանքները գնահատվել են 19 մլն 990 հազար դրամ, որից 35%-ը գյուղապետարանն է վճարում, 65-ը՝ կառավարությունը: Հաշվարկներն արել են, մրցույթ հայտարարել, հետո աշխատանքի ծավալները փոխվել ու նվազել են: 1500 մետրի փոխարեն 1022 մետր ցանց է կառուցվում: Բետոնյա տաշտակների փոխարեն էլ ավելի փոքր տրամագծով մետաղական խողովակներ են անցկացվում:

«Հաշվի ենք առել, որ կբավականացնի տվյալ թաղամասի բնակիչներին: Ծրագիրը, որ մենք նախնական ներկայացրել ենք, շինանյութի գները մատչելի էին, բայց ծրագիրը ներկայացնելուց հետո տեղի ունեցավ շինանյութի թանկացում: Դրա համար ծրագիրը 50 %-ով կրճատվեց և որպեսզի ծրագիրն ընդհանրապես դուրս չգար, տեղի ունեցան փոփոխություններ»,- SHANTNEWS-ին ասել է Սպանդարյանի գյուղապետ Ավետիք Մխիթարյանը:

Միայն այս հատվածում 300 մետր ցանց է կառուցվում: Նաև տնային միացումներ են կատարում: Ամեն տան տնամերձին առանձին խողովակով ջուրը տեղ կհասնի:

Սպանդարյանում հացահատիկի ցանքերը անջրդի են, ոռոգում են բանջարաբոստանային կուլտուրաներն ու տնամերձները: Ոռոգման ջուր ստանում են Մանթաշի ջրամբարից: Իրենց հասանելիք ջրի արդյունավետ օգտագործման արդյունքում մոտ 10 հեկտար ջրովի վարելահողերը կավելանան:

«Ամբողջ ջրի 60-70 % կորել է, որովհետև եկել է ճանապարհով: Հիմա հույս ունենք, որ 5-10 հեկտար գոնե կավելացնենք ջրովի տարածքները: Ծրագրի նպատակը դա է, նաև ջրակորուստների նվազեցումը: Եթե մայր առվից ճանապարհով ջուրը գալիս էր 3-4 ժամում, ապա հիմա 15-20 րոպեում տեղ կհասնի»,- նշել է Ավետիք Մխիթարյանը:

Սա Սպանդարյանում ոռոգման ցանցի անցկացման աշխատանքների առաջին փուլն է: Ֆինանսական հնարավորությունները գյուղապետարանին թույլ են տվել միայն մի հատվածում ներքին ցանցը կառուցել: Գյուղում դեռ մոտ 10 կմ ոռոգման ցանցը հողային առուներով է, որոնք գյուղապետարանը հաջորդ տարիների սուբվենցիոն հայտերի հերթում է դրել:

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX ,ARPINET, Opticom,SHIRAK telecom , HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։

Բաժանորդագրվեք SHANTNEWS.am-ին Telegram-ում

Բոլոր լուրերը

17:38 26.11.2024
Սուպերհամակարգիչը կանխատեսել է Պրեմիեր լիգայի չեմպիոնին

Կապակցված լուրեր

17:38 26.11.2024

Սուպերհամակարգիչը կանխատեսել է Պրեմիեր լիգայի չեմպիոնին

Opta վիճակագրական ռեսուրսի սուպերհամակարգիչը կանխատեսել է Անգլիայի Պրեմիեր լիգայի չեմպիոնին։ Սուպերհամակարգիչը հաշվի է առել անցած 12 տուրի արդյունքները։ Ըստ սարքի` չեմպիոնի տիտղոսը 69,5 տոկոս հավանականությամբ նվաճելու է «Լիվերպուլը»։ Գործող չեմպիոն «Մանչեսթեր Սիթիի» շանսերը գնահատվում է 23,3, «Արսենալինը»` 6,5, իսկ «Չելսիինը»` 0,6 տոկոս։ Պրեմիեր լիգայի առաջատարը 31 միավորով «Լիվերպուլն» է։ Երկրորդ տեղում «Մանչեսթեր Սիթին» է, որը […] ...

17:33 26.11.2024

Գիտնականները հերքել են Հերոդոտոսի վարկածը հայերի բալկանյան ծագման մասին

Գիտնականները հերքել են անտիկ շրջանի հույն պատմիչ Հերոդոտոսի վարկածն այն մասին, թե հայերի նախնիները բալկանյան ծագում ունեն։ «Արմենպրես»-ի փոխանցմամբ՝ American Journal of Human Genetics ամսագրում հրապարակված հոդվածում նշվում է, որ գենետիկները կարդացել են 57 հայերի ԴՆԹ-ն՝ նրանց պոպուլյացիայի ժողովրդագրական պատմությունն ուսումնասիրելու նպատակով և հաստատել են դիտարկումներն այն մասին, որ ժամանակակից հայերին գենետիկորեն մոտ մարդիկ կովկասյան […] ...

17:26 26.11.2024

Ալեն Սիմոնյանն ընդունել է Լեհաստանի նախագահ Անջեյ Դուդային

ՀՀ ԱԺ նախագահ Ալեն Սիմոնյանը նոյեմբերի 26-ին ընդունել է պաշտոնական այցով Հայաստանում գտնվող Լեհաստանի նախագահ Անջեյ Դուդային: Ընդլայնված կազմով տեղի ունեցած հանդիպմանն անդրադարձ է կատարվել հայ-լեհական օրակարգին վերաբերող հարցերի լայն շրջանակի: ՀՀ ԱԺ նախագահը շնորհակալություն է հայտնել Լեհաստանի նախագահին Հայաստան կատարած այցի համար ու նշել, որ ուրախ է հյուրընկալել վերջինիս ՀՀ Ազգային ժողովում: Լեհաստանի նախագահն […] ...

17:21 26.11.2024

Կողմերը պատրաստակամություն են հայտնել ընդլայնելու համագործակցության շրջանակը

ՆԳՆ ոստիկանության պետ-ներքին գործերի նախարարի տեղակալ Արամ Հովհաննիսյանը նոյեմբերի 26-ին ընդունել է ՀՀ-ում ԱՄՆ դեսպանատան Թմրամիջոցների դեմ պայքարի և իրավապահ համագործակցության գրասենյակի տնօրեն Զաքարի Բարթերի գլխավորած պատվիրակությանը։ Արամ Հովհաննիսյանը շնորհակալություն է հայտնել ամերիկյան կողմին՝ ՆԳ նախարարության բարեփոխումների գործընթացում ցուցաբերվող շարունակական աջակցության համար: Անդրադառնալով Ոստիկանության ոլորտի բարեփոխումներին՝ Արամ Հովհաննիսյանը մատնանշել է Համայնքային և Քրեական ոստիկանությունների ձևավորումը, […] ...

17:16 26.11.2024

Հայտնի են MLS-ի կիսաեզրափակչի զույգերը

LS-ի փլեյ-օֆֆում հայտնի են դարձել կիսաեզրափակչի զույգերը. «Օռլանդո Սիթին» կմրցի «Նյու Յորք Ռեդ Բուլսի» հետ, իսկ «Լոս Անջելես Գելեքսին»-՝ «Սիեթլ Սաունդերսի»։ Քառորդ եզրափակչում «Լոս Անջելես Գելեքսին» տնային խաղում 6-2 հաշվով վստահ հաղթանակ էր տարել «Մինեսոտայի» նկատմամբ։ «Սիեթլ Սաունդերսը» հյուրընկալվելիս լրացուցիչ ժամանակում 2-1 հաշվով կամային հաղթանակ էր տարել «Լոս Անջելեսի» նկատմամբ։ «Նյու Յորք Ռեդ Բուլսը» մրցակցի […] ...

17:12 26.11.2024

Ի պատիվ Լեհաստանի նախագահ Անջեյ Դուդայի` նախագահ Վահագն Խաչատուրյանի անունից տրվել է պաշտոնական ճաշ

Ի պատիվ պաշտոնական այցով Հայաստանում գտնվող Լեհաստանի նախագահ Անջեյ Դուդայի` Հանրապետության նախագահի նստավայրում նախագահ Վահագն Խաչատուրյանի անունից տրվել է պաշտոնական ճաշ: Պաշտոնական ճաշի ընթացքում նախագահները հանդես են եկել բաժակաճառերով: Քննարկվել են երկու երկրների պատմական, առևտրային, մշակութային և այլ ոլորտներում առնչակցությունների, ինչպես նաև փոխգործակցության առկա ներուժի լիարժեք իրականացման հնարավորությունների և ուղղությունների վերաբերյալ թեմաները: ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.