19:40 17.03.2021
Շուշեցի բանաստեղծ Ռոբերտ Եսայանը մեկն է այն արցախցիներից, որ մշակույթի ու արվեստի քաղաք Շուշի վերադառնալու հույսը չի կորցնում։ Եսայանն իր ընտանիքով հիմա ապրում է Գյումրիում: Շուշիում, մինչև պատերազմը, հասցրել էր ավարտել ու տպագրել իր 34-րդ ժողովածուն՝ «Արամորդու գիրը», որի շնորհանդեսը պետք է տեղի ունենար Ստեփանակերտում։
Հարազատ Շուշին կորցնելու իրականության հետ ոչ մի կերպ չի համակերպվում։ Այդ օրերի մղձավանջը մոռանալ օգնում է ստեղծագործելը։ «Արամորդու գիրը» գրքում բանաստեղծը հանգավորումների, բառամթերքի ճիշտ ընտրությամբ նկարագրել է Արցախ աշխարհի տիեզերական գեղեցկությունն ու մարդկային ներաշխարհի աներևույթ կողմերը։
Ժողովածուն լավագույն հայրենասիրական ստեղծագործությունների համար պաշտպանության նախարարության կողմից արժանացել է մրցանակի։
Ռոբերտ Եսայանի պիեսները բեմադրվել են Շուշիի Մկրտիչ Խանդամիրյանի անվան պետական դրամատիկական թատրոնում ու դարձել խաղացանկի ամենադիտված ներկայացումները:
Իր նոթատետրում պահում է նոր ստեղծագործությունների ձեռագրերը: Դեռևս չտպագրված գիրքը գրել է պատերազմից առաջ Շուշիում ու ավարտել Գյումրիում:
«Ես Արցախյան առաջին պատերազմին մասնակցել եմ՝ 92-94 թվականներին, և այս պատերազմին էլ ձգտում էի իմ ուժերի ներածին չափով օգնել թիկունքից։ Ազատ ժամերին ձգտում էի բանաստեղծական տողերով վերարտադրել իրականությունը։ Այդ բանաստեղծությունները գրում էի փոքր թղթերի վրա, երբ Ստեփանակերտից հասնում էի Շուշի, ապաստարանում դրանք արտագրում էի նոթատետրիս մեջ ու խմբագրում»,- Shantnews-ին պատմում է բանաստեղծը։
Ռմբակոծվող Շուշիից կնոջ հետ հեռացել են նոյեմբերի 1-ին՝ տնից վերցնելով միայն գրվածքների բնօրինակները, իսկ մեծ գրադարանը տեղափոխել չի կարողացել:
«Վերջին օրերին ես արդեն զգում էի, որ իրավիճակը գնալով ավելի է սրվում, Շուշին ավելի հաճախակի էին արկակոծում։ Վերջին օրը որոշեցի իմ ձեռագիր ստեղծագործություններս ապահովության համար քաղաքից դուրս բերել։ Մի մասը կինս բերեց, մյուս մասը ես վերցրեցի ինձ հետ ու տեղափոխեցի Գյումրի, այդ ձեռագրերում իմ վերջին մշակումներն ու գրվածքներն էին գտնվում, որոնք ես փրկեցի ոչնչացումից»,- ասում է Ռոբերտ Եսայանը։
Բանաստեղծը ձեռագրերը տպագրելու մեծ ցանկություն ունի։ Այն կդառնա Շուշիում` պատերազմի օրերին գրված ու Գյումրիում ավարտած ստեղծագործությունների մի ժողովածու, որը ծնվել է Արցախի կարոտից ու պատերազմի ծանր օրերի հոգեվիճակից։
«Շանթ Գյումրի» հեռուստաալիքն այս պահին հասանելի է Rostelecom, Delta telecom, TeleMAX, ARPINET, Opticom, SHIRAK telecom, HAY-NET ցանցային օպերատորների կապուղիներով, ինչպես նաև Shant Digital Tv հավելվածով՝ ամբողջ աշխարհում։
17:14 29.04.2025
Խաչանովը պարտվեց Փոլին․ Մադրիդի «Մասթերս»Ռուսաստանը ներկայացնող և չեզոք դրոշի ներքո հանդես եկող հայազգի թենիսիստ Կարեն Խաչանովը երկրորդ մրցախաղը անցկացրեց Մադրիդի «Մասթերսում»: Երրորդ շրջանում աշխարհի 25-րդ ռակետի մրցակիցը 12-րդ ռակետ, ամերիկացի Թոմի Փոլն էր: Մրցախաղն ավարտվեց ամերիկացու հաղթանակով՝ 6-3, 3-6, 6-2։ Փոլը 1/8 եզրափակչում կմրցի Ջեք Դրեյփեր – Մատեո Բերետինի մրցախաղի հաղթողի հետ: Madrid Open-ը մեկնարկել է ապրիլի 24-ին և […] ...
17:06 29.04.2025
Ազգային պարին նվիրված ֆլեշմոբ՝ Երևանում և մարզերումԱպրիլի 29-ին՝ ժամը 18:00-ին, ԿԳՄՍ նախարարության նախաձեռնությամբ Երևանում և ՀՀ մարզերում կիրականացվի ֆլեշմոբ՝ նվիրված Պարի միջազգային օրվան: Պարային հանդիսությանը մասնակից կդառնան ՀՀ պարային խմբերը․ ուղիղ ժամը 18:00-ին ընտրված հարթակներում կհնչի ավանդական քոչարու երաժշտությունը, որը գրանցված է ՅՈՒՆԵՍԿՕ-ի ոչ նյութական մշակութային ժառանգության ցանկում։ Երևանում ֆլեշմոբը կիրականացվի 4 հարթակում՝ Ազատության հրապարակում, Հյուսիսային պողոտայում, Հանրապետության հրապարակում և ԿԳՄՍ […] ...
16:57 29.04.2025
ՀՀ ԱԺ նախագահի տեղակալ Ռուբեն Ռուբինյանի գլխավորած պատվիրակությունը Ստոկհոլմում էՀայաստանի Հանրապետության Ազգային ժողովի եւ Շվեդիայի Թագավորության Ռիկսդագի միջեւ ժողովրդավարական համագործակցության զարգացման ծրագրի շրջանակում ապրիլի 28-29-ը Ստոկհոլմում է գտնվում ՀՀ Ազգային ժողովի նախագահի տեղակալ, ՀՀ Ազգային ժողովի եւ ՇԹ Ռիկսդագի միջեւ ժողովրդավարական համագործակցության զարգացման ծրագրի աշխատանքային խմբի ղեկավար Ռուբեն Ռուբինյանի գլխավորած պատվիրակությունը, որի կազմում են ՀՀ ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը, ՀՀ […] ...
16:50 29.04.2025
Պարի միջազգային օրվա շրջանակում ոլորտի մի շարք ներկայացուցիչներ պարգևատրվել ենԱյսօր Պարի միջազգային օրն է․ այդ կապակցությամբ ՀՀ կրթության, գիտության, մշակույթի և սպորտի նախարար Ժաննա Անդրեասյանը ոլորտի մի շարք ներկայացուցիչների պարգևատրել է ԿԳՄՍՆ մեդալով, պատվոգրերով ու շնորհակալագրերով: Պարգևների հանձնման արարողությանը ներկա է եղել նաև ԿԳՄՍ նախարարի տեղակալ Դանիել Դանիելյանը: Պարգևատրվել են ՀՀ մարզերի և Երևանի պետական և ոչ պետական համույթների ներկայացուցիչներ: Ոլորտում երկարատև գործունեության և […] ...
16:44 29.04.2025
Ծանրամարտի կանանց և տղամարդկանց Հայաստանի հավաքականները` դասակարգման առաջատարներԾանրամարտի եվրոպական ֆեդերացիան թարմացրել է կանանց և տղամարդկանց հավաքականների դասակարգման աղյուսակները` ներկայացնելով թոփ-6-երը: Կանանց և տղամարդկանց Հայաստանի հավաքականները առաջատարներն են: Կանանց հավաքականը 581 միավորով է առաջին տեղում, տղամարդկանցը` 652 միավորով: Հիշեցնենք, որ Մոլդովայի մայրաքաղաք Քիշնևում ավարտված ծանրամարտի Եվրոպայի առաջնությունում կանանց և տղամարդկանց Հայաստանի հավաքականները հաղթել էին թիմային պայքարում: ...
16:37 29.04.2025
Տալլինում համատեղ ասուլիս են տվել Հայաստանի և Էստոնիայի վարչապետերըՀայաստանի արտաքին քաղաքականության վեկտորի, Հայաստան-Ադրբեջան խաղաղության գործընթացի, ԵՄ հետ հարաբերությունների խորացման և մի շարք այլ ուղղությունների շուրջ Տալլինում համատեղ մամուլի ասուլիս են տվել Հայաստանի և Էստոնիայի վարչապետերը: Մանրամասները՝ ռեպորտաժում: ...
