24 11 2024

$

389.76
3.79
€

406.40

+10.09 ^oC

Գյումրիի լոկոմոտիվային դեպոյում գործարկվել է հայկական երկաթուղու երկարամյա ղեկավար Համբարձում Ղանդիլյանի անվան էլեկտրաքարշը

ՀԱՅԱՍՏԱՆ

19:40 09.04.2021

Այսօր Գյումրիի լոկոմոտիվային դեպոյի էլեկտրաքարշերից մեկն անվանակոչվել է վաստակաշատ երկաթուղային, հայկական երկաթուղու երկարամյա ղեկավար Համբարձում Ղանդիլյանի անունով։ Այն հայկական երկաթուղու նախկին ղեկավարների անունը կրող երկրորդ անվանական էլեկտրաքարշն է, առաջինը՝ 2013 թվականին, անվանակոչվել էր Արարատ Խրիմյանի անունով։ Կապիտալ վերանորոգված էլեկտրաքարշը կսպասարկի Հայաստան – Վրաստան երկաթգիծը։

13-54 համարի էլեկտրաքարշն արտադրված է 1985 թվականին։ Առաջին անգամ այն կապիտալ վերանորոգման է ենթարկվել է 2009 թվականին Թբիլիսիում։ Սահմանված առավելագույն կիլոմետրերը հաղթահարելուց հետո էլեկտրաքարշը հերթական վերանորոգումն անցել է Գյումրիում։

Փոխվել են էլեկտրաքարշի շարժիչներն ու բարձր լարման կայանի սարքավորումները, թարմացվել է մեքենավարների խցիկներում գնացքի արտաքին տեսքը։

«Համբարձում Ղանդիլյանն իր ամբողջ կյանքը նվիրեց երկաթուղային գործին, ավելի քան 20 տարի ղեկավարեց հայկական երկաթուղին։ Այսօր մեր հիմնական խնդիրը պատմական հիշողությունը պահպանելն է։ Երիտասարդ սերունդը պետք է իմանա անցյալի նվաճումների մասին և հպարտանա իր նախնիների ժառանգությամբ։ Էլեկտրաքարշն անվանակոչելով Համբարձում Ղանդիլյանի անունով, մենք մեր երախտագիտությունն ենք հայտնում վաստակաշատ երկաթուղայինին, այս գնացքը դեռ երկար ճանապարհ ունի անցնելու»,- իր ելույթում նշել է «Հարավկովկասյան երկաթուղի» ՓԲԸ գլխավոր տնօրեն Ալեքսեյ Մելնիկովը։

«Համբարձում Ղանդիլյանը, բացի հայկական երկաթուղուց, աշխատել է նաև Դոնեցկի երկաթուղում։ Այստեղ, դուք որ տեսնում եք, գրեթե բոլորն իր աշակերտներն են կամ աշխատել են իր հետ, ինքը մեծ երկաթուղային էր, մեծ մարդ։ Հիշենք երկրաշարժի տարիները, երբ օրական մենք ընդունում էինք 35-40 գնացք, այդպիսի բան ներկայումս եթե ասենք, բոլորը զարմացած մեզ կնայեն»,- հիշում է երկաթուղային թանգարանի տնօրեն Նիկողայոս Տեր-Կարապետյանը։

Համբարձում Ղանդիլյանը հայկական երկաթուղիները ղեկավարել է 1972-1993 թվականներին։ Որդին՝ Կառլեն Ղանդիլյանը, հիշում է, որ հայրը 90-ականների մութ ու ցուրտ տարիներին նույնիսկ տուն գնալու ժամանակ չի ունեցել, օրվա 24 ժամը տրամադրել է իր աշխատանքին։

«Աշխատանքին մոտեցումը իր եղել է շատ լուրջ, շատ խիստ։ Գիշեր-ցերեկ աշխատել է, եղել են օրեր ու տարիներ, որ նույնիսկ ինքը մնացել է 24 ժամ աշխատավայրում, իր աշխատանքին նվիրվել է մինչև վերջ»,– ասում է Համբարձում Ղանդիլյանի որդին՝ Կառլեն Ղանդիլյանը։

Վերանորոգված էլեկտրաքարշն իր առաջին պտույտը կատարեց լոկոմոտիվային դեպոյի տարածքում։ Առաջիկայում 27 վագոններով կուղևորվի դեպի Վրաստան։

Բակում ցուցադրվեցին նաև Համբարձում Ղանդիլյանի արխիվային փաստաթղթերը, պատմական լուսանկարներն ու շքանշանները։ Դրանք տեղ են գտել երկաթուղայինների թանգարանի ցուցասրահներից մեկում, իսկ նրա մասնագիտական վաստակի մասին պատմություններն առաջիկայում կհրապարակվեն Հայաստանի երկաթուղայինների պատմությանը նվիրված գրքում։

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

12:40 24.11.2024
ՊՆ-ն հորդորում է նախքան իրականությանը չհամապատասխանող հրապարակումներ անելը՝ ճշգրտումներ կատարել գերատեսչության հետ

Կապակցված լուրեր

12:40 24.11.2024

ՊՆ-ն հորդորում է նախքան իրականությանը չհամապատասխանող հրապարակումներ անելը՝ ճշգրտումներ կատարել գերատեսչության հետ

ՀՀ պաշտպանության նախարարությունը հաղորդագրություն է տարածել, որում ասվում է․ «ԶԼՄ հարգելի՛ գործընկերներ, օտարերկրյա լրատվամիջոցներում շարունակում են զետեղվել ՀՀ ԶՈՒ պաշտպանական կարողություններն ընդլայնելու նպատակով սպառազինության ձեռքբերման, ինչպես նաև ձեռքբերման բանակցությունների մանրամասների վերաբերյալ իրականությանը չհամապատասխանող մի շարք հրապարակումներ: Այդօրինակ հրապարակումներն արագորեն տարածում են գտնում նաև Հայաստանի Հանրապետությունում գործող լրատվամիջոցներում: Պաշտպանության նախարարությունը, տեղեկատվական անվտանգության պահպանման նկատառմամբ, ևս մեկ […] ...

12:20 24.11.2024

COP29-ում հաստատվել է կլիմայական նոր կոլեկտիվ նպատակը

Բաքվում կայացած ՄԱԿ-ի կլիմայական COP29 համաժողովում հաստատվել է կլիմայի ֆինանսավորման նոր հավաքական քանակական նպատակի (NCQG) վերջնական տարբերակը, որը նախատեսում է տարեկան առնվազն 300 միլիարդ դոլարի հատկացում մինչև 2035 թվականը, ինչը երեք անգամ գերազանցում է նախորդ նպատակը: Բացի այդ, մասնակից երկրները պայմանավորվել են ստեղծել նոր կլիմայական ֆինանսական հենանիշ՝ «Բաքվի ֆինանսական նպատակ»։ Այս մեխանիզմը նախատեսում է տարեկան […] ...

12:00 24.11.2024

Ռուսաստանը մարդասիրական օգնություն է ուղարկել Մյանմարի բնակչությանը

Ռուսաստանի Դաշնության ԱԻՆ Իլ-76 ինքնաթիռը Մյանմար է հասցրել 33 տոննա մարդասիրական օգնություն, հայտնում է ԱԻՆ-ը։ «ՌԴ նախագահ Վլադիմիր Պուտինի ցուցումով և ՌԴ ԱԻՆ ղեկավար Ալեքսանդր Կուրենկովի հանձնարարությամբ 33 տոննա մարդասիրական օգնություն է ուղարկվել սաստիկ ցիկլոնից տուժած Մյանմարի բնակչությանը»,- ասվում է նախարարության Telegram-ի ալիքում։ Նշվում է, որ բեռը ներառում է առաջին անհրաժեշտության պարագաներ, դեղամիջոցներ, վրաններ, գեներատորներ, […] ...

11:40 24.11.2024

Հորդանանում Իսրայելի դեսպանատան մոտ հրաձգություն է տեղի ունեցել

Հորդանանի ոստիկանությունը կիրակի օրը շրջափակել է Հորդանանի մայրաքաղաք Ամմանում Իսրայելի դեսպանատան հարակից տարածքը այն բանից հետո, երբ դիվանագիտական առաքելության անմիջական հարևանությամբ կրակոցներ են հնչել, հայտնում է The Times of Israel-ը՝ վկայակոչելով ականատեսներին։ Աղբյուրները հայտնել են, որ կրակոցներից հետո ոստիկանությունը և շտապօգնության մեքենաները շտապել են Ռաբիա շրջան, որտեղ գտնվում է դեսպանատունը: Ոստիկանությունը բնակիչներին կոչ է արել […] ...

11:20 24.11.2024

Այրվել է մոտ 500 հակ անասնակեր

Նոյեմբերի 24-ին, ժամը 04:57-ին Արմավիրի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մարգարա գյուղի 5-րդ փողոցի տներից մեկի մոտակայքում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 06:10-ին, մարվել՝ 07:55-ին: Այրվել է մոտ 500 հակ անասնակեր: Հրդեհաշիջման աշխատանքներում ներգրավվել […] ...

11:00 24.11.2024

Դավիթ Խուդաթյանն ընտրվել է ՔՊ-ի Արմավիրի տարածքային կազմակերպության խորհրդի նախագահ

Քաղաքացիական պայմանագիր կուսակցության Արմավիրի գրասենյակում անցկացվել են Արմավիրի տարածքային կազմակերպության խորհրդի անդամների և վերահսկողի ընտրություններ։ Փակ, գաղտնի քվեարկությամբ ձևավորվել է կուսակցության Արմավիրի տարածքային կազմակերպության խորհուրդը, ընտրվել է վերահսկող։ Խորհրդի անդամների քվեարկությամբ ՀՀ Տարածքային կառավարման և ենթակառուցվածքների նախարար Դավիթ Խուդաթյանն ընտրվել է Արմավիրի տարածքային կազմակերպության խորհրդի նախագահ. կուսակցության վարչության նիստում հաստատվել է Դավիթ Խուդաթյանի թեկնածությունը։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.