24 11 2024

$

389.76
3.79
€

406.40

+12.09 ^oC

12-րդ դասարանցիներն այսօր պետական ավարտական քննություն են հանձնել «Հայոց լեզու և գրականություն» առարկայից

ԿՐԹՈՒԹՅՈՒՆ

19:48 22.12.2020

Հանրապետության ավագ և միջնակարգ դպրոցներում այսօր անցկացվել են ավարտական քննություններ։ 12-րդ դասարանցիները քննություն են հանձնել «Հայոց լեզու և գրականություն» առարկայից։ Շիրակի մարզի 164 դպրոցներից քննություն է ընթացել 15-ում։ Ըստ նախապես լրացված հայտերի՝ մասնակցել են 12-րդ դասարանի 170 աշակերտներ, որոնք ուսումնական տարվա ավարտին՝ հունիսին, «Հայոց լեզու և գրականություն» առարկայից միասնական քննություններ չեն հանձնի։

«Հայոց լեզու և գրականություն» առարկայից ավարտական քննություն հանձնում են հիմնականում այն աշակերտները, որոնց համար գնահատականը զուտ ատեստատ անցնելու կարևորության է, բուհ ընդունվելու համար այլ որոշիչ միավոր չի հանդիսանում։

Այս տարի պետական ավարտական քննություններն անցկացվում են դպրոցների քննասենյակներում։ Պատճառը նորից համաճարակային իրավիճակն է՝ դրանից բխող կանոնների սահմանումով։ Ամեն մի քննասենյակում թույլատրվում է առավելագույնը 20 աշակերտի ներկայություն, եթե այս քանակից ավելին է հայտերի մասնակիցները անհրաժեշտության դեպքում բաժանվում են խմբերի։

Տարբեր հոսքերում սովորող աշակերտների համար միևնույն առարկայի՝ տվյալ դեպքում «Հայոց լեզու և գրականություն» առարկայից քննությունն անհավասար բարդության է, քանի որ, ըստ ուսումնական պլանի՝ բնագիտական և հումանիտար հոսքերում առարկայի ժամաքանակը տարբեր է։

Քննական հարցաշարերին ու թեստերին ծանոթանալու համար աշակերտներն ունեցել են երկու ամիս։ Հեռավար դասերն ու երկարատև արձակուրդներն իրենց բացասական ազդեցությունն ունեցել են։ Գնահատման և թեստավորման կենտրոնից ստացված հարցաշարերի բովանդակությունից ու բարդությունից 12-րդցիները չդժգոհեցին։ Հատկացված 120 րոպեի ընթացքում 50 հարցերի մեծ մասին կարողացել են պատասխանել։

Աշակերտների գրավոր աշխատանքների ստուգման, գնահատման գործին «Հայոց լեզվի և գրականության» ուսուցիչների մասնակցությունը զրոյական է։ Գրավորների ճիշտ ու սխալ լինելը ստուգվում է Գնահատման և թեստավորման կենտրոնի կայքում հրապարակված պատասխանների հիման վրա։

Քննությունից անցողիկ նվազագույն գնահատականը 8 միավորն է։ Նույն ընթացակարգով են լինելու նաև մյուս քննությունները։ 12-րդ դասարանցիները դեկտեմբերի 24-ին քննություն կհանձնեն «Մաթեմատիկա» առարկայից։

Ալեքս Սարգսյան

Բաժանորդագրվեք SHANTNEWS.am-ին Telegram-ում

Բոլոր լուրերը

15:20 24.11.2024
Ռազմամարզական վարժարանի սաների հագեցած առօրյան․ ՊՆ

Կապակցված լուրեր

15:20 24.11.2024

Ռազմամարզական վարժարանի սաների հագեցած առօրյան․ ՊՆ

ՀՀ պաշտպանության նախարարությունը տեսանյութ է հրապարակել, որում պատմվում է ռազմամարզական վարժարանի սաների հագեցած առօրյայի մասին։ ...

15:00 24.11.2024

Ամմանում քրեական անցյալ ունեցողներին մեղադրել են Իսրայելի դեսպանատան մոտ հրաձգության մեջ

Հորդանանի իշխանությունները մեղադրել են հանցագործներին Իսրայելի դեսպանատան մոտ կիրակի օրը տեղի ունեցած հրաձգության համար, հայտնում է EFE-ն։ «Այդ հարձակումն իրականացվել է հանցագործների կողմից, մարդկանց, ովքեր ունեն քրեական անցյալ և կապված են թմրանյութերի մաֆիայի հետ»,-գործակալությունը մեջբերում է Հորդանանի տեղեկատվության նախարարության ներկայացուցիչ Մուհամմեդ ալ Մոմանիի խոսքերը։ Նա տեղի ունեցածն անվանել է ահաբեկչություն անվտանգության ուժերի դեմ և զգուշացրել, […] ...

14:40 24.11.2024

Օդի ջերմաստիճանը աստիճանաբար կնվազի 6-10 աստիճանով

Երևանում նոյեմբերի 24-ի և 28-ի ցերեկը, 29-ին սպասվում է առանց տեղումների եղանակ։ Նոյեմբերի 25-27-ին, 28-ի գիշերը սպասվում են տեղումներ։ Հանրապետության տարածքում նոյեմբերի 24-ի ցերեկը, 29-ին սպասվում է առանց տեղումների եղանակ։ Նոյեմբերի 25-28-ին հանրապետության շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։ Քամին՝ հյուսիսարևմտյան` 2-5 մ/վ, նոյեմբերի 25-ին առանձին շրջաններում սպասվում է […] ...

14:20 24.11.2024

Պեսկովը հաստատել է, որ Ռուսաստանի միջուկային նորացված դոկտրինը ազդանշան է դարձել Արևմուտքի համար

Ռուսաստանի Դաշնության միջուկային նորացված դոկտրինի հրապարակումը կարելի է ազդանշան համարել ԱՄՆ վարչակազմի համար, որն իրականացնում է ուկրաինական հակամարտության աննախադեպ սրացում։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ լրագրող Պավել Զարուբինին տված հարցազրույցում։ «Դե, իհարկե, այստեղ պատահականություններ չկան, կա որոշակի օրինաչափություն»,- ասել է նա՝ պատասխանելով այն հարցին, թե արդյոք Ռուսաստանի Դաշնության նորացված միջուկային […] ...

14:00 24.11.2024

Տարադրամի փոխարժեքները նոյեմբերի 24-ին

Shantnews.am-ը ներկայացնում է տարադրամի փոխարժեքները՝ ըստ rate.am-ի: ԱՄՆ դոլարի առքի առավելագույն արժեքն է 389 դրամ, վաճառքի նվազագույն արժեքը՝ 392 դրամ: Եվրոյի առքի առավելագույն արժեքն է 406 դրամ, վաճառքի նվազագույն արժեքը՝ 410 դրամ: Ռուսական ռուբլու առքի առավելագույն արժեքն է 3․76 դրամ, վաճառքի նվազագույն արժեքը՝ 4.81 դրամ: ...

13:40 24.11.2024

1 մլրդ դրամ՝ մշակութային կենտրոնների համար անհրաժեշտ գույք, տեխնիկա գնելու համար

1 մլրդ դրամ՝ Երևանի ու մարզերի թատրոների, համերգային դահլիճների, նվագախմբերի համար անհրաժեշտ գույք, տեխնիկա գնելու նպատակով, հայտնում է ՀՀ կառավարությունը։ Այս տարի արդեն 250 միլիոն դրամ արժողությամբ երաժշտական գործիքներ ու լուսաձայնային սարքավորումներ տեղ են հասել, գնման գործընթացը շարունակվում է: Մանրամասները՝ տեսանյութում։ ...

Մենք սոց. ցանցերում

Հետևեք մեզ սոց․ ցանցերում

Հորիզոն լրատվական

Մեր կայքում տեղ գտած հրապարակումների հեղինակային իրավունքը պատկանում է բացառապես shantnews.am-ի խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է խմբագրության համաձայնությունը: Լրատվամիջոցները կարող են shantnews.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:

Բոլոր իրավունքները պաշտպանված են
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց "ՇԱՆԹ ՀԸ" պաշտոնական համաձայնության։.