24 11 2024

$

389.76
3.79
€

406.40

+11.09 ^oC

Հայաստանի տղամարդկանց և կանանց ծանրամարտի հավաքականները Մոսկվայում կմասնակցեն Եվրոպայի առաջնությանը

ՀԱՅԱՍՏԱՆ

19:30 24.03.2021

Ապրիլի 3-11-ը Մոսկվայում կանցկացվի ծանրամարտի մեծահասակների Եվրոպայի առաջնությունը։ Հայաստանի ծանրամարտի տղամարդկանց հավաքականից առաջնությանը կմասնակցեն 10, իսկ կանանց հավաքականից 4 մարզիկներ։

Եվրոպայի առաջնությունը նախատեսված էր անցկացնել 2020 թվականի ապրիլին, բայց համավարակի պատճառով Եվրոպայի ծանրամարտի ֆեդերացիայի որոշմամբ այն հետաձգվել էր մեկ տարով։

Ծանրամարտի կանանց հավաքականից մրցաշարում Հայաստանը կներկայացնեն Իզաբելա Յայլյանը, Տաթև Հակոբյանը, Լիանա Գյուրջյանը և Արփինե Ղազարյանը։ Օլիմպիական խաղերից առաջ Եվրոպայի մրցաշարը մեր մարզուհիների համար վարկանիշային է։

«Եվրոպայի առաջնությանը մենք ներկայանալու ենք չորս մարզուհիներով, որից երկուսը՝ Իզաբելա Յայլյանը և Տաթև Հակոբյանը մասնակցելու են որպես վարկանիշային մրցաշար՝ Օլիմպիական խաղերի վարկանիշ ձեռք բերելու համար։ Եթե երկուսն էլ ունենան վարկանիշ, այդ դեպքում մենք կունենանք ընտրության հնարավորություն, թե ով կարող է մասնակցել, քանի որ Հայաստանից Օլիմպիական խաղերին մասնակցելու են մեկ տղա և մեկ աղջիկ ծանրորդներ»,- SHANTNEWS.am-ի հետ զրույցում ասել է ծանրամարտի Հայաստանի կանանց հավաքականի գլխավոր մարզիչ Արտաշես Ներսիսյանը։

Կանանց հավաքականի մարզուհիները հասցրել են մասնակցել հինգ վարկանիշային մրցաշարերի։ Նախորդ տարի համավարակի պատճառով ծանրորդուհիները մրցաշարերի մասնակցելու հնարավորություն չեն ունեցել, հարկադրված դադարից հետո այժմ նախկին մարզավիճակին վերադառնալը դժվար է։

Ըստ կանանց հավաքականի գլխավոր մարզիչի՝ մեդալներ ու մրցանակային տեղեր նվաճելու շանսերը մեծ են։ Եվրոպայի առաջնության մասնակիցների հետ մարզումներին մասնակցում են նաև պատանի ծանրորդուհիները, որոնք օգոստոսին մասնակցելու են Եվրոպայի պատանիների առաջնությանը։

Կանանց ծանրամարտի հավաքականը համալրվել է նոր ու խոստումնալից մարզուհիներով։ Աշխարհի ու Եվրոպայի չեմպիոն գյումրեցի ծանրորդուհիներին արդեն փոխարինելու են եկել 10-13 տարեկանները, որոնք Հանրապետական ու Միջազգային հեղինակավոր մրցաշարերի հաղթողներ են դարձել։

«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

13:00 24.11.2024
Մեքենայում փակված երեխային օգնության են հասել փրկարարները

Կապակցված լուրեր

13:00 24.11.2024

Մեքենայում փակված երեխային օգնության են հասել փրկարարները

Նոյեմբերի 24-ին, ժամը 10:01-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Լվովյան փողոցում «BMW» մակնիշի ավտոմեքենայի դուռը փակվել է, մանկահասակ երեխան մնացել է ներսում: Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ: Փրկարարները բացել են ավտոմեքենայի դուռը․ ներսում է գտնվել Ռ. Ս.-ն (ծնված 2023 թ․): ...

12:40 24.11.2024

ՊՆ-ն հորդորում է նախքան իրականությանը չհամապատասխանող հրապարակումներ անելը՝ ճշգրտումներ կատարել գերատեսչության հետ

ՀՀ պաշտպանության նախարարությունը հաղորդագրություն է տարածել, որում ասվում է․ «ԶԼՄ հարգելի՛ գործընկերներ, օտարերկրյա լրատվամիջոցներում շարունակում են զետեղվել ՀՀ ԶՈՒ պաշտպանական կարողություններն ընդլայնելու նպատակով սպառազինության ձեռքբերման, ինչպես նաև ձեռքբերման բանակցությունների մանրամասների վերաբերյալ իրականությանը չհամապատասխանող մի շարք հրապարակումներ: Այդօրինակ հրապարակումներն արագորեն տարածում են գտնում նաև Հայաստանի Հանրապետությունում գործող լրատվամիջոցներում: Պաշտպանության նախարարությունը, տեղեկատվական անվտանգության պահպանման նկատառմամբ, ևս մեկ […] ...

12:20 24.11.2024

COP29-ում հաստատվել է կլիմայական նոր կոլեկտիվ նպատակը

Բաքվում կայացած ՄԱԿ-ի կլիմայական COP29 համաժողովում հաստատվել է կլիմայի ֆինանսավորման նոր հավաքական քանակական նպատակի (NCQG) վերջնական տարբերակը, որը նախատեսում է տարեկան առնվազն 300 միլիարդ դոլարի հատկացում մինչև 2035 թվականը, ինչը երեք անգամ գերազանցում է նախորդ նպատակը: Բացի այդ, մասնակից երկրները պայմանավորվել են ստեղծել նոր կլիմայական ֆինանսական հենանիշ՝ «Բաքվի ֆինանսական նպատակ»։ Այս մեխանիզմը նախատեսում է տարեկան […] ...

12:00 24.11.2024

Ռուսաստանը մարդասիրական օգնություն է ուղարկել Մյանմարի բնակչությանը

Ռուսաստանի Դաշնության ԱԻՆ Իլ-76 ինքնաթիռը Մյանմար է հասցրել 33 տոննա մարդասիրական օգնություն, հայտնում է ԱԻՆ-ը։ «ՌԴ նախագահ Վլադիմիր Պուտինի ցուցումով և ՌԴ ԱԻՆ ղեկավար Ալեքսանդր Կուրենկովի հանձնարարությամբ 33 տոննա մարդասիրական օգնություն է ուղարկվել սաստիկ ցիկլոնից տուժած Մյանմարի բնակչությանը»,- ասվում է նախարարության Telegram-ի ալիքում։ Նշվում է, որ բեռը ներառում է առաջին անհրաժեշտության պարագաներ, դեղամիջոցներ, վրաններ, գեներատորներ, […] ...

11:40 24.11.2024

Հորդանանում Իսրայելի դեսպանատան մոտ հրաձգություն է տեղի ունեցել

Հորդանանի ոստիկանությունը կիրակի օրը շրջափակել է Հորդանանի մայրաքաղաք Ամմանում Իսրայելի դեսպանատան հարակից տարածքը այն բանից հետո, երբ դիվանագիտական առաքելության անմիջական հարևանությամբ կրակոցներ են հնչել, հայտնում է The Times of Israel-ը՝ վկայակոչելով ականատեսներին։ Աղբյուրները հայտնել են, որ կրակոցներից հետո ոստիկանությունը և շտապօգնության մեքենաները շտապել են Ռաբիա շրջան, որտեղ գտնվում է դեսպանատունը: Ոստիկանությունը բնակիչներին կոչ է արել […] ...

11:20 24.11.2024

Այրվել է մոտ 500 հակ անասնակեր

Նոյեմբերի 24-ին, ժամը 04:57-ին Արմավիրի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Մարգարա գյուղի 5-րդ փողոցի տներից մեկի մոտակայքում այրվում է անասնակեր։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Հրդեհը մեկուսացվել է ժամը 06:10-ին, մարվել՝ 07:55-ին: Այրվել է մոտ 500 հակ անասնակեր: Հրդեհաշիջման աշխատանքներում ներգրավվել […] ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.