19:34 31.01.2018
«Հյուսիս-Հարավ» անվանումը ստացած եվրասիական երկաթուղային միջանցքը, որի գաղափարը դեռևս 2000 թվականից շրջանառվում է որպես Հնդկաստանը, Իրանը, Ադրբեջանն ու Ռուսաստանը միավորող ճանապարհ, նորից դարձել է տարածաշրջանային ԶԼՄ-ների առանցքային լուր:
Հնդկաստանի մաքսային ծառայությունների ղեկավար Աշոկ Կումարը հայտարարել է, թե 2018թ. փետրվարին պետք է երկաթուղային ճանապարհը վերջնական շահագործման հանձնվի, ինչը Հնդկաստանից Ռուսաստան և Եվրոպա հասնող բեռների ճանապարհը 35 օրից կկրճատի մինչև 17 օր:
Ըստ նախագծի՝ Հնդկաստանից բեռները լաստանավով պետք է հասնեն իրանական Բանդար Աբաս նավահանգիստ, ապա իրանական երկաթուղային ցանցով անցնեն Ադրբեջան, այնտեղից՝ ՌԴ և Եվրոպա:
«Ադրբեջանական երկաթուղիներ» պետական կազմակերպության փոխտնօրեն Իգբալ Հուսեյնովն իր հերթին հայտարարել է, որ 2018-ի ընթացքում բեռնափոխադրումների ծավալը այս ճանապարհով կկազմի տարեկան մինչև 2 մլն տոննա, 2020-2024թթ.՝ մինչև 5 մլն տոննա, իսկ 2024-ի հետո՝ առնվազն 10 մլն տոննա տարեկան:
Հիշեցնենք, որ «Հյուսիս-Հարավ» ճանապարհի մաս կազմող երկաթուղին, որը պետք է միավորի Իրանի և Ադրբեջանի երկաթուղային ցանցերը, գրեթե 2 տասնամյակ իրականություն չի դառնում հիմնականում իրանական կողմի մեղքով: Իրանցիները, թեև չեն հրաժարվում նախագծից, սակայն տարբեր պատճառաբանություններով ձգձգում են երկաթգծի կառուցումը:
Իրանում հակված են մտածել, որ գոնե այժմ պետք չի միավորել Իրանի և Ադրբեջանի երկաթուղային ցանցերը, քանի որ Ադրբեջանը սպառնալիք է Իրանի ազգային անվտանգության համար:
Եթե կառուցվի Ղազվին-Ռեշտ-Աստարա երկաթուղային ճանապարհը, ապա դա կլինի Հայաստանը շրջանցող ևս մեկ տնտեսական ուղի, ինչը, սակայն, մյուսներից կտարբերվի նրանով, որ դրան մասնակից են դառնում ՀՀ ռազմավարական դաշնակիցներ համարվող Ռուսաստանն ու Իրանը: Հատկապես իրանական կողմի համար անհրաժեշտ է երկաթուղային ճանապարհ դեպի հյուսիս, իսկ այսօր Հայաստանը դա ապահովել չի կարող՝ չիրագործելով Իրան-Հայաստան երկաթուղու շինարարությունը:
Իրանն ու Հայաստանը այժմ տնտեսական ոլորտում համագործակցում են մուլտիմոդալ բեռնափոխադրումների ոլորտում: Բեռները Իրանից բեռնատարներով հասնում են ՀՀ, ապա բարձվում գնացքի վրա և այդկերպ հասնում Սև ծովի նավահանգիստ, այնտեղից՝ Եվրոպա:
Եթե իրականություն դառնա Ղազվին-Ռեշտ-Աստարա երկաթուղու ծրագիրը, ապա դրա շնորհիվ բազմաթիվ բեռնափոխադրողներ կարող են շրջանցել հայաստանյան քանդված ճանապարհները՝ նախընտրելով երկաթուղու՝ ավելի հարմար և էժան տարբերակը:
21:17 19.04.2025
Երևանում «Nissan»-ը բախվել է եզրաքարին, հայտնվել հետիոտնի համար նախատեսված վայրում և կոտրել երկաթե ճաղավանդակըԱպրիլի 19-ին, ավտովթար է տեղի ունեցել Երևանում: Ժամը 12:40-ի սահմաններում «Nissan» մակնիշի ավտոմեքենան Դավիթաշենից դեպի Աշտարակ տանող ճանապարհահատվածում՝ Աշտարակի խճուղում, դեռևս անհայտ հանգամանքներում, դուրս է եկել երթևեկելի գոտուց, անցել բազալտե եզրաքարի վրայով, հայտնվել հետիոտնի համար նախատեսված մայթին՝ կոտրելով երկաթե ճաղավանդակը: Ինչպես հայտնում է shamshyan.com-ը, ըստ նախնական տեղեկությունների՝ բարեբախտաբար տուժածներ չկան: Վթարի փաստով ՊԾ Երևան քաղաքի […] ...
21:00 19.04.2025
Առողջապահության նախարարությունն արդեն մեկ տարի է` տրամադրում է ցրված սկլերոզ ունեցող պացիենտների դեղերըԴեղապահովման մեր ծրագրի հաջողություններից մեկն է ցրված սկլերոզ ունեցող պացիենտների համար դեղի 4 տեսակով ապահովումը: Այս մասին հայտնում են ԱՆ-ից։ «Յուրաքանչյուր հիվանդի համար տարեկան այն արժենում էր 4 մլն դրամ: Առողջապահության նախարարությունն արդեն մեկ տարի է` տրամադրում է դեղը: Կենսական այս ծրագիրը կյանքի է կոչվում բոլորիս ջանքերի` մեր վճարած հարկերի շնորհիվ: Այսօր հարկ վճարողի օրն […] ...
20:50 19.04.2025
Երևանի և մարզերի որոշ հասցեներում լույս չի լինի«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 21-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը` Երևան քաղաք՝ Ժամը 10։00-16:00-ն ընկած ժամանակահատվածում կարգաբերական աշխատանքների իրականացման նպատակով՝ Դավթաշեն 4-րդ թաղամասի և հարակից տարածքների էլ․ սնուցումը 1 ժամով մաս-մաս կդադարեցվի: Երևանի Կենտրոն վարչական շրջան՝ 11։00-17։00 Նալբանդյան փ. 28 հասցե և հարակից ոչ […] ...
20:40 19.04.2025
ՃՏՊ Ձորաղբյուր գյուղում․ կա տուժածԱպրիլի 19-ին, ժամը 17:26-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Ձորաղբյուր գյուղում տեղի է ունեցել ՃՏՊ՝ ավտոմեքենան ընկել է ձորը, կան տուժածներ․ անհրաժեշտ է փրկարարների օգնությունը: Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։ Պարզվել է, որ «Nissan» մակնիշի ավտոմեքենան դուրս է […] ...
20:31 19.04.2025
Asharq. Հռոմում ԱՄՆ-Իրան բանակցություններից հետո Ուիթքոֆը հանդիպել է ԳրոսսիինԱՄՆ նախագահի հատուկ բանագնաց Սթիվեն Ուիթքոֆը հանդիպել է ՄԱԳԱՏԷ-ի գլխավոր տնօրեն Ռաֆայել Գրոսիի հետ ԱՄՆ-Իրան բանակցությունների երկրորդ փուլից հետո։ Այս մասին հայտնում է Asharq հեռուստաալիքը՝ վկայակոչելով աղբյուրներին։ Ապրիլի 19-ին Օմանի միջնորդությամբ Հռոմում կայացել է ԱՄՆ-ի և Իրանի միջև անուղղակի բանակցությունների երկրորդ փուլը։ Ինչպես մեկ շաբաթ առաջ, ամերիկյան պատվիրակությունը գլխավորում էր Ուիթքոֆը, իսկ Իրանի պատվիրակությունը՝ արտգործնախարար […] ...
20:20 19.04.2025
Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվելՆոր Նորք վարչական շրջանի Սուրբ Սարգիս եկեղեցու և Դավիթ Բեկ փողոցի միջնամասի կասկադային հատվածին հարող 6 հա տարածքը կանաչապատ ու խնամված կդառնա: Այս մասին տեղեկացնում են Երևանի քաղաքապետարանից։ «Քաղաքային ծառատունկի շրջանակում շուրջ 1300 ծառ և ավելի քան 200 մշտադալար թուփ է տնկվել, որոնց շարքում՝ սոսիներ, կաղնիներ, ձիակասկեր, կատալպաներ, կեյլեթերիաներ, ինչպես նաև պտղատու ծառատեսակներ են՝ ծիրանենի, […] ...
